ດານີເອນ 11:7 - ພຣະຄຳພີສັກສິ

⁷ ອີກ​ບໍ່​ດົນ ຄົນ​ໜຶ່ງ​ໃນ​ພີ່ນ້ອງ​ຂອງ​ນາງ​ກໍ​ຈະ​ກາຍເປັນ​ກະສັດ. ລາວ​ຈະ​ໂຈມຕີ​ກອງທັບ​ຊີເຣຍ, ເຂົ້າ​ໄປ​ຢຶດເອົາ​ປ້ອມ ແລະ​ມີໄຊ​ເໜືອ​ພວກເຂົາ.

ດານີເອນ 11:7 Jak'a apnaqawi uñst'ayäwi

ພຣະທຳ​ໂຢບ 14:7

ສຳລັບ​ຕົ້ນໄມ້​ເມື່ອ​ຖືກ​ປໍ້າ​ແລ້ວ ກໍ​ຍັງ​ມີ​ຄວາມຫວັງ; ມັນ​ຄືນ​ມີ​ຊີວິດ ແລະ​ງອກງາມ​ຂຶ້ນ​ໃໝ່​ໄດ້.

ເພງ^ສັນລະເສີນ 109:8

ຂໍ​ໃຫ້​ຊີວິດ​ຂອງ​ເຂົາ​ນັ້ນ​ຈົບສິ້ນ​ລົງ​ຢ່າງ​ໄວວາ ເພື່ອ​ໃຫ້​ຄົນອື່ນ​ມາ​ຮັບ​ໜ້າທີ່​ແທນ​ເຂົາ.

ເພງ^ສັນລະເສີນ 55:23

ຂ້າແດ່​ພຣະເຈົ້າ ພຣະອົງ​ຈະ​ນຳ​ຜູ້​ທີ່​ຂ້າ​ຄົນ​ແລະ​ຄົນ​ຂີ້ຕົວະ ໃຫ້​ເຂົ້າ​ໄປ​ສູ່​ຂຸມຝັງສົບ​ພຸ້ນ ກ່ອນ​ທີ່​ອາຍຸ​ເຄິ່ງ​ໜຶ່ງ​ຂອງ​ພວກເຂົາ​ໝົດ​ໄປ ສ່ວນ​ຂ້ານ້ອຍ​ໄວ້ວາງໃຈ​ໃນ​ພຣະອົງ.

ເອຊາຢາ 11:1

ເຊື້ອວົງ​ຂອງ​ກະສັດ​ດາວິດ​ເປັນ​ດັ່ງ​ກົກໄມ້​ທີ່​ຖືກ​ປໍ້າ​ລົງ​ແລ້ວ, ແຕ່​ຍັງ​ມີ​ກິ່ງ​ເກີດ​ອອກ​ມາ​ຈາກ​ຕໍ​ນັ້ນ​ສັນໃດ ກໍ​ຈະ​ມີ​ກະສັດ​ອົງ​ໃໝ່ ເກີດຂຶ້ນ​ມາ​ຈາກ​ເຊື້ອສາຍ​ຂອງ​ດາວິດ​ສັນນັ້ນ.

ເອຊາຢາ 9:14

ພຣະເຈົ້າຢາເວ​ຈະ​ລົງໂທດ​ບັນດາ​ຜູ້ນຳ​ຊາດ​ອິດສະຣາເອນ​ແລະ​ປະຊາຊົນ ໃຫ້​ໝົດ​ໄປ​ໃນ​ພຽງ​ວັນດຽວ; ພຣະອົງ​ຈະ​ຕັດ​ຫົວ​ຕັດ​ຫາງ​ພວກເຂົາ​ຖິ້ມ​ໝົດ.

ເຢເຣມີຢາ 12:2

ພຣະອົງ​ປູກ​ພວກເຂົາ​ໄວ້ ແລະ​ພວກເຂົາ​ກໍ​ຢັ່ງຮາກ​ລົງ ພວກເຂົາ​ໃຫຍ່​ຂຶ້ນ​ມາ ແລະ​ເກີດດອກ​ອອກຜົນ​ທັງນັ້ນ. ພວກເຂົາ​ເວົ້າຈາ​ຊົມເຊີຍ​ກ່ຽວກັບ​ພຣະອົງ​ຢູ່​ສະເໝີ ແຕ່​ໃນ​ໃຈ​ຂອງ​ພວກເຂົາ​ພັດ​ບໍ່​ສົນໃຈ​ພຣະອົງ.

