2 ຊາມູເອນ 21:7 - ພຣະຄຳພີສັກສິ

⁷ ແຕ່​ກະສັດ​ໄດ້​ໄວ້​ຊີວິດ​ເມຟີໂບເຊັດ ລູກຊາຍ​ຂອງ​ໂຢນາທານ​ແລະ​ຫລານຊາຍ​ຂອງ​ໂຊນ ກໍ​ຍ້ອນ​ຄຳສາບານ​ແຫ່ງ​ພຣະເຈົ້າຢາເວ​ລະຫວ່າງ​ດາວິດ​ກັບ​ໂຢນາທານ​ລູກຊາຍ​ຂອງໂຊນ.

2 ຊາມູເອນ 21:7 Jak'a apnaqawi uñst'ayäwi

2 ຊາມູເອນ 16:4

ກະສັດ​ກ່າວ​ແກ່​ຊີບາ​ວ່າ, “ທຸກສິ່ງ​ທີ່​ເປັນ​ຂອງ​ເມຟີໂບເຊັດ​ກໍ​ເປັນ​ຂອງ​ເຈົ້າ.” ຊີບາ​ຕອບ​ວ່າ, “ຂ້າແດ່​ພະຣາຊາ ຂ້ານ້ອຍ​ຍິນດີ​ຮັບໃຊ້​ທ່ານ ຂໍ​ໃຫ້​ຂ້ານ້ອຍ​ເປັນ​ທີ່​ພໍໃຈ​ຂອງທ່ານ​ເລື້ອຍໆ​ເທີ້ນ.”

2 ຊາມູເອນ 19:25

ເມື່ອ​ເມຟີໂບເຊັດ​ມາ​ຈາກ ນະຄອນ​ເຢຣູຊາເລັມ​ເພື່ອ​ພົບ​ກັບ​ກະສັດ ກະສັດ​ຈຶ່ງ​ຖາມ​ລາວ​ວ່າ, “ເມຟີໂບເຊັດ​ເອີຍ ເປັນຫຍັງ​ເຈົ້າ​ຈຶ່ງ​ບໍ່​ໄປ​ກັບ​ເຮົາ?”

2 ຊາມູເອນ 4:4

ກະສັດ​ໂຊນ​ຍັງ​ມີ​ເຊື້ອສາຍ​ຢູ່​ອີກ​ຄົນ​ໜຶ່ງ​ຊື່​ວ່າ ເມຟີໂບເຊັດ; ລາວ​ເປັນ​ລູກຊາຍ​ຂອງ​ໂຢນາທານ. ຕອນ​ທີ່​ກະສັດ​ໂຊນ​ກັບ​ໂຢນາທານ​ຖືກ​ຂ້າ​ນັ້ນ ເມຟີໂບເຊັດ​ມີ​ອາຍຸ​ພຽງແຕ່​ຫ້າ​ປີ. ເມື່ອ​ຂ່າວ​ການຕາຍ​ຂອງ​ທັງສອງ​ເລົ່າລື​ມາ​ຈາກ​ຢິດຊະເຣນ ເອື້ອຍລ້ຽງ​ຂອງ​ເມຟີໂບເຊັດ​ກໍ​ຫອບ​ອູ້ມ​ລາວ​ໜີ, ແຕ່​ນາງ​ຟ້າວ​ເກີນ​ໄປ​ຈຶ່ງ​ເຮັດ​ໃຫ້​ເມຟີໂບເຊັດ​ຫລຸດ​ຈາກ​ມື ລາວ​ຈຶ່ງ​ກາຍເປັນ​ຄົນ​ຂາ​ພິການ.

2 ຊາມູເອນ 9:1

ມີ​ມື້​ໜຶ່ງ ກະສັດ​ດາວິດ​ໄດ້​ຖາມ​ວ່າ, “ມີ​ຜູ້ໃດ​ແດ່​ໃນ​ຄອບຄົວ​ຂອງ​ໂຊນ ທີ່​ຍັງ​ມີ​ຊີວິດ​ຢູ່? ຖ້າ​ມີ ເຮົາ​ຈະ​ໃຫ້​ຄວາມ​ເມດຕາ​ຊ່ວຍເຫລືອ​ລາວ​ເພື່ອ​ເຫັນ​ແກ່​ໂຢນາທານ.”

