ກິດຈະການ 23:10 - ພຣະຄຳພີສັກສິ

¹⁰ ການ​ໂຕ້ຖຽງ​ກັນ​ຮຸນແຮງ​ຍິ່ງ​ຂຶ້ນ ຈົນ​ນາຍພັນ​ຢ້ານ​ວ່າ ໂປໂລ​ອາດ​ຈະ​ຖືກ​ເຂົາ​ຍາດ​ຈັບ​ຈີກ​ເປັນ​ຕ່ອນໆ​ກໍໄດ້. ດັ່ງນັ້ນ ເພິ່ນ​ຈຶ່ງ​ໄດ້​ສັ່ງ​ທະຫານ​ໃຫ້​ລົງ​ໄປ​ໃນ​ທ່າມກາງ​ພວກເຂົາ ແລະ​ພາ​ໂປໂລ​ເຂົ້າ​ໄປ​ໃນ​ຄ້າຍ.

ພຣະຄຳພີລາວສະບັບສະໄໝໃໝ່

¹⁰ ການ​ໂຕ້ຖຽງ​ຮຸນແຮງ​ຂຶ້ນ​ຈົນ​ນາຍພັນ​ຢ້ານ​ວ່າ​ໂປໂລ​ຈະ​ຖືກ​ພວກເຂົາ​ຈີກ​ເປັນ​ຕ່ອນໆ. ເພິ່ນ​ຈຶ່ງ​ໄດ້​ສັ່ງ​ທະຫານ​ໃຫ້​ລົງ​ໄປ​ເອົາ​ໂປໂລ​ອອກມາ​ຈາກ​ຄົນ​ເຫລົ່ານັ້ນ ແລະ ນຳ​ເພິ່ນ​ເຂົ້າ​ໄປ​ທີ່​ຄ້າຍ​ທະຫານ.

ກິດຈະການ 23:10 Jak'a apnaqawi uñst'ayäwi

ເພງ^ສັນລະເສີນ 50:22

ຈົ່ງ​ພິຈາລະນາ​ເຖິງ​ເລື່ອງນີ້​ໃຫ້​ດີ​ຜູ້​ທີ່​ມັກ​ລືມ​ພຣະເຈົ້າ​ເອີຍ ຖ້າບໍ່​ດັ່ງນັ້ນ​ແລ້ວ ເຮົາ​ຈະ​ທຳລາຍ​ພວກເຈົ້າ​ໃຫ້​ແຕກ​ເປັນ​ປ່ຽງໆ ແລະ​ຈະ​ບໍ່ມີ​ຜູ້ໃດ​ຊ່ວຍ​ເຈົ້າ​ໃຫ້​ພົ້ນ​ໄດ້.

ເພງ^ສັນລະເສີນ 7:2

ຖ້າບໍ່​ດັ່ງນັ້ນ ພວກເຂົາ​ຈະ​ລາກ​ຂ້ານ້ອຍ​ໄປ​ດັ່ງ​ໂຕສິງ​ຂົບ​ຈີກ​ເຫຍື່ອ ກັດກິນ​ເປັນ​ຕ່ອນໆ ໂດຍ​ບໍ່ມີ​ຜູ້ໃດ​ຊ່ວຍກູ້​ໄວ້​ໄດ້.

ມີກາ 3:3

ພວກເຈົ້າ​ກືນກິນ​ປະຊາຊົນ​ຂອງເຮົາ. ພວກເຈົ້າ​ລອກ​ໜັງ​ຂອງ​ພວກເຂົາ​ອອກ​ຫັກ​ກະດູກ​ຂອງ​ພວກເຂົາ ແລະ​ຕັດ​ເປັນ​ຕ່ອນໆ​ເໝືອນ​ຊີ້ນ​ຢູ່​ໃນ​ໝໍ້.

ກິດຈະການ 21:37

ຂະນະທີ່​ພວກ​ທະຫານ​ກຳລັງ​ຈະ​ນຳ​ໂປໂລ​ເຂົ້າ​ໄປ​ໃນ​ຄ້າຍ ເພິ່ນ​ກໍ​ກ່າວ​ແກ່​ນາຍພັນ​ວ່າ, “ຂ້ານ້ອຍ​ຂໍ​ເວົ້າ​ບາງ​ສິ່ງ​ກັບ​ທ່ານ​ແດ່​ໄດ້​ບໍ່?” ນາຍພັນ​ຖາມ​ວ່າ, “ເຈົ້າ​ຮູ້ຈັກ​ພາສາ​ກຣີກ​ບໍ?

ກິດຈະການ 22:24

ນາຍພັນ​ຈຶ່ງ​ສັ່ງ​ໃຫ້​ເອົາ​ໂປໂລ​ເຂົ້າ​ໄປ​ໃນ​ຄ້າຍ​ທະຫານ ແລະ​ສັ່ງ​ໃຫ້​ສອບສວນ​ດ້ວຍ​ການ​ຂ້ຽນຕີ​ເພື່ອ​ຢາກ​ຮູ້​ວ່າ ດ້ວຍເຫດໃດ​ປະຊາຊົນ​ຈຶ່ງ​ຮ້ອງ​ຂຶ້ນ​ຕໍ່ສູ້​ເພິ່ນ​ຢ່າງ​ນີ້.

