2 ຊາມູເອນ 7:12 - ພຣະຄຳພີສັກສິ

¹² ເມື່ອ​ເຈົ້າ​ຕາຍໄປ ແລະ​ຖືກ​ຝັງ​ໄວ້​ກັບ​ບັນພະບຸລຸດ​ຂອງ​ເຈົ້າ​ແລ້ວ ເຮົາ​ກໍ​ຈະ​ໃຫ້​ລູກຊາຍ​ຄົນ​ໜຶ່ງ​ຂອງ​ເຈົ້າ​ເປັນ​ກະສັດ ແລະ​ຈະ​ໃຫ້​ອານາຈັກ​ຂອງ​ລາວ​ເຂັ້ມແຂງ.

2 ຊາມູເອນ 7:12 Jak'a apnaqawi uñst'ayäwi

ປະຖົມມະການ 15:4

ແລ້ວ​ອັບຣາມ​ກໍ​ໄດ້​ຍິນ​ພຣະເຈົ້າຢາເວ​ກ່າວ​ແກ່​ເພິ່ນ​ອີກ​ວ່າ, “ຄົນ​ຮັບໃຊ້​ຜູ້​ນີ້​ຈະ​ບໍ່ໄດ້​ຮັບ​ມໍຣະດົກ​ຂອງ​ເຈົ້າ​ດອກ, ແຕ່​ແມ່ນ​ລູກຊາຍ​ຂອງເຈົ້າ​ເອງ ທີ່​ຈະ​ເປັນ​ຜູ້​ສືບ​ມໍຣະດົກ​ແທນ​ເຈົ້າ.”

2 ຊາມູເອນ 22:51

ພຣະເຈົ້າ​ໃຫ້​ໄຊຊະນະ​ອັນ​ຍິ່ງໃຫຍ່​ແກ່ ກະສັດ​ທີ່​ພຣະອົງ​ໄດ້​ຊົງ​ເລືອກໄວ້ ທັງ​ສຳແດງ​ຄວາມຮັກ​ອັນ​ໝັ້ນຄົງ ແກ່​ຜູ້​ທີ່​ພຣະອົງ​ໄດ້​ຊົງ​ຫົດສົງ​ໄວ້ ຄື​ແກ່​ດາວິດ​ແລະ​ເຊື້ອສາຍ​ຂອງຕົນ ສືບໆໄປ​ຊົ່ວກາລະນານ​ພຸ້ນ.”

1 ກະສັດ 1:21

ຖ້າ​ທ່ານ​ບໍ່​ເຮັດ​ຕາມ​ທີ່​ທ່ານ​ໄດ້​ສັນຍາ​ໄວ້, ພໍ​ທ່ານ​ຕາຍໄປ​ແລ້ວ ໂຊໂລໂມນ​ລູກຊາຍ​ຂອງ​ຂ້ານ້ອຍ ແລະ​ຂ້ານ້ອຍ​ເອງ​ກໍ​ຈະ​ຖືກ​ກ່າວຫາ​ວ່າ​ເປັນ​ພວກ​ກະບົດ.”

1 ກະສັດ 1:48

ແລະ​ພາວັນນາ​ອະທິຖານ​ວ່າ, ‘ຂໍ​ໃຫ້​ພວກເຮົາ​ສັນລະເສີນ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ ເພາະ​ວັນ​ນີ້ ພຣະອົງ​ໄດ້​ໃຫ້​ຜູ້ໜຶ່ງ​ໃນ​ເຊື້ອສາຍ​ຂອງ​ຂ້ານ້ອຍ​ຂຶ້ນ​ເປັນ​ກະສັດ​ສືບແທນ​ຂ້ານ້ອຍ ແລະ​ໄດ້​ໂຜດ​ໃຫ້​ຂ້ານ້ອຍ​ມີ​ຊີວິດ​ຢູ່​ຈົນ​ໄດ້​ເຫັນ​ການ​ນີ້.”’

