2 ຊາມູເອນ 23:5 - ພຣະຄຳພີສັກສິ

⁵ ພຣະເຈົ້າ​ອວຍພອນ​ໃຫ້​ເຊື້ອສາຍ​ຂອງ​ຂ້ານ້ອຍ​ດັ່ງນີ້ ເພາະ​ຊົງ​ຕັ້ງ​ພັນທະສັນຍາ​ກັບ​ຂ້ານ້ອຍ​ສືບໄປ, ເປັນ​ຄຳ​ຕົກລົງ​ທີ່​ຈະ​ບໍ່​ຖືກ​ຍົກເລີກ ເປັນ​ຄຳສັນຍາ​ທີ່​ຈະ​ປ່ຽນແປງ​ບໍ່ໄດ້. ທັງໝົດ​ນີ້ ຄື​ສິ່ງ​ທີ່​ຂ້ານ້ອຍ​ຕ້ອງການ ຄື​ຊົງ​ມອບ​ໄຊຊະນະ​ໃຫ້​ໃນ​ທຸກໆ​ສະພາບ​ການ.

2 ຊາມູເອນ 23:5 Jak'a apnaqawi uñst'ayäwi

ປະຖົມມະການ 9:16

ເມື່ອ​ຮຸ້ງ​ປາກົດ​ຂຶ້ນ​ໃນ​ເມກ ເຮົາ​ຈະ​ເຫັນ ແລະ​ເຮົາ​ກໍ​ຈະ​ລະນຶກເຖິງ​ພັນທະສັນຍາ​ອັນ​ຕະຫລອດໄປ ລະຫວ່າງ​ເຮົາ​ກັບ​ທຸກສິ່ງ​ທີ່​ມີ​ຊີວິດ​ຢູ່​ໃນ​ແຜ່ນດິນ​ໂລກ.”

2 ຊາມູເອນ 12:10

ບັດນີ້ ຍ້ອນ​ວ່າ​ເຈົ້າ​ບໍ່​ເຊື່ອຟັງ​ເຮົາ​ທັງ​ເອົາ​ເມຍ​ຂອງ​ອູຣິຢາ ໃນ​ເຊື້ອສາຍ​ຂອງ​ເຈົ້າ​ທຸກ​ເຊັ່ນຄົນ​ຈະ​ມີ​ບາງຄົນ​ຕາຍ​ດ້ວຍ​ດາບ.

2 ຊາມູເອນ 13:14

ແຕ່​ລາວ​ບໍ່​ຍອມ​ຟັງ​ນາງ ແລະ​ຍ້ອນ​ເພິ່ນ​ມີ​ກຳລັງ​ຫລາຍກວ່າ ຈຶ່ງ​ຂົ່ມຂືນ​ແລະ​ຮ່ວມ​ນອນ​ກັບ​ນາງ.

2 ຊາມູເອນ 13:28

ແລະ​ອັບຊາໂລມ​ໄດ້​ແນະນຳ​ຄົນ​ຮັບໃຊ້​ຂອງຕົນ​ວ່າ, “ໃຫ້​ພວກເຈົ້າ​ສັງເກດ​ເບິ່ງ​ອຳໂນນ ຖ້າ​ລາວ​ດື່ມ​ເຫຼົ້າ​ເມົາ​ຫລາຍ​ແລ້ວ ເມື່ອ​ຂ້ອຍ​ອອກ​ຄຳສັ່ງ ໃຫ້​ພາກັນ​ຂ້າ​ລາວ​ໂລດ. ພວກເຈົ້າ​ບໍ່​ຕ້ອງ​ຢ້ານ. ຂ້ອຍ​ຈະ​ເປັນ​ຜູ້​ຮັບຜິດຊອບ​ເອງ. ຈົ່ງ​ກ້າຫານ​ແລະ​ຢ່າ​ລັ່ງເລ​ໃຈ.”

2 ຊາມູເອນ 18:14

ໂຢອາບ​ເວົ້າ​ຂຶ້ນ​ວ່າ, “ຂ້ອຍ​ຈະ​ບໍ່​ເສຍ​ເວລາ​ເວົ້າ​ກັບ​ເຈົ້າ​ອີກ​ຕໍ່ໄປ.” ໂຢອາບ​ຈຶ່ງ​ໃຊ້​ຫອກ​ສາມ​ແງ່ມ​ແທງ​ທີ່​ໜ້າເອິກ​ຂອງ​ອັບຊາໂລມ ຂະນະທີ່​ລາວ​ແຂວນ​ຢູ່​ທີ່​ຕົ້ນໂອກ​ແລະ​ຍັງ​ມີ​ຊີວິດ.