ກິດຈະການ 23:16

ແຕ່​ລູກຊາຍ​ຂອງ​ນ້ອງສາວ​ໂປໂລ​ໄດ້ຍິນ​ເຖິງ​ເລື່ອງ​ການ​ປອງຮ້າຍ​ນີ້. ດັ່ງນັ້ນ ລາວ​ຈຶ່ງ​ໄປ​ທີ່​ຄ້າຍ​ທະຫານ ແລະ​ບອກ​ໂປໂລ.

ກິດຈະການ 23:27

ພວກ​ຢິວ​ໄດ້​ຈັບ​ຊາຍ​ຄົນ​ນີ້ ແລະ​ເກືອບ​ຈະ​ຂ້າ​ລາວ​ຖິ້ມ, ເມື່ອ​ຂ້າພະເຈົ້າ​ຮູ້​ວ່າ ລາວ​ເປັນ​ຄົນ​ສັນຊາດ​ໂຣມ. ຂ້າພະເຈົ້າ​ຈຶ່ງ​ນຳ​ເອົາ​ທະຫານ​ເຂົ້າ​ໄປ​ຊ່ວຍ​ລາວ​ໄວ້.

ກິດຈະການ 23:28

ຍ້ອນ​ວ່າ ຂ້າພະເຈົ້າ​ຢາກ​ຮູ້​ຄັກແນ່ ເຖິງ​ເຫດ​ທີ່​ພວກ​ຢິວ​ຟ້ອງ​ລາວ ຂ້າພະເຈົ້າ​ຈຶ່ງ​ພາ​ລາວ​ໄປ​ຢືນ​ຢູ່​ຕໍ່ໜ້າ​ສະພາ​ສູງສຸດ​ຂອງ​ພວກເຂົາ.

ກິດຈະການ 23:32

ວັນ​ຕໍ່ມາ ພວກ​ທະຫານ​ລາບ​ກໍ​ກັບຄືນ​ມາ​ຄ້າຍ ແລະ​ປ່ອຍ​ໃຫ້​ພວກ​ທະຫານ​ມ້າ​ກັບ​ໂປໂລ​ເດີນທາງ​ໄປ​ຕໍ່.

ກິດຈະການ 24:7

ແຕ່​ນາຍພັນ​ລີເຊຍ​ໄດ້​ມາ​ໃຊ້​ກຳລັງ​ຍາດ​ເອົາ​ຕົວ​ລາວ​ໄປ​ຈາກ​ພວກ​ຂ້າພະເຈົ້າ ແລ້ວ​ທ່ານ​ນາຍພັນ​ລີເຊຍ​ກໍ​ສັ່ງ​ໃຫ້​ພວກ​ໂຈດ​ມາ​ຟ້ອງ​ລາວ​ຕໍ່ໜ້າ​ທ່ານ.

2 ໂກຣິນໂທ 11:26

ໃນ​ການ​ເດີນທາງ​ຫລາຍ​ເທື່ອ​ຂອງເຮົາ ເຮົາ​ໄດ້​ຕົກ​ຢູ່​ໃນ​ໄພ​ອັນຕະລາຍ​ຈາກ​ນໍ້າຖ້ວມ​ແລະ​ຈາກ​ພວກ​ໂຈນ, ໃນ​ອັນຕະລາຍ​ຈາກ​ພວກ​ຢິວ​ເພື່ອນ​ຮ່ວມ​ຊາດ​ຂອງ​ຕົນເອງ​ແລະ​ຈາກ​ພວກ​ຕ່າງຊາດ, ເຮົາ​ຍັງ​ປະເຊີນ​ຕໍ່​ອັນຕະລາຍ​ໃນ​ເມືອງ, ຕໍ່​ອັນຕະລາຍ​ໃນ​ຖິ່ນ​ແຫ້ງແລ້ງ​ກັນດານ, ຕໍ່​ອັນຕະລາຍ​ໃນ​ທະເລ ແລະ​ຕໍ່​ອັນຕະລາຍ​ຈາກ​ພີ່ນ້ອງ​ທີ່​ໜ້າໄຫວ້​ຫລັງຫລອກ.

ຢາໂກໂບ 1:19

ພີ່ນ້ອງ​ທີ່ຮັກ​ທັງຫລາຍ​ຂອງເຮົາ​ເອີຍ, ຈົ່ງ​ຈົດຈຳ​ຂໍ້​ນີ້​ໄວ້ ຄື​ໃຫ້​ທຸກຄົນ​ວ່ອງໄວ​ໃນ​ການ​ຟັງ, ຊ້າ​ໃນ​ການ​ເວົ້າ, ຊ້າ​ໃນ​ການ​ຄຽດຮ້າຍ,

ຢາໂກໂບ 3:14

ແຕ່​ຖ້າ​ພວກເຈົ້າ​ມີ​ໃຈ​ເຫິງສາ​ອັນ​ຂົມຂື່ນ​ແລະ​ມັກໃຫຍ່​ໃຝ່ສູງ ກໍ​ຢ່າ​ໂອ້ອວດ​ແລະ​ຢ່າ​ທໍລະຍົດ​ຕໍ່​ຄວາມຈິງ.