2 ຊາມູເອນ 23:10 - ພຣະຄຳພີສັກສິ

¹⁰ ແຕ່​ເອເລອາຊາ​ໄດ້​ຢືນ​ຕໍ່ສູ້​ພວກ​ຟີລິດສະຕິນ​ຈົນ​ມື​ລາວ​ຈັງ ແລະ​ວາງ​ດາບ​ອອກ​ຈາກ​ມື​ບໍ່ໄດ້. ໃນ​ມື້​ນັ້ນ ພຣະເຈົ້າຢາເວ​ໄດ້​ຊົງ​ປະທານ​ໄຊຊະນະ​ຢ່າງໃຫຍ່ຫລວງ. ຫລັງຈາກ​ເສິກ​ສິ້ນສຸດ​ລົງ​ແລ້ວ ຊາວ​ອິດສະຣາເອນ​ຈຶ່ງ​ກັບ​ມາ​ຫາ​ເອເລອາຊາ ເພື່ອ​ປົດ​ເອົາ​ອາວຸດ​ຈາກ​ພວກ​ທີ່​ຖືກ​ຂ້າ​ເທົ່ານັ້ນ.

2 ຊາມູເອນ 23:10 Jak'a apnaqawi uñst'ayäwi

2 ຊາມູເອນ 23:12

ແຕ່​ຊາມມາ​ໄດ້​ຢືນ​ຢູ່​ທີ່​ກາງ​ສວນ​ນັ້ນ​ສູ້ຮົບ​ພວກ​ຟີລິດສະຕິນ​ໃຫ້​ຖອຍ​ໜີໄປ. ໃນ​ມື້​ນັ້ນ ພຣະເຈົ້າຢາເວ​ໄດ້​ຊົງ​ປະທານ​ໄຊຊະນະ​ຢ່າງໃຫຍ່ຫລວງ.

2 ກະສັດ 5:1

ນາອາມານ ຜູ້​ບັນຊາການ​ກອງທັບ​ຊີເຣຍ ເປັນ​ຄົນ​ທີ່​ກະສັດ​ແຫ່ງ​ຊີເຣຍ​ນັບຖື​ຢ່າງ​ສູງ ແລະ​ໃຫ້​ຄຳ​ຍ້ອງຍໍ​ຊົມເຊີຍ ເພາະ​ພຣະເຈົ້າຢາເວ​ໄດ້​ໃຫ້​ລາວ​ນຳ​ໄຊຊະນະ​ມາ​ສູ່​ກອງທັບ​ຊີເຣຍ. ລາວ​ເປັນ​ທະຫານ​ຜູ້​ສຳຄັນ ແຕ່​ລາວ​ໄດ້​ທົນທຸກ​ຍ້ອນ​ໂຣກ​ຂີ້ທູດ.

1 ຂ່າວຄາວ 11:13

ລາວ​ໄດ້​ສູ້ຮົບ​ພວກ​ຟີລິດສະຕິນ​ໃຫ້​ກະສັດ​ດາວິດ​ໃນ​ບັ້ນ​ຮົບ​ປັດດຳມິມ; ລາວ​ກຳລັງ​ຢູ່​ໃນ​ທົ່ງນາ​ເຂົ້າ​ບາເລ ເມື່ອ​ຊາວ​ອິດສະຣາເອນ​ໄດ້​ລ່າຖອຍ​ໜີໄປ

ເພງ^ສັນລະເສີນ 108:13

ເມື່ອ​ພຣະເຈົ້າ​ຢູ່​ຝ່າຍ​ພວກ​ຂ້ານ້ອຍ ພວກ​ຂ້ານ້ອຍ​ຈະ​ມີໄຊ ພຣະອົງ​ຈະ​ເອົາ​ຊະນະ​ເຫຼົ່າ​ສັດຕູ​ຂອງ​ພວກ​ຂ້ານ້ອຍ​ໃຫ້​ໄດ້.