2 ຊາມູເອນ 7:12

ເມື່ອ​ເຈົ້າ​ຕາຍໄປ ແລະ​ຖືກ​ຝັງ​ໄວ້​ກັບ​ບັນພະບຸລຸດ​ຂອງ​ເຈົ້າ​ແລ້ວ ເຮົາ​ກໍ​ຈະ​ໃຫ້​ລູກຊາຍ​ຄົນ​ໜຶ່ງ​ຂອງ​ເຈົ້າ​ເປັນ​ກະສັດ ແລະ​ຈະ​ໃຫ້​ອານາຈັກ​ຂອງ​ລາວ​ເຂັ້ມແຂງ.

2 ຊາມູເອນ 7:18

ຕໍ່ມາ ກະສັດ​ດາວິດ​ໄດ້​ເຂົ້າ​ໄປ​ໃນ​ຫໍເຕັນ ແລະ​ນັ່ງ​ລົງ​ຕໍ່ໜ້າ​ພຣະເຈົ້າຢາເວ ແລະ​ໄດ້ກ່າວ​ວ່າ, “ຂ້າແດ່​ອົງພຣະ​ຜູ້​ເປັນເຈົ້າ ພຣະເຈົ້າ​ເອີຍ ຂ້ານ້ອຍ​ແລະ​ຄອບຄົວ​ບໍ່​ສົມຄວນ​ກັບ​ສິ່ງ​ທີ່​ພຣະອົງ​ໄດ້​ກະທຳ​ຕໍ່​ຂ້ານ້ອຍ​ເລີຍ.

1 ກະສັດ 1:5

ເມື່ອ​ເຈົ້າ​ອັບຊາໂລມ​ໄດ້​ຕາຍໄປ​ນັ້ນ ອາໂດນີຢາ​ລູກຊາຍກົກ​ຂອງ​ກະສັດ​ດາວິດ ຜູ້​ທີ່​ໄດ້​ກັບ​ນາງ​ຮັກກິດ​ກໍ​ຍັງ​ມີ​ຊີວິດ​ຢູ່. ລາວ​ເປັນ​ຄົນ​ຮູບຮ່າງ​ງາມ​ຫລາຍ. ກະສັດ​ດາວິດ​ບໍ່ເຄີຍ​ຕຳໜິ​ຕິຕຽນ​ລາວ​ໃນ​ເລື່ອງ​ໃດໆ​ທັງໝົດ ແລະ​ລາວ​ກໍ​ທະເຍີ​ທະຍານ​ຢາກ​ເປັນ​ກະສັດ. ອາໂດນີຢາ​ຕຽມ​ເອົາ​ລົດຮົບ, ມ້າ ແລະ​ທະຫານ​ຕິດຕາມ​ຕົນ​ໄປ​ຫ້າສິບ​ຄົນ.

1 ກະສັດ 11:38

ຖ້າ​ເຈົ້າ​ເຊື່ອຟັງ​ເຮົາ​ທຸກຢ່າງ, ປະຕິບັດ​ຕາມ​ບັນດາ​ກົດບັນຍັດ​ຂອງເຮົາ ແລະ​ເຮັດ​ໃຫ້​ເຮົາ​ພໍໃຈ​ໂດຍ​ປະຕິບັດ​ຕາມ​ຂໍ້ຄຳສັ່ງ​ຂອງເຮົາ ດັ່ງ​ດາວິດ​ຜູ້ຮັບໃຊ້​ຂອງເຮົາ​ໄດ້​ປະຕິບັດ​ນັ້ນ ເຮົາ​ກໍ​ຈະ​ຢູ່​ກັບ​ເຈົ້າ​ເລື້ອຍ​ໄປ. ເຮົາ​ຈະ​ໃຫ້​ເຈົ້າ​ເປັນ​ກະສັດ​ຂອງ​ອິດສະຣາເອນ ແລະ​ຈະ​ໃຫ້​ມີ​ເຊື້ອສາຍ​ປົກຄອງ​ສືບແທນ​ເຈົ້າ ດັ່ງ​ທີ່​ເຮົາ​ໄດ້​ປະຕິບັດ​ຕໍ່​ດາວິດ​ນັ້ນ.

