2 ຊາມູເອນ 8:2 - ພຣະຄຳພີສັກສິ

² ແລ້ວ​ເພິ່ນ​ກໍ​ເອົາ​ຊະນະ​ຊາວ​ໂມອາບ. ເພິ່ນ​ໄດ້​ບັງຄັບ​ພວກ​ຊະເລີຍເສິກ​ໃຫ້​ນອນ​ລົງ​ດິນ ແລະ​ຂ້າ​ສອງ​ໃນ​ສາມ​ຄົນ​ຖິ້ມ. ດັ່ງນັ້ນ ຊາວ​ໂມອາບ​ຈຶ່ງ​ຕົກ​ຢູ່​ໃຕ້​ອຳນາດ​ຂອງ​ກະສັດ​ດາວິດ ແລະ​ພວກເຂົາ​ກໍ​ຍອມ​ເສຍສ່ວຍ​ໃຫ້​ເພິ່ນ.

2 ຊາມູເອນ 8:2 Jak'a apnaqawi uñst'ayäwi

2 ຊາມູເອນ 12:31

ແລ້ວ​ເພິ່ນ​ກໍໄດ້​ເອົາ​ເລື່ອຍ, ຈົກ, ຂວານ, ໃຫ້​ຊາວ​ເມືອງ​ນີ້ ແລະ​ບັງຄັບ​ພວກເຂົາ​ເຮັດ​ດິນຈີ່​ໃຫ້​ເພິ່ນ. ເພິ່ນ​ໄດ້​ປະຕິບັດ​ເໝືອນກັນ​ນີ້​ຕໍ່​ຊາວ​ອຳໂມນ​ໃນ​ທຸກ​ຫົວເມືອງ. ແລ້ວ​ເພິ່ນ​ພ້ອມ​ທັງ​ທະຫານ​ຂອງ​ເພິ່ນ​ກໍ​ກັບຄືນ​ມາ​ນະຄອນ​ເຢຣູຊາເລັມ.

2 ຊາມູເອນ 8:6

ແລ້ວ​ເພິ່ນ​ກໍໄດ້​ຕັ້ງ​ຄ້າຍ​ທະຫານ​ໄວ້​ໃນ ດິນແດນ​ຂອງ​ພວກເຂົາ. ຊາວ​ຊີເຣຍ​ຈຶ່ງ​ຕົກ​ຢູ່​ໃຕ້​ອຳນາດ​ຂອງ​ກະສັດ​ດາວິດ ແລະ​ຍອມ​ເສຍສ່ວຍ​ໃຫ້​ເພິ່ນ. ພຣະເຈົ້າຢາເວ​ຊ່ວຍ​ໃຫ້​ກະສັດ​ດາວິດ​ໄດ້​ຮັບ​ໄຊຊະນະ​ໃນ​ທຸກບ່ອນ​ທີ່​ເພິ່ນ​ໄປ​ສູ້ຮົບ.

1 ກະສັດ 4:21

ອານາຈັກ​ຂອງ​ກະສັດ​ໂຊໂລໂມນ​ລວມ​ເອົາ​ທັງ​ຊົນຊາດ​ຕ່າງໆ ຕັ້ງແຕ່​ແມ່ນໍ້າ​ເອີຟຣັດ​ໄປ​ຈົນເຖິງ​ດິນແດນ​ຂອງ​ປະເທດ​ເອຢິບ. ພວກ​ນີ້​ເສຍສ່ວຍ​ແລະ​ຍອມ​ຢູ່​ໃຕ້​ອຳນາດ​ຕະຫລອດ​ຊົ່ວຊີວິດ​ຂອງ​ເພິ່ນ.

2 ກະສັດ 1:1

ຫລັງຈາກ​ກະສັດ​ອາຮາບ​ແຫ່ງ​ອິດສະຣາເອນ​ໄດ້​ຕາຍໄປ​ແລ້ວ ດິນແດນ​ໂມອາບ​ກໍໄດ້​ກະບົດ​ຕໍ່​ຊາດ​ອິດສະຣາເອນ.

2 ກະສັດ 17:3

ກະສັດ​ຊານມາເນເຊ​ແຫ່ງ​ອັດຊີເຣຍ​ໄດ້​ເຮັດ​ເສິກ​ຕໍ່ສູ້​ເພິ່ນ; ກະສັດ​ໂຮເຊຢາ​ຈຶ່ງ​ຍອມ​ຈຳນົນ​ຕໍ່​ກະສັດ​ຊານມາເນເຊ ແລະ​ເສຍສ່ວຍ​ໃຫ້​ເພິ່ນ​ທຸກ​ປີ.

