2 ຊາມູເອນ 6:22 - ພຣະຄຳພີສັກສິ

²² ແລະ​ຂ້ອຍ​ກໍ​ຈະ​ຖ່ອມຕົວ​ລົງ​ກວ່າ​ນີ້​ອີກ. ເຈົ້າ ອາດ​ຄິດ​ວ່າ​ຂ້ອຍ​ບໍ່ມີ​ຄວາມໝາຍ​ຫຍັງ​ເລີຍ​ກໍໄດ້ ແຕ່​ພວກຜູ້ຍິງ​ເຫຼົ່ານັ້ນ​ຄິດ​ຍົກຍ້ອງ​ຂ້ອຍ​ຢ່າງ​ສູງ.”

2 ຊາມູເອນ 6:22 Jak'a apnaqawi uñst'ayäwi

ປະຖົມມະການ 32:10

ຂ້ານ້ອຍ​ບໍ່​ສົມຄວນ​ກັບ​ພຣະ​ກະລຸນາ ແລະ​ຄວາມ​ສັດຊື່​ທີ່​ພຣະອົງ​ໄດ້​ສຳແດງ​ຕໍ່​ຂ້ານ້ອຍ​ຜູ້ຮັບໃຊ້​ຂອງ​ພຣະອົງ​ເລີຍ. ຂ້ານ້ອຍ​ໄດ້​ຂ້າມ​ແມ່ນໍ້າ​ຈໍແດນ ມີ​ພຽງ​ໄມ້ເທົ້າ​ເທົ່ານັ້ນ; ແຕ່​ບັດນີ້ ຂ້ານ້ອຍ​ກັບ​ມາ​ພ້ອມ​ດ້ວຍ​ຈຳນວນ​ຄົນ​ແລະ​ຝູງສັດ​ສອງ​ໝວດ​ນີ້.

2 ຊາມູເອນ 6:21

ກະສັດ​ດາວິດ​ຕອບ​ວ່າ, “ຂ້ອຍ​ໄດ້​ຟ້ອນ​ຖວາຍ​ກຽດ​ແກ່​ພຣະເຈົ້າຢາເວ ພຣະອົງ​ໄດ້​ເລືອກ​ເອົາ​ຂ້ອຍ​ໃຫ້​ເປັນ​ຜູ້ນຳ​ປະຊາຊົນ​ອິດສະຣາເອນ​ຂອງ​ພຣະເຈົ້າຢາເວ ແທນທີ່​ຈະ​ແມ່ນ​ພໍ່​ຂອງ​ເຈົ້າ​ແລະ​ຄອບຄົວ​ຂອງ​ເພິ່ນ. ຂ້ອຍ​ຍັງ​ຈະ​ຟ້ອນ​ຕໍ່ໜ້າ​ພຣະເຈົ້າຢາເວ​ຢ່າງ​ນີ້​ຕໍ່ໄປ

2 ຊາມູເອນ 6:23

ນາງ​ມີການ ລູກສາວ​ຂອງ​ກະສັດ​ໂຊນ​ບໍ່ເຄີຍ​ມີ​ລູກ​ຕະຫລອດ​ຊົ່ວຊີວິດ​ຂອງ​ນາງ.

ພຣະທຳ​ໂຢບ 42:6

ດັ່ງນັ້ນ ຂ້ານ້ອຍ​ຈຶ່ງ​ອັບອາຍ​ຕໍ່​ສິ່ງ​ທີ່​ໄດ້​ກ່າວ​ຈາ ຂ້ານ້ອຍ​ເສຍໃຈ ຈຶ່ງ​ນັ່ງ​ທີ່​ຂີ້ຝຸ່ນ​ດິນ​ແລະ​ຂີ້ເຖົ່າ.”

ເພງ^ສັນລະເສີນ 131:1

ຂ້າແດ່​ພຣະເຈົ້າຢາເວ ຂ້ານ້ອຍ​ເຊົາ​ອວດດີ​ອວດເດັ່ນ​ແລ້ວ ແລະ​ຫັນໜີ​ຈາກ​ຄວາມ​ຂີ້ອົ່ງ​ຈອງຫອງ​ດ້ວຍ. ຂ້ານ້ອຍ​ບໍ່​ຫ່ວງ​ໃນ​ຄວາມ​ເປັນໃຫຍ່​ເປັນໂຕ ຫລື​ໃນ​ເລື່ອງ​ໃດໆ​ທີ່​ເກີນ​ກຳລັງ​ປັນຍາ​ນັ້ນ.

ເອຊາຢາ 50:6

ຂ້ອຍ​ໄດ້​ແບ​ຫລັງ​ໃຫ້​ຜູ້​ທີ່​ຂ້ຽນຕີ​ ຂ້ອຍ​ບໍ່ໄດ້​ຢັບຢັ້ງ​ຄົນ​ທີ່​ດູໝິ່ນ​ນິນທາ​ຂ້ອຍ. ເມື່ອ​ພວກເຂົາ​ກຳ​ໜວດ​ຈັບ​ເຄົາ​ຂ້ອຍ​ດຶງ​ໄປ ກໍ​ປິ່ນໜ້າ​ໂດຍ​ດີ​ໃຫ້​ພວກເຂົາ​ຖົ່ມ​ນໍ້າລາຍ​ໃສ່.

