2 ຊາມູເອນ 3:8 - ພຣະຄຳພີສັກສິ

⁸ ເລື່ອງ​ນີ້​ພາ​ໃຫ້​ອັບເນ​ໂກດຮ້າຍ​ທີ່ສຸດ ລາວ​ຈຶ່ງ​ຮ້ອງ​ອອກ​ມາ​ວ່າ, “ເຈົ້າ​ຄິດ​ວ່າ​ຂ້ອຍ​ທໍລະຍົດ​ຕໍ່​ກະສັດ​ໂຊນ​ຊັ້ນບໍ? ເຈົ້າ​ຄິດ​ວ່າ​ຂ້ອຍ​ກຳລັງ​ຮັບໃຊ້​ຢູດາ​ຊັ້ນບໍ? ແຕ່​ໃດໆ​ມາ ຂ້ອຍ​ໄດ້​ສະແດງ​ຄວາມ​ຈົງຮັກ​ພັກດີ​ຕໍ່​ພໍ່​ຂອງ​ເຈົ້າ, ຕໍ່​ອ້າຍ​ນ້ອງ​ຂອງ​ເພິ່ນ ແລະ​ຕໍ່​ໝູ່ເພື່ອນ​ຂອງ​ເພິ່ນ ແລະ​ຂ້ອຍ​ໄດ້​ປົກປ້ອງ​ຄຸ້ມຄອງ​ເຈົ້າ​ໄວ້ ບໍ່​ໃຫ້​ຕົກ​ຢູ່​ໃນ​ກຳມື​ຂອງ​ກະສັດ​ດາວິດ, ແຕ່​ເຖິງ​ປານນັ້ນ ໃນວັນນີ້​ເຈົ້າ​ຍັງ​ຊອກ​ຫາ​ຄວາມຜິດ​ໃສ່​ຂ້ອຍ​ກ່ຽວກັບ​ເລື່ອງ​ຜູ້ຍິງ​ຊັ້ນບໍ?

2 ຊາມູເອນ 3:8 Jak'a apnaqawi uñst'ayäwi

2 ຊາມູເອນ 16:9

ອາບີໄຊ​ລູກຊາຍ​ຂອງ​ນາງ​ເຊຣູອີຢາ​ເວົ້າ​ກັບ​ກະສັດ​ວ່າ, “ຂ້າແດ່​ພະຣາຊາ ເປັນຫຍັງ​ທ່ານ​ຈຶ່ງ​ປ່ອຍ​ໃຫ້​ໝາ​ໂຕ​ນີ້​ດ່າ​ທ່ານ​ຢູ່​ຢ່າງ​ນີ້? ໃຫ້​ຂ້ານ້ອຍ​ອອກ​ໄປ​ຕັດ​ຫົວ​ມັນ​ຖິ້ມ​ສາ.”

2 ຊາມູເອນ 2:8

ອັບເນ​ລູກຊາຍ​ຂອງ​ເນຣະ ຜູ້​ບັນຊາການ​ທະຫານ​ຂອງ​ກະສັດ​ໂຊນ ໄດ້​ປົບໜີໄປ​ກັບ​ອີຊະໂບເຊັດ​ລູກຊາຍ​ຂອງ​ກະສັດ​ໂຊນ. ພວກເຂົາ​ໄດ້​ຂ້າມ​ແມ່ນໍ້າ​ຈໍແດນ​ໄປ​ທີ່​ເມືອງ​ມະຫານາອິມ.

2 ຊາມູເອນ 3:18

ບັດນີ້ ແມ່ນ​ໂອກາດ​ຂອງ​ພວກທ່ານ​ແລ້ວ. ຈົ່ງ​ຈື່ຈຳ​ຖ້ອຍຄຳ​ທີ່​ພຣະເຈົ້າຢາເວ​ໄດ້​ກ່າວ​ວ່າ ‘ເຮົາ​ຈະ​ໃຊ້​ດາວິດ​ຜູ້ຮັບໃຊ້​ຂອງເຮົາ ໄປ​ຊ່ວຍ​ເອົາ​ຊາວ​ອິດສະຣາເອນ​ປະຊາຊົນ​ຂອງເຮົາ​ໃຫ້​ພົ້ນ​ຈາກ​ພວກ​ຟີລິດສະຕິນ ແລະ​ຈາກ​ສັດຕູ​ທັງຫລາຍ​ຂອງ​ພວກເຂົາ.”’

2 ຊາມູເອນ 3:9

ພຣະເຈົ້າຢາເວ​ໄດ້​ສາບານ​ກັບ​ດາວິດ​ວ່າ ພຣະອົງ​ຈະ​ເອົາ​ອານາຈັກ​ໄປ​ຈາກ​ກະສັດ​ໂຊນ ແລະ​ເຊື້ອສາຍ​ຂອງ​ເພິ່ນ; ແລ້ວ​ພຣະອົງ​ກໍ​ຈະ​ໃຫ້​ດາວິດ​ຂຶ້ນ​ເປັນ​ກະສັດ​ປົກຄອງ​ຊາວ​ອິດສະຣາເອນ​ແລະ​ຊາວ​ຢູດາ ຕັ້ງແຕ່​ເມືອງ​ດານ​ທາງ​ພາກເໜືອ ຈົນເຖິງ​ເບເອນເຊບາ​ທາງ​ພາກໃຕ້. ຖ້າ​ຂ້ອຍ​ບໍ່​ເຮັດ​ສິ່ງ​ນີ້​ໃຫ້​ກາຍເປັນຈິງ ກໍ​ຂໍ​ພຣະເຈົ້າ​ລົງໂທດ​ຂ້ອຍ​ໃຫ້​ເຖິງ​ຕາຍ​ເຖີດ.”