1 ຂ່າວຄາວ 18:2

ເພິ່ນ​ຍັງ​ໄດ້​ເອົາ​ຊະນະ​ຊາວ​ໂມອາບ. ພວກເຂົາ​ໄດ້​ຕົກ​ຢູ່​ໃຕ້​ອຳນາດ​ຂອງ​ເພິ່ນ ແລະ​ໄດ້​ເສຍສ່ວຍ​ໃຫ້​ເພິ່ນ.

2 ຂ່າວຄາວ 26:8

ຊາວ​ອຳໂມນ​ໄດ້​ເສຍສ່ວຍ​ໃຫ້​ອຸດຊີຢາ ແລະ​ເພິ່ນ​ເປັນ​ກະສັດ​ທີ່​ມີ​ອຳນາດ​ຫລາຍ ຈົນຊື່ສຽງ​ຂອງ​ເພິ່ນ​ໄດ້​ໂດ່ງດັງ​ໄປ​ຮອດ​ເອຢິບ.

ເພງ^ສັນລະເສີນ 108:9

ແຕ່​ເຮົາ​ຈະ​ໃຊ້​ໂມອາບ​ເປັນ​ດັ່ງ​ຊາມ​ລ້າງສ່ວຍ ແລະ​ຈະ​ໂຍນ​ເກີບ​ຂອງເຮົາ​ໃສ່​ເອໂດມ ໃຫ້​ເປັນ​ເຄື່ອງໝາຍ​ວ່າ​ເຮົາ​ເປັນ​ເຈົ້າຂອງ​ດິນແດນ ເຮົາ​ຈະ​ໂຮຮ້ອງ​ມີໄຊ​ເໜືອ​ຊາວ​ຟີລິດສະຕິນ​ດ້ວຍ.”

ເພງ^ສັນລະເສີນ 18:45

ຄວາມ​ກ້າຫານ​ທີ່​ພວກເຂົາ​ມີ​ນັ້ນ​ກໍ​ເສຍ​ໄປ​ໝົດ ໂຕ​ສັ່ນເຊັນ​ອອກ​ມາ​ຈາກ​ປ້ອມ​ຂອງ​ເຂົາເຈົ້າ.

ເພງ^ສັນລະເສີນ 60:10

ຂ້າແດ່​ພຣະເຈົ້າ ພຣະອົງ​ໄດ້​ປະຖິ້ມ​ພວກ​ຂ້ານ້ອຍ​ໄປ​ແທ້ບໍ? ຂ້າແດ່​ພຣະເຈົ້າ ພຣະອົງ​ຈະ​ບໍ່​ໄປ​ກັບ​ກອງທັບ​ຂອງ​ພວກ​ຂ້ານ້ອຍ​ອີກ​ຫລືນີ້?

ເພງ^ສັນລະເສີນ 60:8

ແຕ່​ເຮົາ​ຈະ​ໃຊ້​ໂມອາບ​ຄື​ຊາມ​ລ້າງສ່ວຍ ແລະ​ໂຍນ​ເກີບ​ຂອງເຮົາ​ໃສ່​ເອໂດມ ໝາຍ​ເຖິງ​ວ່າ​ເຮົາ​ເປັນ​ພຣະເຈົ້າ​ຂອງ​ດິນແດນ. ຊາວ​ຟີລິດສະຕິນ​ຄິດ​ວ່າ​ຈະ​ໂຮຮ້ອງ​ມີໄຊ​ຫລືນີ້?”

ເພງ^ສັນລະເສີນ 83:6

ມີ​ຊາວ​ເອໂດມ​ແລະ​ຊາວ​ອິດຊະມາເອນ ຊາວ​ໂມອາບ​ກໍ​ມີ​ໜ້າ​ແລະ​ຊາວ​ຮັກກິດ​ກໍ​ຮ່ວມ​ຢູ່​ດ້ວຍ.

ເອຊາຢາ 36:16

ຢ່າ​ເຊື່ອຟັງ​ເຮເຊກີຢາ​ເລີຍ ກະສັດ​ແຫ່ງ​ອັດຊີເຣຍ​ສັ່ງ​ພວກເຈົ້າ ໃຫ້​ອອກ​ມາ​ຈາກ​ເມືອງ ແລະ​ຍອມ​ຈຳນົນ​ສາ. ເຈົ້າ​ທຸກຄົນ​ຈະ​ໄດ້​ຮັບ​ອະນຸຍາດ ໃຫ້​ກິນ​ໝາກອະງຸ່ນ​ຢູ່​ໃນ​ສວນອະງຸ່ນ​ຂອງ​ພວກ​ເຈົ້າເອງ ແລະ​ກິນ​ໝາກເດື່ອ​ຈາກ​ຕົ້ນ​ໝາກເດື່ອ​ຂອງ​ພວກເຈົ້າ​ເອງ ແລະ​ດື່ມ​ນໍ້າ​ຈາກ​ສ້າງ​ຂອງ​ພວກເຈົ້າ​ເອງ​ໄດ້