1 ກະສັດ 12:14

ຕາມ​ທີ່​ພວກ​ຄົນໜຸ່ມ​ໄດ້​ແນະນຳ​ເພິ່ນ​ນັ້ນ. ເພິ່ນ​ເວົ້າ​ວ່າ, “ພໍ່​ຂອງເຮົາ​ໄດ້​ວາງ​ພາລະໜັກ​ໃຫ້​ພວກທ່ານ; ເຮົາ​ແຮ່ງ​ຈະ​ວາງ​ພາລະໜັກ​ຫລາຍກວ່າ​ນັ້ນ​ອີກ. ເພິ່ນ​ໄດ້​ຕີ​ພວກທ່ານ​ດ້ວຍ​ໄມ້ແສ້, ແຕ່​ເຮົາ​ຈະ​ຂ້ຽນ​ພວກທ່ານ​ດ້ວຍ​ໄມ້ແສ້​ທີ່​ມີ​ໄລ​ເຫຼັກ.”

ເພງ^ສັນລະເສີນ 111:9

ພຣະອົງ​ມາ​ປົດປ່ອຍ​ແລະ​ຕັ້ງ​ພັນທະສັນຍາ ອັນ​ຕະຫລອດໄປ​ໄວ້​ກັບ​ເຂົາເຈົ້າ. ພຣະນາມ​ຂອງ​ພຣະອົງ​ກໍ​ບໍຣິສຸດ ແລະ​ໜ້າຢຳເກງ.

ເພງ^ສັນລະເສີນ 119:81

ຈິດໃຈ​ຂອງ​ຂ້ານ້ອຍ​ອິດອ່ອນ ຍ້ອນ​ຄອຍຖ້າ​ໃຫ້​ພຣະອົງ​ມາ​ຊ່ວຍເຫລືອ ຂ້ານ້ອຍ​ມອບ​ຄວາມ​ໄວ້ວາງໃຈ​ຂອງ​ຂ້ານ້ອຍ ໃນ​ຖ້ອຍຄຳ​ຂອງ​ພຣະອົງ.

ເພງ^ສັນລະເສີນ 27:4

ຂ້ານ້ອຍ​ຂໍ​ຈາກ​ພຣະເຈົ້າຢາເວ​ພຽງແຕ່​ສິ່ງດຽວ ແມ່ນ​ສິ່ງ​ດຽວ​ເທົ່ານັ້ນ​ທີ່​ຂ້ານ້ອຍ​ຢາກ​ໄດ້ ຄື: ໃຫ້​ຂ້ານ້ອຍ​ໄດ້​ຢູ່​ໃນ​ວິຫານ​ຂອງ​ພຣະເຈົ້າຢາເວ​ຕະຫລອດໄປ ເພື່ອ​ຈະ​ເບິ່ງ​ຄວາມງາມ​ຂອງ​ພຣະເຈົ້າຢາເວ ແລະ​ເພື່ອ​ຈະ​ພິຈາລະນາ​ຮຽນຮູ້​ໃນ​ພຣະວິຫານ​ຂອງ​ພຣະອົງ.

ເພງ^ສັນລະເສີນ 62:2

ພຣະອົງ​ເທົ່ານັ້ນ​ທີ່​ປົກປ້ອງ​ແລະ​ຊ່ວຍ​ຂ້ານ້ອຍ​ໃຫ້​ພົ້ນໄພ ເມື່ອ​ພຣະອົງ​ເປັນ​ຜູ້​ປ້ອງກັນ​ຂ້ານ້ອຍ​ໄວ້ ຂ້ານ້ອຍ​ຈະ​ບໍ່​ພ່າຍແພ້​ຈັກເທື່ອ.

ເພງ^ສັນລະເສີນ 89:3

ພຣະອົງ​ກ່າວ​ວ່າ, “ເຮົາ​ເຮັດ​ພັນທະສັນຍາ​ໄວ້ ກັບ​ມະນຸດ​ທີ່​ເຮົາ​ໄດ້​ເລືອກເອົາ​ພວກເຂົາ​ນັ້ນ ຄື​ໄດ້​ເຮັດ​ໄວ້​ກັບ​ດາວິດ​ຜູ້ຮັບໃຊ້​ຂອງເຮົາ, ເຮົາ​ໄດ້​ໃຫ້​ຄຳສັນຍາ​ກັບ​ລາວ​ດັ່ງນີ້:

ເອຊາຢາ 11:1

ເຊື້ອວົງ​ຂອງ​ກະສັດ​ດາວິດ​ເປັນ​ດັ່ງ​ກົກໄມ້​ທີ່​ຖືກ​ປໍ້າ​ລົງ​ແລ້ວ, ແຕ່​ຍັງ​ມີ​ກິ່ງ​ເກີດ​ອອກ​ມາ​ຈາກ​ຕໍ​ນັ້ນ​ສັນໃດ ກໍ​ຈະ​ມີ​ກະສັດ​ອົງ​ໃໝ່ ເກີດຂຶ້ນ​ມາ​ຈາກ​ເຊື້ອສາຍ​ຂອງ​ດາວິດ​ສັນນັ້ນ.

