ດານີເອນ 1:8 - ພຣະຄຳພີສັກສິ

⁸ ດານີເອນ​ໄດ້​ຕັດສິນໃຈ​ວ່າ​ຈະ​ບໍ່​ໃຫ້​ຕົນເອງ​ເປັນ​ມົນທິນ ຍ້ອນ​ກິນ​ອາຫານ​ແລະ​ເຫຼົ້າ​ອະງຸ່ນ​ຈາກ​ຣາຊສຳນັກ; ດັ່ງນັ້ນ ລາວ​ຈຶ່ງ​ຂໍຮ້ອງ​ໃຫ້​ອັດຊະເປນັດ​ຊ່ວຍເຫລືອ​ຕົນ

ດານີເອນ 1:8 Jak'a apnaqawi uñst'ayäwi

1 ກະສັດ 5:5

ດັ່ງນັ້ນ ຂ້າພະເຈົ້າ​ໄດ້​ຕັດສິນໃຈ​ສ້າງ​ວິຫານ ສຳລັບ​ພຣະນາມ​ພຣະເຈົ້າຢາເວ ພຣະເຈົ້າ​ຂອງ​ຂ້າພະເຈົ້າ ດັ່ງ​ທີ່​ພຣະເຈົ້າຢາເວ​ໄດ້​ສັນຍາ​ຕໍ່​ກະສັດ​ດາວິດ​ພໍ່​ຂອງ​ຂ້າພະເຈົ້າ​ວ່າ, ‘ລູກຊາຍ​ຂອງ​ເຈົ້າ​ຜູ້​ທີ່​ເຮົາ​ຈະ​ໃຫ້​ເປັນ​ກະສັດ​ສືບແທນ​ເຈົ້າ​ນັ້ນ ຈະ​ສ້າງ​ວິຫານ​ສຳລັບ​ນາມຊື່​ຂອງ​ເຮົາ.’

ເພງ^ສັນລະເສີນ 106:28

ແລ້ວ​ທີ່​ເປອໍ​ພວກເຂົາ​ກໍໄດ້​ຮ່ວມ​ຂາບໄຫວ້​ພະບາອານ ແລະ​ໄດ້​ຖວາຍ​ເຄື່ອງບູຊາ​ແກ່​ພະ​ທີ່​ບໍ່ມີ​ຊີວິດ.

ເພງ^ສັນລະເສີນ 119:106

ຂ້ານ້ອຍ​ຈະ​ຢຶດໝັ້ນ​ຄຳສັນຍາ​ທີ່​ໄດ້​ມີ​ໄວ້ ແລະ​ເຊື່ອຟັງ​ຄຳແນະນຳ​ອັນ​ຖືກຕ້ອງ​ຂອງ​ພຣະອົງ.

ເພງ^ສັນລະເສີນ 119:115

ຈົ່ງ​ໜີ​ຈາກ​ຂ້ອຍ​ເຖີດ ເຈົ້າ​ຄົນຊົ່ວຮ້າຍ​ເອີຍ ຝ່າຍ​ຂ້ອຍ​ຈະ​ເຊື່ອຟັງ​ຂໍ້ຄຳສັ່ງ​ພຣະເຈົ້າ​ຂອງຂ້ອຍ.

ເພງ^ສັນລະເສີນ 141:4

ໂຜດ​ຮັກສາ​ຂ້ານ້ອຍ​ໄວ້​ບໍ່​ໃຫ້​ຢາກ​ກະທຳ​ຜິດ ທັງ​ສົມຮູ້​ຮ່ວມຄິດ​ກັບ​ການກະທຳ​ຂອງ​ຄົນຊົ່ວຮ້າຍ. ຂໍ​ຢ່າ​ສູ່​ໃຫ້​ຂ້ານ້ອຍ​ໄດ້​ເຂົ້າ​ໄປ​ຮ່ວມ​ໃນ​ງານ ບ່ອນ​ທີ່​ພວກເຂົາ​ສັງສັນ​ກິນລ້ຽງ​ກັນ​ນັ້ນ​ຈັກເທື່ອ.

ສຸພາສິດ 23:3

ຢ່າ​ໂລບມາກ​ໃນ​ອາຫານ​ດີ​ທີ່​ຄົນ​ຍໍ​ມາ​ໃຫ້ ລາວ​ອາດ​ເຮັດ​ດ້ວຍ​ເຈດຕະນາ​ບໍ່​ດີ​ໃສ່​ເຈົ້າ​ກໍໄດ້.