2 ຊາມູເອນ 5:2

ໃນ​ອະດີດ​ເມື່ອ​ກະສັດ​ໂຊນ​ຍັງ​ເປັນ​ກະສັດ​ຢູ່​ນັ້ນ ທ່ານ​ເອງ​ກໍໄດ້​ນຳພາ​ປະຊາຊົນ​ອິດສະຣາເອນ​ອອກ​ສູ່​ສະໜາມຮົບ ແລະ​ພຣະເຈົ້າຢາເວ​ໄດ້​ກ່າວ​ກັບ​ທ່ານ​ວ່າ, ‘ທ່ານ​ຈະ​ເປັນ​ຜູ້ນຳ ແລະ​ຜູ້ປົກຄອງ​ປະຊາຊົນ​ຂອງ​ພຣະອົງ.”’

2 ຊາມູເອນ 9:8

ເມຟີໂບເຊັດ​ກົ້ມ​ຂາບລົງ​ອີກເທື່ອໜຶ່ງ ແລະ​ເວົ້າ​ວ່າ, “ທ່ານເອີຍ ຂ້ານ້ອຍ​ບໍ່ມີ​ຄຸນຄ່າ​ເທົ່າກັບ​ໝາ​ຕາຍ​ໂຕໜຶ່ງ​ຊໍ້າ ເຫດໃດ ທ່ານ​ຈຶ່ງ​ເຮັດ​ດີ​ຕໍ່​ຂ້ານ້ອຍ​ຢ່າງນີ້?”

2 ກະສັດ 8:13

ຮາຊາເອນ​ຕອບ​ວ່າ, “ດ້ວຍເຫດໃດ​ຂ້ານ້ອຍ​ຈຶ່ງ​ຈະ​ມີ​ອຳນາດ​ເຖິງພຽງນັ້ນ ຂ້ານ້ອຍ​ບໍ່ມີ​ຄວາມ​ສຳຄັນ​ຫຍັງ.” ເອລີຊາ​ຕອບ​ຄືນ​ວ່າ, “ພຣະເຈົ້າຢາເວ​ໄດ້​ໃຫ້​ຂ້າພະເຈົ້າ​ຮູ້​ວ່າ ທ່ານ​ຈະ​ເປັນ​ກະສັດ​ແຫ່ງ​ຊີເຣຍ.”

ເພງ^ສັນລະເສີນ 76:10

ຄວາມ​ໂກດຮ້າຍ​ຂອງ​ມະນຸດ​ກໍ​ເປັນ​ພຽງແຕ່ ການ​ຍ້ອງຍໍ​ສັນລະເສີນ​ພຣະອົງ​ເທົ່ານັ້ນ. ຜູ້​ທີ່​ລອດຊີວິດ​ຈາກ​ການ​ເສິກ​ຈະ​ສະຫລອງ ໄຊຊະນະ​ຂອງ​ພຣະເຈົ້າຢາເວ.

ເອຊາຢາ 37:23

ເຈົ້າ​ຄິດ​ວ່າ​ເຈົ້າ​ເວົ້າ​ໝິ່ນປະໝາດ​ຜູ້ໃດ? ແລະ​ໄດ້​ປ້ອຍດ່າ​ຜູ້ໃດ? ເຈົ້າ​ໄດ້​ຂື້ນສຽງ​ຕໍ່ສູ້​ຜູ້ໃດ? ແລະ​ແຫງນ​ຕາ​ທີ່​ໂອ້ອວດ​ຂອງເຈົ້າ​ຕໍ່ສູ້​ພຣະເຈົ້າ​ອົງ​ບໍຣິສຸດ​ແຫ່ງ​ຊາດ​ອິດສະຣາເອນ.

ພຣະບັນຍັດສອງ 23:18

ເຊັ່ນດຽວ​ກັນ ເງິນ​ທີ່​ໄດ້​ໃນ​ທຳນອງນີ້​ບໍ່​ໃຫ້​ຖືກ​ນຳ​ເຂົ້າ​ມາ​ເປັນ​ການ​ແກ້​ບະບົນ ໃນ​ວິຫານ​ຂອງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ເພາະ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ກຽດຊັງ​ວັດ​ຂອງ​ພວກ​ໂສເພນີ.

1 ຊາມູເອນ 15:28

ຊາມູເອນ​ກ່າວ​ແກ່​ເພິ່ນ​ວ່າ, “ພຣະເຈົ້າຢາເວ​ໄດ້​ຈີກ​ອານາຈັກ​ອິດສະຣາເອນ​ອອກ​ຈາກ​ເຈົ້າ​ໃນ​ມື້ນີ້ ແລະ​ພຣະອົງ​ຈະ​ມອບ​ໃຫ້​ແກ່​ຄົນອື່ນ​ທີ່​ດີກວ່າ​ເຈົ້າ.

1 ຊາມູເອນ 17:43

ລາວ​ຖາມ​ດາວິດ​ວ່າ, “ເຮີຍ​ບັກນ້ອຍ ໄມ້ຄ້ອນ​ນັ້ນ​ສຳລັບ​ໄວ້​ເຮັດ​ຫຍັງ? ມຶງ​ຄິດ​ວ່າ​ກູ​ເປັນ​ໝາ​ຊັ້ນບໍ?” ແລ້ວ​ລາວ​ກໍ​ເອີ້ນ​ຫາ​ພະ​ຂອງຕົນ​ໃຫ້​ມາ​ສາບແຊ່ງ​ດາວິດ.