ເອເຊກຽນ 17:18

ລາວ​ໄດ້​ລະເມີດ​ຄຳ​ສາບານ​ຂອງຕົນ ຕະຫລອດ​ທັງ​ໄດ້​ລະເມີດ​ຄຳໝັ້ນ​ສັນຍາ ທີ່​ຕົນ​ໄດ້​ເຮັດ​ໄວ້​ນັ້ນ. ລາວ​ໄດ້​ຝ່າຝືນ​ສິ່ງ​ທັງໝົດ​ເຫຼົ່ານີ້​ທີ່​ລາວ​ໄດ້​ເຮັດ​ໄວ້. ສະນັ້ນ ບັດນີ້ ລາວ​ບໍ່​ຫ່ອນ​ຈະ​ປົບໜີໄປ​ໄດ້.

ດານີເອນ 11:40

ເມື່ອ​ເວລາ​ກຳນົດ​ຂອງ​ກະສັດ​ແຫ່ງ​ຊີເຣຍ​ໃກ້​ຈະ​ໝົດ​ແລ້ວ ກະສັດ​ແຫ່ງ​ເອຢິບ​ຈະ​ໂຈມຕີ​ລາວ. ແຕ່​ລາວ​ຈະ​ໃຊ້​ກຳລັງ​ອຳນາດ​ທັງໝົດ​ຕໍ່ສູ້​ຄືນ ຄື​ໃຊ້​ລົດຮົບ, ຝູງ​ມ້າ​ຮົບ ແລະ​ເຮືອ​ເປັນ​ຈຳນວນ​ຫລາຍ. ລາວ​ຈະ​ບຸກໂຈມຕີ​ຫລາຍ​ປະເທດ​ເໝືອນ​ນໍ້າ​ໄຫລ​ຖ້ວມ.

ດານີເອນ 11:6

ຫລັງຈາກ​ນັ້ນ​ມາ​ຫລາຍ​ປີ ກະສັດ​ແຫ່ງ​ເອຢິບ​ຈະ​ໃຫ້​ລູກສາວ​ຂອງຕົນ ແຕ່ງງານ​ກັບ​ກະສັດ​ແຫ່ງ​ຊີເຣຍ​ເພື່ອ​ເປັນ​ພັນທະມິດ​ກັນ. ແຕ່​ພັນທະມິດ​ຈະ​ຢູ່​ບໍ່ໄດ້​ເຫິງ​ເພາະ​ນາງ​ພ້ອມ​ທັງ​ຜົວ, ທັງ​ລູກ, ແລະ​ພວກ​ຄົນ​ຮັບໃຊ້​ທີ່​ໄປ​ກັບ​ນາງ​ນັ້ນ​ຈະ​ຖືກ​ຂ້າ​ໝົດ.

ມາລາກີ 4:1

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ວ່າ, “ວັນ​ນັ້ນ​ກຳລັງ​ມາ​ເຖິງ ຄື​ມື້​ທີ່​ຄົນ​ຈອງຫອງ​ແລະ​ຄົນຊົ່ວ​ທຸກຄົນ​ຈະ​ຖືກ​ໄຟ​ເຜົາ​ດັ່ງ​ເຟືອງ. ໃນ​ວັນ​ນັ້ນ ພວກເຂົາ​ຈະ​ຖືກ​ໄຟ​ເຜົາ ແລະ​ຈະ​ບໍ່ມີ​ຫຍັງ​ເຫຼືອ​ຢູ່​ເລີຍ.

ລູກາ 12:20

ແຕ່​ພຣະເຈົ້າ​ກ່າວ​ແກ່​ລາວ​ວ່າ, ‘ຄົນ​ໂງ່​ເອີຍ ໃນ​ຄືນ​ນີ້​ແຫຼະ ຊີວິດ​ຂອງ​ເຈົ້າ​ຈະ​ດັບ​ໄປ​ຈາກ​ເຈົ້າ, ສ່ວນ​ສິ່ງຂອງ​ທີ່​ເຈົ້າ​ໄດ້​ຫາ​ມາ​ໄວ້​ນັ້ນ ຈະ​ຕົກ​ເປັນ​ຂອງ​ຜູ້ໃດ?’