1 ກະສັດ 2:1

ເມື່ອ​ກະສັດ​ດາວິດ​ໃກ້​ຈະ​ສິ້ນໃຈ​ຕາຍ ເພິ່ນ​ໄດ້​ເອີ້ນ​ໂຊໂລໂມນ​ລູກ​ຂອງຕົນ​ມາ ແລະ​ແນະນຳ​ສັ່ງສອນ​ເປັນ​ຄັ້ງ​ສຸດທ້າຍ​ວ່າ,

1 ກະສັດ 2:10

ກະສັດ​ດາວິດ​ໄດ້​ຕາຍໄປ ແລະ​ຖືກ​ຝັງ​ໄວ້​ຢູ່​ໃນ​ເມືອງ​ຂອງ​ດາວິດ.

1 ກະສັດ 2:4

‘ຖ້າ​ເຈົ້າ​ປະຕິບັດ​ຕາມ ພຣະເຈົ້າຢາເວ​ຈະ​ຮັກສາ​ຖ້ອຍຄຳ​ຂອງ​ພຣະອົງ​ທີ່​ພຣະອົງ​ໄດ້​ເຮັດ​ໄວ້ ເມື່ອ​ພຣະອົງ​ໄດ້​ກ່າວ​ວ່າ ລູກຫລານ​ຂອງ​ພໍ່​ຈະ​ປົກຄອງ​ຊາດ​ອິດສະຣາເອນ​ຕໍ່ໄປ ຕາບໃດ​ທີ່​ພວກເຂົາ​ຕັ້ງໜ້າ​ເຊື່ອຟັງ​ຂໍ້ຄຳສັ່ງ​ຂອງ​ພຣະອົງ ຢ່າງ​ສັດຊື່​ແລະ​ດ້ວຍ​ສຸດຈິດ​ສຸດໃຈ.’

1 ກະສັດ 5:5

ດັ່ງນັ້ນ ຂ້າພະເຈົ້າ​ໄດ້​ຕັດສິນໃຈ​ສ້າງ​ວິຫານ ສຳລັບ​ພຣະນາມ​ພຣະເຈົ້າຢາເວ ພຣະເຈົ້າ​ຂອງ​ຂ້າພະເຈົ້າ ດັ່ງ​ທີ່​ພຣະເຈົ້າຢາເວ​ໄດ້​ສັນຍາ​ຕໍ່​ກະສັດ​ດາວິດ​ພໍ່​ຂອງ​ຂ້າພະເຈົ້າ​ວ່າ, ‘ລູກຊາຍ​ຂອງ​ເຈົ້າ​ຜູ້​ທີ່​ເຮົາ​ຈະ​ໃຫ້​ເປັນ​ກະສັດ​ສືບແທນ​ເຈົ້າ​ນັ້ນ ຈະ​ສ້າງ​ວິຫານ​ສຳລັບ​ນາມຊື່​ຂອງ​ເຮົາ.’

1 ກະສັດ 8:15

ເພິ່ນ​ກ່າວ​ວ່າ, “ສັນລະເສີນ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ ພຣະອົງ​ໄດ້​ຮັກສາ​ຄຳສັນຍາ​ກັບ​ກະສັດ​ດາວິດ​ພໍ່​ຂອງ​ຂ້າພະເຈົ້າ ຄື​ພຣະອົງ​ໄດ້​ບອກ​ເພິ່ນ​ວ່າ,

1 ກະສັດ 8:19

ແຕ່​ເຈົ້າ​ຈະ​ບໍ່ໄດ້​ສ້າງ. ແມ່ນ​ລູກຊາຍ​ຂອງ​ເຈົ້າ​ທີ່​ຈະ​ເປັນ​ຜູ້​ສ້າງ​ວິຫານ​ແກ່​ເຮົາ.’

