2 ຊາມູເອນ 7:18 - ພຣະຄຳພີສັກສິ

¹⁸ ຕໍ່ມາ ກະສັດ​ດາວິດ​ໄດ້​ເຂົ້າ​ໄປ​ໃນ​ຫໍເຕັນ ແລະ​ນັ່ງ​ລົງ​ຕໍ່ໜ້າ​ພຣະເຈົ້າຢາເວ ແລະ​ໄດ້ກ່າວ​ວ່າ, “ຂ້າແດ່​ອົງພຣະ​ຜູ້​ເປັນເຈົ້າ ພຣະເຈົ້າ​ເອີຍ ຂ້ານ້ອຍ​ແລະ​ຄອບຄົວ​ບໍ່​ສົມຄວນ​ກັບ​ສິ່ງ​ທີ່​ພຣະອົງ​ໄດ້​ກະທຳ​ຕໍ່​ຂ້ານ້ອຍ​ເລີຍ.

2 ຊາມູເອນ 7:18 Jak'a apnaqawi uñst'ayäwi

ປະຖົມມະການ 32:10

ຂ້ານ້ອຍ​ບໍ່​ສົມຄວນ​ກັບ​ພຣະ​ກະລຸນາ ແລະ​ຄວາມ​ສັດຊື່​ທີ່​ພຣະອົງ​ໄດ້​ສຳແດງ​ຕໍ່​ຂ້ານ້ອຍ​ຜູ້ຮັບໃຊ້​ຂອງ​ພຣະອົງ​ເລີຍ. ຂ້ານ້ອຍ​ໄດ້​ຂ້າມ​ແມ່ນໍ້າ​ຈໍແດນ ມີ​ພຽງ​ໄມ້ເທົ້າ​ເທົ່ານັ້ນ; ແຕ່​ບັດນີ້ ຂ້ານ້ອຍ​ກັບ​ມາ​ພ້ອມ​ດ້ວຍ​ຈຳນວນ​ຄົນ​ແລະ​ຝູງສັດ​ສອງ​ໝວດ​ນີ້.

ປະຖົມມະການ 32:11

ຂ້ານ້ອຍ​ພາວັນນາ​ອະທິຖານ ຂໍ​ພຣະອົງ​ໂຜດ​ຊ່ວຍ​ຂ້ານ້ອຍ ໃຫ້​ພົ້ນ​ຈາກ​ເງື້ອມມື​ຂອງ​ອ້າຍ​ເອຊາວ​ແດ່ທ້ອນ. ຂ້ານ້ອຍ​ຢ້ານ​ວ່າ ລາວ​ຈະ​ເຂົ້າ​ມາ​ບຸກໂຈມຕີ ແລະ​ທຳຮ້າຍ​ພວກ​ຂ້ານ້ອຍ​ທັງໝົດ​ຄື: ພວກຜູ້ຍິງ​ແລະ​ເດັກນ້ອຍ.

2 ຊາມູເອນ 23:5

ພຣະເຈົ້າ​ອວຍພອນ​ໃຫ້​ເຊື້ອສາຍ​ຂອງ​ຂ້ານ້ອຍ​ດັ່ງນີ້ ເພາະ​ຊົງ​ຕັ້ງ​ພັນທະສັນຍາ​ກັບ​ຂ້ານ້ອຍ​ສືບໄປ, ເປັນ​ຄຳ​ຕົກລົງ​ທີ່​ຈະ​ບໍ່​ຖືກ​ຍົກເລີກ ເປັນ​ຄຳສັນຍາ​ທີ່​ຈະ​ປ່ຽນແປງ​ບໍ່ໄດ້. ທັງໝົດ​ນີ້ ຄື​ສິ່ງ​ທີ່​ຂ້ານ້ອຍ​ຕ້ອງການ ຄື​ຊົງ​ມອບ​ໄຊຊະນະ​ໃຫ້​ໃນ​ທຸກໆ​ສະພາບ​ການ.

2 ຊາມູເອນ 7:17

ນາທານ​ຈຶ່ງ​ບອກ​ກະສັດ​ດາວິດ​ທຸກສິ່ງ​ຕາມ​ທີ່​ພຣະເຈົ້າ​ໄດ້​ສຳແດງ​ໃຫ້​ແກ່​ຕົນ​ຮູ້​ນັ້ນ.

