2 ຊາມູເອນ 21:8 - ພຣະຄຳພີສັກສິ

⁸ ເຖິງຢ່າງໃດ​ກໍຕາມ ກະສັດ​ດາວິດ​ໄດ້​ມອບ​ຄົນ​ດັ່ງ​ຕໍ່ໄປນີ້​ໃຫ້: ອາກໂມນີ​ແລະ​ເມຟີໂບເຊັດ​ລູກຊາຍ​ທັງສອງ​ຂອງ​ນາງ​ຣິຊະປາ ລູກສາວ​ຂອງ​ອາອີຢາ ທີ່​ໄດ້​ກັບ​ກະສັດ​ໂຊນ; ລູກຊາຍ​ຫ້າ​ຄົນ​ຂອງ​ເມຣາບ ລູກສາວ​ຂອງ​ກະສັດ​ໂຊນ ທີ່​ໄດ້​ກັບ​ອັດຣີເອນ ລູກຊາຍ​ຂອງ​ບາກຊິນໄລ​ຊາວ​ເມືອງ​ເມໂຮລາ.

2 ຊາມູເອນ 21:8 Jak'a apnaqawi uñst'ayäwi

2 ຊາມູເອນ 3:7

ມື້ໜຶ່ງ ອີຊະໂບເຊັດ​ລູກຊາຍ​ຂອງ​ກະສັດ​ໂຊນ​ກ່າວຫາ​ວ່າ ອັບເນ​ໄດ້​ຮ່ວມ​ນອນ​ກັບ​ເມຍນ້ອຍ​ຂອງ​ກະສັດ​ໂຊນ​ຄື: ນາງ​ຣິຊະປາ​ລູກສາວ​ຂອງ​ອາອີຢາ.

1 ກະສັດ 19:16

ເອົາ​ນໍ້າມັນ​ເຈີມ​ຫົດສົງ​ເຢຮູ​ລູກຊາຍ​ຂອງ​ນິມຊີ ໃຫ້​ເປັນ​ກະສັດ​ແຫ່ງ​ອິດສະຣາເອນ ແລະ​ເອົາ​ນໍ້າມັນ​ເຈີມ​ຫົດສົງ​ເອລີຊາ​ລູກຊາຍ​ຂອງ​ຊາຟັດ​ຊາວ​ອາເບັນ​ເມໂຮລາ ໃຫ້​ເປັນ​ຜູ້ທຳນວາຍ​ສືບແທນ​ເຈົ້າ.

1 ຊາມູເອນ 14:49

ບັນດາ​ລູກຊາຍ​ຂອງ​ກະສັດ​ໂຊນ​ມີ​ດັ່ງນີ້: ໂຢນາທານ, ອິດຊະວີ ແລະ​ມັນກີຊູອາ. ລູກສາວ​ກົກ​ຂອງ​ເພິ່ນ​ຊື່​ວ່າ ເມຣາບ ແລະ​ລູກສາວ​ຫລ້າ​ຊື່​ວ່າ ມີການ.

1 ຊາມູເອນ 18:19

ແຕ່​ເມື່ອ​ເຖິງ​ເວລາ​ທີ່​ຈະ​ຍົກ​ນາງ​ເມຣາບ​ໃຫ້​ດາວິດ ກະສັດ​ໂຊນ​ກໍ​ຍົກ​ນາງ​ໃຫ້​ຊາຍ​ຄົນ​ໜຶ່ງ​ຈາກ​ເມືອງ​ເມໂຮລາ​ຊື່​ວ່າ ອັດຣິເອນ.