ກິດຈະການ 1:7 - ພຣະຄຳພີສັກສິ

⁷ ພຣະເຢຊູເຈົ້າ​ຊົງ​ຕອບ​ພວກເພິ່ນ​ວ່າ, “ບໍ່ແມ່ນ​ໜ້າທີ່​ຂອງ​ພວກເຈົ້າ ທີ່​ຈະ​ຮູ້​ເວລາ ຫລື​ຍາມ​ກຳນົດ ຊຶ່ງ​ພຣະບິດາເຈົ້າ​ໄດ້​ຊົງ​ຕັ້ງ​ໄວ້ ດ້ວຍ​ສິດ​ຂອງ​ພຣະອົງ​ເອງ.

ພຣະຄຳພີລາວສະບັບສະໄໝໃໝ່

⁷ ພຣະອົງ​ໄດ້​ກ່າວ​ກັບ​ພວກເພິ່ນ​ວ່າ, “ບໍ່​ແມ່ນ​ໜ້າທີ່​ຂອງ​ພວກເຈົ້າ​ທີ່​ຈະ​ຮູ້​ເວລາ ຫລື ວັນ​ທີ່​ພຣະບິດາເຈົ້າ​ໄດ້​ກຳນົດ​ໄວ້​ດ້ວຍ​ສິດອຳນາດ​ຂອງ​ພຣະອົງ​ແລ້ວ.

ກິດຈະການ 1:7 Jak'a apnaqawi uñst'ayäwi

ພຣະທຳ​ໂຢບ 24:1

ເປັນຫຍັງ​ພຣະເຈົ້າ​ບໍ່​ຕັ້ງ​ເວລາ​ໄວ້ ເພື່ອ​ຕັດສິນ​ນໍ ຄື​ຕັ້ງ​ມື້​ຕັດສິນ​ຄົນ ຜູ້​ທີ່​ຮັບໃຊ້​ພຣະອົງ​ນັ້ນ?

ດານີເອນ 2:21

ພຣະອົງ​ບັງຄັບ​ເວລາ​ແລະ​ລະດູການ ພຣະອົງ​ແຕ່ງຕັ້ງ​ກະສັດ​ແລະ​ປົດ​ກະສັດ​ລົງ; ແມ່ນ​ພຣະອົງ​ທີ່​ເປັນ​ຜູ້​ໂຜດ​ປະທານ ປັນຍາ​ແລະ​ຄວາມ​ເຂົ້າໃຈ​ໃຫ້​ແກ່​ມະນຸດ.

ມັດທາຍ 20:23

ພຣະເຢຊູເຈົ້າ​ກ່າວ​ແກ່​ພວກເພິ່ນ​ວ່າ, “ພວກເຈົ້າ​ຈະ​ດື່ມ​ຈາກ​ຈອກ​ທີ່​ເຮົາ​ຕ້ອງ​ດື່ມ​ແທ້ຈິງ, ແຕ່​ຜູ້ໃດ​ຈະ​ນັ່ງ​ທີ່​ເບື້ອງຂວາ ຫລື​ເບື້ອງຊ້າຍ​ຂອງເຮົາ​ນັ້ນ​ບໍ່ແມ່ນ​ໜ້າທີ່​ຂອງເຮົາ​ຈະ​ຈັດ​ໃຫ້ ແຕ່​ແມ່ນ​ພຣະບິດາເຈົ້າ​ຂອງເຮົາ​ຈັດຕຽມ​ໄວ້​ແລ້ວ​ສຳລັບ​ຜູ້ໃດ ກໍ​ເປັນ​ຂອງ​ຜູ້ນັ້ນ.”

ມັດທາຍ 24:36

“ບໍ່ມີ​ຜູ້ໃດ​ຮູ້​ວ່າ​ວັນ ຫລື​ໂມງ​ນັ້ນ​ຈະ​ມາ​ເຖິງ​ເມື່ອໃດ ແມ່ນແຕ່​ບັນດາ​ເທວະດາ ແລະ​ພຣະບຸດ ກໍ​ບໍ່​ຮູ້ ມີ​ແຕ່​ພຣະບິດາ​ອົງ​ດຽວ​ເທົ່ານັ້ນ​ຮູ້.

ມາຣະໂກ 10:40

ແຕ່​ຈະ​ເລືອກ​ວ່າ ຜູ້ໃດ​ຈະ​ນັ່ງ​ທີ່​ເບື້ອງ​ຂວາ ຫລື​ທີ່​ເບື້ອງ​ຊ້າຍ​ຂອງເຮົາ​ນັ້ນ ບໍ່ແມ່ນ​ໜ້າທີ່​ເຮົາ​ຈະ​ຈັດໃຫ້, ແຕ່​ພຣະເຈົ້າ​ໄດ້​ຈັດໄວ້​ສຳລັບ​ຜູ້ໃດ ກໍ​ເປັນ​ຂອງ​ຜູ້ນັ້ນ.”

