2 ເທສະໂລນິກ 2:5 - ພຣະຄຳພີສັກສິ

⁵ ພວກເຈົ້າ​ຈື່​ໄດ້​ບໍ? ເມື່ອ​ເຮົາ​ຍັງ​ຢູ່​ກັບ​ພວກເຈົ້າ​ນັ້ນ ເຮົາ​ກໍ​ເຄີຍ​ບອກ​ສິ່ງ​ເຫຼົ່ານີ້​ທັງໝົດ​ແກ່​ພວກເຈົ້າ​ແລ້ວ.

ພຣະຄຳພີລາວສະບັບສະໄໝໃໝ່

⁵ ພວກເຈົ້າ​ບໍ່​ຈື່​ບໍ​ວ່າ​ເມື່ອ​ເຮົາ​ຢູ່​ກັບ​ພວກເຈົ້າ​ນັ້ນ ເຮົາ​ເຄີຍ​ບອກ​ເລື່ອງ​ນີ້​ແກ່​ພວກເຈົ້າ​ແລ້ວ?

2 ເທສະໂລນິກ 2:5 Jak'a apnaqawi uñst'ayäwi

ມັດທາຍ 16:9

ພວກເຈົ້າ​ຍັງ​ບໍ່​ເຂົ້າໃຈ​ແລະ​ຈື່​ບໍ່ໄດ້​ບໍ? ເລື່ອງ​ເຂົ້າຈີ່​ຫ້າ​ກ້ອນ​ສຳລັບ​ຫ້າພັນ​ຄົນ​ນັ້ນ ພວກເຈົ້າ​ເກັບ​ໄດ້​ຈັກ​ກະບຸງ?

ມາຣະໂກ 8:18

ພວກເຈົ້າ​ມີ​ຕາ​ແລ້ວ​ເບິ່ງ​ບໍ່​ເຫັນ​ບໍ? ພວກເຈົ້າ​ມີ​ຫູ​ແລ້ວ​ຟັງ​ບໍ່ໄດ້ຍິນ​ບໍ? ພວກເຈົ້າ​ຈື່​ໄດ້​ບໍ​ວ່າ,

ໂຢຮັນ 16:4

ແຕ່​ເຮົາ​ໄດ້​ບອກ​ສິ່ງ​ເຫຼົ່ານີ້​ແກ່​ພວກເຈົ້າ ເພື່ອ​ວ່າ​ເມື່ອ​ເວລາ​ນັ້ນ​ມາ​ເຖິງ ພວກເຂົາ​ຈະ​ເຮັດ​ສິ່ງ​ເຫຼົ່ານີ້ ພວກເຈົ້າ​ຈະ​ສຳນຶກ​ໄດ້​ວ່າ ເຮົາ​ໄດ້​ບອກ​ພວກເຈົ້າ​ໄວ້​ແລ້ວ.” “ເຮົາ​ບໍ່ໄດ້​ບອກ​ສິ່ງ​ເຫຼົ່ານີ້​ແກ່​ພວກເຈົ້າ​ຕັ້ງແຕ່​ຕົ້ນ ເພາະວ່າ​ເຮົາ​ຍັງ​ຢູ່​ກັບ​ພວກເຈົ້າ.

ກິດຈະການ 20:31

ດັ່ງນັ້ນ ຈົ່ງ​ເຝົ້າ​ລະວັງ ແລະ​ຈົດຈຳ​ໄວ້​ວ່າ ໃນ​ລະຫວ່າງ​ສາມ​ປີ​ທັງ​ກາງເວັນ​ແລະ​ກາງຄືນ ຂ້າພະເຈົ້າ​ບໍ່ໄດ້​ຢຸດ​ຢ່ອນ ໃນ​ການ​ເຕືອນ​ສະຕິ​ພວກທ່ານ​ທຸກຄົນ​ດ້ວຍ​ນໍ້າຕາ​ໄຫລ.”