1 ກະສັດ 8:20

ບັດນີ້ ພຣະເຈົ້າຢາເວ​ກໍໄດ້​ຮັກສາ​ພັນທະສັນຍາ​ຂອງ​ພຣະອົງ​ແລ້ວ ຄື​ຂ້າພະເຈົ້າ​ໄດ້​ຂຶ້ນ​ເປັນ​ກະສັດ​ສືບແທນ​ພໍ່​ຂອງ​ຂ້າພະເຈົ້າ ແລະ​ໄດ້​ເປັນ​ຜູ້​ສ້າງ​ວິຫານ​ສຳລັບ​ນາມຊື່​ຂອງ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ.

1 ກະສັດ 9:5

ເຮົາ​ກໍ​ຈະ​ຮັກສາ​ຄຳສັນຍາ​ທີ່​ເຮົາ​ໄດ້​ມີ​ໄວ້​ກັບ​ດາວິດ​ພໍ່​ຂອງ​ເຈົ້າ ເມື່ອ​ເຮົາ​ບອກ​ລາວ​ວ່າ, ‘ຊາດ​ອິດສະຣາເອນ​ຈະ​ມີ​ຄົນ​ໃນ​ເຊື້ອສາຍ​ຂອງ​ເຈົ້າ​ປົກຄອງ​ເລື້ອຍໄປ.’

2 ກະສັດ 8:19

ແຕ່​ພຣະເຈົ້າຢາເວ​ບໍ່​ຢາກ​ທຳລາຍ​ອານາຈັກ​ຢູດາຍ ເນື່ອງ​ຈາກ​ພຣະອົງ​ໄດ້​ສັນຍາ​ໄວ້​ກັບ​ກະສັດ​ດາວິດ​ຜູ້ຮັບໃຊ້​ຂອງ​ພຣະອົງ​ວ່າ ລູກຫລານ​ຂອງ​ເພິ່ນ​ຈະ​ຂຶ້ນ​ປົກຄອງ​ສືບ​ຕໍ່ໄປ.

1 ຂ່າວຄາວ 17:11

ເມື່ອ​ເຈົ້າ​ຕາຍໄປ ແລະ​ຖືກ​ຝັງ​ໄວ້​ຢູ່​ກັບ​ບັນດາ​ບັນພະບຸລຸດ​ຂອງ​ເຈົ້າ​ແລ້ວ ເຮົາ​ຈະ​ໃຫ້​ລູກຊາຍ​ຜູ້ໜຶ່ງ​ໃນ​ບັນດາ​ລູກຊາຍ​ຂອງ​ເຈົ້າ​ຂຶ້ນ​ເປັນ​ກະສັດ ແລະ​ເຮົາ​ຈະ​ຮັກສາ​ອານາຈັກ​ຂອງ​ລາວ​ໃຫ້​ເຂັ້ມແຂງ.

2 ຂ່າວຄາວ 1:9

ຂ້າແດ່​ພຣະເຈົ້າຢາເວ ພຣະເຈົ້າ​ຂອງ​ຂ້ານ້ອຍ​ເອີຍ ຈົ່ງ​ໃຫ້​ຄຳສັນຍາ​ທີ່​ພຣະອົງ​ໄດ້​ເຮັດ​ໄວ້​ກັບ​ພໍ່​ຂອງ​ຂ້ານ້ອຍ​ນັ້ນ​ກາຍເປັນ​ຈິງ​ເທີ້ນ. ພຣະອົງ​ໄດ້​ແຕ່ງຕັ້ງ​ຂ້ານ້ອຍ​ໃຫ້​ໄດ້​ຂຶ້ນ​ເປັນ​ກະສັດ ເພື່ອ​ປົກຄອງ​ປະຊາຊົນ​ຢ່າງ​ຫລວງຫລາຍ​ຈົນ​ນັບ​ບໍ່ຖ້ວນ

