2 ຊາມູເອນ 6:16 - ພຣະຄຳພີສັກສິ

¹⁶ ພໍ​ຫາມ​ຫີບ​ຂອງ​ພຣະເຈົ້າຢາເວ​ເຂົ້າ​ມາ​ໃນ​ເມືອງ​ຂອງ​ດາວິດ, ນາງ​ມີການ​ລູກສາວ​ຂອງ​ກະສັດ​ໂຊນ​ກໍ​ຄິດ​ກຽດຊັງ​ກະສັດ​ດາວິດ​ຢູ່ໃນ​ໃຈ ເພາະ​ນາງ​ແນມ​ໄປ​ທາງ​ປ່ອງຢ້ຽມ​ເຫັນ​ເພິ່ນ​ກຳລັງ​ຟ້ອນ ແລະ​ເຕັ້ນລຳ​ຢູ່​ຕໍ່ໜ້າ​ພຣະເຈົ້າຢາເວ.

2 ຊາມູເອນ 6:16 Jak'a apnaqawi uñst'ayäwi

2 ຊາມູເອນ 3:14

ຝ່າຍ​ດາວິດ​ຍັງ​ໄດ້​ສົ່ງ​ຄົນນຳຂ່າວ​ໄປ​ບອກ​ອີຊະໂບເຊັດ​ວ່າ, “ຂໍ​ໃຫ້​ສົ່ງ​ມີການ ເມຍ​ຂອງເຮົາ​ມາ​ໃຫ້​ເຮົາ. ເຮົາ​ໄດ້​ເອົາ​ໜັງ​ຫຸ້ມ​ປາຍ​ອະໄວຍະວະ​ລັບ​ຊາຍ​ຟີລິດສະຕິນ​ຮ້ອຍ​ຄົນ ເປັນ​ຄ່າ​ດອງ​ເພື່ອ​ເອົາ​ນາງ​ເປັນ​ເມຍ.”

2 ຊາມູເອນ 5:7

ແຕ່​ກະສັດ​ດາວິດ​ຢຶດເອົາ​ປ້ອມ​ປ້ອງກັນ​ແຫ່ງ​ຊີໂອນ​ໄດ້ ເພິ່ນ​ຈຶ່ງ​ໃສ່​ຊື່​ໃຫ້​ບ່ອນ​ນີ້​ວ່າ, “ເມືອງ​ຂອງ​ດາວິດ.”

2 ຊາມູເອນ 6:15

ສະນັ້ນ ກະສັດ​ດາວິດ​ແລະ​ຊາວ​ອິດສະຣາເອນ​ທຸກຄົນ​ຈຶ່ງ​ນຳ​ເອົາ​ຫີບ​ຂອງ​ພຣະເຈົ້າຢາເວ ຂຶ້ນ​ໄປ​ດ້ວຍ​ສຽງ​ໂຮຮ້ອງ​ຍິນດີ ແລະ​ດ້ວຍ​ສຽງ​ແກ​ດັງ​ກ້ອງສະໜັ່ນ.

2 ຊາມູເອນ 6:20

ຕໍ່ມາ ເມື່ອ​ກະສັດ​ດາວິດ​ກັບຄືນ​ເມືອ​ຖາມ​ຂ່າວ​ຄວາມສຸກ​ທຸກ​ຂອງ​ຄອບຄົວ ນາງ​ມີການ​ລູກສາວ​ຂອງ​ກະສັດ​ໂຊນ​ກໍ​ອອກ​ມາ​ພົບ​ເພິ່ນ ແລະ​ເວົ້າ​ວ່າ, “ວັນນີ້ ກະສັດ​ແຫ່ງ​ຊາດ​ອິດສະຣາເອນ​ໄດ້​ສ້າງ​ຊື່ສຽງ​ອັນ​ຍິ່ງໃຫຍ່​ໃຫ້​ຕົນເອງ. ເພິ່ນ​ໄດ້​ແກ້​ຜ້າ​ປະ​ຕົນຕົວ​ດັ່ງ​ຄົນບ້າ ໃຫ້​ພວກ​ສາວໃຊ້​ຂອງ​ບັນດາ​ຂ້າຣາຊການ​ຂອງຕົນ​ເບິ່ງ.”

1 ຂ່າວຄາວ 15:29

ໃນ​ຂະນະທີ່​ນຳ​ຫີບ​ພັນທະສັນຍາ​ຂອງ​ພຣະເຈົ້າຢາເວ​ເຂົ້າ​ໄປ​ໃນ​ເມືອງ​ນັ້ນ ນາງ​ມີການ ຜູ້​ເປັນ​ລູກສາວ​ຂອງ​ກະສັດ​ໂຊນ​ໄດ້​ແນມເບິ່ງ​ໄປ​ທາງ​ປ່ອງຢ້ຽມ ໄດ້ເຫັນ​ກະສັດ​ດາວິດ​ຟ້ອນ​ແລະ​ເຕັ້ນ​ດ້ວຍ​ຄວາມ​ຊົມຊື່ນ​ຍິນດີ ນາງ​ຈຶ່ງ​ດູຖູກ​ໝິ່ນປະໝາດ​ເພິ່ນ​ໃນໃຈ.

