ດານີເອນ 11:10 - ພຣະຄຳພີສັກສິ

¹⁰ ບັນດາ​ລູກຊາຍ​ຂອງ​ກະສັດ​ແຫ່ງ​ຊີເຣຍ​ຈະ​ຕຽມ​ສູ້ຮົບ ແລະ​ຈະ​ລວບລວມ​ກອງທັບ​ໄວ້​ເປັນ​ຈຳນວນ​ຫລວງຫລາຍ. ຄົນ​ໜຶ່ງ​ໃນ​ພວກເຂົາ​ຈະ​ຕີ​ຊະນະ​ຢ່າງ​ໄວວາ​ດັ່ງ​ນໍ້າ​ໄຫລ​ຖ້ວມ ແລະ​ໂຈມຕີ​ເອົາ​ປ້ອມ​ແຫ່ງ​ໜຶ່ງ​ຂອງ​ສັດຕູ.

ດານີເອນ 11:10 Jak'a apnaqawi uñst'ayäwi

ເອຊາຢາ 25:12

ພຣະອົງ​ຈະ​ທຳລາຍ​ປ້ອມ​ປ້ອງກັນ​ເມືອງ​ບ່ອນ​ສູງໆ​ໃນ​ດິນແດນ​ໂມອາບ​ລົງ ແລະ​ເຮັດ​ໃຫ້​ມັນ​ຮົກຮ້າງ​ເພພັງ​ຈົນ​ກາຍເປັນ​ຂີ້ຝຸ່ນ.

ເຢເຣມີຢາ 51:42

ທະເລ​ໄຫລ​ຖ້ວມ​ນະຄອນ​ບາບີໂລນ ແລະ​ຄື້ນ​ທະເລ​ກໍ​ຄຶກຄະນອງ​ຖ້ວມ​ເມືອງ.

ດານີເອນ 11:22

ຜູ້ໃດ​ຜູ້ໜຶ່ງ​ທີ່​ຕໍ່ຕ້ານ​ລາວ ຈະ​ຖືກ​ກວາດລ້າງ ແລະ​ຖືກ​ກຳຈັດ ແມ່ນແຕ່​ມະຫາ​ປະໂຣຫິດ​ຂອງ​ພຣະເຈົ້າ​ກໍຕາມ.

ດານີເອນ 11:26

ຄະນະ​ທີ່ປຶກສາ​ຄົນ​ໃກ້​ສິດ​ຂອງ​ລາວ ຈະ​ທຳລາຍ​ລາວ. ພວກ​ທະຫານ​ຫລາຍ​ຄົນ​ຂອງ​ລາວ​ຈະ​ຖືກ​ຂ້າ ກອງທັບ​ຈະ​ຖືກ​ກຳຈັດ​ໃຫ້​ໝົດສິ້ນ​ໄປ.

ດານີເອນ 11:7

ອີກ​ບໍ່​ດົນ ຄົນ​ໜຶ່ງ​ໃນ​ພີ່ນ້ອງ​ຂອງ​ນາງ​ກໍ​ຈະ​ກາຍເປັນ​ກະສັດ. ລາວ​ຈະ​ໂຈມຕີ​ກອງທັບ​ຊີເຣຍ, ເຂົ້າ​ໄປ​ຢຶດເອົາ​ປ້ອມ ແລະ​ມີໄຊ​ເໜືອ​ພວກເຂົາ.

ດານີເອນ 11:9

ແລ້ວ​ກະສັດ​ແຫ່ງ​ຊີເຣຍ​ກໍ​ຈະ​ຍົກທັບ​ເຂົ້າ​ໂຈມຕີ​ປະເທດ​ເອຢິບ, ແຕ່​ຈະ​ຖືກ​ກອງທັບ​ເອຢິບ​ຕີ​ໂຕ້ຕອບ​ຈົນ​ພ່າຍແພ້​ໄປ.

ດານີເອນ 9:26

ໃນ​ບັ້ນປາຍ​ຂອງ​ເວລາ​ນັ້ນ ຜູ້ນຳ​ທີ່​ພຣະເຈົ້າ​ໄດ້​ເລືອກໄວ້ ຈະ​ຖືກ​ຂ້າ​ຢ່າງ​ບໍ່​ຍຸດຕິທຳ. ເມືອງ​ແລະ​ພຣະວິຫານ​ກໍ​ຈະ​ຖືກ​ກອງທັບ​ຂອງ​ພວກ​ເຈົ້ານາຍ​ທີ່​ມີ​ອຳນາດ​ຍິ່ງໃຫຍ່​ຄົນ​ໜຶ່ງ​ບຸກຮຸກ​ທຳລາຍ. ຄາວ​ສິ້ນສຸດ​ນີ້​ຈະ​ມາ​ເໝືອນ​ນໍ້າ​ໄຫລ​ຖ້ວມ ໂດຍ​ນຳ​ເອົາ​ເສິກ​ສົງຄາມ ແລະ​ການທຳລາຍ​ທີ່​ພຣະເຈົ້າ​ໄດ້​ຈັດຕຽມ​ໄວ້​ນັ້ນ​ມາ.