2 ຂ່າວຄາວ 13:5

“ຈົ່ງ​ຟັງ​ຂ້າພະເຈົ້າ​ໃຫ້​ດີ ພວກທ່ານ​ບໍ່​ຮູ້​ບໍ​ວ່າ​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ໄດ້​ເຮັດ​ພັນທະສັນຍາ ອັນ​ບໍ່ມີ​ວັນ​ລຶບລ້າງ​ໄດ້​ກັບ​ດາວິດ ໂດຍ​ໄດ້​ມອບ​ໃຫ້​ເພິ່ນ​ກັບ​ເຊື້ອສາຍ​ຂຶ້ນ​ເປັນ​ກະສັດ​ປົກຄອງ​ຊາດ​ອິດສະຣາເອນ​ຕະຫລອດໄປ?

2 ຂ່າວຄາວ 21:7

ແຕ່​ພຣະເຈົ້າຢາເວ​ບໍ່​ຢາກ​ທຳລາຍ​ເຊື້ອວົງ​ຂອງ​ດາວິດ ເພາະ​ພຣະອົງ​ໄດ້​ເຮັດ​ພັນທະສັນຍາ​ໄວ້​ກັບ​ດາວິດ​ໂດຍ​ໄດ້​ສັນຍາ​ວ່າ ເຊື້ອສາຍ​ຂອງ​ເພິ່ນ​ຈະ​ສືບຕໍ່​ປົກຄອງ​ສືບໆໄປ.

2 ຂ່າວຄາວ 23:3

ພວກເຂົາ​ທັງໝົດ​ໄດ້​ມາ​ເຕົ້າໂຮມ​ກັນ​ທີ່​ວິຫານ​ຂອງ​ພຣະເຈົ້າ ແລະ​ໃນ​ທີ່ນັ້ນ ພວກເຂົາ​ໄດ້​ເຮັດ​ພັນທະສັນຍາ​ກັບ​ໂຢອາດ​ລູກຊາຍ​ຂອງ​ກະສັດ. ເຢໂຮຍອາດາ​ໄດ້​ກ່າວ​ແກ່​ພວກເຂົາ​ວ່າ, “ນີ້​ເປັນ​ລູກຊາຍ​ຂອງ​ກະສັດ​ຄົນ​ທີ່​ຜ່ານ​ມາ​ແລ້ວ. ບັດນີ້ ລາວ​ຈະ​ຕ້ອງ​ຂຶ້ນ​ເປັນ​ກະສັດ​ຕາມ​ທີ່​ພຣະເຈົ້າຢາເວ​ໄດ້​ສັນຍາ​ໄວ້​ວ່າ ເຊື້ອສາຍ​ຂອງ​ກະສັດ​ດາວິດ​ຈະ​ຕ້ອງ​ເປັນ​ດັ່ງນັ້ນ.

2 ຂ່າວຄາວ 6:15

ພຣະອົງ​ໄດ້​ຮັກສາ​ຄຳສັນຍາ​ທີ່​ພຣະອົງ​ໄດ້​ກະທຳ​ໄວ້​ກັບ​ດາວິດ ພໍ່​ຂອງ​ຂ້ານ້ອຍ; ວັນນີ້ ທຸກ​ຖ້ອຍຄຳ​ນັ້ນ​ກໍໄດ້​ເປັນ​ໄປ​ຕາມ​ພັນທະສັນຍາ​ແລ້ວ.

2 ຂ່າວຄາວ 6:9

ແຕ່​ເຈົ້າ​ຈະ​ບໍ່ໄດ້​ເປັນ​ຜູ້​ສ້າງ. ແມ່ນ​ລູກຊາຍ​ຂອງ​ເຈົ້າ​ເອງ​ທີ່​ຈະ​ເປັນ​ຜູ້​ສ້າງ​ວິຫານ​ເພື່ອ​ພຣະນາມ​ຂອງເຮົາ.”’