ດານີເອນ 1:5

ກະສັດ​ຍັງ​ໄດ້​ອອກ​ຄຳສັ່ງ​ໃຫ້​ນຳ​ເອົາ​ອາຫານ ແລະ​ເຫຼົ້າ​ອະງຸ່ນ​ຢ່າງ​ດຽວ​ໃນ​ວັງ ມາ​ໃຫ້​ພວກເຂົາ​ກິນ​ແລະ​ດື່ມ​ທຸກ​ວັນ. ຫລັງຈາກ​ການ​ຝຶກແອບ​ເປັນ​ເວລາ​ສາມ​ປີ​ແລ້ວ ພວກເຂົາ​ຈະ​ຕ້ອງ​ໄປ​ປາກົດ​ຕົວ​ຕໍ່ໜ້າ​ກະສັດ.

ດານີເອນ 5:4

ແລະ​ສັນລະເສີນ​ບັນດາ​ຮູບພະ​ທີ່​ເຮັດ​ດ້ວຍ​ຄຳ, ດ້ວຍ​ເງິນ, ດ້ວຍ​ທອງສຳຣິດ, ດ້ວຍ​ເຫຼັກ, ດ້ວຍ​ໄມ້ ແລະ​ດ້ວຍ​ຫີນ.

ກິດຈະການ 11:23

ເມື່ອ​ເພິ່ນ​ໄດ້​ມາ​ຮອດ ແລະ​ເຫັນ​ພຣະຄຸນ​ພຣະເຈົ້າ​ອວຍພອນ​ຄົນ​ເຫຼົ່ານັ້ນ​ຢ່າງ​ໃດ​ເພິ່ນ​ກໍ​ດີໃຈ ແລະ​ເຕືອນ​ເຂົາ​ທຸກຄົນ​ໃຫ້​ສັດຊື່ ແລະ​ຕັ້ງໝັ້ນຄົງ​ໃນ​ອົງພຣະ​ຜູ້​ເປັນເຈົ້າ​ດ້ວຍ​ສຸດຈິດ​ສຸດໃຈ​ຂອງ​ເຂົາ.

ກິດຈະການ 15:20

ແຕ່​ເຮົາ​ຈົ່ງ​ສັ່ງ​ພວກເຂົາ​ເປັນ​ລາຍລັກ​ອັກສອນ ໃຫ້​ເວັ້ນເສຍ​ຈາກ​ສິ່ງ​ຊົ່ວ​ມົວໝອງ ເນື່ອງ​ດ້ວຍ​ພະທຽມ, ຈາກ​ການ​ຫລິ້ນຊູ້, ຈາກ​ການ​ກິນ​ສັດ​ຕາຍ​ຮັດ​ຄໍ ແລະ​ຈາກ​ການ​ກິນ​ເລືອດ.

1 ໂກຣິນໂທ 7:37

ແຕ່​ຖ້າ​ຊາຍ​ຄົນ​ໃດ​ຕັ້ງໃຈ​ຄັກແນ່ ແລະ​ເຫັນ​ວ່າ​ບໍ່ມີ​ຄວາມ​ຈຳເປັນ ແຕ່​ອາດ​ບັງຄັບ​ໃຈ​ຕົນເອງ​ໄດ້​ດ້ວຍ​ຕັ້ງໃຈ​ວ່າ ຈະ​ໃຫ້​ຍິງ​ນັ້ນ​ເປັນ​ຄູ່ໝັ້ນ​ຂອງຕົນ ກໍ​ເຮັດ​ດີ​ຢູ່.

2 ໂກຣິນໂທ 9:7

ທຸກຄົນ​ຈົ່ງ​ໃຫ້​ຕາມ​ທີ່​ຕົນ​ໄດ້​ຄິດໝາຍ​ໄວ້​ໃນ​ໃຈ ບໍ່ແມ່ນ​ໃຫ້​ດ້ວຍ​ຄິດ​ເສຍດາຍ ຫລື​ດ້ວຍ​ຂືນໃຈ​ໃຫ້ ເຫດ​ວ່າ​ພຣະເຈົ້າ​ຊົງ​ຮັກ​ຄົນ​ນັ້ນ ທີ່​ໃຫ້​ດ້ວຍ​ຊື່ນໃຈ​ຍິນດີ.

ພຣະບັນຍັດສອງ 32:38

ເຈົ້າ​ບູຊາ​ລ້ຽງ​ມັນ​ໄວ້​ໂດຍ​ຖວາຍ​ໄຂມັນ​ໃຫ້​ມັນ​ຮັບ ທັງ​ຖວາຍ​ເຫຼົ້າ​ອະງຸ່ນ​ໃຫ້​ມັນ​ໄດ້​ດື່ມ​ຢ່າງ​ສະບາຍ. ບັດນີ້ ຈົ່ງ​ບອກ​ມັນ​ໃຫ້​ຊ່ວຍເຫລືອ​ເຈົ້າ​ລອງ​ເບິ່ງ ບອກ​ມັນ​ແລ່ນ​ມາ​ຊ່ວຍ​ກູ້​ເອົາ​ເຈົ້າ​ໄວ້​ສາ.