2 ຊາມູເອນ 8:6 - ພຣະຄຳພີສັກສິ

⁶ ແລ້ວ​ເພິ່ນ​ກໍໄດ້​ຕັ້ງ​ຄ້າຍ​ທະຫານ​ໄວ້​ໃນ ດິນແດນ​ຂອງ​ພວກເຂົາ. ຊາວ​ຊີເຣຍ​ຈຶ່ງ​ຕົກ​ຢູ່​ໃຕ້​ອຳນາດ​ຂອງ​ກະສັດ​ດາວິດ ແລະ​ຍອມ​ເສຍສ່ວຍ​ໃຫ້​ເພິ່ນ. ພຣະເຈົ້າຢາເວ​ຊ່ວຍ​ໃຫ້​ກະສັດ​ດາວິດ​ໄດ້​ຮັບ​ໄຊຊະນະ​ໃນ​ທຸກບ່ອນ​ທີ່​ເພິ່ນ​ໄປ​ສູ້ຮົບ.

2 ຊາມູເອນ 8:6 Jak'a apnaqawi uñst'ayäwi

2 ຊາມູເອນ 10:19

ເມື່ອ​ບັນດາ​ກະສັດ​ທີ່​ຂຶ້ນ​ກັບ​ເຈົ້າ​ຮາດາເດເຊ​ເຫັນວ່າ ພວກ​ຕົນ​ເສຍໄຊ​ໃຫ້​ແກ່​ຊາວ​ອິດສະຣາເອນ​ແລ້ວ ຈຶ່ງ​ເຮັດ​ສັນຍາ​ສະຫງົບ​ເສິກ​ກັບ​ພວກ​ອິດສະຣາເອນ ແລະ​ຍອມ​ຢູ່​ໃຕ້​ອຳນາດ​ຂອງ​ພວກເຂົາ. ແລ້ວ​ຊາວ​ຊີເຣຍ​ກໍ​ບໍ່​ກ້າ​ຊ່ວຍເຫລືອ​ຊາວ​ອຳໂມນ​ອີກ​ຕໍ່ໄປ.

2 ຊາມູເອນ 23:14

ໃນ​ເວລາ​ນັ້ນ ກະສັດ​ດາວິດ​ຢູ່​ທີ່​ເທິງ​ພູ​ບ່ອນ​ມີ​ປ້ອມ​ປ້ອງກັນ​ອັນ​ແໜ້ນໜາ ແລະ​ພວກ​ຟີລິດສະຕິນ​ອີກ​ໝວດ​ໜຶ່ງ​ກໍ​ຢຶດເອົາ​ເມືອງ​ເບັດເລເຮັມ​ໄວ້​ໄດ້.

2 ຊາມູເອນ 3:18

ບັດນີ້ ແມ່ນ​ໂອກາດ​ຂອງ​ພວກທ່ານ​ແລ້ວ. ຈົ່ງ​ຈື່ຈຳ​ຖ້ອຍຄຳ​ທີ່​ພຣະເຈົ້າຢາເວ​ໄດ້​ກ່າວ​ວ່າ ‘ເຮົາ​ຈະ​ໃຊ້​ດາວິດ​ຜູ້ຮັບໃຊ້​ຂອງເຮົາ ໄປ​ຊ່ວຍ​ເອົາ​ຊາວ​ອິດສະຣາເອນ​ປະຊາຊົນ​ຂອງເຮົາ​ໃຫ້​ພົ້ນ​ຈາກ​ພວກ​ຟີລິດສະຕິນ ແລະ​ຈາກ​ສັດຕູ​ທັງຫລາຍ​ຂອງ​ພວກເຂົາ.”’

2 ຊາມູເອນ 5:10

ເພິ່ນ​ມີ​ອຳນາດ​ເຂັ້ມແຂງ​ຂຶ້ນ​ຕະຫລອດ​ມາ ເພາະ​ພຣະເຈົ້າຢາເວ ພຣະເຈົ້າ​ອົງ​ຊົງຣິດ​ອຳນາດ​ຍິ່ງໃຫຍ່​ສະຖິດ​ຢູ່​ກັບ​ເພິ່ນ.

