ດານີເອນ 11:6 - ພຣະຄຳພີສັກສິ

⁶ ຫລັງຈາກ​ນັ້ນ​ມາ​ຫລາຍ​ປີ ກະສັດ​ແຫ່ງ​ເອຢິບ​ຈະ​ໃຫ້​ລູກສາວ​ຂອງຕົນ ແຕ່ງງານ​ກັບ​ກະສັດ​ແຫ່ງ​ຊີເຣຍ​ເພື່ອ​ເປັນ​ພັນທະມິດ​ກັນ. ແຕ່​ພັນທະມິດ​ຈະ​ຢູ່​ບໍ່ໄດ້​ເຫິງ​ເພາະ​ນາງ​ພ້ອມ​ທັງ​ຜົວ, ທັງ​ລູກ, ແລະ​ພວກ​ຄົນ​ຮັບໃຊ້​ທີ່​ໄປ​ກັບ​ນາງ​ນັ້ນ​ຈະ​ຖືກ​ຂ້າ​ໝົດ.

ດານີເອນ 11:6 Jak'a apnaqawi uñst'ayäwi

ພຣະທຳ​ໂຢບ 38:15

ແສງແຈ້ງ​ມື້​ເວັນ​ນັ້ນ ແຈ້ງ​ໂພດ​ສຳລັບ​ຄົນ​ບໍ່​ດີ ແລະ​ຈຳກັດ​ພວກເຂົາ​ບໍ່​ໃຫ້​ເຮັດ​ສິ່ງ​ທີ່​ໂຫດຮ້າຍ.

ເພງ^ສັນລະເສີນ 10:5

ຄົນຊົ່ວຮ້າຍ​ສຳເລັດຜົນ​ໃນ​ທຸກໆສິ່ງ ແຕ່​ພວກເຂົາ​ບໍ່​ສາມາດ​ເຂົ້າໃຈ​ການຕັດສິນ​ຂອງ​ພຣະອົງ​ໄດ້ ພວກເຂົາ​ຈຶ່ງ​ກ່າວ​ຄຳເຍາະເຍີ້ຍ​ໃສ່​ຄູ່​ຕໍ່ສູ້.

ເອເຊກຽນ 30:21

“ມະນຸດ​ເອີຍ ເຮົາ​ໄດ້​ເຮັດ​ໃຫ້​ແຂນ​ກະສັດ​ແຫ່ງ​ເອຢິບ​ຫັກ. ບໍ່ມີ​ຜູ້ໃດ​ເອົາ​ຜ້າ​ພັນ​ແຂນ​ໃຫ້​ຫລື​ເຮັດ​ຫ່ວງ​ຫ້ອຍ​ຄໍ​ໃຫ້ ເພື່ອ​ວ່າ​ແຂນ​ນັ້ນ​ຈະ​ດີ​ແລະ​ແຂງແຮງ​ແລະ​ຈັບ​ດາບ​ໄດ້​ອີກ.

ດານີເອນ 11:13

ຝ່າຍ​ກະສັດ​ແຫ່ງ​ຊີເຣຍ​ຈະ​ກັບຄືນ​ໄປ ເພື່ອ​ລວບລວມ​ພົນຮົບ​ໃຫ້​ໄດ້​ຫລາຍກວ່າ​ແຕ່​ກ່ອນ. ເມື່ອ​ເວລາ​ອັນ​ເໝາະສົມ​ມາ​ເຖິງ​ແລ້ວ ລາວ​ພ້ອມ​ທັງ​ກອງທັບ​ອັນ​ໃຫຍ່ໂຕ​ທີ່​ມີ​ອາວຸດ​ຢ່າງດີ​ຈະ​ກັບຄືນ​ມາ​ອີກ.

ດານີເອນ 11:15

ສະນັ້ນ ກະສັດ​ແຫ່ງ​ຊີເຣຍ​ຈະ​ປິດລ້ອມ​ເມືອງ​ທີ່​ມີ​ປ້ອມ​ປ້ອງກັນ ແລ້ວ​ຢຶດເອົາ​ເມືອງ​ນັ້ນ. ພວກ​ທະຫານ​ເອຢິບ​ຈະ​ເຊົາ​ຕໍ່ສູ້ ແມ່ນແຕ່​ທະຫານ​ທີ່​ເກັ່ງກ້າ​ທີ່ສຸດ​ກໍ​ບໍ່​ແຂງແຮງ​ພໍ.

ດານີເອນ 11:40

ເມື່ອ​ເວລາ​ກຳນົດ​ຂອງ​ກະສັດ​ແຫ່ງ​ຊີເຣຍ​ໃກ້​ຈະ​ໝົດ​ແລ້ວ ກະສັດ​ແຫ່ງ​ເອຢິບ​ຈະ​ໂຈມຕີ​ລາວ. ແຕ່​ລາວ​ຈະ​ໃຊ້​ກຳລັງ​ອຳນາດ​ທັງໝົດ​ຕໍ່ສູ້​ຄືນ ຄື​ໃຊ້​ລົດຮົບ, ຝູງ​ມ້າ​ຮົບ ແລະ​ເຮືອ​ເປັນ​ຈຳນວນ​ຫລາຍ. ລາວ​ຈະ​ບຸກໂຈມຕີ​ຫລາຍ​ປະເທດ​ເໝືອນ​ນໍ້າ​ໄຫລ​ຖ້ວມ.

ດານີເອນ 11:7

ອີກ​ບໍ່​ດົນ ຄົນ​ໜຶ່ງ​ໃນ​ພີ່ນ້ອງ​ຂອງ​ນາງ​ກໍ​ຈະ​ກາຍເປັນ​ກະສັດ. ລາວ​ຈະ​ໂຈມຕີ​ກອງທັບ​ຊີເຣຍ, ເຂົ້າ​ໄປ​ຢຶດເອົາ​ປ້ອມ ແລະ​ມີໄຊ​ເໜືອ​ພວກເຂົາ.

ເຊກາຣີຢາ 11:16

ເຮົາ​ໄດ້​ໃຫ້​ຄົນລ້ຽງແກະ​ຜູ້ໜຶ່ງ​ເບິ່ງແຍງ​ຝູງແກະ​ຂອງເຮົາ ແຕ່​ລາວ​ບໍ່ໄດ້​ຊ່ວຍ​ແກະ​ທີ່​ກຳລັງ​ຈະ​ຈິບຫາຍ​ໄປ; ລາວ​ບໍ່ໄດ້​ຊອກຫາ​ໂຕ​ທີ່​ເສຍໄປ ຫລື​ປິ່ນປົວ​ໂຕ​ທີ່​ຖືກ​ບາດເຈັບ ຫລື​ລ້ຽງດູ​ໂຕ​ທີ່​ລອດຊີວິດ​ຢູ່, ແຕ່​ລາວ​ກັບ​ກິນ​ຊີ້ນ​ຂອງ​ແກະ​ໂຕ​ທີ່​ຕຸ້ຍພີ ແລະ​ຈີກ​ກີບ​ຕິນ​ຂອງ​ມັນ​ອອກ​ເສຍ.