2 ຊາມູເອນ 22:10 - ພຣະຄຳພີສັກສິ

¹⁰ ພຣະອົງ​ແຫກ​ຟ້າ​ສະຫວັນ​ແລະ​ສະເດັດ​ລົງ​ມາ ເທິງ​ກ້ອນ​ເມກ​ອັນ​ຕຶບໜາ ທີ່​ຮອງ​ຕີນ​ພຣະອົງ​ໄວ້.

2 ຊາມູເອນ 22:10 Jak'a apnaqawi uñst'ayäwi

1 ກະສັດ 8:12

ແລ້ວ​ກະສັດ​ໂຊໂລໂມນ​ກໍໄດ້​ພາວັນນາ​ອະທິຖານ​ວ່າ, “ຂ້າແດ່​ພຣະເຈົ້າຢາເວ ໃນ​ທ້ອງຟ້າ​ພຣະອົງ​ໄດ້​ໃຫ້​ມີ​ດວງຕາເວັນ ແຕ່​ພຣະອົງ​ໄດ້​ເລືອກ​ສະຖິດ​ຢູ່ ໃນ​ເມກ​ແລະ​ໃນ​ຄວາມມືດ.

ເພງ^ສັນລະເສີນ 104:3

ສ້າງ​ບ່ອນ​ຢູ່​ຂອງ​ພຣະອົງ​ເທິງ​ນໍ້າ​ທັງຫລາຍ ພຣະອົງ​ໃຊ້​ກ້ອນເມກ​ເປັນ​ມ້າ​ແລະ​ຢູ່​ເທິງ​ປີກ​ລົມ​ຂີ່​ເຫາະໄປ.

ເພງ^ສັນລະເສີນ 144:5

ຂ້າແດ່​ພຣະເຈົ້າຢາເວ ໂຜດ​ແຍກ​ຟ້າ​ສະຫວັນ​ອອກ ແລະ​ສະເດັດ​ລົງ​ມາ ໂຜດ​ແຕະຕ້ອງ​ພູຜາ ແລະ​ຄວັນໄຟ​ກໍ​ຈະ​ພຸ່ງ​ອອກ​ມາ.

ເພງ^ສັນລະເສີນ 97:2

ເມກ​ໝອກ​ແລະ​ມືດ​ກໍ​ອ້ອມຮອບ​ພຣະອົງ ພຣະອົງ​ປົກຄອງ​ຢ່າງ​ຊອບທຳ​ແລະ​ຍຸດຕິທຳ.

ອົບພະຍົບ 19:16

ໃນ​ຕອນເຊົ້າ​ມື້​ທີ​ສາມ ເກີດ​ມີ​ຟ້າຮ້ອງ, ຟ້າ​ແມບ, ທັງ​ມີ​ເມກ​ອັນ​ຕຶບໜາ ປົກຄຸມ​ຫຸ້ມ​ຢູ່​ຕາມ​ເທິງ​ພູເຂົາ​ນັ້ນ ແລະ​ມີ​ສຽງ​ແກ​ດັງ​ກ້ອງ​ສະໜັ່ນ​ທົ່ວ​ໄປ. ປະຊາຊົນ​ທັງໝົດ​ທີ່​ຢູ່​ໃນ​ຄ້າຍພັກ​ເກີດ​ຢ້ານກົວ​ຈົນ​ຕົວ​ສັ່ນ.

ອົບພະຍົບ 20:21

ແຕ່​ປະຊາຊົນ​ຍັງ​ສືບຕໍ່​ຢືນ​ຢູ່​ຫ່າງໆ ແລະ​ມີ​ແຕ່​ໂມເຊ​ຜູ້​ດຽວ​ເທົ່ານັ້ນ ທີ່​ກ້າ​ຫຍັບ​ເຂົ້າ​ໄປ​ໃກ້​ເມກ​ອັນ​ຕຶບໜາ ບ່ອນ​ທີ່​ພຣະເຈົ້າ​ສະຖິດ​ຢູ່​ນັ້ນ.

ເອຊາຢາ 63:19

ພຣະອົງ​ເຮັດ​ຕໍ່​ພວກ​ຂ້ານ້ອຍ ດັ່ງ​ບໍ່ແມ່ນ​ຜູ້ປົກຄອງ​ຂອງ​ພວກ​ຂ້ານ້ອຍ ແລະ​ດັ່ງ​ພວກ​ຂ້ານ້ອຍ​ບໍ່ແມ່ນ​ປະຊາຊົນ​ຂອງ​ພຣະອົງ​ເລີຍ.

ນາຮູມ 1:3

ພຣະເຈົ້າຢາເວ​ບໍ່​ຮ້າຍ​ງ່າຍ ແຕ່​ຊົງຣິດ​ເຫລືອຫລາຍ ພຣະອົງ​ບໍ່ເຄີຍ​ປ່ອຍ​ຄົນຜິດ​ໜີໄປ​ຢ່າງ​ບໍ່ໄດ້​ຮັບ​ໂທດ. ບ່ອນ​ທີ່​ພຣະເຈົ້າຢາເວ​ຍ່າງຍ້າຍ​ລົມພະຍຸ​ກໍ​ໂຜ່​ຂຶ້ນ​ມາ ເມກໝອກ​ເປັນ​ຂີ້ຝຸ່ນ​ດິນ​ມີ​ຄວັນ​ທີ່​ຕີນ​ພຣະອົງ

ມັດທາຍ 27:45

ຕັ້ງແຕ່​ເວລາ​ທ່ຽງ​ວັນ ທົ່ວ​ແຜ່ນດິນ​ກໍ​ເກີດ​ມືດມົວ​ເປັນ​ເວລາ​ສາມ​ຊົ່ວໂມງ.

ພຣະບັນຍັດສອງ 4:11

ຈົ່ງ​ບອກ​ລູກຫລານ​ຂອງ​ພວກເຈົ້າ​ວ່າ ພວກເຈົ້າ​ໄດ້​ໄປ​ແລະ​ຢືນ​ເຝົ້າ​ຢູ່​ຢ່າງ​ໃດ​ຢູ່​ທີ່​ຕີນ​ພູ ທີ່​ມີ​ເມກ​ອັນ​ໜາແໜ້ນ​ແລະ​ມີ​ຄວັນ​ອັນ​ມືດຕຶບ​ປົກຄຸມ​ຢູ່ ພ້ອມ​ທັງ​ມີ​ໄຟ​ລຸກ​ພຸ່ງ​ຂຶ້ນ​ສູ່​ຟ້າ​ສະຫວັນ.