2 ຊາມູເອນ 7:16 - ພຣະຄຳພີສັກສິ

¹⁶ ເຈົ້າ​ຈະ​ມີ​ເຊື້ອສາຍ​ຢູ່​ເລື້ອຍໆ ແລະ​ເຮົາ​ຈະ​ໃຫ້​ອານາຈັກ​ຂອງ​ເຈົ້າ​ຄົງ​ຢູ່​ຕະຫລອດໄປ. ເຊື້ອວົງ​ຂອງ​ເຈົ້າ​ຈະ​ດຳລົງ​ສືບໆໄປ​ໂດຍ​ບໍ່​ສິ້ນສຸດ​ຈັກເທື່ອ.”’

2 ຊາມູເອນ 7:16 Jak'a apnaqawi uñst'ayäwi

ປະຖົມມະການ 49:10

ຢູດາ ຈະ​ຖື​ຕາ​ຕັ້ງ​ອຳນາດ​ແຫ່ງ​ຣາຊາ ສືບ​ຮອດ​ຍາດ​ວົງ​ໃຫ້​ເຊື້ອສາຍ​ຄອງ​ອຳນາດ ຈົນ​ມີ​ຫລາຍ​ຊົນຊາດ​ອາສາ​ຫາ​ຂອງຂວັນ​ມາ​ຖວາຍ​ແດ່ ແລະ​ກົ້ມ​ຂາບລົງ​ໄຫວ້​ເຈົ້າ​ຝູງ​ຄົນ​ເຝົ້າ​ເຊື່ອຟັງ.

2 ຊາມູເອນ 22:51

ພຣະເຈົ້າ​ໃຫ້​ໄຊຊະນະ​ອັນ​ຍິ່ງໃຫຍ່​ແກ່ ກະສັດ​ທີ່​ພຣະອົງ​ໄດ້​ຊົງ​ເລືອກໄວ້ ທັງ​ສຳແດງ​ຄວາມຮັກ​ອັນ​ໝັ້ນຄົງ ແກ່​ຜູ້​ທີ່​ພຣະອົງ​ໄດ້​ຊົງ​ຫົດສົງ​ໄວ້ ຄື​ແກ່​ດາວິດ​ແລະ​ເຊື້ອສາຍ​ຂອງຕົນ ສືບໆໄປ​ຊົ່ວກາລະນານ​ພຸ້ນ.”

2 ຊາມູເອນ 7:13

ລາວ​ຈະ​ເປັນ​ຜູ້​ສ້າງ​ວິຫານ​ສຳລັບ​ເຮົາ ແລະ​ເຮົາ​ຈະ​ໃຫ້​ເຊື້ອສາຍ​ຂອງ​ລາວ​ປົກຄອງ​ຕະຫລອດໄປ.

2 ຊາມູເອນ 7:17

ນາທານ​ຈຶ່ງ​ບອກ​ກະສັດ​ດາວິດ​ທຸກສິ່ງ​ຕາມ​ທີ່​ພຣະເຈົ້າ​ໄດ້​ສຳແດງ​ໃຫ້​ແກ່​ຕົນ​ຮູ້​ນັ້ນ.

1 ກະສັດ 2:4

‘ຖ້າ​ເຈົ້າ​ປະຕິບັດ​ຕາມ ພຣະເຈົ້າຢາເວ​ຈະ​ຮັກສາ​ຖ້ອຍຄຳ​ຂອງ​ພຣະອົງ​ທີ່​ພຣະອົງ​ໄດ້​ເຮັດ​ໄວ້ ເມື່ອ​ພຣະອົງ​ໄດ້​ກ່າວ​ວ່າ ລູກຫລານ​ຂອງ​ພໍ່​ຈະ​ປົກຄອງ​ຊາດ​ອິດສະຣາເອນ​ຕໍ່ໄປ ຕາບໃດ​ທີ່​ພວກເຂົາ​ຕັ້ງໜ້າ​ເຊື່ອຟັງ​ຂໍ້ຄຳສັ່ງ​ຂອງ​ພຣະອົງ ຢ່າງ​ສັດຊື່​ແລະ​ດ້ວຍ​ສຸດຈິດ​ສຸດໃຈ.’

