ກິດຈະການ 3:7 - ພຣະຄຳພີສັກສິ

⁷ ແລ້ວ​ເປໂຕ​ກໍ​ຈັບ​ມື​ຂວາ​ຂອງ​ຊາຍ​ຄົນ​ນັ້ນ​ດຶງ​ຂຶ້ນ ໃນ​ທັນໃດນັ້ນ ຕີນ​ແລະ​ຂໍ່​ຕີນ​ຂອງ​ລາວ​ກໍ​ມີ​ແຮງ​ມາ,

ພຣະຄຳພີລາວສະບັບສະໄໝໃໝ່

⁷ ເປໂຕ​ໄດ້​ຈັບ​ມື​ເບື້ອງຂວາ​ຂອງ​ລາວ, ຊ່ວຍ​ດຶງ​ລາວ​ຂຶ້ນ, ທັນໃດນັ້ນ ຕີນ ແລະ ຂໍ່ຕີນ​ຂອງ​ຊາຍ​ຜູ້​ນີ້​ກໍ​ມີ​ແຮງ​ຂຶ້ນ.

ກິດຈະການ 3:7 Jak'a apnaqawi uñst'ayäwi

ມາຣະໂກ 1:31

ພຣະອົງ​ຈຶ່ງ​ໄປ​ຫາ ແລະ​ຈັບ​ມື​ນາງ​ໃຫ້​ລຸກ​ຂຶ້ນ ໃນ​ທັນໃດນັ້ນ ໄຂ້​ກໍ​ຫາຍ ແລະ​ນາງ​ກໍ​ຄອຍ​ບົວລະບັດ​ຮັບໃຊ້​ພຣະອົງ​ແລະ​ພວກ​ສາວົກ.

ມາຣະໂກ 5:41

ພຣະອົງ​ຈັບ​ມື​ເດັກນ້ອຍ​ນັ້ນ ແລະ​ກ່າວ​ແກ່​ນາງ​ວ່າ, “ຕາລີທາກຸມ” ໝາຍຄວາມວ່າ: ນາງ​ນ້ອຍ​ເອີຍ ຈົ່ງ​ລຸກ​ຂຶ້ນ.

ມາຣະໂກ 9:27

ແຕ່​ພຣະເຢຊູເຈົ້າ​ຈັບ​ມື​ເດັກນ້ອຍ​ແລະ​ດຶງ​ໃຫ້​ລຸກ​ຂຶ້ນ ແລ້ວ​ເດັກ​ນັ້ນ​ກໍ​ລຸກ​ຢືນ​ຂຶ້ນ.

ລູກາ 13:13

ພຣະອົງ​ວາງ​ມື​ໃສ່​ນາງ ໃນ​ທັນໃດນັ້ນ ນາງ​ກໍ​ຢືນ​ຊື່​ໄດ້ ແລະ​ນາງ​ຈຶ່ງ​ກ່າວ​ສັນລະເສີນ​ພຣະເຈົ້າ.

ກິດຈະການ 3:6

ຝ່າຍ​ເປໂຕ​ກໍ​ກ່າວ​ແກ່​ລາວ​ວ່າ, “ເງິນ​ແລະ​ຄຳ​ເຮົາ​ບໍ່ມີ ແຕ່​ສິ່ງ​ທີ່​ເຮົາ​ມີ​ຢູ່​ນັ້ນ​ເຮົາ​ຈະ​ໃຫ້​ແກ່​ເຈົ້າ ຄື​ໃນ​ພຣະນາມ​ແຫ່ງ​ພຣະເຢຊູ​ຄຣິດເຈົ້າ​ໄທ​ນາຊາເຣັດ ຈົ່ງ​ຍ່າງ​ໄປ.”

ກິດຈະການ 3:8

ລາວ​ໂດດ​ຢືນ​ຂຶ້ນ ແລະ​ເລີ່ມຕົ້ນ​ຍ່າງ​ໄປມາ ແລ້ວ​ລາວ​ກໍ​ເຂົ້າ​ໄປ​ໃນ​ພຣະວິຫານ​ພ້ອມ​ກັບ​ທ່ານ​ທັງສອງ ທັງຍ່າງ​ທັງເຕັ້ນ ແລະ​ທັງ​ສັນລະເສີນ​ພຣະເຈົ້າ.

ກິດຈະການ 4:16

ວ່າ, “ພວກເຮົາ​ຈະ​ຕ້ອງ​ເຮັດ​ຢ່າງ​ໃດ​ກັບ​ຄົນ​ທັງສອງ​ນີ້? ເພາະ​ທຸກຄົນ​ໃນ​ນະຄອນ​ເຢຣູຊາເລັມ ຕ່າງ​ກໍ​ຮູ້​ວ່າ​ແມ່ນ​ພວກເຂົາ​ທີ່​ໄດ້​ເຮັດ​ການ​ອັດສະຈັນ​ອັນ​ຍິ່ງໃຫຍ່​ນີ້ ແລະ​ພວກເຮົາ​ກໍ​ປະຕິເສດ​ການ​ນີ້​ບໍ່ໄດ້.

ກິດຈະການ 4:9

ວັນ​ນີ້ ຖ້າ​ທ່ານ​ທັງຫລາຍ​ໂຈດ​ຖາມ​ຂ້າພະເຈົ້າ​ທັງສອງ​ເຖິງ​ຄຸນງາມ​ຄວາມດີ ທີ່​ມີ​ແກ່​ຄົນເປ້ຍ​ວ່າ ລາວ​ໄດ້​ດີ​ປົກກະຕິ​ດ້ວຍ​ຢ່າງ​ໃດ,

ກິດຈະການ 9:41

ຝ່າຍ​ເປໂຕ​ກໍ​ຍື່ນ​ມື​ຊ່ວຍເຫຼືອ​ນາງ​ໃຫ້​ລຸກ​ຂຶ້ນ, ແລ້ວ​ເພິ່ນ​ກໍ​ເອີ້ນ​ພີ່ນ້ອງ​ຜູ້​ທີ່​ເຊື່ອ​ທຸກຄົນ​ເຂົ້າ​ມາ ລວມທັງ​ບັນດາ​ແມ່ໝ້າຍ ແລະ​ເພິ່ນ​ໄດ້​ມອບ​ນາງ​ທີ່​ເປັນ​ຄືນ​ມາ​ຈາກ​ຕາຍ​ນັ້ນ ໃຫ້​ແກ່​ພວກເຂົາ.