2 ຊາມູເອນ 9:1 - ພຣະຄຳພີສັກສິ

¹ ມີ​ມື້​ໜຶ່ງ ກະສັດ​ດາວິດ​ໄດ້​ຖາມ​ວ່າ, “ມີ​ຜູ້ໃດ​ແດ່​ໃນ​ຄອບຄົວ​ຂອງ​ໂຊນ ທີ່​ຍັງ​ມີ​ຊີວິດ​ຢູ່? ຖ້າ​ມີ ເຮົາ​ຈະ​ໃຫ້​ຄວາມ​ເມດຕາ​ຊ່ວຍເຫລືອ​ລາວ​ເພື່ອ​ເຫັນ​ແກ່​ໂຢນາທານ.”

2 ຊາມູເອນ 9:1 Jak'a apnaqawi uñst'ayäwi

2 ຊາມູເອນ 1:26

ຂ້ອຍ​ຮ້ອງໄຫ້​ຫາ​ເຈົ້າ​ອ້າຍ​ໂຢນາທານ​ເອີຍ ເຈົ້າ​ເປັນ​ທີ່ຮັກ​ແພງ​ຂອງຂ້ອຍ​ຫລາຍ​ແທ້ໆ ຄວາມຮັກ​ທີ່​ເຈົ້າ​ມີ​ແກ່​ຂ້ອຍ​ຊ່າງ​ປະເສີດ​ຫລາຍ ເໜືອກວ່າ​ຄວາມຮັກ​ໃດໆ​ທີ່​ມີ​ຕໍ່​ຜູ້ຍິງ​ເສຍ​ອີກ.

2 ຊາມູເອນ 21:7

ແຕ່​ກະສັດ​ໄດ້​ໄວ້​ຊີວິດ​ເມຟີໂບເຊັດ ລູກຊາຍ​ຂອງ​ໂຢນາທານ​ແລະ​ຫລານຊາຍ​ຂອງ​ໂຊນ ກໍ​ຍ້ອນ​ຄຳສາບານ​ແຫ່ງ​ພຣະເຈົ້າຢາເວ​ລະຫວ່າງ​ດາວິດ​ກັບ​ໂຢນາທານ​ລູກຊາຍ​ຂອງໂຊນ.

2 ຊາມູເອນ 9:7

ກະສັດ​ດາວິດ​ກ່າວ​ຕໍ່ໄປ​ວ່າ, “ບໍ່​ຕ້ອງ​ຢ້ານ​ດອກ ເພື່ອ​ເຫັນ​ແກ່​ໂຢນາທານ​ພໍ່​ຂອງ​ເຈົ້າ ເຮົາ​ຈະ​ເມດຕາ​ເຈົ້າ. ເຮົາ​ຈະ​ເອົາ​ທີ່ດິນ​ທັງໝົດ​ທີ່​ເປັນ​ຂອງ​ກະສັດ​ໂຊນ ປູ່​ຂອງ​ເຈົ້າ​ນັ້ນ​ມອບ​ໃຫ້​ເຈົ້າ ແລະ​ເຮົາ​ຍິນດີ​ໃຫ້​ເຈົ້າ​ມາ​ຮ່ວມ​ໂຕະ​ຮັບປະທານ​ອາຫານ​ກັບ​ເຮົາ​ສະເໝີ.”

1 ກະສັດ 2:7

ແຕ່​ເຈົ້າ​ຈົ່ງ​ເຮັດ​ດີ​ຕໍ່​ພວກ​ລູກຊາຍ​ຂອງ​ບາກຊິນໄລ​ຊາວ​ກີເລອາດ ແລະ​ເບິ່ງແຍງ​ຮັກສາ​ພວກເຂົາ​ເພາະ​ພວກເຂົາ​ໄດ້​ເຮັດ​ດີ​ຕໍ່​ພໍ່ ເມື່ອ​ພໍ່​ໄດ້​ປົບໜີ​ຈາກ​ອັບຊາໂລມ​ອ້າຍ​ຂອງ​ເຈົ້າ.