ມາຣະໂກ 13:32

“ແຕ່​ເລື່ອງ​ວັນ​ກຳນົດ ຫລື​ເວລາ​ກຳນົດ​ນັ້ນ​ບໍ່ມີ​ຜູ້ໃດ​ຮູ້ ແມ່ນແຕ່​ເທວະດາ​ໃນ​ສະຫວັນ ແລະ​ພຣະບຸດ​ກໍ​ບໍ່​ຮູ້, ຮູ້​ແຕ່​ພຣະບິດາເຈົ້າ​ອົງ​ດຽວ​ເທົ່ານັ້ນ.

ລູກາ 21:24

ພວກເຂົາ​ຈະ​ລົ້ມ​ລົງ​ດ້ວຍ​ຄົມ​ດາບ ແລະ​ຈະ​ຖືກ​ຈັບ​ກວາດ​ໄປ​ເປັນ​ຊະເລີຍ​ໃນ​ທົ່ວ​ທຸກ​ປະເທດ ແລະ​ຄົນ​ບໍ່​ນັບຖື​ພຣະເຈົ້າ​ກໍ​ຈະ​ຢຽບຢໍ່າ​ນະຄອນ​ເຢຣູຊາເລັມ ຈົນກວ່າ​ຈະ​ຄົບ​ກຳນົດ​ເວລາ​ຂອງ​ພວກເຂົາ.”

ກິດຈະການ 17:26

ພຣະອົງ​ໄດ້​ສ້າງ​ມະນຸດ​ທຸກ​ຊາດ ໃຫ້​ເກີດ​ມາ​ຈາກ​ມະນຸດ​ຄົນ​ດຽວ ແລະ​ໃຫ້​ພວກເຂົາ​ຢູ່​ທົ່ວ​ພິພົບ​ໂລກ ພຣະອົງ​ໄດ້​ຊົງ​ກຳນົດ​ເວລາ ແລະ​ກຳນົດ​ເຂດ​ທີ່​ພວກເຂົາ​ຢູ່​ນັ້ນ.

ເອເຟໂຊ 1:10

ປະສົງ​ວ່າ ເມື່ອ​ເວລາ​ກຳນົດ​ຄົບ​ບໍຣິບູນ​ແລ້ວ ພຣະອົງ​ຈະ​ຊົງ​ຮວບຮວມ​ສິ່ງສາລະພັດ ທັງ​ມີ​ຢູ່​ໃນ​ສະຫວັນ​ແລະ​ເທິງ​ແຜ່ນດິນ​ໂລກ​ໄວ້​ໃນ​ພຣະຄຣິດ ຜູ້​ຊົງ​ເປັນ​ພຣະ​ປະມຸກ.

ພຣະບັນຍັດສອງ 29:29

ພຣະເຈົ້າຢາເວ ພຣະເຈົ້າ​ຂອງ​ພວກເຮົາ​ບໍ່ໄດ້​ເປີດເຜິຍ​ກ່ຽວກັບ​ປະຈຸບັນ ແລະ​ອະນາຄົດ, ແຕ່​ພຣະອົງ​ໄດ້​ສັ່ງ​ໃຫ້​ພວກເຮົາ​ປະຕິບັດ​ຕາມ​ກົດບັນຍັດ​ຂອງ​ພຣະອົງ ພວກເຮົາ​ພ້ອມ​ທັງ​ເຊື້ອສາຍ​ຂອງ​ພວກເຮົາ​ຕ້ອງ​ເຊື່ອຟັງ​ກົດບັນຍັດ​ນີ້​ຕະຫລອດໄປ.”

1 ຕີໂມທຽວ 6:15

ຊຶ່ງ​ພຣະເຈົ້າ​ຜູ້​ຊົງ​ສະເຫວີຍ​ສຸກ​ແລະ​ຊົງ​ຣິດອຳນາດ​ສູງສຸດ​ແຕ່​ພຣະອົງ​ດຽວ ຊົງ​ເປັນ​ພຣະ​ມະຫາ​ກະສັດ​ເໜືອ​ກະສັດ​ທັງປວງ ແລະ​ຊົງ​ເປັນ​ອົງ​ພຣະຜູ້​ເປັນເຈົ້າ​ເໜືອ​ເຈົ້ານາຍ​ທັງປວງ ຈະ​ຊົງ​ສຳແດງ​ໃຫ້​ປາກົດ​ຕາມ​ເວລາ​ກຳນົດ.

2 ຕີໂມທຽວ 3:1

ແຕ່​ຈົ່ງ​ຮູ້ຈັກ​ຂໍ້​ຄວາມ​ນີ້​ວ່າ, ໃນ​ຍຸກ​ສຸດທ້າຍ​ນັ້ນ ຈະ​ເກີດ​ຄວາມ​ລຳບາກ​ຢ່າງ​ຮ້າຍແຮງ.