ດານີເອນ 11:21 - ພຣະຄຳພີສັກສິ

²¹ ເທວະດາ​ໄດ້​ອະທິບາຍ​ຕໍ່ໄປ​ວ່າ, “ກະສັດ​ແຫ່ງ​ຊີເຣຍ​ຜູ້​ຕໍ່ໄປ ຈະ​ເປັນ​ຄົນຊົ່ວຮ້າຍ ຜູ້​ບໍ່ມີ​ສິດ​ທີ່​ຈະ​ເປັນ​ກະສັດ, ແຕ່​ລາວ​ຈະ​ຂຶ້ນ​ເປັນ​ກະສັດ​ຢ່າງ​ບໍ່ມີ​ຜູ້ໃດ​ຄາດຄິດ ໂດຍ​ໃຊ້​ກົນອຸບາຍ​ຢຶດຄອງ​ອຳນາດ.

ດານີເອນ 11:21 Jak'a apnaqawi uñst'ayäwi

ເພງ^ສັນລະເສີນ 15:4

ລາວ​ດູຖູກ​ຄົນ​ທີ່​ພຣະເຈົ້າ​ປະຕິເສດ​ເຂົາ ແຕ່​ໃຫ້ກຽດ​ຄົນ​ທີ່​ຢຳເກງ​ພຣະເຈົ້າຢາເວ. ລາວ​ເຮັດ​ຕາມ​ທີ່​ຕົນ​ໄດ້​ສັນຍາ​ໄວ້​ສະເໝີ ເຖິງ​ວ່າ​ຕົນ​ຈະ​ເປັນ​ຝ່າຍ​ເສຍ​ຜົນປະໂຫຍດ​ກໍຕາມ.

ເພງ^ສັນລະເສີນ 55:21

ຄຳເວົ້າ​ລາວ​ນັ້ນ​ນໍ້ານົມ​ຂຸ້ນ​ກໍ​ບໍ່​ນີ້ມ​ປານ ແຕ່​ຈິດໃຈ​ລາວ​ພັດ​ມີ​ແຕ່​ຄວາມ​ຂົມຂື່ນ. ຄຳເວົ້າ​ລາວ​ນັ້ນ​ລ່ຽນໄຫລ​ເໝືອນ​ນໍ້າມັນ​ພືດ ແຕ່​ມັນ​ພັດ​ເປັນ​ດັ່ງ​ມີດ​ຄົມໆ​ໃຊ້​ປາດ​ຊີ້ນ.

ເອຊາຢາ 32:5

ບໍ່ມີ​ຜູ້ໃດ​ເລີຍ​ທີ່​ຈະ​ຄິດ​ຍົກຍ້ອງ​ຄົນໂງ່ຈ້າ​ຫລື​ຈະ​ເວົ້າ​ວ່າ, ຄົນ​ອັນທະພານ​ມີ​ໃຈ​ສັດຊື່.

ດານີເອນ 11:20

ຕໍ່​ຈາກ​ເພິ່ນ​ມາ ຈະ​ມີ​ກະສັດ​ອີກ​ອົງ​ໜຶ່ງ ກະສັດ​ອົງ​ນີ້​ຈະ​ສົ່ງ​ນາຍ​ທະຫານ​ອອກ​ໄປ​ຂົ່ມເຫັງ​ປະຊາຊົນ​ໃຫ້​ເສຍສ່ວຍ ເພື່ອ​ເພີ່ມ​ລາຍໄດ້​ໃຫ້​ອານາຈັກ​ຂອງຕົນ. ອີກ​ບໍ່​ດົນ​ກະສັດ​ອົງ​ນີ້​ກໍ​ຈະ​ຕາຍ; ແຕ່​ບໍ່ແມ່ນ​ຕາຍ​ຍ້ອນ​ໂທດ​ປະຫານ​ຫລື​ຍ້ອນ​ສົງຄາມ.”