ເພງ^ສັນລະເສີນ 144:10

ພຣະອົງ​ໃຫ້​ໄຊຊະນະ​ແກ່​ກະສັດ​ທັງຫລາຍ ແລະ​ຊ່ວຍກູ້​ເອົາ​ດາວິດ​ຜູ້ຮັບໃຊ້​ຂອງ​ພຣະອົງ​ໄວ້.

ເພງ^ສັນລະເສີນ 68:12

ກະສັດ​ກັບ​ກອງທັບ​ກຳລັງ​ແລ່ນ​ປົບໜີໄປ ພວກຜູ້ຍິງ​ໃນ​ເຮືອນ​ກໍ​ແບ່ງ​ສິ່ງ​ທີ່​ພວກເຂົາ​ຢຶດ​ໄດ້.

ເອຊາຢາ 53:12

ສະນັ້ນ ເຮົາ​ຈຶ່ງ​ຈະ​ໃຫ້​ທ່ານ​ໄດ້​ນັ່ງ​ບ່ອນ​ມີ​ກຽດສັກສີ ຄື​ບ່ອນ​ໜຶ່ງ​ທ່າມກາງ​ຜູ້​ຍິ່ງໃຫຍ່​ທີ່​ມີ​ອຳນາດ. ທ່ານ​ຍິນດີ​ມອບ​ຊີວິດ​ຕົນເອງ​ໃຫ້​ຢ່າງ​ເຕັມໃຈ ແລະ​ເຂົ້າສ່ວນ​ໃນ​ຊາຕາກຳ​ຂອງ​ຄົນຊົ່ວຮ້າຍ. ທ່ານ​ໄດ້​ເຂົ້າ​ແທນ​ບ່ອນ​ຄົນບາບ​ທັງຫລາຍ ແລະ​ພາວັນນາ​ອະທິຖານ​ເພື່ອ​ພວກເຂົາ​ໃຫ້​ໄດ້​ຮັບ​ການ​ຍົກໂທດ.”

ໂຣມ 15:18

ດ້ວຍວ່າ, ເຮົາ​ບໍ່​ອາດ​ຈະ​ອ້າງ​ສິ່ງໃດ ນອກຈາກ​ສິ່ງ​ຊຶ່ງ​ພຣະຄຣິດ​ໄດ້​ຊົງ​ກະທຳ ໂດຍ​ຊົງ​ໃຊ້​ເຮົາ​ທາງ​ຄຳສອນ ແລະ​ກິດຈະການ​ເພື່ອ​ຈະ​ໃຫ້​ຄົນຕ່າງຊາດ​ເຊື່ອຟັງ

2 ໂກຣິນໂທ 4:5

ດ້ວຍວ່າ, ພວກເຮົາ​ບໍ່ໄດ້​ປະກາດ​ຕົວ​ເອງ ແຕ່​ປະກາດ​ພຣະເຢຊູ​ຄຣິດເຈົ້າ​ວ່າ ເປັນ​ອົງພຣະ​ຜູ້​ເປັນເຈົ້າ ແລະ​ປະກາດ​ພວກເຮົາ​ເອງ​ວ່າ ເປັນ​ທາດຮັບໃຊ້​ຂອງ​ພວກເຈົ້າ ເພື່ອ​ເຫັນ​ແກ່​ພຣະເຢຊູເຈົ້າ.

ໂຢຊວຍ 10:10

ພຣະເຈົ້າຢາເວ​ໄດ້​ເຮັດ​ໃຫ້​ພວກ​ອາໂມ​ແຕກຕື່ນ ແລະ​ໜີໄປ​ຕໍ່ໜ້າ​ກອງທັບ​ອິດສະຣາເອນ. ຝ່າຍ​ພວກ​ອິດສະຣາເອນ ກໍໄດ້​ຂ້າ​ພວກເຂົາ​ເປັນ​ຈຳນວນ​ຫລວງຫລາຍ​ຢູ່​ໃນ​ເມືອງ​ກີເບໂອນ ແລະ​ໄລ່​ຕິດຕາມ​ພວກ​ທີ່​ເຫຼືອ​ຢູ່ ລົງ​ໄປ​ສູ່​ຊ່ອງແຄບ​ຂອງ​ພູເຂົາ​ທີ່​ເມືອງ​ເບັດ​ໂຮໂຣນ ໂດຍ​ສືບຕໍ່​ໂຈມຕີ​ພວກເຂົາ​ໄປ​ທາງໃຕ້ ຈົນເຖິງ​ເມືອງ​ອາເຊກາ​ແລະ​ເມືອງ​ມັກເກດາ.