ເພງ^ສັນລະເສີນ 123:3

ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ເມດຕາ​ພວກ​ຂ້ານ້ອຍ​ແດ່ທ້ອນ ເພາະ​ພວກ​ຂ້ານ້ອຍ​ນັ້ນ​ຖືກ​ຫຍໍ້ຫຍັນ​ຢ່າງໜັກ.

ເພງ^ສັນລະເສີນ 69:7

ແມ່ນ​ເຫັນ​ແກ່​ພຣະອົງ ຂ້ານ້ອຍ​ຈຶ່ງ​ຖືກ​ໝິ່ນປະໝາດ ແລະ​ຖືກ​ອັບອາຍ​ຂາຍໜ້າ​ດ້ວຍ.

ເອຊາຢາ 53:3

ພວກເຮົາ​ດູໝິ່ນ​ປະໝາດ​ແລະ​ປະຖິ້ມ​ທ່ານ​ໄປ ທ່ານ​ໄດ້​ທົນທຸກ​ນາໆ ແລະ​ທົນ​ຕໍ່​ຄວາມ​ເຈັບປວດ. ບໍ່ມີ​ຜູ້ໃດ​ແມ່ນແຕ່​ຈະ​ຫລຽວແລ​ເບິ່ງ​ທ່ານ​ເລີຍ ຕ່າງ​ກໍ​ເມີນເສີຍ​ດັ່ງ​ເພິ່ນ​ບໍ່ມີ​ຫຍັງ​ຈັກດີ້.

ກິດຈະການ 2:13

ແຕ່​ຄົນອື່ນໆ​ໄດ້​ເຢາະເຢີ້ຍ​ໂດຍ​ເວົ້າ​ວ່າ, “ຄົນ​ເຫຼົ່ານີ້​ເມົາ​ເຫຼົ້າ.”

1 ໂກຣິນໂທ 2:14

ແຕ່​ມະນຸດ​ທີ່​ມີ​ຈິດໃຈ​ທຳມະດາ​ຈະ​ຮັບ​ສິ່ງ​ເຫຼົ່ານັ້ນ ຊຶ່ງ​ເປັນ​ຂອງ​ພຣະວິນຍານ​ຂອງ​ພຣະເຈົ້າ​ກໍ​ບໍ່ໄດ້, ເພາະ​ພວກເຂົາ​ເຫັນ​ວ່າ ສິ່ງ​ເຫຼົ່ານີ້​ເປັນ​ເລື່ອງ​ໂງ່​ສຳລັບ​ຕົນ ແລະ​ບໍ່​ສາມາດ​ເຂົ້າໃຈ ເພາະວ່າ ທີ່​ຈະ​ເຂົ້າໃຈ​ສິ່ງ​ເຫຼົ່ານັ້ນ​ໄດ້ ກໍ​ຕ້ອງ​ອາໄສ​ພຣະວິນຍານ.

1 ຊາມູເອນ 18:17

ຕໍ່ມາ ກະສັດ​ໂຊນ​ໄດ້​ກ່າວ​ແກ່​ດາວິດ​ວ່າ, “ນີ້​ຄື​ເມຣາບ​ລູກສາວ​ຄົນ​ກົກ​ຂອງເຮົາ; ເຮົາ​ຈະ​ຍົກ​ນາງ​ໃຫ້​ເປັນ​ເມຍ​ຂອງ​ເຈົ້າ ແຕ່​ເຈົ້າ​ຕ້ອງ​ຮັບໃຊ້​ເຮົາ​ໃນ​ຖານະ​ທີ່​ເປັນ​ທະຫານ​ຜູ້​ເກັ່ງກ້າ​ແລະ​ສັດຊື່ ແລະ​ເຮັດ​ເສິກ​ເພື່ອ​ພຣະເຈົ້າຢາເວ.” (ກະສັດ​ໂຊນ​ຄິດ​ວ່າ​ດ້ວຍ​ວິທີ​ນີ້ ເພິ່ນ​ຈະ​ບໍ່​ເປັນ​ຜູ້​ສັງຫານ​ດາວິດ​ໂດຍ​ຕົນເອງ ແຕ່​ຈະ​ປ່ອຍ​ໃຫ້​ພວກ​ຟີລິດສະຕິນ​ຂ້າ​ລາວ.)

1 ຊາມູເອນ 18:20

ແຕ່​ນາງ​ມີການ ລູກສາວ​ຄົນ​ໜຶ່ງ​ອີກ​ຂອງ​ກະສັດ​ໂຊນ​ໄດ້ຮັກ​ດາວິດ; ເມື່ອ​ກະສັດ​ໂຊນ​ຮູ້​ເລື່ອງນີ້​ເພິ່ນ​ກໍ​ດີໃຈ.