ເພງ^ສັນລະເສີນ 89:29

ຜູ້ໜຶ່ງ​ໃນ​ເຊື້ອສາຍ​ຂອງ​ລາວ​ຈະ​ເປັນ​ກະສັດ​ປົກຄອງ​ເລື້ອຍໄປ ແລະ​ເຊື້ອສາຍ​ຂອງ​ລາວ​ກໍ​ຈະ​ຍືນຍົງ​ຢູ່​ທີ່​ຟ້າ​ສະຫວັນ.

ເອຊາຢາ 11:10

ເມື່ອ​ວັນ​ນັ້ນ​ມາ​ເຖິງ ກະສັດ​ອົງ​ໃໝ່​ຈາກ​ເຊື້ອວົງ​ຂອງ​ດາວິດ ຈະ​ເປັນ​ສັນຍາລັກ​ຂອງ​ຊົນຊາດ​ທັງຫລາຍ. ພວກເຂົາ​ຈະ​ເຕົ້າໂຮມ​ກັນ​ຢູ່​ໃນ​ເມືອງ​ຂອງ​ກະສັດ ແລະ​ຈະ​ຍ້ອງຍໍ​ໃຫ້ກຽດ​ພຣະອົງ.

ເອຊາຢາ 9:7

ພຣະ​ຣາຊອຳນາດ​ຈະ​ເພີ່ມ​ຂຶ້ນ​ຢູ່​ສະເໝີ​ ພຣະ​ຣາຊອານາຈັກ​ຈະ​ມີ​ສັນຕິສຸກ​ໄປ​ເລື້ອຍໆ. ພຣະອົງ​ຈະ​ຂຶ້ນ​ປົກຄອງ​ສືບຕໍ່​ດາວິດ​ຜູ້​ເປັນ​ກະສັດ ທີ່​ອຳນາດ​ຫລັກ​ຄື​ຄວາມ​ຍຸດຕິທຳ​ແລະ​ຖືກຕ້ອງ ເລີ່ມ​ຕັ້ງແຕ່​ບັດນີ້​ຈົນເຖິງ​ເທົ່າ​ອະວະສານ ພຣະເຈົ້າຢາເວ​ອົງ​ຊົງ​ຣິດອຳນາດ​ຍິ່ງໃຫຍ່​ຕັ້ງໃຈ​ເຮັດ​ທຸກສິ່ງ​ນີ້.

ເຢເຣມີຢາ 33:17

ເພາະ​ພຣະເຈົ້າຢາເວ​ສັນຍາ​ວ່າ, ຈະ​ມີ​ຄົນ​ໜຶ່ງ​ຈາກ​ເຊື້ອສາຍ​ຂອງ​ດາວິດ ໄດ້​ເປັນ​ກະສັດ​ຂອງ​ຊາດ​ອິດສະຣາເອນ​ຢູ່​ເລື້ອຍໄປ.

ດານີເອນ 12:2

ຫລາຍ​ຄົນ​ໃນ​ພວກ​ເຫຼົ່ານີ້​ທີ່​ຕາຍໄປ​ແລ້ວ ຈະ​ມີ​ຊີວິດ​ອີກ ຄື​ບາງຄົນ​ຈະ​ມີ​ຄວາມ​ພໍອົກພໍໃຈ​ກັບ​ຊີວິດ​ອັນ​ຕະຫລອດໄປ​ເປັນນິດ; ບາງຄົນ​ຈະ​ທົນ​ທຸກຢ່າງ​ອັບອາຍ​ຕະຫລອດໄປ.

