ກິດຈະການ 13:4 - ພຣະຄຳພີສັກສິ

⁴ ດັ່ງນັ້ນ ບາຣະນາບາ​ກັບ​ໂຊໂລ​ຈຶ່ງ​ຖືກ​ໃຊ້​ອອກ​ໄປ​ປະກາດ ໂດຍ​ພຣະວິນຍານ​ບໍຣິສຸດເຈົ້າ ພວກເພິ່ນ​ໄດ້​ໄປ​ເຖິງ​ເມືອງ​ແຊລູເກຍ ແລະ​ຈາກ​ທີ່​ນັ້ນ​ໄດ້​ລົງ​ເຮືອ​ເດີນທາງ​ຕໍ່ໄປ​ຈົນເຖິງ​ເກາະ​ໄຊປຣັດ.

ພຣະຄຳພີລາວສະບັບສະໄໝໃໝ່

⁴ ພວກເພິ່ນ​ທັງ​ສອງ​ຈຶ່ງ​ຖືກ​ສົ່ງ​ອອກ​ໄປ​ໂດຍ​ພຣະວິນຍານບໍລິສຸດເຈົ້າ, ພວກເພິ່ນ​ໄດ້​ລົງໄປ​ທີ່​ເມືອງ​ແຊລູເກຍ ແລະ ນັ່ງ​ເຮືອ​ຈາກ​ທີ່​ນັ້ນ​ມາ​ຍັງ​ເກາະ​ໄຊປຣັດ.

ກິດຈະການ 13:4 Jak'a apnaqawi uñst'ayäwi

ກິດຈະການ 11:19

ຝ່າຍ​ພວກ​ຄົນ​ທີ່​ເຊື່ອ ທີ່​ໄດ້​ກະຈັດ​ກະຈາຍ​ໄປ​ເພາະ​ການ​ຂົ່ມເຫັງ​ເນື່ອງ​ຈາກ​ຊະເຕຟາໂນ​ຖືກ​ຂ້າ​ນັ້ນ ຕ່າງ​ກໍ​ໜີໄປ​ທີ່​ເມືອງ​ໂຟນີເຊຍ, ເກາະ​ໄຊປຣັດ ແລະ ເມືອງ​ອັນຕີໂອເຂຍ ໂດຍ​ປະກາດ​ພຣະທຳ​ໃຫ້​ແຕ່​ຊາວ​ຢິວ​ເທົ່ານັ້ນ.

ກິດຈະການ 13:2

ຂະນະທີ່​ພວກ​ພີ່ນ້ອງ​ກຳລັງ​ນະມັດສະການ​ອົງພຣະ​ຜູ້​ເປັນເຈົ້າ ແລະ​ຖືສິນ​ອົດອາຫານ​ຢູ່​ນັ້ນ ພຣະວິນຍານ​ບໍຣິສຸດເຈົ້າ​ໄດ້​ບອກ​ກັບ​ພວກເພິ່ນ​ວ່າ, “ຈົ່ງ​ຄັດ​ເອົາ​ບາຣະນາບາ​ກັບ​ໂຊໂລ​ໄວ້​ໃຫ້​ເຮົາ ສຳລັບ​ພາລະກິດ​ທີ່​ເຮົາ​ໄດ້​ເອີ້ນ​ໃຫ້​ພວກເຂົາ​ເຮັດ​ນັ້ນ.”

ກິດຈະການ 13:3

ຫລັງຈາກ​ພວກ​ພີ່ນ້ອງ​ຖືສິນ​ອົດອາຫານ ແລະ​ພາວັນນາ​ອະທິຖານ​ແລ້ວ ກໍໄດ້​ວາງ​ມື​ໃສ່​ບາຣະນາບາ​ກັບ​ໂຊໂລ ຈຶ່ງ​ໃຊ້​ພວກເພິ່ນ​ໄປ.

ກິດຈະການ 15:36

ຫລັງຈາກ​ນັ້ນ​ບໍ່​ດົນ ໂປໂລ​ກໍ​ເວົ້າ​ກັບ​ບາຣະນາບາ​ວ່າ, “ໃຫ້​ພວກເຮົາ​ກັບ​ໄປ​ຢ້ຽມຢາມ​ພີ່ນ້ອງ​ໃນ​ເມືອງ​ອື່ນໆ ທີ່​ພວກເຮົາ​ໄດ້​ປະກາດ​ພຣະທຳ​ຂອງ​ອົງພຣະ​ຜູ້​ເປັນເຈົ້າ ເພື່ອ​ຈະ​ຮູ້​ວ່າ​ພວກເຂົາ​ຢູ່​ຢ່າງ​ໃດ?”

ກິດຈະການ 20:23

ຂ້າພະເຈົ້າ​ຮູ້​ແຕ່​ວ່າ​ຢູ່​ໃນ​ທຸກ​ເມືອງ ພຣະວິນຍານ​ບໍຣິສຸດເຈົ້າ​ໄດ້​ເຕືອນ​ຂ້າພະເຈົ້າ​ວ່າ ຄົນ​ຈະ​ຈັບ​ຂ້າພະເຈົ້າ​ໃສ່​ຄຸກ ແລະ​ຈະ​ສ້າງ​ຄວາມ​ລຳບາກ​ອັນ​ໃຫຍ່ຫລວງ​ໃຫ້​ແກ່​ຂ້າພະເຈົ້າ.

ກິດຈະການ 27:4

ເມື່ອ​ເຮືອ​ອອກ​ຈາກ​ທີ່​ນັ້ນ​ແລ້ວ ພວກເຮົາ​ກໍ​ຕ້ອງ​ລຽບ​ຝັ່ງ​ຂອງ​ເກາະ​ໄຊປຣັດ​ໄປ ຊຶ່ງ​ເປັນ​ບ່ອນ​ທີ່​ຫລີກ​ທວນ​ລົມ​ໄດ້ ເພາະ​ຖືກ​ລົມ​ພັດ​ຂັດຂວາງ.

ກິດຈະການ 4:36

ໄດ້​ມີ​ຊາຍ​ເລວີ​ຜູ້ໜຶ່ງ​ເປັນ​ຄົນ​ພື້ນເມືອງ​ໃນ​ເກາະ​ໄຊປຣັດ ຊື່​ວ່າ ໂຢເຊັບ ພວກ​ອັກຄະສາວົກ​ເອີ້ນ​ລາວ​ວ່າ ບາຣະນາບາ (ຊຶ່ງ​ໝາຍຄວາມວ່າ ຜູ້​ມີ​ໃຈ​ອຸດໜູນ)