1 ກະສັດ 9:5

ເຮົາ​ກໍ​ຈະ​ຮັກສາ​ຄຳສັນຍາ​ທີ່​ເຮົາ​ໄດ້​ມີ​ໄວ້​ກັບ​ດາວິດ​ພໍ່​ຂອງ​ເຈົ້າ ເມື່ອ​ເຮົາ​ບອກ​ລາວ​ວ່າ, ‘ຊາດ​ອິດສະຣາເອນ​ຈະ​ມີ​ຄົນ​ໃນ​ເຊື້ອສາຍ​ຂອງ​ເຈົ້າ​ປົກຄອງ​ເລື້ອຍໄປ.’

2 ກະສັດ 19:34

ເຮົາ​ຈະ​ປ້ອງກັນ​ຮັກສາ​ເມືອງນີ້​ໄວ້​ເພື່ອ​ກຽດ​ແລະ​ສັກສີ​ຂອງເຮົາ ແລະ​ເພື່ອ​ເຫັນ​ແກ່​ດາວິດ​ຜູ້ຮັບໃຊ້​ທີ່​ສັດຊື່​ຂອງເຮົາ.”’

2 ກະສັດ 8:19

ແຕ່​ພຣະເຈົ້າຢາເວ​ບໍ່​ຢາກ​ທຳລາຍ​ອານາຈັກ​ຢູດາຍ ເນື່ອງ​ຈາກ​ພຣະອົງ​ໄດ້​ສັນຍາ​ໄວ້​ກັບ​ກະສັດ​ດາວິດ​ຜູ້ຮັບໃຊ້​ຂອງ​ພຣະອົງ​ວ່າ ລູກຫລານ​ຂອງ​ເພິ່ນ​ຈະ​ຂຶ້ນ​ປົກຄອງ​ສືບ​ຕໍ່ໄປ.

2 ຂ່າວຄາວ 6:16

ເພາະສະນັ້ນ ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ເອີຍ ບັດນີ້ ຈົ່ງ​ຮັກສາ​ຄຳສັນຍາ​ອື່ນໆ​ທີ່​ພຣະອົງ​ໄດ້​ເຮັດ​ໄວ້​ກັບ​ພໍ່​ຂອງ​ຂ້ານ້ອຍ​ດ້ວຍ ເມື່ອ​ພຣະອົງ​ໄດ້​ບອກ​ເພິ່ນ​ວ່າ ຈະ​ມີ​ຜູ້ໜຶ່ງ​ຈາກ​ເຊື້ອສາຍ​ຂອງ​ເພິ່ນ ເປັນ​ກະສັດ​ປົກຄອງ​ຊາດ​ອິດສະຣາເອນ​ສືບໄປ. ເມື່ອ​ເຂົາ​ໄດ້​ປະຕິບັດ​ຢ່າງ​ຕັ້ງໜ້າ​ຕາມ​ກົດບັນຍັດ​ຂອງ​ພຣະອົງ ດັ່ງ​ທີ່​ເພິ່ນ​ໄດ້​ປະຕິບັດ​ມາ​ນັ້ນ.

ພຣະທຳ​ໂຢບ 36:7

ພຣະອົງ​ປົກປ້ອງ​ຄົນ​ຊອບທຳ ໃຫ້​ໄດ້​ຮັບ​ກຽດ​ສືບໄປ ພຣະອົງ​ໃຫ້​ພວກເຂົາ​ໄດ້​ປົກຄອງ ດັ່ງ​ກະສັດ​ຜູ້​ຍິ່ງໃຫຍ່.

ເພງ^ສັນລະເສີນ 45:6

ອານາຈັກ​ທີ່​ພຣະເຈົ້າ​ມອບ​ໃຫ້​ທ່ານ ຈະ​ຄົງ​ຢູ່​ສືບໄປ ທ່ານ​ຈະ​ປົກຄອງ​ດ້ວຍ​ຄວາມ​ຍຸດຕິທຳ​ອັນ​ຍິ່ງໃຫຍ່.