ມັດທາຍ 1:1

ຕໍ່​ໄປ​ນີ້ ແມ່ນ​ລາຍຊື່​ບັນພະບູລຸດ​ຂອງ​ພຣະເຢຊູ​ຄຣິດເຈົ້າ ເຊື້ອສາຍ​ຄົນ​ໜຶ່ງ​ຂອງ​ດາວິດ​ຜູ້​ທີ່​ສືບ​ເຊື້ອສາຍ​ມາ​ຈາກ​ອັບຣາຮາມ. 2-6(ກ) ແຕ່​ອັບຣາຮາມ​ເຖິງ​ກະສັດ​ດາວິດ​ມີ​ບັນພະບູລຸດ​ດັ່ງ​ລາຍຊື່​ຕໍ່​ລົງ​ໄປ​ນີ້: ອັບຣາຮາມ, ອີຊາກ, ຢາໂຄບ, ຢູດາ ແລະ ອ້າຍນ້ອງ​ຂອງ​ຕົນ, ຕໍ່ມາ ແມ່ນ​ເປເຣັດ ແລະ ເຊຣາ (ແມ່​ຂອງ​ພວກ​ເຂົາ​ຊື່​ວ່າ​ຕາມາ), ເຮຊະໂຣນ, ຣາມ, ອຳມີນາດາບ, ນາໂຊນ, ສານໂມນ, ໂບອາດ (ແມ່​ຂອງ​ລາວ​ຊື່​ວ່າ​ຣາຮາບ), ໂອເບັດ (ແມ່​ຂອງ​ລາວ​ຊື່​ວ່າ ຣຸດ), ເຢຊີ ແລະ ກະສັດ​ດາວິດ. 6(ຂ)-11 ແຕ່​ດາວິດ​ເຖິງ​ສະໄໝ​ທີ່​ປະຊາຊົນ​ອິດສະຣາເອນ​ຖືກ​ຈັບ​ໄປ​ເປັນ​ຊະເລີຍ​ໃນ​ນະຄອນ​ບາບີໂລນ ມີ​ບັນພະບູລຸດ​ດັ່ງ​ລາຍຊື່​ຕໍ່​ລົງ​ໄປ​ນີ້: ດາວິດ, ໂຊໂລໂມນ (ແມ່​ຂອງ​ລາວ​ເຄີຍ​ເປັນ​ເມຍ​ຂອງ​ອູຣີຢາ), ເຣໂຫໂບອາມ, ອາບີຢາ, ອາສາ, ເຢໂຮຊາຟັດ, ເຢໂຮຣາມ, ອຸດຊີຢາ, ໂຢທາມ, ອາຮາດ, ເຮເສກີຢາ, ມານາເຊ, ອາໂມນ, ໂຢສີຢາ ແລະ ເຢໂຮຍອາກິນ​ກັບ​ພວກ​ອ້າຍ​ນ້ອງ​ຂອງ​ຕົນ.

ລູກາ 1:32

ກຸມມານ​ນັ້ນ​ຈະ​ເປັນ​ໃຫຍ່ ແລະ​ຈະ​ເປັນ​ທີ່​ເອີ້ນ​ວ່າ ບຸດ​ຂອງ​ພຣະເຈົ້າ​ອົງ​ສູງສຸດ ອົງພຣະ​ຜູ້​ເປັນເຈົ້າ​ພຣະເຈົ້າ​ຈະ​ໃຫ້​ເພິ່ນ​ນັ່ງ​ບັນລັງ​ຂອງ​ກະສັດ​ດາວິດ ຜູ້​ເປັນ​ບັນພະບຸລຸດ​ຂອງ​ເພິ່ນ

ລູກາ 24:27

ແລ້ວ​ພຣະອົງ​ຈຶ່ງ​ຊົງ​ອະທິບາຍ​ພຣະຄຳພີ​ທຸກ​ຕອນ ທີ່​ກ່າວ​ເຖິງ​ເລື່ອງ​ພຣະອົງ​ສູ່​ພວກເພິ່ນ​ຟັງ ຄື​ເລີ່ມ​ແຕ່​ໂມເຊ ຕະຫລອດ​ເຖິງ​ພວກ​ຜູ້ທຳນວາຍ.