ດານີເອນ 11:32

ຝ່າຍ​ກະສັດ​ຈະ​ໃຊ້​ກົນອຸບາຍ ເອົາ​ຊະນະ​ຄົນອື່ນໆ​ທີ່​ປະຖິ້ມ​ພັນທະສັນຍາ​ຂອງຕົນ​ແລ້ວ, ແຕ່​ພວກ​ທີ່​ບົວລະບັດ​ພຣະເຈົ້າ​ກໍ​ຈະ​ຕໍ່ສູ້​ຄືນ.

ດານີເອນ 11:34

ໃນ​ຂະນະທີ່​ມີ​ການ​ຂ້າຟັນກັນ​ຢູ່​ນັ້ນ ປະຊາຊົນ​ຂອງ​ພຣະເຈົ້າ​ຈະ​ໄດ້​ຮັບ​ຄວາມ​ຊ່ວຍເຫລືອ​ໜ້ອຍດຽວ ຍ້ອນ​ຫລາຍ​ຄົນ​ທີ່​ມາ​ຊ່ວຍເຫລືອ​ພວກເຂົາ​ນັ້ນ ຈະ​ເຮັດ​ໄປ​ເພື່ອ​ເຫັນ​ແກ່​ປະໂຫຍດ​ສ່ວນຕົວ.

ດານີເອນ 11:7

ອີກ​ບໍ່​ດົນ ຄົນ​ໜຶ່ງ​ໃນ​ພີ່ນ້ອງ​ຂອງ​ນາງ​ກໍ​ຈະ​ກາຍເປັນ​ກະສັດ. ລາວ​ຈະ​ໂຈມຕີ​ກອງທັບ​ຊີເຣຍ, ເຂົ້າ​ໄປ​ຢຶດເອົາ​ປ້ອມ ແລະ​ມີໄຊ​ເໜືອ​ພວກເຂົາ.

ດານີເອນ 4:17

ນີ້​ແຫຼະ​ຄື​ຄຳ​ຕັດສິນ​ຂອງ​ຝູງ​ເທວະດາ​ຜູ້​ອາລັກຂາ​ນັ້ນ. ສະນັ້ນ ຈົ່ງ​ໃຫ້​ຄົນ​ທັງປວງ​ທຸກທີ່​ທຸກບ່ອນ​ຮູ້​ວ່າ ພຣະເຈົ້າ​ອົງ​ສູງສຸດ​ມີ​ອຳນາດ​ເໜືອ​ອານາຈັກ​ຂອງ​ມະນຸດ ແລະ​ໃຫ້​ຮູ້ວ່າ​ພຣະອົງ​ສາມາດ​ມອບ​ອານາຈັກ​ເຫຼົ່ານີ້​ໃຫ້​ຜູ້ໃດ​ຜູ້ໜຶ່ງ​ຕາມ​ທີ່​ພຣະອົງ​ເລືອກ​ເອົາ​ກໍໄດ້ ເຖິງແມ່ນ​ວ່າ​ເປັນ​ຜູ້​ຕໍ່າຕ້ອຍ​ທີ່ສຸດ​ກໍຕາມ.”’

ດານີເອນ 7:8

ໃນ​ຂະນະທີ່​ຂ້າພະເຈົ້າ​ກຳລັງ​ຈ້ອງເບິ່ງ​ເຂົາ​ເຫຼົ່ານັ້ນ ຂ້າພະເຈົ້າ​ກໍ​ເຫັນ​ເຂົາ​ນ້ອຍໆ​ອັນ​ໜຶ່ງ​ປົ່ງ​ອອກ​ມາ​ຈາກ​ເຂົາ​ທັງໝົດ ແລະ​ເຮັດ​ໃຫ້​ເຂົາ​ສາມ​ອັນ​ໃນ​ນັ້ນ​ຫລ່ອນ​ອອກ. ເຂົາ​ນ້ອຍ​ນີ້​ມີ​ຕາ​ເໝືອນ​ມະນຸດ ແລະ​ມີ​ປາກ​ເວົ້າ​ຄູຍໂມ້​ໂອ້ອວດ​ຢ່າງ​ຈອງຫອງ.