ເພງ^ສັນລະເສີນ 72:5

ຕາບໃດ​ທີ່​ດວງອາທິດ​ແລະ​ດວງຈັນ​ຍັງ​ສ່ອງ​ແສງ​ສະຫວ່າງ ຂໍ​ໃຫ້​ປະຊາຊົນ​ໄດ້​ນະມັດສະການ​ພຣະອົງ​ສືບໆໄປ​ເຖີດ.

ເພງ^ສັນລະເສີນ 89:4

‘ເຊື້ອສາຍ​ເຈົ້າ​ຄົນ​ໜຶ່ງ​ຈະ​ເປັນ​ກະສັດ​ເລື້ອຍໄປ ເຊື້ອວົງ​ເຈົ້າ​ຈະ​ຖືກ​ສະຫງວນ​ໄວ້​ຕະຫລອດໄປ.”’

ເອຊາຢາ 9:6

ມີ​ເດັກນ້ອຍ​ຜູ້ໜຶ່ງ​ໄດ້​ເກີດ​ມາ​ໃຫ້​ພວກເຮົາ ມີ​ລູກຊາຍ​ຜູ້ໜຶ່ງ​ຖືກ​ມອບໝາຍ​ໃຫ້​ພວກເຮົາ​ແລ້ວ ພຣະອົງ​ຈະ​ຊົງ​ນາມ​ວ່າ, “ຜູ້​ປຶກສາ​ທີ່​ອັດສະຈັນ” “ພຣະເຈົ້າ​ຊົງຣິດ” “ພຣະບິດາ​ສືບໄປ” “ອົງ​ສັນຕິຣາດ”

ເອຊາຢາ 9:7

ພຣະ​ຣາຊອຳນາດ​ຈະ​ເພີ່ມ​ຂຶ້ນ​ຢູ່​ສະເໝີ​ ພຣະ​ຣາຊອານາຈັກ​ຈະ​ມີ​ສັນຕິສຸກ​ໄປ​ເລື້ອຍໆ. ພຣະອົງ​ຈະ​ຂຶ້ນ​ປົກຄອງ​ສືບຕໍ່​ດາວິດ​ຜູ້​ເປັນ​ກະສັດ ທີ່​ອຳນາດ​ຫລັກ​ຄື​ຄວາມ​ຍຸດຕິທຳ​ແລະ​ຖືກຕ້ອງ ເລີ່ມ​ຕັ້ງແຕ່​ບັດນີ້​ຈົນເຖິງ​ເທົ່າ​ອະວະສານ ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫຍ່​ຕັ້ງໃຈ​ເຮັດ​ທຸກສິ່ງ​ນີ້.

ເຢເຣມີຢາ 17:25

ແລ້ວ​ບັນດາ​ກະສັດ​ກັບ​ບັນດາ​ເຈົ້າຊາຍ​ຂອງ​ພວກເຂົາ​ກໍ​ຈະ​ເຂົ້າ​ໄປ​ທີ່​ປະຕູ​ນະຄອນ​ເຢຣູຊາເລັມ ແລະ​ມີ​ອຳນາດ​ແຫ່ງ​ກະສັດ​ເພື່ອ​ປົກຄອງ​ອານາຈັກ​ດັ່ງ​ທີ່​ດາວິດ​ໄດ້​ມີ. ພ້ອມ​ກັບ​ຊາວ​ຢູດາ ແລະ​ຊາວ​ນະຄອນ​ເຢຣູຊາເລັມ​ພວກເຂົາ​ຈະ​ຂີ່​ລົດຮົບ ແລະ​ມ້າ​ແຫ່​ກັນ​ໄປ ແລະ​ນະຄອນ​ເຢຣູຊາເລັມ​ກໍ​ຈະ​ເຕັມ​ໄປ​ດ້ວຍ​ຝູງ​ຄົນ​ສະເໝີ.