ສຸພາສິດ 27:10

ຢ່າ​ລືມໄລ​ໝູ່ຄູ່​ຫລື​ໝູ່ຄູ່​ຂອງ​ພໍ່​ເຈົ້າ. ເມື່ອ​ຍາມ​ເດືອດຮ້ອນ​ຢ່າ​ຫາ​ອ້າຍ​ເອື້ອຍ​ນ້ອງ​ຂອງ​ເຈົ້າ​ໃຫ້​ຊ່ວຍເຫລືອ ເພື່ອນບ້ານ​ທີ່​ໃກ້ຄຽງ​ຊ່ວຍເຫລືອ​ເຈົ້າ​ໄດ້​ດີກວ່າ​ອ້າຍ​ເອື້ອຍ​ນ້ອງ​ຜູ້​ທີ່​ຢູ່​ຫ່າງໄກ.

ມັດທາຍ 10:42

ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ຖ້າ​ຜູ້ໃດ​ຈະ​ເອົາ​ນໍ້າ​ເຢັນ​ພຽງ​ຈອກ​ດຽວ ໃຫ້​ຜູ້​ຕໍ່າຕ້ອຍ​ທີ່ສຸດ​ໃນ​ຈຳພວກ​ນີ້​ດື່ມ ເພາະ​ເປັນ​ສິດ​ຂອງເຮົາ ຜູ້ນັ້ນ​ກໍ​ຈະ​ໄດ້​ຮັບ​ບຳເໜັດ​ຢ່າງ​ແນ່ນອນ.”

ມັດທາຍ 25:40

ຈອມ​ກະສັດ​ຈະ​ຕອບ​ວ່າ, ‘ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ ເມື່ອ​ພວກເຈົ້າ​ໄດ້​ເຮັດ​ສິ່ງ​ເຫຼົ່ານີ້ ແກ່​ຜູ້​ທີ່​ຕໍ່າຕ້ອຍ​ທີ່ສຸດ​ຄົນ​ໜຶ່ງ​ໃນ​ພວກ​ພີ່ນ້ອງ​ເຫຼົ່ານີ້​ຂອງເຮົາ, ພວກເຈົ້າ​ກໍໄດ້​ເຮັດ​ແກ່​ເຮົາ​ເໝືອນກັນ.’

ມາຣະໂກ 9:41

ເຮົາ​ບອກ​ເຈົ້າ​ຕາມ​ຄວາມຈິງ​ວ່າ ຜູ້ໃດ​ທີ່​ເອົາ​ນໍ້າ​ຈອກ​ໜຶ່ງ​ໃຫ້​ພວກເຈົ້າ​ດື່ມ ເພາະ​ເປັນ​ຝ່າຍ​ເຮົາ ຜູ້​ນັ້ນ​ກໍ​ຈະ​ບໍ່​ຂາດ​ບຳເໜັດ​ຂອງຕົນ.”

1 ເປໂຕ 3:8

ໃນ​ທີ່ສຸດ​ນີ້ ຂໍ​ໃຫ້​ພວກເຈົ້າ​ທຸກຄົນ​ຈົ່ງ​ເປັນ​ນໍ້າໜຶ່ງ​ໃຈ​ດຽວກັນ, ຈົ່ງ​ເຫັນອົກ​ເຫັນໃຈ​ກັນ, ຈົ່ງ​ຮັກ​ກັນ​ເໝືອນ​ພີ່ນ້ອງ​ຮ່ວມ​ທ້ອງ, ຈົ່ງ​ມີ​ຈິດໃຈ​ເມດຕາ ແລະ​ອ່ອນນ້ອມ​ຖ່ອມຕົວ​ລົງ.

1 ຊາມູເອນ 20:42

ໂຢນາທານ​ເວົ້າ​ກັບ​ດາວິດ​ວ່າ, “ຈົ່ງ​ໄປ​ດ້ວຍ​ຄວາມ​ສະຫງົບສຸກ ຕາມທີ່​ເຮົາ​ທັງສອງ​ໄດ້​ສາບານ​ໃນ​ນາມ​ຂອງ​ພຣະເຈົ້າຢາເວ​ວ່າ, ພຣະເຈົ້າຢາເວ​ຈະ​ໂຜດ​ໃຫ້​ເຈົ້າ​ກັບ​ຂ້ອຍ ແລະ​ເຊື້ອສາຍ​ຂອງ​ເຈົ້າ​ກັບ​ເຊື້ອສາຍ​ຂອງຂ້ອຍ​ເປັນ​ມິດ​ຕໍ່ກັນ​ຕະຫລອດໄປ​ຢ່າງ​ແນ່ນອນ.” ແລ້ວ​ດາວິດ​ກໍ​ຈາກ​ໄປ ແລະ​ໂຢນາທານ​ໄດ້​ກັບເມືອ​ໃນເມືອງ.