ກິດຈະການ 26:7 - ພຣະຄຳພີສັກສິ

⁷ ປະຊາຊົນ​ຂອງ​ພວກ​ຂ້ານ້ອຍ​ທັງ​ສິບສອງ​ເຜົ່າ ຫວັງ​ໄດ້​ຮັບ​ຕາມ​ທີ່​ພຣະເຈົ້າ​ໄດ້​ສັນຍາ​ໄວ້​ນັ້ນ ຈຶ່ງ​ນະມັດສະການ​ພຣະເຈົ້າ​ດ້ວຍ​ໃຈ​ຮ້ອນຮົນ​ທັງເວັນ​ທັງຄືນ, ກະສັດ​ອັກຄຼີປາ​ທີ່​ນັບຖື ຍ້ອນ​ຄວາມຫວັງ​ອັນນີ້ ທີ່​ພວກ​ຢິວ​ກ່າວຫາ​ຂ້ານ້ອຍ.

ພຣະຄຳພີລາວສະບັບສະໄໝໃໝ່

⁷ ເປັນ​ຄຳ​ສັນຍາ​ທີ່​ພວກຂ້ານ້ອຍ​ສິບສອງ​ຕະກຸນ​ຫວັງ​ວ່າ​ຈະ​ເປັນຈິງ​ຂະນະ​ທີ່​ພວກເຂົາ​ຮ້ອນຮົນ​ບົວລະບັດ​ພຣະເຈົ້າ​ທັງ​ກາງເວັນ ແລະ ກາງຄືນ. ຂ້າແດ່​ກະສັດ​ອັກຄຣີປາ, ເພາະ​ຄວາມຫວັງ​ນີ້​ເອງ​ພວກ​ຢິວ​ເຫລົ່ານີ້​ຈຶ່ງ​ກ່າວຫາ​ຂ້ານ້ອຍ.

ກິດຈະການ 26:7 Jak'a apnaqawi uñst'ayäwi

ເອຊະຣາ 6:17

ສຳລັບ​ການ​ອຸທິດ​ຖວາຍ​ວິຫານ​ຂອງ​ພຣະເຈົ້າ​ນີ້ ພວກເຂົາ​ໄດ້​ຖວາຍ​ງົວເຖິກ​ໜຶ່ງຮ້ອຍ​ໂຕ, ແກະເຖິກ​ສອງຮ້ອຍ​ໂຕ, ລູກແກະເຖິກ​ສີ່ຮ້ອຍ​ໂຕ​ເປັນ​ເຄື່ອງ​ບູຊາ ແລະ​ພວກເຂົາ​ໄດ້​ຖວາຍ​ແບ້ເຖິກ​ສິບສອງ​ໂຕ ເປັນ​ການ​ລົບລ້າງ​ບາບ ຄື​ໂຕໜຶ່ງ​ສຳລັບ​ເຜົ່າ​ໜຶ່ງ.

ເອຊະຣາ 8:35

ແລ້ວ​ທຸກຄົນ​ທີ່​ກັບຄືນ​ມາ​ຈາກ​ການ​ເປັນ​ຊະເລີຍ​ໃນ​ຕ່າງຖິ່ນ ກໍໄດ້​ນຳ​ເອົາ​ເຄື່ອງຖວາຍ​ມາ​ເຜົາບູຊາ​ແກ່​ພຣະເຈົ້າ​ຂອງ​ຊາດ​ອິດສະຣາເອນ. ພວກເຂົາ​ຖວາຍ​ທັງໝົດ​ມີ: ງົວເຖິກ​ສິບສອງ​ໂຕ​ເປັນ​ຕົວແທນ​ແກ່​ຊາວ​ອິດສະຣາເອນ, ແກະເຖິກ​ເກົ້າສິບຫົກ​ໂຕ, ລູກແກະ​ເຈັດສິບເຈັດ​ໂຕ, ພວກເຂົາ​ຍັງ​ຖວາຍ​ແບ້​ອີກ​ສິບສອງ​ໂຕ ສັດ​ທັງໝົດ​ນີ້ ຖວາຍ​ແກ່​ພຣະເຈົ້າຢາເວ​ເປັນ​ເຄື່ອງ​ບູຊາ​ໄຖ່​ບາບ​ສຳລັບ​ພວກເຂົາ​ເອງ.