ເຢເຣມີຢາ 33:17

ເພາະ​ພຣະເຈົ້າຢາເວ​ສັນຍາ​ວ່າ, ຈະ​ມີ​ຄົນ​ໜຶ່ງ​ຈາກ​ເຊື້ອສາຍ​ຂອງ​ດາວິດ ໄດ້​ເປັນ​ກະສັດ​ຂອງ​ຊາດ​ອິດສະຣາເອນ​ຢູ່​ເລື້ອຍໄປ.

ເອເຊກຽນ 37:25

ພວກເຂົາ​ຈະ​ອາໄສ​ຢູ່​ໃນ​ດິນແດນ​ທີ່​ເຮົາ​ໄດ້​ມອບ​ໃຫ້​ແກ່​ຢາໂຄບ​ຜູ້ຮັບໃຊ້​ຂອງເຮົາ ຄື​ດິນແດນ​ບ່ອນ​ທີ່​ປູ່ຍ່າຕາຍາຍ​ຂອງ​ພວກເຂົາ​ໄດ້​ອາໄສ​ຢູ່. ພວກເຂົາ​ຈະ​ອາໄສ​ຢູ່​ທີ່​ນັ້ນ​ຕະຫລອດໄປ ແລະ​ລູກ​ຂອງ​ພວກເຂົາ​ຕະຫລອດ​ທັງ​ເຊື້ອສາຍ​ທຸກຄົນ​ກໍ​ຈະ​ອາໄສ​ຢູ່​ທີ່​ນັ້ນ​ດ້ວຍ. ຜູ້ຮັບໃຊ້​ຂອງເຮົາ​ດັ່ງ​ດາວິດ​ຈະ​ເປັນ​ກະສັດ​ປົກຄອງ​ພວກເຂົາ​ຕະຫລອດໄປ.

ດານີເອນ 2:44

ໃນ​ສະໄໝ​ທີ່​ກະສັດ​ເຫຼົ່ານັ້ນ​ປົກຄອງ ພຣະເຈົ້າ​ແຫ່ງ​ສະຫວັນ​ຈະ​ຕັ້ງ​ອານາຈັກ​ໜຶ່ງ​ຂຶ້ນ ຊຶ່ງ​ຈະ​ບໍ່​ສູນຫາຍ​ໄປ​ຈັກເທື່ອ. ອານາຈັກ​ນີ້​ຈະ​ບໍ່​ຖືກ​ຕີ​ໃຫ້​ພ່າຍແພ້​ຈັກເທື່ອ, ແຕ່​ຈະ​ທຳລາຍ​ອານາຈັກ​ອື່ນໆ​ໃຫ້​ໝົດສິ້ນ​ໄປ ແລ້ວ​ກໍ​ຈະ​ຕັ້ງໝັ້ນ​ຢູ່​ຕະຫລອດໄປ​ເປັນນິດ.

ດານີເອນ 7:14

ເພິ່ນ​ໄດ້​ຮັບ​ສິດ​ອຳນາດ, ກຽດຕິຍົດ ແລະ​ອຳນາດ​ແຫ່ງ​ການ​ເປັນໃຫຍ່ ຈົນ​ວ່າ​ທຸກ​ຊົນຊາດ, ທຸກ​ເຊື້ອຊາດ ແລະ​ທຸກ​ພາສາ​ໄດ້​ຮັບໃຊ້​ເພິ່ນ. ສິດ​ອຳນາດ​ຂອງ​ເພິ່ນ​ຈະ​ດຳລົງ​ຢູ່​ຕະຫລອດໄປ ແລະ​ອານາຈັກ​ຂອງ​ເພິ່ນ​ກໍ​ຈະ​ບໍ່​ສິ້ນສຸດ​ເປັນ​ຈັກເທື່ອ.

