2 ຕີໂມທຽວ 2:20 - ພຣະຄຳພີສັກສິ

²⁰ ໃນ​ເຮືອນ​ໃຫຍ່​ຫລັງ​ໃດ ບໍ່ແມ່ນ​ມີ​ແຕ່​ພາຊະນະ​ເງິນ​ແລະ​ຄຳ​ເທົ່ານັ້ນ ແຕ່​ມີ​ພາຊະນະ​ໄມ້​ແລະ​ດິນ​ດ້ວຍ ບາງ​ຢ່າງ​ກໍ​ໃຊ້​ເພື່ອ​ເປັນ​ກຽດ ແລະ​ບາງ​ຢ່າງ​ກໍ​ໃຊ້​ການ​ທຳມະດາ.

ພຣະຄຳພີລາວສະບັບສະໄໝໃໝ່

²⁰ ໃນ​ເຮືອນ​ຫລັງ​ໃຫຍ່​ບໍ່​ແມ່ນ​ມີ​ແຕ່​ພາຊະນະ​ຄຳ ແລະ ເງິນ​ເທົ່ານັ້ນ, ແຕ່​ມີ​ພາຊະນະ​ໄມ້ ແລະ ພາຊະນະດິນ​ດ້ວຍ, ບາງ​ຢ່າງ​ກໍ​ໃຊ້​ເພື່ອ​ຈຸດປະສົງ​ພິເສດ, ບາງ​ຢ່າງ​ກໍ​ໃຊ້​ເພື່ອ​ໃຊ້​ທົ່ວໄປ.

2 ຕີໂມທຽວ 2:20 Jak'a apnaqawi uñst'ayäwi

ເອຊະຣາ 1:6

ຊາວ​ບ້ານໃກ້​ເຮືອນຄຽງ​ທຸກຄົນ​ໄດ້​ຊ່ວຍເຫລືອ​ໂດຍ​ໃຫ້​ສິ່ງຂອງ​ແກ່​ພວກເຂົາ​ຫລາຍ​ຢ່າງ ດັ່ງນີ້: ເຄື່ອງໃຊ້​ທີ່​ເປັນ​ເງິນ, ເປັນ​ຄຳ, ສະບຽງ​ອາຫານ, ຝູງສັດ, ສິ່ງຂອງ​ມີຄ່າ​ອື່ນໆ ນອກຈາກ​ເຄື່ອງ​ຖວາຍບູຊາ​ດ້ວຍໃຈ​ສະໝັກ​ສຳລັບ​ພຣະວິຫານ.

ເອຊະຣາ 6:5

ສ່ວນ​ເຄື່ອງໃຊ້​ເປັນ​ຄຳ​ແລະ​ເປັນ​ເງິນ​ຂອງ​ວິຫານ​ຂອງ​ພຣະເຈົ້າ ຊຶ່ງ​ກະສັດ​ເນບູ​ກາດເນັດຊາ ໄດ້​ເອົາ​ມາ​ຈາກ​ພຣະວິຫານ​ໃນ​ນະຄອນ​ເຢຣູຊາເລັມ​ແລະ​ໄດ້ນຳ​ມາ​ບາບີໂລນ​ນັ້ນ ໃຫ້​ນຳ​ເອົາ​ຄືນ​ໄປ​ໄວ້​ບ່ອນ​ເກົ່າ ຄື​ທີ່​ວິຫານ​ຂອງ​ພຣະເຈົ້າ.”

ອົບພະຍົບ 27:3

ຈົ່ງ​ເຮັດ​ໝໍ້​ໃສ່​ຂີ້ເຖົ່າ​ຂອງ​ໄຂມັນ, ເຮັດ​ຊ້ວນ, ຖ້ວຍ, ຂໍເກາະ ແລະ​ຖາດ​ຮອງ​ຖ່ານໄຟ. ເຄື່ອງໃຊ້​ເຫຼົ່ານີ້ ຈົ່ງ​ເຮັດ​ດ້ວຍ​ທອງສຳຣິດ​ທັງໝົດ.

ເພງ^ຄໍ່າຄວນ 4:2

ພວກ​ຊາຍໜຸ່ມ​ທີ່​ເມືອງ​ຊີໂອນ​ນັ້ນ ປະເສີດ​ເລີດລໍ້າ​ດັ່ງ​ຄຳ​ແກ່​ພວກເຮົາ ແຕ່​ບັດນີ້ ພວກເຂົາ​ກໍ​ນັບ​ເປັນ​ເໝືອນ ໝໍ້​ດິນ​ທຳມະດາ​ເທົ່ານັ້ນ.

ດານີເອນ 5:2

ໃນ​ຂະນະທີ່​ພວກເຂົາ​ກຳລັງ​ດື່ມ​ເຫຼົ້າ​ອະງຸ່ນ​ຢູ່​ນັ້ນ ເຈົ້າ​ເບັນຊັດຊາເຣ​ກໍ​ສັ່ງ​ໃຫ້​ຄົນ​ເອົາ​ຈອກ ແລະ​ຖ້ວຍ​ທີ່​ເຮັດ​ດ້ວຍ​ເງິນ ແລະ​ດ້ວຍ​ຄຳ​ມາ​ໃຫ້; ແມ່ນ​ສິ່ງ​ເຫຼົ່ານີ້ ທີ່​ເຈົ້າ​ເນບູ​ກາດເນັດຊາ​ຜູ້​ເປັນ​ບິດາ ໄດ້​ເອົາ​ມາ​ຈາກ​ພຣະວິຫານ​ໃນ​ນະຄອນ​ເຢຣູຊາເລັມ. ກະສັດ​ໄດ້​ໃຫ້​ຄົນ​ໄປ​ເອົາ​ຈອກ ແລະ​ຖ້ວຍ​ເຫຼົ່ານັ້ນ​ມາ ກໍ​ເພື່ອ​ວ່າ​ເພິ່ນເອງ​ພ້ອມ​ທັງ​ພວກ​ມະເຫສີ, ພວກ​ນາງ​ສະໜົມ ແລະ​ພວກ​ເຈົ້ານາຍ ຈະ​ໃຊ້​ພາຊະນະ​ເຫຼົ່ານີ້​ດື່ມ​ເຫຼົ້າ​ອະງຸ່ນ.