2 ຊາມູເອນ 7:9

ເຮົາ​ໄດ້​ຢູ່​ນຳ​ເຈົ້າ​ທຸກທີ່​ທຸກບ່ອນ​ທີ່​ເຈົ້າ​ໄປ ແລະ​ເຮົາ​ໄດ້​ໃຫ້​ສັດຕູ​ທັງຫລາຍ​ຂອງ​ເຈົ້າ​ພ່າຍແພ້​ໃນ​ຂະນະທີ່​ເຈົ້າ​ບຸກໜ້າ​ເຂົ້າ​ໄປ. ເຮົາ​ຈະ​ສ້າງ​ເຈົ້າ​ໃຫ້​ເປັນ​ຜູ້​ມີ​ຊື່ສຽງ ດັ່ງ​ບັນດາ​ຜູ້ນຳ​ຄົນ​ຍິ່ງໃຫຍ່​ທີ່ສຸດ​ໃນ​ໂລກ.

2 ຊາມູເອນ 8:14

ເພິ່ນ​ໄດ້​ຕັ້ງ​ຄ້າຍ​ທະຫານ​ຕ່າງໆ ໄວ້​ຢູ່​ທົ່ວ​ເຂດແດນ​ຂອງ​ເອໂດມ ແລະ​ປະຊາຊົນ​ຕາມ​ບ່ອນ​ເຫຼົ່ານີ້​ກໍ​ຕົກ​ຢູ່​ໃຕ້​ອຳນາດ​ຂອງ​ເພິ່ນ. ພຣະເຈົ້າຢາເວ​ໄດ້​ຊ່ວຍ​ໃຫ້​ກະສັດ​ດາວິດ​ໄດ້​ຮັບ​ໄຊຊະນະ​ໃນ​ທຸກບ່ອນ​ທີ່​ເພິ່ນ​ໄປ​ສູ້ຮົບ.

2 ຊາມູເອນ 8:2

ແລ້ວ​ເພິ່ນ​ກໍ​ເອົາ​ຊະນະ​ຊາວ​ໂມອາບ. ເພິ່ນ​ໄດ້​ບັງຄັບ​ພວກ​ຊະເລີຍເສິກ​ໃຫ້​ນອນ​ລົງ​ດິນ ແລະ​ຂ້າ​ສອງ​ໃນ​ສາມ​ຄົນ​ຖິ້ມ. ດັ່ງນັ້ນ ຊາວ​ໂມອາບ​ຈຶ່ງ​ຕົກ​ຢູ່​ໃຕ້​ອຳນາດ​ຂອງ​ກະສັດ​ດາວິດ ແລະ​ພວກເຂົາ​ກໍ​ຍອມ​ເສຍສ່ວຍ​ໃຫ້​ເພິ່ນ.

2 ຊາມູເອນ 8:7

ກະສັດ​ດາວິດ​ຍັງ​ຢຶດເອົາ​ໂລ້​ປ້ອງກັນ​ເປັນ​ຄຳ ທີ່​ພວກ​ຂ້າຣາຊການ​ຂອງ​ເຈົ້າ​ຮາດາເດເຊ​ຖື​ນັ້ນ ນຳໄປ​ທີ່​ນະຄອນ​ເຢຣູຊາເລັມ.

1 ກະສັດ 4:21

ອານາຈັກ​ຂອງ​ກະສັດ​ໂຊໂລໂມນ​ລວມ​ເອົາ​ທັງ​ຊົນຊາດ​ຕ່າງໆ ຕັ້ງແຕ່​ແມ່ນໍ້າ​ເອີຟຣັດ​ໄປ​ຈົນເຖິງ​ດິນແດນ​ຂອງ​ປະເທດ​ເອຢິບ. ພວກ​ນີ້​ເສຍສ່ວຍ​ແລະ​ຍອມ​ຢູ່​ໃຕ້​ອຳນາດ​ຕະຫລອດ​ຊົ່ວຊີວິດ​ຂອງ​ເພິ່ນ.

2 ກະສັດ 1:1

ຫລັງຈາກ​ກະສັດ​ອາຮາບ​ແຫ່ງ​ອິດສະຣາເອນ​ໄດ້​ຕາຍໄປ​ແລ້ວ ດິນແດນ​ໂມອາບ​ກໍໄດ້​ກະບົດ​ຕໍ່​ຊາດ​ອິດສະຣາເອນ.