ເອຊາຢາ 27:6

ໃນ​ວັນ​ນັ້ນ ປະຊາຊົນ​ອິດສະຣາເອນ​ຜູ້​ເປັນ​ເຊື້ອສາຍ​ຂອງ​ຢາໂຄບ ຈະ​ຢັ່ງຮາກ​ລົງ​ດັ່ງ​ຮາກ​ຂອງ​ຕົ້ນໄມ້​ແລະ​ຈະ​ອອກ​ດອກ​ຈູມ​ດອກບານ. ໂລກນີ້​ຈະ​ເຕັມ​ໄປ​ດ້ວຍ​ໝາກຜົນ​ຂອງ​ພວກເຂົາ.

ເອຊາຢາ 4:2

ເມື່ອ​ວັນ​ນັ້ນ​ມາ​ເຖິງ ພຣະເຈົ້າຢາເວ​ຈະ​ເຮັດ​ໃຫ້​ພືດພັນ ແລະ​ຕົ້ນໄມ້​ຢູ່​ໃນ​ດິນແດນ​ໃຫຍ່​ຂຶ້ນ​ແລະ​ສວຍງາມ. ປະຊາຊົນ​ຊາວ​ອິດສະຣາເອນ​ທັງໝົດ​ທີ່​ຍັງ​ມີ​ຊີວິດ​ເຫລືອຢູ່ ຈະ​ຊື່ນຊົມ​ຍິນດີ​ໃນ​ຜົນລະປູກ​ທີ່​ເກີດ​ໃນ​ດິນແດນ.

ເອຊາຢາ 54:10

ພູ​ໃຫຍ່​ແລະ​ພູນ້ອຍ​ອາດ​ພັງ​ທະລາຍ​ລົງ ແຕ່​ຄວາມຮັກ​ຂອງເຮົາ​ໝັ້ນຄົງ​ບໍ່​ສິ້ນສຸດ​ໄດ້; ເຮົາ​ຈະ​ຮັກສາ​ສັນຍາ​ຄວາມ​ສະຫງົບສຸກ​ໄວ້​ສືບໄປ.” ພຣະເຈົ້າຢາເວ​ຜູ້​ຊົງ​ເມດຕາ​ເຈົ້າ​ກ່າວ​ດັ່ງນີ້ແຫລະ.

ເອຊາຢາ 55:3

ບັດນີ້ ຈົ່ງ​ມາ​ຟັງ​ເຮົາ​ເທີ້ນ ໄພ່ພົນ​ຂອງເຮົາ​ເອີຍ ເຊີນ​ມາ​ຫາ​ເຮົາ​ແລະ​ພວກເຈົ້າ​ຈະ​ໄດ້​ຊີວິດ ເຮົາ​ຈະ​ເຮັດ​ພັນທະສັນຍາ​ກັບ​ພວກເຈົ້າ​ສືບໆໄປ ເຮົາ​ຈະ​ໃຫ້​ພອນ​ດັ່ງ​ທີ່​ເຮົາ​ໄດ້​ສັນຍາ​ກັບ​ດາວິດ.

ເອຊາຢາ 61:8

ພຣະເຈົ້າຢາເວ​ກ່າວ​ວ່າ, “ເຮົາ​ຮັກ​ຄວາມ​ຍຸດຕິທຳ ເຮົາ​ກຽດຊັງ​ການກົດຂີ່ ແລະ​ອາຊະຍາກຳ​ດ້ວຍ. ເຮົາ​ຈະ​ໃຫ້​ບຳເໜັດ​ແກ່​ປະຊາຊົນ​ຂອງເຮົາ​ຢ່າງ​ສັດຊື່ ທັງ​ຈະ​ເຮັດ​ສັນຍາ​ອັນ​ຖາວອນ​ກັບ​ພວກເຂົາ.

