ກິດຈະການ 3:11 - ພຣະຄຳພີສັກສິ

¹¹ ຂະນະທີ່​ຊາຍ​ຄົນ​ນີ້ ຍັງ​ເກາະ​ແຂນ​ເປໂຕ​ແລະ​ໂຢຮັນ​ຢູ່​ທີ່​ລະບຽງ​ໂຊໂລໂມນ ປະຊາຊົນ​ທັງຫລາຍ​ຕ່າງ​ກໍ​ງຶດ​ປະຫລາດ​ອັດສະຈັນ​ໃຈ ແລະ​ພາກັນ​ແລ່ນ​ມາ​ຫາ​ພວກເພິ່ນ.

ພຣະຄຳພີລາວສະບັບສະໄໝໃໝ່

¹¹ ໃນ​ຂະນະ​ທີ່​ຄົນຂໍທານ​ຄົນ​ນັ້ນ​ຍັງ​ຈັບ​ມື​ເປໂຕ ແລະ ໂຢຮັນ​ຢູ່, ປະຊາຊົນ​ທັງໝົດ​ຕ່າງ​ກໍ​ປະຫລາດໃຈ ແລະ ພາກັນ​ແລ່ນ​ມາ​ຫາ​ພວກເພິ່ນ​ໃນ​ບໍລິເວນ​ທີ່​ເອີ້ນ​ວ່າ​ລະບຽງ​ຂອງ​ໂຊໂລໂມນ.

ກິດຈະການ 3:11 Jak'a apnaqawi uñst'ayäwi

ເຢເຣມີຢາ 26:9

ເປັນຫຍັງ​ເຈົ້າ​ຈຶ່ງ​ໄດ້​ເວົ້າ​ໃນ​ນາມ​ຂອງ​ພຣະເຈົ້າຢາເວ​ວ່າ ວິຫານ​ຂອງ​ພຣະເຈົ້າຢາເວ​ນີ້​ຈະ​ກາຍເປັນ​ດັ່ງ​ເມືອງ​ຊີໂລ ແລະ​ກ່າວ​ວ່າ​ນະຄອນ​ນີ້​ຈະ​ຖືກ​ທຳລາຍ ແລະ​ບໍ່ມີ​ຜູ້ໃດ​ຢູ່​ອາໄສ?” ແລ້ວ​ປະຊາຊົນ​ກໍ​ພາກັນ​ລ້ອມ​ຂ້າພະເຈົ້າ​ໄວ້.

ລູກາ 22:8

ພຣະເຢຊູເຈົ້າ​ຊົງ​ໃຊ້​ເປໂຕ​ກັບ​ໂຢຮັນ​ໄປ ແລະ​ໃຫ້​ຄຳແນະນຳ​ວ່າ, “ຈົ່ງ​ໄປ​ຈັດແຈ່ງ​ອາຫານ​ປັດສະຄາ​ສຳລັບ​ພວກເຮົາ​ໃຫ້​ຮຽບຮ້ອຍ.”

ລູກາ 8:38

ຊາຍ​ທີ່​ຜີມານຮ້າຍ​ເປັນ​ກອງທັບ​ຖືກ​ຂັບໄລ່​ອອກ​ໄປ​ແລ້ວ​ນັ້ນ ຂໍຮ້ອງ​ນຳ​ພຣະເຢຊູເຈົ້າ​ວ່າ, “ໂຜດ​ໃຫ້​ຂ້ານ້ອຍ​ໄປ​ກັບ​ທ່ານ​ດ້ວຍ​ເທີ້ນ.” ແຕ່​ພຣະເຢຊູເຈົ້າ​ບອກ​ໃຫ້​ລາວ​ກັບຄືນ​ໄປ ໂດຍ​ກ່າວ​ວ່າ,

ໂຢຮັນ 10:23

ສ່ວນ​ພຣະເຢຊູເຈົ້າ​ກໍ​ຍ່າງ​ໄປມາ​ໃນ​ພຣະວິຫານ ທີ່​ລະບຽງ​ໂຊໂລໂມນ.

ກິດຈະການ 2:6

ເມື່ອ​ພວກເຂົາ​ໄດ້ຍິນ​ສຽງ​ນີ້​ແລ້ວ ກໍ​ມີ​ປະຊາຊົນ​ມາ​ເຕົ້າໂຮມ​ກັນ​ຢ່າງ​ໜາແໜ້ນ ພວກເຂົາ​ທັງໝົດ​ຕ່າງ​ກໍ​ຕື່ນເຕັ້ນ​ປະຫລາດ​ໃຈ ເພາະ​ໄດ້ຍິນ​ບັນດາ​ຄົນ​ເຫຼົ່ານັ້ນ ເວົ້າ​ພາສາ​ທ້ອງຖິ່ນ​ຂອງຕົນ.

ກິດຈະການ 3:12

ເມື່ອ​ເປໂຕ​ເຫັນ​ດັ່ງນັ້ນ ຈຶ່ງ​ກ່າວ​ແກ່​ປະຊາຊົນ​ວ່າ, “ຊາວ​ອິດສະຣາເອນ​ເອີຍ ເປັນຫຍັງ​ພວກທ່ານ​ຈຶ່ງ​ຈ້ອງຕາ​ເບິ່ງ​ພວກເຮົາ​ຢ່າງ​ປະຫລາດ​ໃຈ​ໃນ​ເລື່ອງ​ນີ້? ພວກທ່ານ​ຄິດ​ວ່າ​ຊາຍ​ຄົນ​ນີ້ ຍ່າງ​ໄດ້​ດ້ວຍ​ຣິດອຳນາດ​ຂອງ​ພວກເຮົາ​ຫລື ເພາະວ່າ​ພວກເຮົາ​ເປັນ​ຄົນ​ນັບຖື​ພຣະເຈົ້າ​ຢ່າງ​ຖືກຕ້ອງ​ຊັ້ນບໍ?

ກິດຈະການ 3:3

ເມື່ອ​ລາວ​ເຫັນ​ເປໂຕ​ກັບ​ໂຢຮັນ​ກຳລັງ​ເຂົ້າ​ມາ ລາວ​ຈຶ່ງ​ຂໍທານ​ນຳ​ສອງ​ຄົນ​ນີ້.

ກິດຈະການ 3:4

ເປໂຕ ແລະ ໂຢຮັນ​ໄດ້​ຈ້ອງ​ຕາ​ເບິ່ງ​ລາວ ແລະ​ເປໂຕ​ກໍ​ກ່າວ​ວ່າ, “ຈົ່ງ​ເບິ່ງ​ພວກເຮົາ.”

ກິດຈະການ 5:12

ພວກ​ອັກຄະສາວົກ​ໄດ້​ເຮັດ​ການ​ອັດສະຈັນ ແລະ​ສິ່ງ​ທີ່​ໜ້າງຶດງໍ້​ຫລາຍ​ຢ່າງ​ໃນ​ທ່າມກາງ​ປະຊາຊົນ, ຄົນ​ທີ່​ເຊື່ອ​ທຸກຄົນ​ກໍ​ຢູ່​ຮ່ວມ​ກັນ ທີ່​ລະບຽງ​ຂອງ​ໂຊໂລໂມນ.