ເພງ^ສັນລະເສີນ 135:2

ພວກເຈົ້າ​ຜູ້​ທີ່​ຢືນ​ຢູ່​ໃນ​ວິຫານ​ຂອງ​ພຣະເຈົ້າຢາເວ ຄື​ຢູ່​ໃນ​ເດີ່ນ​ວິຫານ​ພຣະເຈົ້າ​ຂອງ​ພວກເຮົາ.

ມັດທາຍ 19:28

ພຣະເຢຊູເຈົ້າ​ຊົງ​ຕອບ​ພວກ​ສາວົກ​ວ່າ, “ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ ເມື່ອ​ບຸດ​ມະນຸດ​ນັ່ງ​ເທິງ​ບັນລັງ​ອັນ​ຮຸ່ງເຮືອງ​ຂອງຕົນ​ໃນ​ໂລກ​ໃໝ່​ແລ້ວ ພວກເຈົ້າ​ຜູ້​ຕາມ​ເຮົາ​ມາ​ກໍ​ຈະ​ໄດ້​ນັ່ງ​ເທິງ​ບັນລັງ​ສິບສອງ​ບ່ອນ ເພື່ອ​ພິພາກສາ​ພວກ​ອິດສະຣາເອນ​ສິບສອງ​ຕະກຸນ​ເໝືອນກັນ.

ລູກາ 2:25

ຂະນະ​ນັ້ນ ຢູ່​ໃນ​ນະຄອນ​ເຢຣູຊາເລັມ ໄດ້​ມີ​ຊາຍ​ຄົນ​ໜື່ງ​ຊື່​ວ່າ ຊີເມໂອນ ເພິ່ນ​ເປັນ​ຄົນ​ສິນທຳ ຢຳເກງ​ພຣະເຈົ້າ ແລະ​ໄດ້​ຄອຍຖ້າ​ຜູ້​ທີ່​ມາ​ໂຜດ​ຊ່ວຍ​ຊາດ​ອິດສະຣາເອນ​ໃຫ້​ພົ້ນ, ພຣະວິນຍານ​ບໍຣິສຸດເຈົ້າ​ຊົງ​ສະຖິດ​ຢູ່​ກັບ​ເພິ່ນ

ລູກາ 22:30

ເພື່ອ​ພວກເຈົ້າ​ຈະ​ກິນ​ແລະ​ດື່ມ​ທີ່​ໂຕະ​ຂອງເຮົາ ໃນ​ອານາຈັກ​ຂອງເຮົາ ແລະ​ເພື່ອ​ພວກເຈົ້າ​ຈະ​ໄດ້​ນັ່ງ​ເທິງ​ບັນລັງ ເພື່ອ​ພິພາກສາ​ຕັດສິນ​ຊາດ​ອິດສະຣາເອນ​ທັງ​ສິບສອງ​ເຜົ່າ​ນັ້ນ.”

ກິດຈະການ 20:31

ດັ່ງນັ້ນ ຈົ່ງ​ເຝົ້າ​ລະວັງ ແລະ​ຈົດຈຳ​ໄວ້​ວ່າ ໃນ​ລະຫວ່າງ​ສາມ​ປີ​ທັງ​ກາງເວັນ​ແລະ​ກາງຄືນ ຂ້າພະເຈົ້າ​ບໍ່ໄດ້​ຢຸດ​ຢ່ອນ ໃນ​ການ​ເຕືອນ​ສະຕິ​ພວກທ່ານ​ທຸກຄົນ​ດ້ວຍ​ນໍ້າຕາ​ໄຫລ.”

ກິດຈະການ 24:15

ຂ້ານ້ອຍ​ມີ​ຄວາມຫວັງ​ໃນ​ພຣະເຈົ້າ​ຢ່າງ​ດຽວ​ກັບ​ທີ່​ຄົນ​ເຫຼົ່ານີ້​ມີ​ຢູ່ ຄື​ຫວັງ​ວ່າ​ທຸກໆ​ຄົນ​ທັງ​ຊອບທຳ ແລະ​ບໍ່​ຊອບທຳ​ຈະ​ເປັນ​ຄືນ​ມາ​ຈາກ​ຕາຍ.

