2 ຊາມູເອນ 23:22 - ພຣະຄຳພີສັກສິ

²² ນີ້ແຫລະ ແມ່ນ​ວິລະກຳ​ຂອງ​ເບນາອີຢາ​ລູກຊາຍ​ຂອງ​ເຢໂຮຍອາດາ ຜູ້ໜຶ່ງ​ໃນ​ພວກ​ທະຫານ​ເອກ​ສາມສິບ​ຄົນ.

2 ຊາມູເອນ 23:22 Jak'a apnaqawi uñst'ayäwi

2 ຊາມູເອນ 20:7

ສະນັ້ນ ພວກ​ທະຫານ​ຂອງ​ໂຢອາບ, ຊາວ​ເກເຣັດ​ແລະ​ຊາວ​ເປເລັດ ແລະ​ທະຫານ​ອື່ນໆ​ທີ່​ຄ້າງ​ຢູ່​ໃນ​ນະຄອນ​ເຢຣູຊາເລັມ ຈຶ່ງ​ໄປ​ກັບ​ອາບີໄຊ​ເພື່ອ​ຕາມ​ຫາ​ຈັບ​ເຊບາ​ລູກຊາຍ​ຂອງ​ບີກຣີ.

2 ຊາມູເອນ 23:20

ເບນາອີຢາ ລູກຊາຍ​ຂອງ​ເຢໂຮຍອາດາ​ຊາວ​ກັບເຊເອນ ເປັນ​ທະຫານ​ທີ່​ມີ​ຊື່ສຽງ​ອີກ​ຄົນ​ໜຶ່ງ; ລາວ​ໄດ້​ສ້າງ​ວິລະກຳ​ໄວ້​ຫລາຍ​ຢ່າງ ຄື​ໄດ້​ຂ້າ​ທະຫານ​ໂມອາບ​ຜູ້​ສຳຄັນ​ສອງ​ຄົນ. ມີ​ຄັ້ງ​ໜຶ່ງ ໃນ​ມື້​ຫິມະ​ຕົກ ລາວ​ໄດ້​ລົງ​ໄປ​ໃນ​ຫລຸມ​ແລະ​ໄດ້​ຂ້າ​ສິງ​ໂຕໜຶ່ງ.

2 ຊາມູເອນ 23:21

ລາວ​ຍັງ​ໄດ້​ຂ້າ​ຄົນ​ເອຢິບ​ຜູ້ໜຶ່ງ​ຊຶ່ງ​ເປັນ​ຄົນ​ຮ່າງໃຫຍ່ ແລະ​ມີ​ຫອກ​ເປັນ​ອາວຸດ. ເບນາອີຢາ​ຕໍ່ສູ້​ລາວ​ໂດຍ​ໃຊ້​ໄມ້ຄ້ອນ​ເພື່ອ​ຍາດ​ຫອກ​ຈາກ​ມື​ຂອງ​ຄົນ​ເອຢິບ ແລະ​ໃຊ້​ຫອກ​ນັ້ນ​ຂ້າ​ຄູ່​ຕໍ່ສູ້.

2 ຊາມູເອນ 23:23

ລາວ​ເປັນ​ຜູ້​ເກັ່ງກ້າ​ໃນ​ທ່າມກາງ​ພວກເຂົາ ແຕ່​ຍັງ​ບໍ່ມີ​ຊື່ສຽງ​ເທົ່າ​ກັບ​ຈອມສາມ​ທະຫານເອກ. ກະສັດ​ດາວິດ​ໄດ້​ເອົາ​ລາວ​ເປັນ​ທະຫານ​ປ້ອງກັນ​ຕົວ​ຂອງເພິ່ນ.

2 ຊາມູເອນ 8:18

ເບນາອີຢາ​ລູກຊາຍ​ຂອງ​ເຢໂຮຍອາດາ ເປັນ​ຜູ້​ບັນຊາການ ຊາວ​ເກເຣັດ​ແລະ​ຊາວ​ເປເລັດ​ທະຫານ​ປ້ອງກັນ​ຕົວ​ຂອງ​ກະສັດ​ດາວິດ ແລະ​ບັນດາ​ລູກຊາຍ​ຂອງ​ກະສັດ​ດາວິດ​ເປັນ​ປະໂຣຫິດ.