2 ກະສັດ 14:28

ສິ່ງ​ອື່ນ​ທີ່​ກະສັດ​ເຢໂຣໂບອາມ​ທີສອງ​ໄດ້​ກະທຳ ພ້ອມ​ທັງ​ວິລະກຳ​ໃນ​ສະໜາມຮົບ ແລະ​ການຕີ​ເອົາ​ເມືອງ​ດາມັສກັດ​ແລະ​ເມືອງ​ຮາມັດ ຄືນ​ມາ​ເປັນ​ຂອງ​ອານາຈັກ​ອິດສະຣາເອນ ແມ່ນ​ໄດ້​ຖືກ​ບັນທຶກ​ໄວ້​ໃນ ປື້ມ​ປະຫວັດສາດ​ຂອງ​ບັນດາ​ກະສັດ​ແຫ່ງ​ອິດສະຣາເອນ.

2 ກະສັດ 18:7

ດັ່ງນັ້ນ ພຣະເຈົ້າຢາເວ​ຈຶ່ງ​ສະຖິດ​ຢູ່​ກັບ​ເພິ່ນ ແລະ​ທຸກສິ່ງ​ທີ່​ເພິ່ນ​ເຮັດ​ກໍ​ສຳເລັດຜົນ. ເພິ່ນ​ໄດ້​ກະບົດ​ຕໍ່​ກະສັດ​ແຫ່ງ​ອັດຊີເຣຍ ແລະ​ບໍ່ຍອມ​ຢູ່​ໃຕ້​ອຳນາດ​ຂອງ​ເພິ່ນ​ອີກ​ຕໍ່ໄປ.

2 ກະສັດ 3:4

ກະສັດ​ເມຊາ​ແຫ່ງ​ໂມອາບ​ໄດ້​ລ້ຽງ​ແກະ​ໄວ້​ຢ່າງ​ຫລວງຫລາຍ; ແລະ​ທຸກ​ປີ​ໃດ ເພິ່ນ​ໄດ້​ເສຍສ່ວຍ​ໃຫ້​ກະສັດ​ແຫ່ງ​ອິດສະຣາເອນ ລູກແກະ​ໜຶ່ງແສນ​ໂຕ ແລະ​ຂົນແກະ​ຈາກແກະ​ໜຶ່ງແສນ​ໂຕ.

1 ຂ່າວຄາວ 18:13

ລາວ​ໄດ້​ຕັ້ງ​ຄ້າຍ​ທະຫານ​ຢູ່​ທົ່ວ​ດິນແດນ​ເອໂດມ ແລະ​ປະຊາຊົນ​ໃນ​ທີ່ນັ້ນ​ໄດ້​ຕົກ​ຢູ່​ໃຕ້​ອຳນາດ​ຂອງ​ກະສັດ​ດາວິດ. ພຣະເຈົ້າຢາເວ​ໄດ້​ໃຫ້​ກະສັດ​ດາວິດ​ຮົບ​ຊະນະ ໃນ​ທຸກ​ທີ່​ທຸກບ່ອນ​ທີ່​ເພິ່ນ​ໄດ້ໄປ.

2 ຂ່າວຄາວ 17:2

ເພິ່ນ​ໄດ້​ວາງ​ທະຫານ​ປະຈຳ​ປ້ອມ​ປ້ອງກັນ​ເມືອງ​ຕ່າງໆ​ໃນ​ຢູດາຍ, ຕາມ​ນອກເມືອງ​ໃນ​ຢູດາຍ​ແລະ​ຕາມ​ເມືອງ​ຕ່າງໆ ທີ່​ອາສາ​ຢຶດ​ໄດ້​ໃນ​ເຂດແດນ​ຂອງ​ເຜົ່າ​ເອຟຣາອິມ.

ເພງ^ສັນລະເສີນ 140:7

ຂ້າແດ່​ພຣະເຈົ້າຢາເວ​ອົງພຣະ​ຜູ້​ເປັນເຈົ້າ​ຂອງ​ຂ້ານ້ອຍ ຜູ້​ປ້ອງກັນ​ທີ່​ເຂັ້ມແຂງ​ຂອງ​ຂ້ານ້ອຍ​ເອີຍ ພຣະອົງ​ໄດ້​ປົກປ້ອງ​ຄຸ້ມຄອງ​ຂ້ານ້ອຍ​ໃນ​ສະໜາມຮົບ.