ຈົດບັນຊີ 24:17

ຂ້າພະເຈົ້າ​ແນມ​ເບິ່ງ ໄປ​ໃນ​ຄັ້ງໜ້າ​ຄັ້ງໃນ ແລະ​ຂ້າພະເຈົ້າ​ໄດ້​ເຫັນ ຊົນຊາດ​ອິດສະຣາເອນ​ນີ້. ມີ​ກະສັດ​ອົງ​ໜຶ່ງ​ຈະ​ເກີດຂຶ້ນ ດັ່ງ​ດວງ​ແຈ້ງ​ໃນ​ຊົນຊາດ​ຂອງ​ພວກເຂົາ ເໝືອນ​ດາວ​ຫາງ​ອັນ​ຊົງຣິດ ທີ່​ມາ​ຈາກ​ຊາດ​ອິດສະຣາເອນ​ນັ້ນ ເພິ່ນ​ຈະ​ເຂັ່ນຂ້າ​ເປັນ​ໝູ່ ຜູ້ນຳ​ຂອງ​ໂມອາບ​ທັງຫລາຍ ຜູ້​ທີ່​ໂຫດຮ້າຍ​ແລະ​ຈອງຫອງ. ເພິ່ນ​ຈະ​ປາບ​ພວກເຂົາ​ໝົດ​ທຸກຄົນ​ຖິ້ມ.

1 ຊາມູເອນ 10:27

ແຕ່​ນັກເລງ​ບາງຄົນ​ໄດ້​ເວົ້າ​ວ່າ, “ຄົນ​ນີ້​ຈະ​ຊ່ວຍ​ພວກເຮົາ​ໄດ້​ຢ່າງ​ໃດ?” ພວກເຂົາ​ໝິ່ນປະໝາດ​ໂຊນ ແລະ​ບໍ່ໄດ້​ນຳ​ເອົາ​ຂອງຂວັນ​ຫຍັງ​ມາ​ໃຫ້​ລາວ​ເລີຍ, ແຕ່​ລາວ​ກໍມິດ​ເສີຍ.

1 ຊາມູເອນ 14:47

ເມື່ອ​ໂຊນ​ຂຶ້ນ​ເປັນ​ກະສັດ​ຂອງ​ຊາດ​ອິດສະຣາເອນ​ແລ້ວ ເພິ່ນ​ໄດ້​ສູ້ຮົບ​ໃນ​ທຸກບ່ອນ​ກັບ​ສັດຕູ​ທຸກ​ຄົນ​ຂອງ​ເພິ່ນ​ເຊັ່ນ: ຊາວ​ໂມອາບ, ຊາວ​ອຳໂມນ, ຊາວ​ເອໂດມ, ພວກ​ກະສັດ​ແຫ່ງ​ໂຊບາ ແລະ​ພວກ​ຟີລິດສະຕິນ. ທຸກ​ບ່ອນ​ທີ່​ເພິ່ນ​ສູ້ຮົບ ເພິ່ນ​ກໍໄດ້​ຮັບ​ໄຊຊະນະ.

1 ຊາມູເອນ 22:3

ຕໍ່ມາ ດາວິດ​ໄດ້​ອອກ​ຈາກ​ບ່ອນ​ນີ້​ໄປ​ທີ່​ເມືອງ​ມີຊະປາ​ໃນ​ດິນແດນ​ໂມອາບ. ເພິ່ນ​ໄດ້​ກ່າວ​ແກ່​ກະສັດ​ແຫ່ງ​ໂມອາບ​ວ່າ, “ຂໍໂຜດ​ໃຫ້​ພໍ່​ແມ່​ຂອງ​ຂ້ານ້ອຍ​ມາ​ຢູ່​ກັບ​ທ່ານ​ຊົ່ວຄາວ ຈົນກວ່າ​ຂ້ານ້ອຍ​ຈະ​ຮູ້ຈັກ​ວ່າ ພຣະເຈົ້າ​ຈະ​ກະທຳການ​ຢ່າງໃດ​ສຳລັບ​ຂ້ານ້ອຍ​ແທ້.”

1 ຊາມູເອນ 22:4

ແລ້ວ​ດາວິດ​ກໍໄດ້​ພາ​ພໍ່​ແມ່​ໄປ​ປະ​ໄວ້​ກັບ​ກະສັດ​ແຫ່ງ​ໂມອາບ. ພໍ່​ແມ່​ຂອງ​ດາວິດ​ໄດ້​ອາໄສ​ຢູ່​ໃນ​ທີ່ນັ້ນ ຕະຫລອດ​ຊົ່ວ​ເວລາ​ທີ່​ດາວິດ​ຍັງ​ລີ້ໄພ​ຢູ່​ໃນ​ຖໍ້າ.