ດານີເອນ 8:23

ເມື່ອ​ອານາຈັກ​ເຫຼົ່ານີ້​ໃກ້​ຈະ​ສິ້ນສຸດ​ລົງ ຄວາມ​ຊົ່ວຮ້າຍ​ຈະ​ມີ​ຫລາຍ​ທີ່ສຸດ ຈົນ​ຖືກ​ລົງໂທດ ແລ້ວ​ກໍ​ຈະ​ມີ​ກະສັດ​ຫົວດື້, ໂຫດຮ້າຍ ແລະ​ສໍ້ໂກງ​ຄົນ​ໜຶ່ງ​ປາກົດ​ຂຶ້ນ​ມາ.

ດານີເອນ 8:25

ຍ້ອນ​ລາວ​ມີ​ຄວາມ​ສະຫລາດ​ແກມໂກງ ລາວ​ຈຶ່ງ​ສໍ້ໂກງ​ຄົນອື່ນ. ລາວ​ຈະ​ອວດຕົວ​ຂຶ້ນ ແລະ​ທຳລາຍ​ປະຊາຊົນ​ຢ່າງ​ຫລວງຫລາຍ ໂດຍ​ບໍ່​ເຕືອນ​ໃຫ້​ຮູ້. ລາວ​ຈະ​ທ້າທາຍ​ແມ່ນແຕ່​ຈອມກະສັດ​ຜູ້​ຍິ່ງໃຫຍ່, ແຕ່​ລາວ​ຈະ​ຖືກ​ທຳລາຍ​ດ້ວຍ​ອຳນາດ​ທີ່​ບໍ່ໄດ້​ມາ​ຈາກ​ມະນຸດ.

ດານີເອນ 8:9

ແລ້ວ​ກໍ​ມີ​ເຂົານ້ອຍ​ອັນ​ໜຶ່ງ​ປົ່ງ​ອອກ​ມາ​ຈາກ​ເຂົາ​ອັນ​ໜຶ່ງ​ໃນ​ສີ່​ເຂົາ​ນີ້ ມັນ​ໄດ້​ສະແດງ​ອຳນາດ​ຂອງມັນ​ໄປ​ທາງ​ທິດໃຕ້​ແລະ​ທິດ​ຕາເວັນອອກ ແລະ​ໄປ​ສູ່​ດິນແດນ​ແຫ່ງ​ພຣະສັນຍາ.

ນາຮູມ 1:14

ພຣະເຈົ້າຢາເວ​ໄດ້​ສັ່ງການ​ຕໍ່​ເຈົ້າ​ຊາວ​ອັດຊີເຣຍ​ດັ່ງນີ້: “ພວກເຈົ້າ​ຈະ​ບໍ່ມີ​ເຊື້ອສາຍ​ສືບຕໍ່​ໃຫ້​ຕະກຸນ​ຂອງ​ພວກເຈົ້າ. ເຮົາ​ຈະ​ທຳລາຍ​ຮູບເຄົາຣົບ​ທີ່​ວິຫານ​ຂອງ​ບັນດາ​ພະ​ຂອງ​ພວກເຈົ້າ. ເຮົາ​ກຳລັງ​ຕຽມ​ຂຸມຝັງສົບ​ໄວ້​ສຳລັບ​ພວກເຈົ້າ. ພວກເຈົ້າ​ບໍ່​ສົມຄວນ​ທີ່​ຈະ​ມີ​ຊີວິດ​ຢູ່​ຕໍ່ໄປ.”

1 ຊາມູເອນ 3:13

ເຮົາ​ໄດ້​ບອກ​ລາວ​ແລ້ວ​ວ່າ ເຮົາ​ຈະ​ລົງໂທດ​ຄອບຄົວ​ຂອງ​ລາວ​ຕະຫລອດໄປ ເພາະ​ພວກ​ລູກຊາຍ​ຂອງ​ລາວ​ໄດ້​ກ່າວ​ຄຳ​ຊົ່ວຊ້າ​ຕໍ່ສູ້​ເຮົາ. ສ່ວນ​ເອລີ​ເອງ​ກໍ​ຮູ້ຈັກ​ວ່າ​ພວກເຂົາ​ເວົ້າ​ດັ່ງນັ້ນ ແຕ່​ລາວ​ບໍ່ໄດ້​ຫ້າມ​ພວກເຂົາ.