2 ຊາມູເອນ 9:10

ສ່ວນ​ເຈົ້າ ພວກ​ລູກຊາຍ​ຂອງ​ເຈົ້າ​ຕະຫລອດ​ທັງ​ຄົນ​ຮັບໃຊ້​ຂອງ​ເຈົ້າ​ດ້ວຍ ຈົ່ງ​ພາກັນ​ເຮັດໄຮ່​ໄຖນາ​ໃສ່​ທີ່ດິນ​ນີ້​ໃຫ້​ຄອບຄົວ​ກະສັດ​ໂຊນ​ນາຍ​ຂອງ​ເຈົ້າ ແລະ​ນຳ​ເອົາ​ຜົນລະປູກ​ມາ​ໃຫ້ ເພື່ອ​ພວກເຂົາ​ຈະ​ມີ​ອາຫານ​ການ​ກິນ. ສ່ວນ​ເມຟີໂບເຊັດ​ນັ້ນ ລາວ​ຈະ​ເປັນ​ແຂກ​ປະຈຳ​ທີ່​ໂຕະ​ອາຫານ​ຂອງເຮົາ​ສະເໝີ.” (ຊີບາ​ມີ​ລູກຊາຍ​ສິບຫ້າ​ຄົນ ແລະ​ມີ​ຄົນ​ຮັບໃຊ້​ຊາວ​ຄົນ.)

2 ຊາມູເອນ 9:6

ເມື່ອ​ເມຟີໂບເຊັດ ລູກຊາຍ​ຂອງ​ໂຢນາທານ​ຫລານຊາຍ​ຂອງ​ໂຊນ​ເຂົ້າ​ມາ ລາວ​ກໍ​ກົ້ມ​ຂາບລົງ​ສະແດງ​ຄວາມ​ເຄົາຣົບ​ກະສັດ​ດາວິດ. ດາວິດ​ກ່າວ​ວ່າ, “ເມຟີໂບເຊັດ​ເອີຍ.” ແລະ​ລາວ​ຈຶ່ງ​ຕອບ​ວ່າ, “ຂ້ານ້ອຍ​ຂ້າ​ຮັບໃຊ້​ຂອງທ່ານ.”

2 ຊາມູເອນ 9:7

ກະສັດ​ດາວິດ​ກ່າວ​ຕໍ່ໄປ​ວ່າ, “ບໍ່​ຕ້ອງ​ຢ້ານ​ດອກ ເພື່ອ​ເຫັນ​ແກ່​ໂຢນາທານ​ພໍ່​ຂອງ​ເຈົ້າ ເຮົາ​ຈະ​ເມດຕາ​ເຈົ້າ. ເຮົາ​ຈະ​ເອົາ​ທີ່ດິນ​ທັງໝົດ​ທີ່​ເປັນ​ຂອງ​ກະສັດ​ໂຊນ ປູ່​ຂອງ​ເຈົ້າ​ນັ້ນ​ມອບ​ໃຫ້​ເຈົ້າ ແລະ​ເຮົາ​ຍິນດີ​ໃຫ້​ເຈົ້າ​ມາ​ຮ່ວມ​ໂຕະ​ຮັບປະທານ​ອາຫານ​ກັບ​ເຮົາ​ສະເໝີ.”

ປັນຍາຈານ 8:2

ຈົ່ງ​ເຮັດ​ຕາມ​ສິ່ງ​ທີ່​ກະສັດ​ສັ່ງ ແລະ​ຢ່າ​ຟ້າວ​ຕັດສິນໃຈ​ເຮັດ​ຄຳສັນຍາ​ໃດໆ​ກັບ​ພຣະເຈົ້າ.

1 ຊາມູເອນ 18:3

ແລ້ວ​ໂຢນາທານ​ກໍໄດ້​ສາບານ​ເປັນ​ເພື່ອນ​ທີ່ດີ​ກັບ​ດາວິດ​ຕະຫລອດໄປ ເພາະ​ເພິ່ນ​ຮັກ​ດາວິດ​ເໝືອນ​ຊີວິດ​ຈິດໃຈ​ຂອງ​ຕົນເອງ.

1 ຊາມູເອນ 20:12

ແລະ​ໂຢນາທານ​ເວົ້າ​ກັບ​ດາວິດ​ວ່າ, “ຂໍ​ໃຫ້​ພຣະເຈົ້າຢາເວ ພຣະເຈົ້າ​ຂອງ​ຊາດ​ອິດສະຣາເອນ ເປັນ​ພະຍານ​ໃຫ້​ແກ່​ພວກເຮົາ. ມື້ອື່ນ​ກັບ​ມື້ຮື​ໃນ​ເວລາ​ດຽວກັນ​ນີ້ ຂ້ອຍ​ຈະ​ຖາມ​ພໍ່​ຂ້ອຍ. ຖ້າ​ເພິ່ນ​ສະແດງ​ທ່າທາງ​ດີ​ຕໍ່​ເຈົ້າ ຂ້ອຍ​ຈະ​ສົ່ງ​ຂ່າວ​ມາ​ບອກ​ເຈົ້າ.