1 ຂ່າວຄາວ 17:16

ແລ້ວ​ກະສັດ​ດາວິດ​ກໍ​ເຂົ້າ​ໄປ​ແລະ​ນັ່ງລົງ​ຕໍ່ໜ້າ​ພຣະເຈົ້າຢາເວ ແລະ​ໄດ້ກ່າວ​ວ່າ, “ຂ້າແດ່​ພຣະເຈົ້າຢາເວ ພຣະເຈົ້າ​ເອີຍ ຂ້ານ້ອຍ​ບໍ່​ສົມຄວນ​ກັບ​ສິ່ງ​ທີ່​ພຣະອົງ​ໄດ້​ກະທຳ​ເພື່ອ​ຂ້ານ້ອຍ​ເລີຍ; ແມ່ນແຕ່​ກັບ​ຄອບຄົວ​ຂອງ​ຂ້ານ້ອຍ​ດ້ວຍ.

1 ຂ່າວຄາວ 29:14

ຕາມ​ທີ່​ຈິງ​ແລ້ວ ປະຊາຊົນ​ຂອງ​ພຣະອົງ​ແລະ​ຂ້ານ້ອຍ​ເອງ​ຈະ​ຖວາຍ​ສິ່ງໃດໆ​ໃຫ້​ແກ່​ພຣະອົງ​ບໍ່ໄດ້​ດອກ ເພາະ​ທຸກສິ່ງ​ເປັນ​ຂອງຂວັນ​ມາ​ຈາກ​ພຣະອົງ​ທັງ​ສິ້ນ ແລະ​ພວກ​ຂ້ານ້ອຍ​ກໍ​ພຽງແຕ່​ຖວາຍ​ສິ່ງ​ທີ່​ເປັນ​ຂອງ​ພຣະອົງ​ຄືນ​ໃຫ້​ພຣະອົງ​ເທົ່ານັ້ນ.

ເພງ^ສັນລະເສີນ 8:4

ມະນຸດ​ສຳຄັນ​ຫຍັງ​ແດ່​ທີ່​ພຣະອົງ​ຕ້ອງ​ຄິດເຖິງ​ພວກເຂົາ ມະນຸດ​ທີ່​ຕາຍ​ເປັນ ສຳຄັນ​ຫຍັງ​ທີ່​ພຣະອົງ​ຕ້ອງ​ຫ່ວງໃຍ​ພວກເຂົາ?

ອົບພະຍົບ 3:11

ແຕ່​ໂມເຊ​ໄດ້ກ່າວ​ຕໍ່​ພຣະເຈົ້າ​ວ່າ, “ຂ້ານ້ອຍ​ເປັນ​ມະນຸດ​ສາມັນ​ທຳມະດາ ຈະ​ໄປ​ຫາ​ກະສັດ​ຟາໂຣ​ໄດ້​ບໍ? ຂ້ານ້ອຍ​ຈະ​ນຳພາ​ຊາວ​ອິດສະຣາເອນ ອອກ​ໄປ​ຈາກ​ປະເທດ​ເອຢິບ​ໄດ້​ຢ່າງ​ໃດ?”

ເອຊາຢາ 37:14

ກະສັດ​ເຮເຊກີຢາ​ໄດ້​ຈັບ​ເອົາ​ຂໍ້ຄວາມ​ຈາກ​ພວກ​ຜູ້​ສົ່ງຂ່າວ​ມາ​ອ່ານ. ແລ້ວ​ເພິ່ນ​ກໍ​ໄປ​ທີ່​ວິຫານ​ຂອງ​ພຣະເຈົ້າຢາເວ ວາງ​ຂໍ້ຄວາມ​ນັ້ນ​ໄວ້​ຊ້ອງໜ້າ​ພຣະເຈົ້າຢາເວ

ເອເຟໂຊ 3:8

ໃນ​ບັນດາ​ໄພ່ພົນ​ຂອງ​ພຣະເຈົ້າ​ທັງໝົດ​ນັ້ນ ຂ້າພະເຈົ້າ​ເປັນ​ຜູ້​ຕໍ່າຕ້ອຍ​ທີ່ສຸດ​ກວ່າ​ຜູ້​ທີ່​ເລັກນ້ອຍ​ທີ່ສຸດ, ເຖິງ​ປານນັ້ນ ພຣະອົງ​ກໍ​ຍັງ​ໂຜດ​ປະທານ​ພຣະຄຸນ​ນີ້​ແກ່​ຂ້າພະເຈົ້າ ຄື​ໃຫ້​ຂ້າພະເຈົ້າ​ປະກາດ​ຂ່າວປະເສີດ​ແກ່​ຄົນຕ່າງຊາດ ເຖິງ​ຄວາມ​ບໍຣິບູນ​ອັນ​ຫາ​ທີ່​ປຽບ​ບໍ່ໄດ້​ຂອງ​ພຣະຄຣິດ,