ເອຊາຢາ 7:14

ເພາະສະນັ້ນ ອົງພຣະ​ຜູ້​ເປັນເຈົ້າ​ຈະ​ໃຫ້​ເຈົ້າ​ເຫັນ​ໝາຍສຳຄັນ​ຢ່າງ​ໜຶ່ງ ຄື​ຍິງ​ສາວ​ຜູ້ໜຶ່ງ ຈະ​ຖືພາ​ແລະ​ຈະ​ອອກລູກ​ເປັນ​ຜູ້ຊາຍ​ແລະ​ຈະ​ມີ​ຊື່​ວ່າ, ‘ເອມານູເອນ’

ເຢເຣມີຢາ 32:40

ເຮົາ​ຈະ​ເຮັດ​ພັນທະສັນຍາ​ອັນ​ຖາວອນ​ກັບ​ພວກເຂົາ. ເຮົາ​ຈະ​ບໍ່​ຢຸດຢັ້ງ​ທີ່​ຈະ​ເຮັດ​ສິ່ງ​ທີ່​ດີ​ສຳລັບ​ພວກເຂົາ ແລະ​ເຮົາ​ກໍ​ຈະ​ເຮັດ​ໃຫ້​ພວກເຂົາ​ຢຳເກງ​ເຮົາ​ດ້ວຍ​ໝົດຈິດ​ໝົດໃຈ ເພື່ອ​ວ່າ​ພວກເຂົາ​ຈະ​ບໍ່ໄດ້​ຫັນໜີ​ໄປ​ຈາກ​ເຮົາ.

ເຢເຣມີຢາ 33:21

ໃນທຳນອງ​ດຽວກັນ ເຮົາ​ໄດ້​ເຮັດ​ພັນທະສັນຍາ​ຢ່າງ​ໜຶ່ງ​ໄວ້​ກັບ​ດາວິດ​ຜູ້ຮັບໃຊ້​ຂອງເຮົາ​ວ່າ ລາວ​ຈະ​ມີ​ເຊື້ອສາຍ​ຂຶ້ນ​ເປັນ​ກະສັດ​ຕະຫລອດໄປ; ເຮົາ​ໄດ້​ເຮັດ​ພັນທະສັນຍາ​ຢ່າງ​ໜຶ່ງ​ໄວ້​ກັບ​ພວກ​ປະໂຣຫິດ​ຈາກ​ເຜົ່າເລວີ​ວ່າ ພວກເຂົາ​ຈະ​ຮັບໃຊ້​ເຮົາ​ສະເໝີໄປ ແລະ​ພັນທະສັນຍາ​ນີ້​ຈະ​ບໍ່​ຖືກ​ລົບລ້າງ​ຈັກເທື່ອ.

ເອເຊກຽນ 37:26

ເຮົາ​ຈະ​ຕັ້ງ​ພັນທະສັນຍາ​ຢ່າງ​ໜຶ່ງ​ກັບ​ພວກເຂົາ ທີ່​ຮັບ​ຮອງ​ຄວາມ​ປອດໄພ​ຕະຫລອດໄປ. ເຮົາ​ຈະ​ໃຫ້​ພວກເຂົາ​ຕັ້ງ​ຫຼັກແຫຼ່ງ​ຢູ່​ໃນ​ທີ່ນັ້ນ ແລະ​ເຮົາ​ຈະ​ໃຫ້​ປະຊາຊົນ​ຂອງ​ພວກເຂົາ​ເພີ່ມ​ຂຶ້ນ; ເຮົາ​ຈະ​ຕັ້ງ​ພຣະວິຫານ​ຂອງເຮົາ​ຢູ່​ທ່າມກາງ​ພວກເຂົາ​ຕະຫລອດໄປ.

ອາໂມດ 9:11

“ວັນ​ໜຶ່ງ​ໃກ້​ເຂົ້າ​ມາ​ແລ້ວ ເມື່ອ​ເຮົາ​ຈະ​ສ້າງ​ຫໍເຕັນ​ຂອງ​ດາວິດ​ຂຶ້ນ​ໃໝ່ ຄື​ເປັນ​ດັ່ງ​ເຮືອນ​ຫລັງ​ໜຶ່ງ​ທີ່​ຮົກຮ້າງ​ເພພັງ​ນັ້ນ. ເຮົາ​ຈະ​ສ້ອມແປງ​ກຳແພງ​ອີກ​ໃໝ່ ໃຫ້​ເປັນ​ດັ່ງ​ທີ່​ເຄີຍ​ເປັນ​ມາ​ແຕ່​ດົນນານ​ແລ້ວ.

