2 ຊາມູເອນ 9:13 - ພຣະຄຳພີສັກສິ

¹³ ສະນັ້ນ ເມຟີໂບເຊັດ​ຜູ້​ທີ່​ຂາ​ພິການ​ທັງສອງ​ເບື້ອງ​ຈຶ່ງ​ຢູ່​ໃນ​ນະຄອນ​ເຢຣູຊາເລັມ ແລະ​ຮ່ວມ​ໂຕະ​ຮັບປະທານ​ອາຫານ​ກັບ​ກະສັດ​ສະເໝີ.

2 ຊາມູເອນ 9:13 Jak'a apnaqawi uñst'ayäwi

2 ຊາມູເອນ 19:27

ລາວ​ຕົວະ​ທ່ານ​ກ່ຽວກັບ​ເລື່ອງ​ຂ້ານ້ອຍ, ແຕ່​ທ່ານ​ເປັນ​ດັ່ງ​ເທວະດາ​ຂອງ​ພຣະເຈົ້າ; ສະນັ້ນ ຈົ່ງ​ເຮັດ​ຕາມ​ທີ່​ທ່ານ​ເຫັນ​ວ່າ​ຖືກຕ້ອງ​ເທີ້ນ.

2 ຊາມູເອນ 4:4

ກະສັດ​ໂຊນ​ຍັງ​ມີ​ເຊື້ອສາຍ​ຢູ່​ອີກ​ຄົນ​ໜຶ່ງ​ຊື່​ວ່າ ເມຟີໂບເຊັດ; ລາວ​ເປັນ​ລູກຊາຍ​ຂອງ​ໂຢນາທານ. ຕອນ​ທີ່​ກະສັດ​ໂຊນ​ກັບ​ໂຢນາທານ​ຖືກ​ຂ້າ​ນັ້ນ ເມຟີໂບເຊັດ​ມີ​ອາຍຸ​ພຽງແຕ່​ຫ້າ​ປີ. ເມື່ອ​ຂ່າວ​ການຕາຍ​ຂອງ​ທັງສອງ​ເລົ່າລື​ມາ​ຈາກ​ຢິດຊະເຣນ ເອື້ອຍລ້ຽງ​ຂອງ​ເມຟີໂບເຊັດ​ກໍ​ຫອບ​ອູ້ມ​ລາວ​ໜີ, ແຕ່​ນາງ​ຟ້າວ​ເກີນ​ໄປ​ຈຶ່ງ​ເຮັດ​ໃຫ້​ເມຟີໂບເຊັດ​ຫລຸດ​ຈາກ​ມື ລາວ​ຈຶ່ງ​ກາຍເປັນ​ຄົນ​ຂາ​ພິການ.

2 ຊາມູເອນ 9:12

ເມຟີໂບເຊັດ​ມີ​ລູກຊາຍ​ຫລ້າ​ຢູ່​ຄົນ​ໜຶ່ງ​ຊື່​ວ່າ ມີກາ. ທຸກຄົນ​ໃນ​ຄອບຄົວ​ຂອງ​ຊີບາ​ໄດ້​ເປັນ​ຄົນ​ຮັບໃຊ້​ຂອງ​ເມຟີໂບເຊັດ​ທັງໝົດ.

2 ຊາມູເອນ 9:3

ກະສັດ​ຖາມ​ລາວ​ອີກ​ວ່າ, “ມີ​ຜູ້ໃດ​ແດ່​ໃນ​ຄອບຄົວ​ຂອງ​ໂຊນ​ທີ່​ຍັງ​ມີ​ຊີວິດ​ຢູ່ ເພື່ອ​ວ່າ​ເຮົາ​ຈະ​ໄດ້​ສະແດງ​ຄວາມ​ຈົງຮັກ​ພັກດີ ແລະ​ໃຫ້​ຄວາມ​ເມດຕາ​ເພື່ອ​ຊ່ວຍເຫລືອ ຕາມ​ທີ່​ເຮົາ​ໄດ້​ສັນຍາ​ໄວ້​ກັບ​ພຣະເຈົ້າ.” ຊີບາ​ຕອບ​ວ່າ, “ຍັງ​ມີ​ຢູ່​ຜູ້ໜຶ່ງ. ລາວ​ແມ່ນ​ລູກຊາຍ​ຂອງ​ໂຢນາທານ ແຕ່​ລາວ​ຂາ​ພິການ.”

2 ຊາມູເອນ 9:7

ກະສັດ​ດາວິດ​ກ່າວ​ຕໍ່ໄປ​ວ່າ, “ບໍ່​ຕ້ອງ​ຢ້ານ​ດອກ ເພື່ອ​ເຫັນ​ແກ່​ໂຢນາທານ​ພໍ່​ຂອງ​ເຈົ້າ ເຮົາ​ຈະ​ເມດຕາ​ເຈົ້າ. ເຮົາ​ຈະ​ເອົາ​ທີ່ດິນ​ທັງໝົດ​ທີ່​ເປັນ​ຂອງ​ກະສັດ​ໂຊນ ປູ່​ຂອງ​ເຈົ້າ​ນັ້ນ​ມອບ​ໃຫ້​ເຈົ້າ ແລະ​ເຮົາ​ຍິນດີ​ໃຫ້​ເຈົ້າ​ມາ​ຮ່ວມ​ໂຕະ​ຮັບປະທານ​ອາຫານ​ກັບ​ເຮົາ​ສະເໝີ.”

ເຢເຣມີຢາ 52:33

ສະນັ້ນ ເຢໂຮຍອາກິນ​ຈຶ່ງ​ໄດ້​ຮັບ​ອະນຸຍາດ​ໃຫ້​ປ່ຽນ​ເຄື່ອງ​ນັກໂທດ ທັງ​ໄດ້​ຖືກ​ສັບຊ້ອນ​ໃຫ້​ຮ່ວມ​ຮັບປະທານ​ອາຫານ​ກັບ​ກະສັດ​ຕະຫລອດ​ຊີວິດ​ຂອງ​ເພິ່ນ.