ກິດຈະການ 26:2

“ຂໍ​ກາບຮຽນ​ກະສັດ​ອັກຄຼີປາ ຂ້ານ້ອຍ​ຖື​ວ່າ​ວັນ​ນີ້ ຂ້ານ້ອຍ​ເອງ​ມີ​ຄວາມສຸກ​ທີ່ສຸດ​ທີ່​ໄດ້​ກ່າວ​ແກ້​ຄະດີ​ຕໍ່ໜ້າ​ກະສັດ​ໃນ​ເລື່ອງ​ທັງໝົດ​ທີ່​ພວກ​ຢິວ​ກ່າວຫາ​ຂ້ານ້ອຍ​ນັ້ນ,

ກິດຈະການ 26:3

ໂດຍ​ສະເພາະ​ຢ່າງ​ຍິ່ງ ກະສັດ​ເອງ​ກໍ​ເປັນ​ຜູ້​ຮອບຮູ້​ດີ ເຖິງ​ທຳນຽມ​ທັງໝົດ​ຂອງ​ຊາວ​ຢິວ ແລະ​ບັນຫາ​ຕ່າງໆ​ຂອງ​ພວກເຂົາ. ດັ່ງນັ້ນ ຂ້ານ້ອຍ​ຈຶ່ງ​ຂໍ​ກາບຮຽນ​ກະສັດ​ໄດ້​ອົດທົນ​ຟັງ​ຂ້ານ້ອຍ​ກ່າວ​ດ້ວຍ​ເຖີດ.”

ກິດຈະການ 28:20

ດ້ວຍເຫດນີ້ ຂ້າພະເຈົ້າ​ຈຶ່ງ​ເຊີນ​ທ່ານ​ທັງຫລາຍ​ມາ ເພື່ອ​ຈະ​ໄດ້​ເຫັນ​ໜ້າ ແລະ​ເວົ້າ​ກັບ​ພວກທ່ານ ເພາະ​ທີ່​ຂ້າພະເຈົ້າ​ຖືກ​ລ່າມໂສ້​ນີ້ ກໍ​ເນື່ອງ​ດ້ວຍ​ຄວາມຫວັງ​ຂອງ​ຊົນຊາດ​ອິດສະຣາເອນ.”

ຟີລິບປອຍ 3:11

ເພື່ອ​ຖ້າ​ເປັນ​ໄປ​ໄດ້ ເຮົາ​ກໍ​ຈະ​ໄດ້​ເປັນຄືນ​ມາ​ຈາກ​ຕາຍ​ດ້ວຍ.

1 ເທສະໂລນິກ 3:10

ພວກເຮົາ​ພາວັນນາ​ອະທິຖານ​ທັງ​ເວັນ​ແລະ​ຄືນ ດ້ວຍ​ຄວາມ​ປາຖະໜາ​ອັນ​ແຮງ​ກ້າ ເພື່ອ​ຈະ​ໄດ້​ເຫັນ​ໜ້າ​ພວກເຈົ້າ​ອີກ​ສ່ວນ​ຕົວ ເພື່ອ​ຈະ​ເສີມສ້າງ​ຄວາມເຊື່ອ​ຂອງ​ພວກເຈົ້າ​ທີ່​ບົກຜ່ອງ​ຢູ່​ນັ້ນ​ໃຫ້​ຄົບເຕັມ.

1 ຕີໂມທຽວ 5:5

ຜູ້​ເປັນ​ແມ່ໝ້າຍ​ຢ່າງ​ແທ້ຈິງ ທີ່​ຖືກ​ປະລະ​ໃຫ້​ຢູ່​ຜູ້​ດຽວ​ໂດດດ່ຽວ​ນັ້ນ ກໍ​ຈົ່ງ​ມອບ​ຄວາມຫວັງ​ໄວ້​ກັບ​ພຣະເຈົ້າ ແລະ​ສືບຕໍ່​ໄຫວ້ວອນ​ອະທິຖານ​ທັງ​ເວັນ​ແລະ​ຄືນ.

ຢາໂກໂບ 1:1

ຈາກ ຢາໂກໂບ, ຜູ້​ຮັບໃຊ້​ຂອງ​ພຣະເຈົ້າ ແລະ​ຂອງ​ອົງ​ພຣະເຢຊູ​ຄຣິດເຈົ້າ. ເຖິງ​ຄົນ​ສິບສອງ​ຕະກຸນ​ທີ່​ກະຈັດ​ກະຈາຍ​ຢູ່​ນັ້ນ.