2 ຊາມູເອນ 9:6 - ພຣະຄຳພີສັກສິ

⁶ ເມື່ອ​ເມຟີໂບເຊັດ ລູກຊາຍ​ຂອງ​ໂຢນາທານ​ຫລານຊາຍ​ຂອງ​ໂຊນ​ເຂົ້າ​ມາ ລາວ​ກໍ​ກົ້ມ​ຂາບລົງ​ສະແດງ​ຄວາມ​ເຄົາຣົບ​ກະສັດ​ດາວິດ. ດາວິດ​ກ່າວ​ວ່າ, “ເມຟີໂບເຊັດ​ເອີຍ.” ແລະ​ລາວ​ຈຶ່ງ​ຕອບ​ວ່າ, “ຂ້ານ້ອຍ​ຂ້າ​ຮັບໃຊ້​ຂອງທ່ານ.”

2 ຊາມູເອນ 9:6 Jak'a apnaqawi uñst'ayäwi

ປະຖົມມະການ 18:2

ເມື່ອ​ອັບຣາຮາມ​ເງີຍ​ໜ້າ​ຂຶ້ນ ກໍ​ເຫັນ​ຊາຍ​ສາມ​ຄົນ​ຢືນ​ຢູ່​ຕໍ່ໜ້າ​ເພິ່ນ. ໃນທັນໃດ ທີ່​ເຫັນ​ພວກເພິ່ນ ເພິ່ນ​ຈຶ່ງ​ຟ້າວ​ລຸກ​ຂຶ້ນ​ແລ່ນ​ອອກ​ໄປ​ຕ້ອນຮັບ.

ປະຖົມມະການ 33:3

ສ່ວນ​ຢາໂຄບ​ເອງ​ໄດ້​ອອກ​ໜ້າ​ພາ​ພວກເຂົາ​ໄປ ແລະ​ຂາບລົງ​ເຈັດ​ເທື່ອ​ຈົນ​ເຂົ້າ​ໄປ​ຮອດ​ອ້າຍ.

2 ຊາມູເອນ 1:7

ເພິ່ນ​ຫລຽວ​ໄປມາ​ເລີຍ​ເຫັນ​ຂ້ານ້ອຍ ຈຶ່ງ​ເອີ້ນ​ໃສ່​ຂ້ານ້ອຍ ຂ້ານ້ອຍ​ໄດ້​ຕອບ​ເພິ່ນ​ວ່າ, ‘ໂດຍ ທ່ານເອີຍ.’

2 ຊາມູເອນ 16:4

ກະສັດ​ກ່າວ​ແກ່​ຊີບາ​ວ່າ, “ທຸກສິ່ງ​ທີ່​ເປັນ​ຂອງ​ເມຟີໂບເຊັດ​ກໍ​ເປັນ​ຂອງ​ເຈົ້າ.” ຊີບາ​ຕອບ​ວ່າ, “ຂ້າແດ່​ພະຣາຊາ ຂ້ານ້ອຍ​ຍິນດີ​ຮັບໃຊ້​ທ່ານ ຂໍ​ໃຫ້​ຂ້ານ້ອຍ​ເປັນ​ທີ່​ພໍໃຈ​ຂອງທ່ານ​ເລື້ອຍໆ​ເທີ້ນ.”

2 ຊາມູເອນ 21:7

ແຕ່​ກະສັດ​ໄດ້​ໄວ້​ຊີວິດ​ເມຟີໂບເຊັດ ລູກຊາຍ​ຂອງ​ໂຢນາທານ​ແລະ​ຫລານຊາຍ​ຂອງ​ໂຊນ ກໍ​ຍ້ອນ​ຄຳສາບານ​ແຫ່ງ​ພຣະເຈົ້າຢາເວ​ລະຫວ່າງ​ດາວິດ​ກັບ​ໂຢນາທານ​ລູກຊາຍ​ຂອງໂຊນ.

2 ຊາມູເອນ 4:4

ກະສັດ​ໂຊນ​ຍັງ​ມີ​ເຊື້ອສາຍ​ຢູ່​ອີກ​ຄົນ​ໜຶ່ງ​ຊື່​ວ່າ ເມຟີໂບເຊັດ; ລາວ​ເປັນ​ລູກຊາຍ​ຂອງ​ໂຢນາທານ. ຕອນ​ທີ່​ກະສັດ​ໂຊນ​ກັບ​ໂຢນາທານ​ຖືກ​ຂ້າ​ນັ້ນ ເມຟີໂບເຊັດ​ມີ​ອາຍຸ​ພຽງແຕ່​ຫ້າ​ປີ. ເມື່ອ​ຂ່າວ​ການຕາຍ​ຂອງ​ທັງສອງ​ເລົ່າລື​ມາ​ຈາກ​ຢິດຊະເຣນ ເອື້ອຍລ້ຽງ​ຂອງ​ເມຟີໂບເຊັດ​ກໍ​ຫອບ​ອູ້ມ​ລາວ​ໜີ, ແຕ່​ນາງ​ຟ້າວ​ເກີນ​ໄປ​ຈຶ່ງ​ເຮັດ​ໃຫ້​ເມຟີໂບເຊັດ​ຫລຸດ​ຈາກ​ມື ລາວ​ຈຶ່ງ​ກາຍເປັນ​ຄົນ​ຂາ​ພິການ.

2 ຊາມູເອນ 9:5

ດັ່ງນັ້ນ ກະສັດ​ດາວິດ​ຈຶ່ງ​ສົ່ງ​ຄົນ​ໄປ​ນຳ​ເອົາ​ເມຟີໂບເຊັດ.

1 ຂ່າວຄາວ 8:34

ໂຢນາທານ​ເປັນ​ພໍ່​ຂອງ​ເມຣິບບາອານ ແລະ​ເມຣິບບາອານ​ເປັນ​ພໍ່​ຂອງ​ມີກາ.

1 ຂ່າວຄາວ 9:40

ສ່ວນ​ໂຢນາທານ​ນັ້ນ​ເປັນ​ພໍ່​ຂອງ​ເມຣິບບາອານ, ແລະ​ເມຣິບບາອານ​ເປັນ​ພໍ່​ຂອງ​ມີກາ.

1 ຊາມູເອນ 20:41

ຫລັງຈາກ​ເດັກນ້ອຍ​ກັບ​ເມືອ​ແລ້ວ ດາວິດ​ໄດ້​ອອກ​ມາ​ຈາກ​ດ້ານຫລັງ​ຂອງ​ໂງ່ນຫີນ ກົ້ມ​ຂາບລົງ​ຕໍ່ໜ້າ​ໂຢນາທານ​ສາມ​ເທື່ອ. ດາວິດ​ກັບ​ໂຢນາທານ​ກອດ​ກັນ​ຮ້ອງໄຫ້. ດາວິດ​ໂສກເສົ້າ​ເສຍໃຈ​ຫລາຍກວ່າ​ໂຢນາທານ.

1 ຊາມູເອນ 25:23

ພໍ​ອາບີກາຍ​ຫລຽວເຫັນ​ດາວິດ ນາງ​ກໍ​ຟ້າວ​ລົງ​ຈາກ​ຫລັງ​ລໍ ແລະ​ກົ້ມ​ຂາບລົງ​ດິນ