2 ຊາມູເອນ 4:12 - ພຣະຄຳພີສັກສິ

¹² ກະສັດ​ດາວິດ​ຈຶ່ງ​ອອກ​ຄຳສັ່ງ​ໃຫ້​ພວກ​ທະຫານ​ຂອງ​ເພິ່ນ ຂ້າ​ເຣກາບ​ແລະ​ບາອານາ​ທັງ​ໃຫ້​ຕັດ​ມື​ແລະ​ຕີນ​ຂອງ​ພວກເຂົາ​ຖິ້ມ ແລະ​ແຂວນ​ຊາກສົບ​ຂອງ​ພວກເຂົາ​ໄວ້​ໃກ້​ສະນໍ້າ​ທີ່​ເມືອງ​ເຮັບໂຣນ. ສ່ວນ​ຫົວ​ອີຊະໂບເຊັດ​ນັ້ນ​ຖືກ​ນຳ​ໄປ​ຝັງ​ໄວ້​ໃນ​ອຸບມຸງ​ຂອງ​ອັບເນ​ທີ່​ເມືອງ​ເຮັບໂຣນ.

2 ຊາມູເອນ 4:12 Jak'a apnaqawi uñst'ayäwi

2 ຊາມູເອນ 1:15

ແລ້ວ​ດາວິດ​ກໍ​ເອີ້ນ​ເອົາ​ທະຫານ​ຄົນ​ໜຶ່ງ​ມາ ແລະ​ສັ່ງ​ວ່າ, “ຂ້າ​ມັນ​ຖິ້ມ​ເສຍ.” ທະຫານ​ຄົນ​ນັ້ນ​ຖອດ​ດາບ​ອອກ​ມາ ແລະ​ແທງ​ຊາຍ​ອາມາເຫຼັກ​ຄົນ​ນີ້​ຈົນ​ຕາຍ.

2 ຊາມູເອນ 16:8

ເຈົ້າ​ໄດ້​ຢຶດ​ອານາຈັກ​ຂອງ​ກະສັດ​ໂຊນ ແລະ​ບັດນີ້​ພຣະເຈົ້າຢາເວ​ໄດ້​ລົງໂທດ​ເຈົ້າ​ຄືນ ເພາະ​ເຈົ້າ​ໄດ້​ຂ້າ​ຫລາຍ​ຄົນ​ໃນ​ຄອບຄົວ​ຂອງ​ເພິ່ນ. ພຣະເຈົ້າຢາເວ​ໄດ້​ຍົກ​ອານາຈັກ​ໃຫ້​ອັບຊາໂລມ​ລູກຊາຍ​ຂອງ​ເຈົ້າ; ສ່ວນ​ຜູ້​ຮ້າຍ​ຂ້າ​ຄົນ​ດັ່ງ​ເຈົ້າ​ກໍໄດ້​ແຕ່​ຈິບຫາຍ​ເທົ່ານັ້ນ.”

2 ຊາມູເອນ 2:8

ອັບເນ​ລູກຊາຍ​ຂອງ​ເນຣະ ຜູ້​ບັນຊາການ​ທະຫານ​ຂອງ​ກະສັດ​ໂຊນ ໄດ້​ປົບໜີໄປ​ກັບ​ອີຊະໂບເຊັດ​ລູກຊາຍ​ຂອງ​ກະສັດ​ໂຊນ. ພວກເຂົາ​ໄດ້​ຂ້າມ​ແມ່ນໍ້າ​ຈໍແດນ​ໄປ​ທີ່​ເມືອງ​ມະຫານາອິມ.

2 ຊາມູເອນ 21:9

ກະສັດ​ດາວິດ​ໄດ້​ມອບ​ຄົນ​ເຫຼົ່ານີ້​ໃຫ້​ຊາວ​ກີເບໂອນ​ແຂວນ​ຄໍ​ທີ່​ເທິງ​ພູ​ຊ້ອງໜ້າ​ພຣະເຈົ້າຢາເວ. ທັງ​ເຈັດ​ຄົນ​ນັ້ນ​ຈຶ່ງ​ຕາຍ​ພ້ອມ​ກັນ. ພວກເຂົາ​ໄດ້​ຂ້າ​ຄົນ​ເຫຼົ່ານີ້​ໃນ​ຕົ້ນ​ລະດູ​ກ່ຽວ​ເຂົ້າບາເລ.

2 ຊາມູເອນ 3:32

ຊາກສົບ​ຂອງ​ອັບເນ​ໄດ້​ຖືກ​ຝັງ​ໄວ້​ທີ່​ເມືອງ​ເຮັບໂຣນ. ທີ່​ຂຸມຝັງສົບ ກະສັດ​ໄດ້​ຮ້ອງໄຫ້​ສຽງດັງ ແລະ​ປະຊາຊົນ​ກໍ​ຮ້ອງໄຫ້​ເຊັ່ນດຽວ​ກັນ.

ເພງ^ສັນລະເສີນ 55:23

ຂ້າແດ່​ພຣະເຈົ້າ ພຣະອົງ​ຈະ​ນຳ​ຜູ້​ທີ່​ຂ້າ​ຄົນ​ແລະ​ຄົນ​ຂີ້ຕົວະ ໃຫ້​ເຂົ້າ​ໄປ​ສູ່​ຂຸມຝັງສົບ​ພຸ້ນ ກ່ອນ​ທີ່​ອາຍຸ​ເຄິ່ງ​ໜຶ່ງ​ຂອງ​ພວກເຂົາ​ໝົດ​ໄປ ສ່ວນ​ຂ້ານ້ອຍ​ໄວ້ວາງໃຈ​ໃນ​ພຣະອົງ.

ມັດທາຍ 7:2

ດ້ວຍວ່າ, ເຈົ້າ​ຈະ​ຕັດສິນ​ຄົນອື່ນ​ຢ່າງ​ໃດ ພຣະເຈົ້າ​ກໍ​ຈະ​ຕັດສິນ​ເຈົ້າ​ຢ່າງ​ນັ້ນ ແລະ​ເຈົ້າ​ຈະ​ຕວງ​ໃຫ້​ເຂົາ​ດ້ວຍ​ເຄື່ອງ​ຜອງ​ອັນ​ໃດ ພຣະເຈົ້າ​ກໍ​ຈະ​ຕວງ​ໃຫ້​ເຈົ້າ​ດ້ວຍ​ເຄື່ອງ​ຜອງ​ອັນ​ນັ້ນ.