ໂຢຮັນ 8:49

ພຣະເຢຊູເຈົ້າ​ໄດ້ຕອບ​ວ່າ, “ເຮົາ​ບໍ່ມີ​ຜີມານຮ້າຍ​ສິງ​ດອກ ເພາະ​ເຮົາ​ຖວາຍ​ກຽດ​ແກ່​ພຣະບິດາເຈົ້າ​ຂອງເຮົາ, ແຕ່​ພວກເຈົ້າ​ເວົ້າ​ໝິ່ນປະໝາດ​ເຮົາ.

ໂຣມ 9:20

ແຕ່​ມະນຸດ​ເອີຍ, ເຈົ້າ​ເປັນ​ຜູ້ໃດ ຈຶ່ງ​ກ້າ​ກ່າວ​ໂຕ້​ຕອບ​ພຣະເຈົ້າ​ໄດ້? ສິ່ງ​ທີ່​ຖືກ​ປັ້ນ​ຈະ​ກ່າວ​ແກ່​ຜູ້​ປັ້ນ​ວ່າ, “ເປັນຫຍັງ​ເຈົ້າ​ຈຶ່ງ​ປັ້ນ​ຂ້ອຍ​ມາ​ແບບ​ນີ້?”

1 ໂກຣິນໂທ 3:9

ດ້ວຍວ່າ, ພວກເຮົາ​ເປັນ​ຜູ້​ຮ່ວມກັນ​ທຳງານ​ຂອງ​ພຣະເຈົ້າ ແລະ​ພວກເຈົ້າ​ເປັນ​ໄຮ່ນາ​ຂອງ​ພຣະເຈົ້າ. ພວກເຈົ້າ​ກໍ​ເປັນ​ຕຶກ​ຂອງ​ພຣະເຈົ້າ​ເໝືອນກັນ.

2 ໂກຣິນໂທ 4:7

ແຕ່​ພວກເຮົາ​ມີ​ຊັບສົມບັດ​ນີ້ ຢູ່​ໃນ​ພາຊະນະ​ດິນ ເພື່ອ​ໃຫ້​ເຫັນ​ວ່າ ຣິດອຳນາດ​ອັນ​ຍິ່ງໃຫຍ່​ນັ້ນ​ເປັນ​ຂອງ​ພຣະເຈົ້າ ບໍ່ໄດ້​ມາ​ຈາກ​ພວກເຮົາ​ເອງ.

ເອເຟໂຊ 2:22

ໃນ​ພຣະອົງ​ນັ້ນ ພວກເຈົ້າ​ກຳລັງ​ຖືກ​ກໍ່​ຂຶ້ນ​ໃຫ້​ເປັນ​ທີ່​ສະຖິດ​ຂອງ​ພຣະເຈົ້າ ໂດຍ​ພຣະວິນຍານ​ເໝືອນກັນ.

1 ຕີໂມທຽວ 3:15

ຖ້າ​ເຮົາ​ຍັງ​ຊັກຊ້າ​ຢູ່ ຈົດໝາຍ​ສະບັບ​ນີ້ ກໍ​ຈະ​ໄດ້​ບອກ​ພວກເຈົ້າ​ໃຫ້​ຮູ້​ວ່າ ຄວນ​ຈະ​ບົວລະບັດ​ຢ່າງ​ໃດ ໃນ​ຄອບຄົວ​ຂອງ​ພຣະເຈົ້າ ຄື​ໃນ​ຄຣິສຕະຈັກ​ຂອງ​ພຣະເຈົ້າ​ອົງ​ຊົງ​ຊີວິດ​ຢູ່ ທີ່​ເປັນ​ເສົາ​ແລະ​ເປັນ​ຮາກ​ແຫ່ງ​ຄວາມຈິງ.

1 ເປໂຕ 2:5

ເຈົ້າ​ທັງຫລາຍ​ກໍ​ເປັນ​ເໝືອນ​ຫີນ​ທີ່​ມີ​ຊີວິດ​ຢູ່ ພວກເຈົ້າ​ຈົ່ງ​ຍອມ​ໃຫ້​ພຣະເຈົ້າ​ຊົງ​ກໍ່​ຂຶ້ນ​ເປັນ​ວິຫານ​ຝ່າຍ​ວິນຍານ ເປັນ​ປະໂຣຫິດ​ບໍຣິສຸດ ເພື່ອ​ຖວາຍ​ເຄື່ອງ​ບູຊາ​ຝ່າຍ​ວິນຍານ ຊຶ່ງ​ພໍພຣະໄທ​ຂອງ​ພຣະເຈົ້າ ໂດຍ​ທາງ​ພຣະເຢຊູ​ຄຣິດເຈົ້າ.