ເພງ^ສັນລະເສີນ 60:10

ຂ້າແດ່​ພຣະເຈົ້າ ພຣະອົງ​ໄດ້​ປະຖິ້ມ​ພວກ​ຂ້ານ້ອຍ​ໄປ​ແທ້ບໍ? ຂ້າແດ່​ພຣະເຈົ້າ ພຣະອົງ​ຈະ​ບໍ່​ໄປ​ກັບ​ກອງທັບ​ຂອງ​ພວກ​ຂ້ານ້ອຍ​ອີກ​ຫລືນີ້?

ສຸພາສິດ 21:31

ແມ່ນ​ວ່າ​ມີ​ຝູງມ້າ​ຕຽມ​ເຮັດ​ເສິກ​ກໍດີ, ແຕ່​ແມ່ນ​ພຣະເຈົ້າຢາເວ​ທີ່​ເປັນ​ຜູ້​ໃຫ້​ໄຊຊະນະ.

1 ຊາມູເອນ 13:3

ໂຢນາທານ​ໄດ້​ຂ້າ​ຜູ້​ບັນຊາການ​ທະຫານ​ຟີລິດສະຕິນ ໃນ​ເມືອງ​ເກບາ ແລະ​ຊາວ​ຟີລິດສະຕິນ​ທັງໝົດ​ກໍ​ໄດ້​ຍິນ​ກ່ຽວກັບ​ເລື່ອງນີ້. ແລ້ວ​ກະສັດ​ໂຊນ​ກໍໄດ້​ສົ່ງ​ຄົນນຳຂ່າວ​ເປົ່າແກ​ໄປ​ທົ່ວ​ປະເທດ ເພື່ອ​ເກນ​ເອົາ​ຊາວ​ເຮັບເຣີ​ເຂົ້າ​ເຮັດ​ເສິກ.

1 ຊາມູເອນ 14:1

ມີ​ມື້ໜຶ່ງ ໂຢນາທານ​ໄດ້​ກ່າວ​ຕໍ່​ຊາຍໜຸ່ມ​ຜູ້​ທີ່​ຖື​ອາວຸດ​ໃຫ້​ຕົນ​ວ່າ, “ໃຫ້​ພວກເຮົາ​ຂ້າມ​ໄປ​ຄ້າຍ​ຂອງ​ພວກ​ຟີລິດສະຕິນ​ເທາະ.” ແຕ່​ໂຢນາທານ​ບໍ່ໄດ້​ບອກ​ໃຫ້​ກະສັດ​ໂຊນ​ພໍ່​ຂອງຕົນ​ຮູ້​ນຳ.

1 ຊາມູເອນ 14:15

ພວກ​ຟີລິດສະຕິນ​ທຸກຄົນ​ທີ່​ຢູ່​ນອກເມືອງ​ເກີດ​ຢ້ານກົວ; ພວກ​ກອງໂຈນ​ແລະ​ພວກ​ທະຫານ​ທີ່​ຢູ່​ໃນ​ຄ້າຍ​ກໍ​ຢ້ານກົວ​ຈົນ​ຕົວ​ສັ່ນເຊັນ ແຜ່ນດິນ​ຫວັ່ນໄຫວ ແລະ​ເກີດ​ມີ​ການ​ສັບສົນ​ວຸ້ນວາຍ​ກັນ​ຢ່າງ​ໃຫຍ່.

1 ຊາມູເອນ 14:6

ໂຢນາທານ​ເວົ້າ​ກັບ​ຊາຍໜຸ່ມ​ທີ່​ມາ​ນຳ​ຕົນ​ນັ້ນ​ວ່າ, “ໃຫ້​ພວກເຮົາ​ຂ້າມ​ໄປ​ທີ່​ຄ້າຍ​ຂອງ​ຊາວ​ຟີລິດສະຕິນ​ຜູ້​ບໍ່​ນັບຖື​ພຣະເຈົ້າ. ບາງທີ​ພຣະເຈົ້າຢາເວ​ຈະ​ຊ່ວຍເຫລືອ​ພວກເຮົາ​ກໍໄດ້. ຖ້າ​ພຣະອົງ​ຊ່ວຍເຫລືອ​ພວກເຮົາ ຈະ​ບໍ່ມີ​ສິ່ງໃດ​ກີດກັ້ນ​ບໍ່​ໃຫ້​ພຣະເຈົ້າຢາເວ​ມອບ​ໄຊຊະນະ​ແກ່​ພວກເຮົາ​ໄດ້​ດອກ ເຖິງ​ແມ່ນ​ວ່າ​ພວກເຮົາ​ມີ​ໜ້ອຍຄົນ​ກໍຕາມ.”