ໂຢຊວຍ 10:42

ໂຢຊວຍ​ໄດ້​ເອົາ​ຊະນະ​ກະສັດ​ເຫຼົ່ານີ້ ພ້ອມ​ທັງ​ດິນແດນ​ຂອງ​ພວກເຂົາ​ຢູ່​ໃນ​ບັ້ນຮົບ​ດຽວ ຍ້ອນ​ພຣະເຈົ້າຢາເວ ພຣະເຈົ້າ​ຂອງ​ຊາວ​ອິດສະຣາເອນ ໄດ້​ສູ້ຮົບ​ເພື່ອ​ຊາດ​ອິດສະຣາເອນ.

ໂຢຊວຍ 11:8

ພຣະເຈົ້າຢາເວ​ໄດ້​ໃຫ້​ພວກ​ອິດສະຣາເອນ​ມີ​ໄຊຊະນະ. ພວກ​ອິດສະຣາເອນ​ໄດ້​ໂຈມຕີ ແລະ​ໄລ່​ຕິດຕາມ​ພວກເຂົາ​ໄປ​ທາງ​ທິດເໜືອ​ໄກ​ສຸດ ຈົນເຖິງ​ເມືອງ​ມີສະເຣໂຟດ​ມາອີມ​ແລະ​ຊີໂດນ​ເມືອງ​ໃຫຍ່ ແລະ​ໄປ​ທາງທິດ​ຕາເວັນອອກ​ໄກ​ສຸດ ຈົນເຖິງ​ຮ່ອມພູ​ຂອງ​ເມືອງ​ມີຊະປາ. ການ​ສູ້ຮົບ​ໄດ້​ດຳເນີນ​ໄປ ຈົນກວ່າ​ເຫຼົ່າ​ສັດຕູ​ໄດ້​ຖືກ​ຂ້າ​ໝົດ​ສິ້ນ.

ພວກ^ຜູ້ປົກຄອງ 15:14

ເມື່ອ​ມາ​ຮອດ​ເມືອງ​ເລຮີ ພວກ​ຟີລິດສະຕິນ​ກໍ​ແລ່ນ​ຮ້ອງໂຮ​ຫຸ້ມ​ມາ​ໃສ່​ແຊມຊັນ. ໃນ​ທັນໃດນັ້ນ ພຣະວິນຍານ​ຂອງ​ພຣະເຈົ້າຢາເວ​ເຮັດ​ໃຫ້​ແຊມຊັນ​ມີ​ແຮງ ລາວ​ຈຶ່ງ​ຟຶດເຊືອກ​ທີ່​ມັດ​ແຂນ​ແລະ​ມື​ຂອງ​ລາວ​ນັ້ນ​ຂາດ​ເໝືອນກັບ​ວ່າ​ໄຟ​ໄໝ້​ເສັ້ນດ້າຍ.

ພວກ^ຜູ້ປົກຄອງ 15:18

ຕໍ່ມາ ແຊມຊັນ​ຫິວນໍ້າ​ຫລາຍ ລາວ​ຈຶ່ງ​ຂໍຮ້ອງ​ຕໍ່​ພຣະເຈົ້າຢາເວ​ວ່າ, “ພຣະອົງ​ໃຫ້​ຂ້ານ້ອຍ​ໄດ້​ຮັບ​ໄຊຊະນະ​ອັນ​ຍິ່ງໃຫຍ່ ດຽວ​ນີ້​ຂ້ານ້ອຍ​ກຳລັງ​ຫິວນໍ້າ​ໃກ້​ຈະ​ຕາຍ​ຢູ່​ແລ້ວ ແລະ​ພຣະອົງ​ຈະ​ໃຫ້​ພວກ​ຟີລິດສະຕິນ​ທີ່​ບໍ່ໄດ້​ຮັບ​ພິທີຕັດ​ຈັບ​ຂ້ານ້ອຍ​ຊັ້ນບໍ?”