ມັດທາຍ 16:18

ຝ່າຍ​ເຮົາ​ຈຶ່ງ​ບອກ​ວ່າ ເຈົ້າ​ຄື​ເປໂຕ ເທິງ​ສີລາ​ກ້ອນ​ນີ້​ເຮົາ​ຈະ​ສ້າງ​ຄຣິສຕະຈັກ​ຂອງເຮົາ​ຂຶ້ນ ແລະ​ປະຕູ​ແຫ່ງ​ແດນ​ມໍຣະນາ​ຈະ​ເອົາ​ຊະນະ​ຄຣິສຕະຈັກ​ນີ້​ບໍ່ໄດ້.

ໂຢຮັນ 12:34

ຄົນ​ທັງຫລາຍ​ຈຶ່ງ​ຕອບ​ພຣະອົງ​ວ່າ, “ກົດບັນຍັດ​ຂອງ​ພວກເຮົາ​ບອກ​ວ່າ ພຣະຄຣິດ​ຈະ​ມີ​ຊີວິດ​ນິຣັນດອນ, ແລ້ວ​ເຫດ​ໃດ​ທ່ານ​ຈຶ່ງ​ກ່າວ​ວ່າ ບຸດ​ມະນຸດ​ຈະ​ຕ້ອງ​ຖືກ​ຍົກ​ຂຶ້ນ ບຸດ​ມະນຸດ​ນັ້ນ​ແມ່ນ​ຜູ້ໃດ?”

ເຮັບເຣີ 1:8

ແຕ່​ສ່ວນ​ພຣະບຸດ​ນັ້ນ ພຣະເຈົ້າ​ຊົງ​ກ່າວ​ວ່າ, “ຂ້າແດ່​ພຣະເຈົ້າ ຣາຊບັນລັງ​ຂອງ​ພຣະອົງ​ນັ້ນ ກໍ​ຕັ້ງໝັ້ນຄົງ​ຕະຫລອດໄປ ພຣະອົງ​ຈະ​ຊົງ​ປົກຄອງ​ອານາຈັກ ຂອງ​ພຣະອົງ ດ້ວຍ​ຄວາມ​ຍຸດຕິທຳ.

ພຣະນິມິດ 11:15

ເມື່ອ​ເທວະດາ​ຕົນ​ທີ​ເຈັດ​ໄດ້​ເປົ່າແກ​ຂອງຕົນ​ແລ້ວ ກໍ​ມີ​ຫຼາຍ​ສຽງດັງ​ຈາກ​ສະຫວັນ ກ່າວ​ວ່າ, “ຣາຊອານາຈັກ​ໂລກນີ້ ເປັນ​ກຳມະສິດ​ຂອງ​ອົງພຣະ​ຜູ້​ເປັນເຈົ້າ​ຂອງ​ພວກເຮົາ ແລະ​ຂອງ​ພຣະຄຣິດ​ຂອງ​ພຣະອົງ ແລະ​ພຣະອົງ​ຈະ​ປົກຄອງ​ຕະຫລອດ​ຊົ່ວ​ນິຣັນດອນ.”

1 ຊາມູເອນ 25:28

ຂໍໂຜດ​ກະລຸນາ​ຍົກໂທດ​ໃນ​ສິ່ງໃດໆ​ທີ່​ຂ້ານ້ອຍ​ໄດ້​ເຮັດ​ຜິດ​ໄປ​ນັ້ນ​ສາ. ພຣະເຈົ້າຢາເວ​ຈະ​ໃຫ້​ທ່ານ​ເປັນ​ກະສັດ​ຕະຫລອດ​ທັງ​ເຊື້ອສາຍ​ຂອງທ່ານ​ດ້ວຍ ເພາະ​ທ່ານ​ກຳລັງ​ສູ້ຮົບ​ເພື່ອ​ພຣະເຈົ້າຢາເວ. ທ່ານ​ຄົງ​ບໍ່​ເຮັດ​ການຊົ່ວ ຢ່າງ​ໃດ​ເລີຍ ຕາບໃດ​ທີ່​ທ່ານ​ຍັງ​ມີ​ຊີວິດ​ຢູ່.