ເອຊາຢາ 51:7

ພວກ​ທີ່​ຮູ້ຈັກ​ສິ່ງ​ທີ່​ຖືກຕ້ອງ​ເອີຍ ຈົ່ງ​ຟັງ​ເທີ້ນ ພວກ​ທີ່​ມີ​ຄຳສັ່ງສອນ​ຂອງເຮົາ​ຝັງ​ທີ່​ຫົວໃຈ​ນັ້ນ. ຢ່າ​ສູ່​ຢ້ານກົວ​ແຕ່​ປະການ​ໃດ​ເລີຍ ເມື່ອ​ຄົນ​ກ່າວ​ຫຍໍ້ຫຍັນ​ນິນທາ​ພວກເຈົ້າ.

ມາຣະໂກ 14:66

ຂະນະທີ່​ເປໂຕ​ຍັງ​ຢູ່​ທາງ​ລຸ່ມ​ທີ່​ເດີ່ນ​ບ້ານ​ນັ້ນ ມີ​ສາວ​ໃຊ້​ຄົນ​ໜຶ່ງ​ຂອງ​ມະຫາ​ປະໂຣຫິດ​ຍ່າງ​ມາ.

1 ຕີໂມທຽວ 1:15

ຄຳ​ນີ້​ເປັນ​ຄວາມຈິງ ຊຶ່ງ​ທຸກຄົນ​ສົມຄວນ​ຮັບ​ເອົາ​ໄວ້ ຄື​ພຣະຄຣິດເຈົ້າ​ເຢຊູ​ໄດ້​ເຂົ້າ​ມາ​ໃນ​ໂລກ ເພື່ອ​ໂຜດ​ເອົາ​ຄົນ​ບາບ​ທັງຫລາຍ​ໃຫ້​ພົ້ນ ໃນ​ບັນດາ​ຄົນ​ເຫຼົ່ານັ້ນ ແມ່ນ​ເຮົາ​ນີ້​ແຫຼະ ເປັນ​ຄົນ​ບາບ​ຫລາຍ​ທີ່ສຸດ,

ເຮັບເຣີ 12:2

ຈົ່ງ​ປັກຕາ​ເບິ່ງ​ພຣະເຢຊູເຈົ້າ ຄື​ຜູ້​ບຸກເບີກ​ຄວາມເຊື່ອ ແລະ​ຜູ້​ຊົງ​ເຮັດ​ໃຫ້​ຄວາມເຊື່ອ​ຂອງ​ພວກເຮົາ​ເຖິງ​ທີ່​ສຳເລັດ. ພຣະອົງ​ໄດ້​ຊົງ​ອົດທົນ​ຕໍ່​ໄມ້ກາງແຂນ ເພາະ​ເຫັນ​ແກ່​ຄວາມ​ຍິນດີ​ທີ່​ຕັ້ງ​ໄວ້​ຕໍ່ໜ້າ​ພຣະອົງ ພຣະອົງ​ຊົງ​ຖື​ວ່າ​ຄວາມ​ລະອາຍ​ນັ້ນ​ບໍ່​ເປັນ​ສິ່ງ​ສຳຄັນ ຈຶ່ງ​ໄດ້​ປະທັບ​ລົງ​ເບື້ອງ​ຂວາ​ພຣະທີ່ນັ່ງ​ຂອງ​ພຣະເຈົ້າ.

1 ເປໂຕ 4:14

ຖ້າ​ເຈົ້າ​ທັງຫລາຍ​ຖືກ​ໝິ່ນປະໝາດ ເພາະ​ພຣະນາມ​ຂອງ​ພຣະຄຣິດ ພວກເຈົ້າ​ກໍ​ເປັນ​ສຸກ ເພາະວ່າ​ພຣະວິນຍານ ຜູ້​ຊົງ​ສະຫງ່າຣາສີ ຄື​ພຣະວິນຍານ​ຂອງ​ພຣະເຈົ້າ ຊົງ​ສະຖິດ​ຢູ່​ກັບ​ພວກເຈົ້າ.

1 ເປໂຕ 5:6

ດ້ວຍເຫດນັ້ນ ພວກເຈົ້າ​ຈົ່ງ​ຖ່ອມໃຈ​ລົງ ຢູ່​ໃຕ້​ພຣະຫັດ​ອັນ​ຊົງ​ຣິດ​ຂອງ​ພຣະເຈົ້າ ເພື່ອ​ພຣະອົງ​ຈະ​ຊົງ​ຍົກ​ພວກເຈົ້າ​ຂຶ້ນ ເມື່ອ​ເຖິງ​ເວລາ​ອັນ​ຄວນ.

1 ຊາມູເອນ 2:30

ເພາະສະນັ້ນ ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ​ຈຶ່ງ​ປະກາດ​ວ່າ, ‘ເຮົາ​ໄດ້​ສັນຍາ​ໄວ້​ແລ້ວ​ວ່າ ຄົນ​ໃນ​ຄອບຄົວ​ຂອງ​ເຈົ້າ​ແລະ​ໃນ​ຕະກຸນ​ຂອງ​ເຈົ້າ​ຈະ​ໄດ້​ເປັນ​ປະໂຣຫິດ ບົວລະບັດ​ຮັບໃຊ້​ເຮົາ​ຕະຫລອດໄປ,’ ແຕ່​ມາບັດນີ້ ພຣະເຈົ້າຢາເວ​ຈຶ່ງ​ປະກາດ​ວ່າ ‘ຂໍ​ໃຫ້​ຄວາມນີ້​ຫ່າງໄກ​ຈາກ​ເຮົາ​ເຖີດ ເຮົາ​ຈະ​ໃຫ້ກຽດ​ຜູ້​ທີ່​ໃຫ້ກຽດ​ເຮົາ ແລະ​ເຮົາ​ຈະ​ໝິ່ນປະໝາດ​ຜູ້​ທີ່​ໝິ່ນປະໝາດ​ເຮົາ.