2 ຊາມູເອນ 20:7 - ພຣະຄຳພີສັກສິ

⁷ ສະນັ້ນ ພວກ​ທະຫານ​ຂອງ​ໂຢອາບ, ຊາວ​ເກເຣັດ​ແລະ​ຊາວ​ເປເລັດ ແລະ​ທະຫານ​ອື່ນໆ​ທີ່​ຄ້າງ​ຢູ່​ໃນ​ນະຄອນ​ເຢຣູຊາເລັມ ຈຶ່ງ​ໄປ​ກັບ​ອາບີໄຊ​ເພື່ອ​ຕາມ​ຫາ​ຈັບ​ເຊບາ​ລູກຊາຍ​ຂອງ​ບີກຣີ.

2 ຊາມູເອນ 20:7 Jak'a apnaqawi uñst'ayäwi

2 ຊາມູເອນ 15:18

ພວກ​ຂ້າຣາຊການ​ທັງໝົດ​ໄດ້​ຢືນ​ຢູ່ ບັນດາ​ຊາວ​ເກເຣັດ​ແລະ​ຊາວ​ເປເລັດ​ກັບ​ຄົນ​ກາດ​ຫົກຮ້ອຍ​ຄົນ ທີ່​ໄດ້​ຕິດຕາມ​ເພິ່ນ​ມາ​ຈາກ​ເມືອງກາດ​ນັ້ນ ກໍ​ໄດ້​ຍ່າງ​ຜ່ານ​ເພິ່ນ​ໄປ​ເໝືອນກັນ.

2 ຊາມູເອນ 20:23

ໂຢອາບ​ເປັນ​ຜູ້​ບັນຊາການ​ກອງທັບ​ຂອງ​ຊາດ​ອິດສະຣາເອນ. ເບນາອີຢາ ລູກຊາຍ​ຂອງ​ເຢໂຮຍອາດາ​ເປັນ​ຜູ້​ບັນຊາການ​ທະຫານ​ຊາວ​ເກເຣັດ​ແລະ​ຊາວ​ເປເລັດ.

2 ຊາມູເອນ 8:16

ໂຢອາບ​ລູກຊາຍ​ຂອງ​ນາງ​ເຊຣູອີຢາ ເປັນ​ຜູ້​ບັນຊາການ​ກອງທັບ; ສ່ວນ​ເຢໂຮຊາຟັດ​ລູກຊາຍ​ຂອງ​ອາຮີລຸດ ເປັນ​ຜູ້​ບັນທຶກ;

2 ຊາມູເອນ 8:18

ເບນາອີຢາ​ລູກຊາຍ​ຂອງ​ເຢໂຮຍອາດາ ເປັນ​ຜູ້​ບັນຊາການ ຊາວ​ເກເຣັດ​ແລະ​ຊາວ​ເປເລັດ​ທະຫານ​ປ້ອງກັນ​ຕົວ​ຂອງ​ກະສັດ​ດາວິດ ແລະ​ບັນດາ​ລູກຊາຍ​ຂອງ​ກະສັດ​ດາວິດ​ເປັນ​ປະໂຣຫິດ.

1 ກະສັດ 1:33

ແລະ​ກະສັດ​ກ່າວ​ແກ່​ພວກເພິ່ນ​ວ່າ, “ຈົ່ງ​ເອົາ​ພວກ​ຂ້າຣາຊການ​ປະຈຳວັງ​ໄປ​ກັບ​ພວກເຈົ້າ ໃຫ້​ໂຊໂລໂມນ​ລູກຊາຍ​ຂອງເຮົາ​ຂີ່​ລໍ​ຂອງເຮົາ ແລ້ວ​ແຫ່​ລາວ​ລົງ​ໄປ​ທີ່​ບໍ່ນໍ້າ​ກີໂຮນ

1 ກະສັດ 1:38

ດັ່ງນັ້ນ ປະໂຣຫິດ​ຊາດົກ, ຜູ້ທຳນວາຍ​ນາທານ, ເບນາອີຢາ​ລູກຊາຍ​ຂອງ​ເຢໂຮຍອາດາ ແລະ​ບັນດາ​ທະຫານ​ຊາວ​ເກເຣັດ​ແລະ​ຊາວ​ເປເລັດ ຈຶ່ງ​ໃຫ້​ໂຊໂລໂມນ​ນັ່ງ​ເທິງ​ຫລັງ​ລໍ​ຂອງ​ກະສັດ​ດາວິດ ແລະ​ແຫ່​ເພິ່ນ​ໄປ​ທີ່​ບໍ່ນໍ້າ​ກີໂຮນ.

1 ກະສັດ 1:44

ເພິ່ນ​ໄດ້​ໃຫ້​ປະໂຣຫິດ​ຊາດົກ, ຜູ້ທຳນວາຍ​ນາທານ, ເບນາອີຢາ​ລູກຊາຍ​ຂອງ​ເຢໂຮຍອາດາ ແລະ​ທະຫານ​ຊາວ​ເກເຣັດ​ແລະ​ຊາວ​ເປເລັດ​ແຫ່​ໂຊໂລໂມນ​ໄປ. ພວກເຂົາ​ໃຫ້​ລາວ​ນັ່ງ​ເທິງ​ຫລັງ​ລໍ​ຂອງ​ກະສັດ

1 ຊາມູເອນ 30:14

ພວກເຮົາ​ໄດ້​ປຸ້ນ​ເຂດແດນ​ເນເກັບ​ຂອງ​ຊາວ​ເກເຣັດ​ທີ່​ທາງ​ພາກໃຕ້​ຂອງ​ຢູດາຍ ແລະ​ເຂດແດນ​ຂອງ​ຕະກຸນ​ກາເລັບ​ແລະ​ໄດ້​ຈູດ​ເມືອງ​ຊິກລັກ​ຖິ້ມ.”