2 ຊາມູເອນ 3:22 - ພຣະຄຳພີສັກສິ

²² ຕໍ່ມາ ໂຢອາບ​ແລະ​ບັນດາ​ຂ້າຣາຊການ​ຄົນອື່ນໆ​ຂອງ​ດາວິດ ກໍ​ກັບ​ມາ​ແຕ່​ການ​ປຸ້ນສະດົມ. ພວກເຂົາ​ນຳ​ເອົາ​ສິ່ງຂອງ​ຢ່າງ​ຫລວງຫລາຍ​ທີ່​ຢຶດ​ໄດ້​ມາ, ແຕ່​ອັບເນ​ບໍ່ໄດ້​ຢູ່​ໃນ​ເມືອງ​ເຮັບໂຣນ​ກັບ​ດາວິດ ເພາະ​ເພິ່ນ​ໄດ້​ສົ່ງ​ລາວ​ກັບ​ເມືອ​ໂດຍ​ຮັບຮອງ​ຄວາມ​ປອດໄພ​ໃຫ້​ແກ່​ລາວ​ແລ້ວ.

2 ຊາມູເອນ 3:22 Jak'a apnaqawi uñst'ayäwi

2 ຊາມູເອນ 3:23

ເມື່ອ​ໂຢອາບ​ແລະ​ຄົນ​ຂອງ​ລາວ​ມາ​ຮອດ ໄດ້​ມີ​ຄົນ​ມາ​ບອກ​ໂຢອາບ​ວ່າ, ອັບເນ​ລູກຊາຍ​ຂອງ​ເນຣະ​ໄດ້​ມາ​ຫາ​ກະສັດ ແລະ​ເພິ່ນ​ໄດ້​ສົ່ງ​ລາວ​ກັບ​ເມືອ ໂດຍ​ຮັບຮອງ​ຄວາມ​ປອດໄພ​ໃຫ້​ແກ່​ລາວ.

2 ຊາມູເອນ 4:2

ອີຊະໂບເຊັດ​ມີ​ຂ້າຣາຊການ​ສອງ​ຄົນ​ທີ່​ເປັນ​ຫົວໜ້າ​ກອງປຸ້ນ​ຄື: ບາອານາ​ແລະ​ເຣກາບ, ທັງສອງ​ນີ້​ເປັນ​ລູກຊາຍ​ຂອງ​ຣິມໂມນ ໄທ​ເມືອງ​ເບເອໂຣດ​ໃນ​ເຜົ່າ​ເບັນຢາມິນ. (ເບເອໂຣດ​ຖືກ​ນັບ​ເຂົ້າ​ເປັນ​ສ່ວນ​ໜຶ່ງ​ຂອງ​ເຜົ່າ​ເບັນຢາມິນ.

1 ຊາມູເອນ 27:8

ໃນ​ສະໄໝ​ນັ້ນ ດາວິດ​ກັບ​ທະຫານ​ຂອງ​ເພິ່ນ​ກໍໄດ້​ໂຈມຕີ​ຊາວ​ເກຊູ, ຊາວ​ກີຣິຊີ ແລະ​ຊາວ​ອາມາເຫຼັກ ຊຶ່ງ​ເປັນ​ພວກ​ທີ່​ຢູ່​ໃນ​ດິນແດນ​ນັ້ນ​ດົນນານ​ມາ​ແລ້ວ. ເພິ່ນ​ໄດ້​ຫລອນ​ໂຈມຕີ​ດິນແດນ​ຂອງ​ພວກເຂົາ ໄປ​ຈົນເຖິງ​ເມືອງ​ຊູເຣ​ແລະ​ລົງ​ໄປ​ເຖິງ​ດິນແດນ​ປະເທດ​ເອຢິບ.