ກິດຈະການ 13:34

ນີ້​ແຫຼະ ແມ່ນ​ຖ້ອຍຄຳ​ທີ່​ພຣະເຈົ້າ​ໄດ້​ກ່າວ​ໄວ້ ເຖິງ​ຄວາມ​ເປັນ​ຄືນ​ມາ​ຈາກ​ຕາຍ​ຂອງ​ພຣະອົງ​ວ່າ, ບໍ່​ໃຫ້​ຫລົບ​ສູ່​ຄວາມ​ເປື່ອຍເນົ່າ​ຈັກເທື່ອ: ‘ເຮົາ​ຈະ​ໃຫ້​ພຣະພອນ ອັນ​ສັກສິດ​ບໍຣິສຸດ ແລະ​ໝັ້ນຄົງ​ແກ່​ເຈົ້າ​ ທີ່​ເຮົາ​ໄດ້​ສັນຍາ​ໄວ້​ກັບ​ດາວິດ.’

ເຮັບເຣີ 13:20

ຂໍ​ພຣະເຈົ້າ​ຜູ້​ຊົງ​ໂຜດ​ສັນຕິສຸກ ຜູ້​ໄດ້​ຊົງ​ນຳ​ອົງ​ພຣະເຢຊູເຈົ້າ​ຂອງ​ເຮົາ​ທັງຫລາຍ ໃຫ້​ຄືນ​ມາ​ຈາກ​ຄວາມ​ຕາຍ ຄື​ຜູ້​ຊົງ​ເປັນ​ຜູ້​ລ້ຽງ​ແກະ​ອົງ​ຍິ່ງໃຫຍ່ ດ້ວຍ​ພຣະ​ໂລຫິດ​ທີ່​ກ່ຽວກັບ​ພັນທະສັນຍາ​ອັນ​ຕັ້ງ​ຢູ່​ເປັນນິດ​ນັ້ນ,

ເຮັບເຣີ 6:19

ຄວາມຫວັງ​ທີ່​ພວກເຮົາ​ຢຶດຖື​ນັ້ນ ເປັນ​ສະໝໍ​ທີ່​ແທ້ຈິງ​ອັນ​ໝັ້ນຄົງ​ຂອງ​ຈິດໃຈ ຄວາມຫວັງ​ນັ້ນ​ນຳ​ໄປ​ສູ່​ບ່ອນ​ສັກສິດ​ທີ່ສຸດ​ຢູ່​ເບື້ອງ​ຫລັງ​ຜ້າກັ້ງ,

1 ຊາມູເອນ 2:35

ເຮົາ​ຈະ​ເລືອກ​ເອົາ​ປະໂຣຫິດ​ຜູ້ໜຶ່ງ​ທີ່​ສັດຊື່​ຕໍ່​ເຮົາ ແລະ​ເຮົາ​ຈະ​ໃຫ້​ລາວ​ເຮັດ​ທຸກໆ​ສິ່ງ​ທີ່​ເຮົາ​ຕ້ອງການ; ເຮົາ​ຈະ​ໃຫ້​ລາວ​ມີ​ເຊື້ອສາຍ​ເປັນ​ຜູ້​ບົວລະບັດ​ຮັບໃຊ້​ເຮົາ​ຕະຫລອດໄປ ຢູ່​ຕໍ່ໜ້າ​ກະສັດ​ທີ່​ເຮົາ​ເລືອກເອົາ.

1 ຊາມູເອນ 25:28

ຂໍໂຜດ​ກະລຸນາ​ຍົກໂທດ​ໃນ​ສິ່ງໃດໆ​ທີ່​ຂ້ານ້ອຍ​ໄດ້​ເຮັດ​ຜິດ​ໄປ​ນັ້ນ​ສາ. ພຣະເຈົ້າຢາເວ​ຈະ​ໃຫ້​ທ່ານ​ເປັນ​ກະສັດ​ຕະຫລອດ​ທັງ​ເຊື້ອສາຍ​ຂອງທ່ານ​ດ້ວຍ ເພາະ​ທ່ານ​ກຳລັງ​ສູ້ຮົບ​ເພື່ອ​ພຣະເຈົ້າຢາເວ. ທ່ານ​ຄົງ​ບໍ່​ເຮັດ​ການຊົ່ວ ຢ່າງ​ໃດ​ເລີຍ ຕາບໃດ​ທີ່​ທ່ານ​ຍັງ​ມີ​ຊີວິດ​ຢູ່.