ພວກ^ຜູ້ປົກຄອງ 6:15

ກີເດໂອນ​ຕອບ​ຄືນ​ວ່າ, “ແຕ່​ອົງພຣະ​ຜູ້​ເປັນເຈົ້າ​ເອີຍ ຂ້ານ້ອຍ​ຈະ​ຊ່ວຍ​ເອົາ​ຊາດ​ອິດສະຣາເອນ​ໃຫ້​ພົ້ນ​ໄດ້​ຢ່າງ​ໃດ ເພາະ​ຕະກຸນ​ຂອງ​ຂ້ານ້ອຍ​ເປັນ​ຕະກຸນ​ອ່ອນແອ​ທີ່ສຸດ​ໃນ​ເຜົ່າ​ມານາເຊ ແລະ​ຂ້ານ້ອຍ​ເອງ​ກໍ​ເປັນ​ຄົນ​ທີ່​ມີ​ຄວາມ​ສຳຄັນ​ໜ້ອຍ​ກວ່າໝູ່​ໃນ​ຄອບຄົວ​ຂອງ​ຂ້ານ້ອຍ.”

ນາງຣຸດ 2:10

ນາງຣຸດ​ກົ້ມ​ລົງ​ກັບ​ພື້ນດິນ​ແລະ​ຂາບ​ໂບອາດ ແລ້ວ​ນາງ​ກໍ​ເວົ້າ​ຕໍ່​ໂບອາດ​ວ່າ, “ເປັນຫຍັງ​ທ່ານ​ຈຶ່ງ​ເປັນຫ່ວງ​ຂ້ານ້ອຍ​ຫລາຍ​ຢ່າງນີ້? ແລະ​ເປັນຫຍັງ​ທ່ານ​ຈຶ່ງ​ເມດຕາ​ຄົນຕ່າງດ້າວ​ດັ່ງ​ຂ້ານ້ອຍ​ນີ້​ນໍ?”

1 ຊາມູເອນ 15:17

ຊາມູເອນ​ກ່າວ​ວ່າ, “ເຖິງ​ແມ່ນ​ເຈົ້າ​ຖື​ຕົນເອງ​ວ່າ​ບໍ່ມີ​ຄວາມ​ສຳຄັນ​ກໍຕາມ ແຕ່​ເຈົ້າ​ກໍ​ເປັນ​ຜູ້ນຳ​ເຜົ່າ​ຕ່າງໆ​ຂອງ​ຊາດ​ອິດສະຣາເອນ. ພຣະເຈົ້າຢາເວ​ໄດ້​ໃຊ້​ນໍ້າມັນ​ສັກສິດ​ຫົດສົງ​ເຈົ້າ​ໃຫ້​ເປັນ​ກະສັດ​ຂອງ​ຊາດ​ອິດສະຣາເອນ

1 ຊາມູເອນ 18:18

ດາວິດ​ຕອບ​ວ່າ, “ຂ້ານ້ອຍ​ແມ່ນ​ຜູ້ໃດ​ແລະ​ຄອບຄົວ​ຂອງ​ພໍ່​ຂ້ານ້ອຍ​ກໍ​ບໍ່ມີ​ຄວາມ​ສຳຄັນ​ຫຍັງ ດ້ວຍເຫດໃດ​ຂ້ານ້ອຍ​ຈຶ່ງ​ຈະ​ໄດ້​ກາຍເປັນ​ລູກ​ເຂີຍ​ຂອງ​ກະສັດ?”

1 ຊາມູເອນ 9:21

ໂຊນ​ຕອບ​ວ່າ, “ຂ້ານ້ອຍ​ຢູ່​ໃນ​ເຜົ່າ​ເບັນຢາມິນ ຊຶ່ງ​ເປັນ​ເຜົ່ານ້ອຍ​ທີ່ສຸດ​ໃນ​ຊາດ​ອິດສະຣາເອນ ແລະ​ຄອບຄົວ​ຂອງ​ຂ້ານ້ອຍ​ກໍ​ມີ​ຄວາມ​ສຳຄັນ​ໜ້ອຍ​ກວ່າ​ໝູ່​ໃນ​ເຜົ່າ​ນີ້. ແລ້ວ​ເປັນຫຍັງ​ທ່ານ​ຈຶ່ງ​ເວົ້າ​ເຊັ່ນນີ້​ກັບ​ຂ້ານ້ອຍ?”