ກິດຈະການ 19:3 - ພຣະຄຳພີສັກສິ

³ ແລ້ວ​ໂປໂລ​ຈຶ່ງ​ຖາມ​ພວກເຂົາ​ວ່າ, “ຖ້າ​ຢ່າງ​ນັ້ນ ພວກເຈົ້າ​ໄດ້​ຮັບ​ບັບຕິສະມາ​ແນວ​ໃດ?” ພວກເຂົາ​ຕອບ​ວ່າ, “ບັບຕິສະມາ​ຂອງ​ໂຢຮັນ.”

ພຣະຄຳພີລາວສະບັບສະໄໝໃໝ່

³ ດັ່ງນັ້ນ ໂປໂລ​ຈຶ່ງ​ຖາມ​ວ່າ, “ແລ້ວ​ພວກເຈົ້າ​ໄດ້​ຮັບ​ບັບຕິສະມາ​ແບບ​ໃດ?” ພວກເຂົາ​ຕອບ​ວ່າ, “ບັບຕິສະມາ​ຂອງ​ໂຢຮັນ”.

ກິດຈະການ 19:3 Jak'a apnaqawi uñst'ayäwi

ມັດທາຍ 28:19

ເຫດສະນັ້ນ ພວກເຈົ້າ​ຈົ່ງ​ອອກ​ໄປ ຈົ່ງ​ເຮັດ​ໃຫ້​ຄົນ​ທຸກ​ຊາດ​ເປັນ​ລູກສິດ ໃຫ້​ພວກເຂົາ​ຮັບ​ບັບຕິສະມາ​ໃນ​ພຣະນາມ​ແຫ່ງ​ພຣະບິດາ, ພຣະບຸດ ແລະ ພຣະວິນຍານ​ບໍຣິສຸດເຈົ້າ

ລູກາ 7:29

ຝ່າຍ​ຄົນ​ທັງປວງ​ທີ່​ໄດ້ຍິນ​ພ້ອມ​ທັງ​ພວກ​ເກັບ​ພາສີ​ກໍໄດ້​ຍອມ​ຮັບ​ວ່າ ພຣະເຈົ້າ​ຊົງ​ຍຸດຕິທຳ​ໂດຍ​ທີ່​ພວກເຂົາ​ໄດ້​ຮັບ​ບັບຕິສະມາ​ຂອງ​ໂຢຮັນ​ແລ້ວ.

ກິດຈະການ 18:25

ລາວ​ໄດ້​ຮັບ​ການ​ຝຶກຝົນ​ໃນ​ທາງ​ຂອງ​ອົງພຣະ​ຜູ້​ເປັນເຈົ້າ ແລະ​ກ່າວ​ສັ່ງສອນ​ເຖິງ​ເລື່ອງ​ຂອງ​ພຣະເຢຊູເຈົ້າ​ຢ່າງ​ຖືກຕ້ອງ ແລະ​ໜັກແໜ້ນ. ເຖິງ​ປານ​ນັ້ນ​ເພິ່ນ​ເອງ​ກໍ​ຮູ້​ພຽງແຕ່​ບັບຕິສະມາ​ຂອງ​ໂຢຮັນ​ເທົ່ານັ້ນ.

ກິດຈະການ 8:16

ດ້ວຍວ່າ, ພຣະວິນຍານ​ບໍຣິສຸດເຈົ້າ ບໍ່​ທັນ​ໄດ້​ລົງ​ມາ​ເທິງ​ຜູ້ໃດ​ຈັກ​ຄົນ​ໃນ​ພວກເຂົາ ແລະ​ພວກເຂົາ​ໄດ້​ຮັບ​ບັບຕິສະມາ ໃນ​ພຣະນາມ​ຂອງ​ອົງ​ພຣະເຢຊູເຈົ້າ​ເທົ່ານັ້ນ.

1 ໂກຣິນໂທ 12:13

ເພາະວ່າ ເຖິງ​ແມ່ນ​ພວກເຮົາ​ຈະ​ເປັນ​ຊາດ​ຢິວ ຫລື​ຄົນຕ່າງຊາດ​ກໍດີ ເປັນ​ຂ້ອຍຂ້າ ຫລື​ເປັນ​ອິດສະຫລະ​ກໍດີ, ເຮົາ​ທັງຫລາຍ​ໄດ້​ຮັບ​ບັບຕິສະມາ ໂດຍ​ພຣະວິນຍານ​ອົງ​ດຽວ ຈຶ່ງ​ເຂົ້າ​ເປັນ​ກາຍ​ອັນ​ດຽວກັນ ແລະ​ພຣະວິນຍານ​ອົງ​ດຽວກັນ​ນັ້ນ ເປັນ​ເໝືອນ​ນໍ້າ​ທີ່​ປະທານ​ໃຫ້​ເຮົາ​ທຸກຄົນ​ໄດ້​ດື່ມ.

ເຮັບເຣີ 6:2

ແລະ​ຄຳສັ່ງສອນ​ເຖິງ​ເລື່ອງ​ບັບຕິສະມາ ພິທີ​ວາງ​ມື, ການ​ເປັນ​ຄືນ​ມາ​ຈາກ​ຕາຍ ແລະ​ການ​ພິພາກສາ​ລົງໂທດ​ເປັນນິດ.