1 ຊາມູເອນ 20:15

ຈົ່ງ​ສະແດງ​ຄວາມ​ສັດຊື່​ຢ່າງ​ດຽວກັນ​ນີ້​ຕໍ່​ຄອບຄົວ​ຂອງຂ້ອຍ​ຕະຫລອດໄປ​ດ້ວຍ. ເມື່ອໃດ​ພຣະເຈົ້າຢາເວ​ໄດ້​ທຳລາຍ​ເຫຼົ່າ​ສັດຕູ​ທັງໝົດ​ຂອງ​ເຈົ້າ​ຈາກ​ແຜ່ນດິນ​ໂລກ​ແລ້ວ

1 ຊາມູເອນ 20:17

ອີກເທື່ອໜຶ່ງ ໂຢນາທານ​ໄດ້​ຂໍຮ້ອງ​ດາວິດ​ໃຫ້​ສັນຍາ​ວ່າ​ຈະ​ຮັກ​ຕົນ ເພາະ​ໂຢນາທານ​ຮັກ​ດາວິດ​ຫລາຍ​ເທົ່າ​ກັບ​ຮັກ​ຕົນເອງ.

1 ຊາມູເອນ 20:42

ໂຢນາທານ​ເວົ້າ​ກັບ​ດາວິດ​ວ່າ, “ຈົ່ງ​ໄປ​ດ້ວຍ​ຄວາມ​ສະຫງົບສຸກ ຕາມທີ່​ເຮົາ​ທັງສອງ​ໄດ້​ສາບານ​ໃນ​ນາມ​ຂອງ​ພຣະເຈົ້າຢາເວ​ວ່າ, ພຣະເຈົ້າຢາເວ​ຈະ​ໂຜດ​ໃຫ້​ເຈົ້າ​ກັບ​ຂ້ອຍ ແລະ​ເຊື້ອສາຍ​ຂອງ​ເຈົ້າ​ກັບ​ເຊື້ອສາຍ​ຂອງຂ້ອຍ​ເປັນ​ມິດ​ຕໍ່ກັນ​ຕະຫລອດໄປ​ຢ່າງ​ແນ່ນອນ.” ແລ້ວ​ດາວິດ​ກໍ​ຈາກ​ໄປ ແລະ​ໂຢນາທານ​ໄດ້​ກັບເມືອ​ໃນເມືອງ.

1 ຊາມູເອນ 20:8

ຂໍ​ໃຫ້​ເຈົ້າ​ຈົ່ງ​ເຮັດ​ຕາມ​ຄຳ​ຂໍຮ້ອງ​ຂອງຂ້ອຍ​ດ້ວຍ​ເທີ້ນ ແລະ​ຈົ່ງ​ຮັກສາ​ຄຳສັນຍາ​ອັນ​ສັກສິດ​ທີ່​ເຈົ້າ​ໄດ້​ມີ​ຕໍ່​ຂ້ອຍ, ແຕ່​ຖ້າ​ຂ້ອຍ​ເປັນ​ຄົນ​ຜິດ ກໍ​ຂໍ​ໃຫ້​ເຈົ້າ​ເປັນ​ຜູ້​ຂ້າ​ຂ້ອຍ​ເອງ ແລະ​ບໍ່​ຕ້ອງ​ໃຫ້​ພໍ່​ຂອງເຈົ້າ​ລົງມື​ຂ້າ​ຂ້ອຍ​ດອກ.”

1 ຊາມູເອນ 23:18

ທັງສອງ​ໄດ້​ເຮັດ​ພັນທະສັນຍາ​ຢູ່​ຊ້ອງໜ້າ​ພຣະເຈົ້າຢາເວ. ດາວິດ​ຍັງ​ອາໄສ​ຢູ່​ທີ່​ໂຮເຣັດ ສ່ວນ​ໂຢນາທານ​ນັ້ນ​ໄດ້​ຄືນ​ເມືອ​ເຮືອນ​ຂອງຕົນ.

1 ຊາມູເອນ 24:22

ດາວິດ​ໄດ້​ສັນຍາ​ວ່າ​ຕົນ​ຈະ​ປະຕິບັດ​ຕາມ​ຄຳສັນຍາ​ນັ້ນ. ແລ້ວ​ກະສັດ​ໂຊນ​ກໍ​ກັບຄືນ​ເມືອ​ວັງ​ຂອງ​ເພິ່ນ ສ່ວນ​ດາວິດ​ກັບ​ຄົນ​ທັງຫລາຍ​ຂອງ​ເພິ່ນ​ກໍ​ກັບຄືນ​ສູ່​ບ່ອນ​ຫລົບລີ້​ຂອງ​ພວກຕົນ.