ກິດຈະການ 13:36

ຝ່າຍ​ດາວິດ, ເມື່ອ​ໄດ້​ປະຕິບັດ​ໃນ​ຄາວ​ອາຍຸ​ຂອງທ່ານ ຕາມ​ຄວາມປະສົງ​ຂອງ​ພຣະເຈົ້າ ແລ້ວ​ເພິ່ນ​ໄດ້​ຕາຍໄປ, ເພິ່ນ​ໄດ້​ຖືກ​ຝັງ​ໄວ້​ຢູ່​ກັບ​ບັນພະບຸລຸດ​ຂອງ​ເພິ່ນ ແລະ​ປະສົບ​ຄວາມ​ເປື່ອຍເນົ່າ.

ກິດຈະການ 2:30

ເພາະ​ເພິ່ນ​ເປັນ​ຜູ້ທຳນວາຍ ແລະ​ໄດ້​ຮູ້​ພຣະສັນຍາ​ຂອງ​ພຣະເຈົ້າ​ທີ່​ມີ​ໄວ້​ກັບ​ເພິ່ນ​ເອງ​ຄື: ພຣະເຈົ້າ​ໄດ້​ສັນຍາ​ໄວ້​ວ່າ ພຣະອົງ​ຈະ​ໃຫ້​ຜູ້ໜຶ່ງ​ໃນ​ເຊື້ອສາຍ​ຂອງ​ເພິ່ນ ຂຶ້ນ​ເປັນ​ກະສັດ​ເທິງ​ພຣະ​ທີ່​ນັ່ງ​ຂອງ​ເພິ່ນ.

1 ໂກຣິນໂທ 15:51

ນີ້​ແຫຼະ ເຮົາ​ມີ​ຂໍ້​ລັບເລິກ​ບອກ​ພວກເຈົ້າ​ວ່າ, ເຮົາ​ທັງຫລາຍ​ຈະ​ບໍ່​ລ່ວງລັບ​ໄປ​ໝົດ​ທຸກຄົນ, ແຕ່​ເຮົາ​ທັງຫລາຍ​ຈະ​ຖືກ​ປ່ຽນແປງ​ໃໝ່​ໝົດ​ທຸກຄົນ,

ພຣະບັນຍັດສອງ 31:16

ພຣະເຈົ້າຢາເວ​ໄດ້​ກ່າວ​ແກ່​ໂມເຊ​ວ່າ, “ເຈົ້າ​ຈະ​ຕາຍ​ໃນ​ໄວໆ​ນີ້ ແລະ​ຫລັງຈາກ​ເຈົ້າ​ຕາຍໄປ​ແລ້ວ​ປະຊາຊົນ​ກໍ​ຈະ​ບໍ່​ສັດຊື່​ຕໍ່​ເຮົາ ແລະ​ລະເມີດ​ພັນທະສັນຍາ​ທີ່​ເຮົາ​ໄດ້​ເຮັດ​ໄວ້​ກັບ​ພວກເຂົາ. ພວກເຂົາ​ຈະ​ປະຖິ້ມ​ເຮົາ ແລະ​ໄປ​ຂາບໄຫວ້​ບັນດາ​ພະ​ຂອງ​ຊາວ​ຕ່າງຊາດ​ໃນ​ດິນແດນ​ທີ່​ພວກເຂົາ​ກຳລັງ​ຈະ​ເຂົ້າ​ໄປ​ຢຶດຄອງ​ນັ້ນ.

1 ເທສະໂລນິກ 4:14

ເພາະ​ໃນ​ເມື່ອ​ພວກເຮົາ​ເຊື່ອ​ວ່າ ພຣະເຢຊູເຈົ້າ​ໄດ້​ສິ້ນພຣະຊົນ ແລະ​ໄດ້​ຄືນພຣະຊົນ​ແລ້ວ ໂດຍ​ພຣະເຢຊູເຈົ້າ​ນັ້ນ​ແຫຼະ ພຣະເຈົ້າ​ຈະ​ນຳ​ຄົນ​ຜູ້​ທີ່​ຫລັບ​ໄປ​ແລ້ວ​ນັ້ນ​ຄືນ​ມາ​ກັບ​ພຣະອົງ.