1 ຊາມູເອນ 11:13

ແຕ່​ໂຊນ​ເວົ້າ​ວ່າ, “ມື້ນີ້ ຈະ​ບໍ່ມີ​ຜູ້ໃດ​ຖືກ​ປະຫານ​ຊີວິດ ເພາະ​ແມ່ນ​ມື້​ທີ່​ພຣະເຈົ້າຢາເວ​ຊ່ວຍ​ກອບກູ້​ເອົາ​ຊາດ​ອິດສະຣາເອນ.”

1 ຊາມູເອນ 14:23

ໂດຍ​ຕາມລ່າ​ສັດຕູ​ຈົນ​ກາຍ​ເມືອງ​ເບັດອາເວນ. ພຣະເຈົ້າຢາເວ​ໄດ້​ຊ່ວຍເຫລືອ​ຊາວ​ອິດສະຣາເອນ​ໃຫ້​ພົ້ນ​ໃນ​ມື້​ນັ້ນ.

1 ຊາມູເອນ 14:6

ໂຢນາທານ​ເວົ້າ​ກັບ​ຊາຍໜຸ່ມ​ທີ່​ມາ​ນຳ​ຕົນ​ນັ້ນ​ວ່າ, “ໃຫ້​ພວກເຮົາ​ຂ້າມ​ໄປ​ທີ່​ຄ້າຍ​ຂອງ​ຊາວ​ຟີລິດສະຕິນ​ຜູ້​ບໍ່​ນັບຖື​ພຣະເຈົ້າ. ບາງທີ​ພຣະເຈົ້າຢາເວ​ຈະ​ຊ່ວຍເຫລືອ​ພວກເຮົາ​ກໍໄດ້. ຖ້າ​ພຣະອົງ​ຊ່ວຍເຫລືອ​ພວກເຮົາ ຈະ​ບໍ່ມີ​ສິ່ງໃດ​ກີດກັ້ນ​ບໍ່​ໃຫ້​ພຣະເຈົ້າຢາເວ​ມອບ​ໄຊຊະນະ​ແກ່​ພວກເຮົາ​ໄດ້​ດອກ ເຖິງ​ແມ່ນ​ວ່າ​ພວກເຮົາ​ມີ​ໜ້ອຍຄົນ​ກໍຕາມ.”

1 ຊາມູເອນ 17:53

ເມື່ອ​ພວກ​ອິດສະຣາເອນ​ກັບຄືນ​ມາ​ຈາກ​ການ​ໄລ່ຕາມ​ພວກ​ຟີລິດສະຕິນ​ແລ້ວ ພວກເຂົາ​ໄດ້​ປຸ້ນ​ເອົາ​ເຄື່ອງ​ຂອງ​ໃນ​ຄ້າຍ​ຂອງ​ຊາວ​ຟີລິດສະຕິນ​ໄປ​ໝົດ.

1 ຊາມູເອນ 19:5

ລາວ​ໄດ້​ສ່ຽງ​ຊີວິດ​ເມື່ອ​ລາວ​ໄດ້​ຂ້າ​ໂກລີອາດ ແລະ​ພຣະເຈົ້າຢາເວ​ໄດ້​ນຳ​ໄຊຊະນະ​ອັນ​ຍິ່ງໃຫຍ່​ສຳລັບ​ຊາດ​ອິດສະຣາເອນ. ເມື່ອ​ພໍ່​ເຫັນ​ເຊັ່ນນີ້​ພໍ່​ເອງ​ກໍ​ດີໃຈ. ດັ່ງນັ້ນ ເຫດໃດ ພໍ່​ຈຶ່ງ​ຢາກ​ເຮັດ​ຜິດ​ຕໍ່​ຜູ້​ທີ່​ບໍ່ມີ​ຄວາມຜິດ ແລະ​ຂ້າ​ດາວິດ​ໂດຍ​ບໍ່ມີ​ເຫດຜົນ​ຫຍັງ​ໝົດ?”