2 ຊາມູເອນ 24:22 - ພຣະຄຳພີສັກສິ

²² ອາໂຣນາ​ບອກ​ວ່າ, “ຂ້າແດ່​ພະຣາຊາ ເຊີນ​ທ່ານ​ເອົາ​ໄດ້ ແລະ​ຖວາຍ​ບູຊາ​ຕາມ​ທີ່​ທ່ານ​ຕ້ອງການ​ເຖີດ ນີ້​ເດ​ງົວ​ສຳລັບ​ເຜົາ​ຖວາຍບູຊາ ແລະ​ນີ້​ແມ່ນ​ແອກ​ກັບ​ໄມ້​ຟາດ​ເຂົ້າ​ສຳລັບ​ໃຊ້​ເຮັດ​ຟືນ.”

2 ຊາມູເອນ 24:22 Jak'a apnaqawi uñst'ayäwi

ປະຖົມມະການ 23:11

“ບໍ່ແມ່ນ, ທ່ານເອີຍ ຈົ່ງ​ຟັງ​ຂ້ານ້ອຍ​ກ່ອນ; ຂ້ານ້ອຍ​ຈະ​ມອບ​ທີ່ດິນ​ຢູ່​ໃນ​ນາ​ທັງໝົດ ພ້ອມ​ທັງ​ຖໍ້າ​ໃຫ້​ແກ່​ທ່ານ​ຊ້ອງໜ້າ​ປະຊາຊົນ​ຂອງ​ຂ້ານ້ອຍ​ນີ້​ແຫຼະ; ຂ້ານ້ອຍ​ຈະ​ມອບ​ຖໍ້າ​ນັ້ນ​ໃຫ້​ແກ່​ທ່ານ ເພື່ອ​ວ່າ​ທ່ານ​ຈະ​ໄດ້​ຝັງສົບ​ເມຍ​ຂອງ​ທ່ານ​ໃສ່​ທີ່​ນັ້ນ.”

1 ກະສັດ 19:21

ແລ້ວ​ເອລີຊາ​ກໍໄດ້​ໄປ​ຂ້າ​ງົວ​ຄູ່ນັ້ນ​ຂອງຕົນ ແລະ​ເອົາ​ຊີ້ນ​ເຮັດ​ອາຫານ ໂດຍ​ໃຊ້​ໄຖ​ເປັນ​ຟືນ​ດັງ​ໄຟ. ລາວ​ແບ່ງ​ຊີ້ນ​ໃຫ້​ຄົນ​ທັງຫລາຍ ແລະ​ພວກເຂົາ​ກໍ​ກິນ. ແລ້ວ​ລາວ​ກໍ​ຈາກ​ໄປ ແລະ​ຕິດຕາມ​ເອລີຢາ ໂດຍ​ເປັນ​ຜູ້​ຮັບໃຊ້​ຂອງເພິ່ນ.

1 ຂ່າວຄາວ 21:22

ກະສັດ​ດາວິດ​ກ່າວ​ແກ່​ລາວ​ວ່າ, “ຈົ່ງ​ຂາຍ​ລານເຂົ້າ​ນີ້​ໃຫ້​ເຮົາ​ສາ ເພື່ອ​ເຮົາ​ຈະ​ໄດ້​ສ້າງ​ແທ່ນບູຊາ​ຖວາຍ​ແກ່​ພຣະເຈົ້າຢາເວ ແລະ​ພະຍາດ​ລະບາດ​ຈະ​ໄດ້​ເຊົາ. ເຮົາ​ຈະ​ຈ່າຍ​ຄ່າ​ລານເຂົ້າ​ໃຫ້​ເຈົ້າ​ເຕັມ​ລາຄາ.”

ພວກ^ຜູ້ປົກຄອງ 6:26

ຈົ່ງ​ສ້າງ​ແທ່ນບູຊາ​ທີ່​ແໜ້ນແກ່ນ​ສຳລັບ​ພຣະເຈົ້າຢາເວ ພຣະເຈົ້າ​ຂອງ​ເຈົ້າ ທີ່​ເທິງ​ຈອມ​ໂພນ​ນີ້. ແລ້ວ​ຈົ່ງ​ເຜົາ​ງົວເຖິກ​ໂຕ​ທີ​ສອງ ທັງ​ໂຕ​ຖວາຍ​ເປັນ​ເຄື່ອງບູຊາ ໂດຍ​ເອົາ​ເສົາ​ສັກສິດ​ທີ່​ເຈົ້າ​ໄດ້​ຕັດ​ລົງ​ນັ້ນ​ໃຊ້​ເປັນ​ຟືນ.”

1 ຊາມູເອນ 6:14

ກວຽນ​ນັ້ນ​ໄດ້​ມາ​ຢຸດ​ຢູ່​ໃກ້​ໂງ່ນຫີນ​ໃຫຍ່​ບ່ອນ​ໜຶ່ງ​ໃນ​ນາ​ຂອງ​ຊາຍ​ຜູ້ໜຶ່ງ​ຊື່​ວ່າ ໂຢຊວຍ​ຊາວ​ເມືອງ​ເບັດເຊເມດ. ແລ້ວ​ຊາວເມືອງ​ກໍ​ມ້າງ​ໄມ້ກວຽນ​ອອກ​ເປັນ​ທ່ອນໆ ແລະ​ຂ້າ​ງົວແມ່​ສອງ​ໂຕ​ນັ້ນ​ເຜົາ​ເປັນ​ເຄື່ອງ​ບູຊາ​ຖວາຍ​ແກ່​ພຣະເຈົ້າຢາເວ.