ຄາລາເຕຍ 5:21

ການ​ອິດສາ​ກັນ, ການ​ເສບ​ສຸຣາ​ຢາເມົາ, ການ​ກິນລ້ຽງ​ແບບ​ຊົ່ວຊ້າ ແລະ ການ​ອື່ນໆ​ອີກ ໃນທຳນອງ​ດຽວກັນ​ນີ້ ເຮົາ​ຂໍ​ເຕືອນ​ພວກເຈົ້າ​ດັ່ງ​ທີ່​ເຄີຍ​ເຕືອນ​ມາ​ແລ້ວ​ວ່າ, ຄົນ​ທີ່​ເຮັດ​ສິ່ງ​ເຫຼົ່ານີ້ ຈະ​ບໍ່ມີ​ສ່ວນ​ໃນ​ຣາຊອານາຈັກ​ຂອງ​ພຣະເຈົ້າ.

1 ເທສະໂລນິກ 2:11

ພວກເຈົ້າ​ຮູ້​ວ່າ, ພວກເຮົາ​ໄດ້​ປະພຶດ​ກັບ​ພວກເຈົ້າ​ແຕ່ລະຄົນ ເໝືອນ​ດັ່ງ​ພໍ່​ກັບ​ລູກໆ​ຂອງຕົນ.

1 ເທສະໂລນິກ 3:4

ດ້ວຍວ່າ, ໃນ​ລະຫວ່າງ​ທີ່​ພວກເຮົາ​ຍັງ​ຢູ່​ກັບ​ພວກເຈົ້າ​ນັ້ນ ພວກເຮົາ​ກໍໄດ້​ບອກ​ພວກເຈົ້າ​ລ່ວງໜ້າ​ໄວ້​ແລ້ວ​ວ່າ ພວກເຮົາ​ຈະ​ຖືກ​ຂົ່ມເຫັງ ແລະ​ກໍ​ເປັນ​ຢ່າງ​ນັ້ນ​ແທ້ ດັ່ງ​ທີ່​ພວກເຈົ້າ​ຮູ້​ແລ້ວ.

2 ເທສະໂລນິກ 2:6

ແຕ່​ໃນ​ເວລາ​ນີ້ ຍັງ​ມີ​ສິ່ງ​ທີ່​ກີດກັ້ນ​ມັນ​ໄວ້​ບໍ່​ໃຫ້​ປາກົດ​ຕົວ ແລະ​ພວກເຈົ້າ​ກໍ​ຮູ້​ວ່າ​ສິ່ງ​ນັ້ນ​ແມ່ນ​ຫຍັງ ເມື່ອ​ເຖິງ​ເວລາ​ກຳນົດ​ແລ້ວ ມັນ​ກໍ​ຈະ​ປາກົດ​ຕົວ.

2 ເທສະໂລນິກ 3:10

ເມື່ອ​ພວກເຮົາ​ຍັງ​ຢູ່​ກັບ​ພວກເຈົ້າ​ນັ້ນ ພວກເຮົາ​ເຄີຍ​ບອກ​ພວກເຈົ້າ​ແລ້ວ​ວ່າ, “ຜູ້ໃດ​ທີ່​ບໍ່​ຢາກ​ເຮັດ​ວຽກ ກໍ​ຢ່າ​ໃຫ້​ຜູ້ນັ້ນ​ກິນ.”

2 ເປໂຕ 1:15

ແລະ​ຂ້າພະເຈົ້າ​ຈະ​ພະຍາຍາມ​ຫາ​ທາງ​ໃຫ້​ເຈົ້າ​ທັງຫລາຍ ລະນຶກເຖິງ​ສິ່ງ​ເຫຼົ່ານີ້​ໄດ້​ທຸກ​ເວລາ ເມື່ອ​ຂ້າພະເຈົ້າ​ຈາກ​ໂລກນີ້​ໄປ​ແລ້ວ.