2 ຊາມູເອນ 8:13 - ພຣະຄຳພີສັກສິ

¹³ ກະສັດ​ດາວິດ​ມີ​ຊື່ສຽງ​ໂດ່ງດັງ​ຫລາຍ​ຂຶ້ນ ຫລັງຈາກ​ທີ່​ເພິ່ນ​ໄດ້​ກັບຄືນ​ມາ​ຈາກ​ບ່ອນ​ທີ່​ເພິ່ນ​ໄດ້​ຂ້າ​ຊາວ​ເອໂດມ​ສິບແປດພັນ​ຄົນ ທີ່​ຮ່ອມພູ​ເກືອ.

2 ຊາມູເອນ 8:13 Jak'a apnaqawi uñst'ayäwi

ປະຖົມມະການ 11:4

ພວກເຂົາ​ເວົ້າ​ວ່າ, “ບັດ​ນີ້ ຈົ່ງ​ພາກັນ​ສ້າງ​ເມືອງ​ກັບ​ທັງ​ໃຫ້​ມີ​ຫໍຄອຍ​ທີ່​ມີ​ຍອດ​ສູງ​ຈຸ​ຟ້າ​ສະຫວັນ ເພື່ອ​ພວກເຮົາ​ຈະ​ໄດ້​ສ້າງ​ຊື່ສຽງ​ໄວ້ ແລະ​ຈະ​ບໍ່​ຖືກ​ພັດພາກ​ຈາກ​ກັນ​ໄປ​ທົ່ວ​ເທິງ​ແຜ່ນດິນ​ໂລກນີ້.”

2 ຊາມູເອນ 7:9

ເຮົາ​ໄດ້​ຢູ່​ນຳ​ເຈົ້າ​ທຸກທີ່​ທຸກບ່ອນ​ທີ່​ເຈົ້າ​ໄປ ແລະ​ເຮົາ​ໄດ້​ໃຫ້​ສັດຕູ​ທັງຫລາຍ​ຂອງ​ເຈົ້າ​ພ່າຍແພ້​ໃນ​ຂະນະທີ່​ເຈົ້າ​ບຸກໜ້າ​ເຂົ້າ​ໄປ. ເຮົາ​ຈະ​ສ້າງ​ເຈົ້າ​ໃຫ້​ເປັນ​ຜູ້​ມີ​ຊື່ສຽງ ດັ່ງ​ບັນດາ​ຜູ້ນຳ​ຄົນ​ຍິ່ງໃຫຍ່​ທີ່ສຸດ​ໃນ​ໂລກ.

1 ກະສັດ 11:15

ດົນນານ​ມາ​ແລ້ວ​ກ່ອນ​ເຫດການ​ນີ້ ເມື່ອ​ກະສັດ​ດາວິດ​ໄດ້​ເອົາ​ຊະນະ​ເອໂດມ ໂຢອາບ​ຜູ້​ບັນຊາການ​ຂອງ​ເພິ່ນ​ໄດ້​ໄປ​ທີ່​ເມືອງ​ນັ້ນ​ເພື່ອ​ຝັງສົບ​ຄົນ​ຕາຍ. ລາວ​ກັບ​ພວກ​ທະຫານ​ຂອງ​ລາວ​ໄດ້​ຄ້າງ​ຢູ່​ໃນ​ເອໂດມ​ເປັນ​ເວລາ​ຫົກ​ເດືອນ ໃນ​ຂະນະທີ່​ພວກເຂົາ​ຢູ່​ໃນ​ທີ່ນັ້ນ ພວກເຂົາ​ໄດ້​ຂ້າ​ຜູ້ຊາຍ​ທຸກຄົນ​ໃນ​ເມືອງ​ເອໂດມ

2 ກະສັດ 14:7

ກະສັດ​ອາມາຊີຢາ​ຂ້າ​ທະຫານ​ຊາວ​ເອໂດມ​ສິບພັນ​ຄົນ ໃນ​ຮ່ອມພູ​ເກືອ; ເພິ່ນ​ຢຶດເອົາ​ເມືອງ​ເສລາ​ໄດ້ ແລະ​ເອີ້ນ​ຊື່​ເມືອງ​ນີ້​ວ່າ​ໂຢກເທເອນ ຊຶ່ງ​ຊື່​ນີ້​ຍັງ​ມີ​ຢູ່​ເທົ່າ​ທຸກ​ວັນນີ້.

1 ຂ່າວຄາວ 18:12

ອາບີໄຊ ລູກຊາຍ​ນາງ​ເຊຣູອີຢາ​ໄດ້​ເອົາ​ຊະນະ​ຊາວ​ເອໂດມ​ຢູ່​ໃນ​ຮ່ອມພູ​ເກືອ ໂດຍ​ໄດ້​ຂ້າ​ສັດຕູ ສິບແປດພັນ​ຄົນ.

2 ຂ່າວຄາວ 25:11

ອາມາຊີຢາ​ສຸມ​ທຸກ​ຄວາມ​ກ້າຫານ​ຂອງຕົນ ແລະ​ນຳພາ​ກອງທັບ​ອອກ​ໄປ​ສູ່​ຮ່ອມພູ​ເກືອ. ໃນ​ທີ່ນັ້ນ ພວກເຂົາ​ໄດ້​ດຳເນີນ​ການ​ສູ້ຮົບ ແລະ​ໄດ້​ຂ້າ​ທະຫານ​ເອໂດມ​ສິບພັນ​ຄົນ

ເພງ^ສັນລະເສີນ 60:1

ຂ້າແດ່​ພຣະເຈົ້າ ພຣະອົງ​ປະຕິເສດ​ພວກ​ຂ້ານ້ອຍ ພຣະອົງ​ໃຫ້​ພວກ​ຂ້ານ້ອຍ​ພ່າຍແພ້ ພຣະອົງ​ໄດ້​ໂກດຮ້າຍ​ພວກ​ຂ້ານ້ອຍ ບັດນີ້​ໂຜດ​ເຊົາ​ແລະ​ຄືນ​ມາ​ຫາ​ພວກ​ຂ້ານ້ອຍ​ເຖີດ.