2 ຊາມູເອນ 20:10 - ພຣະຄຳພີສັກສິ

¹⁰ ແຕ່​ອາມາສາ​ບໍ່ໄດ້​ສັງເກດ​ເຫັນ​ດາບ​ຢູ່​ໃນ​ມື​ອີກ​ເບື້ອງ​ໜຶ່ງ​ຂອງ​ໂຢອາບ. ໂຢອາບ​ໃຊ້​ດາບ​ແທງ​ທີ່​ທ້ອງ​ຂອງ​ອາມາສາ​ຈົນ​ໃສ້​ໂລ່​ລົງ​ດິນ. ລາວ​ສິ້ນ​ໃຈ​ຕາຍ​ກັບ​ທີ່​ໂດຍ​ບໍ່​ຕ້ອງ​ແທງ​ຊໍ້າ​ອີກ. ແລ້ວ​ໂຢອາບ​ກັບ​ອາບີໄຊ​ກໍ​ອອກ​ເດີນທາງ​ຕາມ​ຫາ​ເຊບາ​ລູກຊາຍ​ຂອງ​ບີກຣີ​ຕໍ່ໄປ.

2 ຊາມູເອນ 20:10 Jak'a apnaqawi uñst'ayäwi

ປະຖົມມະການ 4:8

ຕໍ່ມາ ກາອິນ​ໄດ້​ເວົ້າ​ກັບ​ອາເບັນ​ນ້ອງຊາຍ​ຂອງຕົນ​ວ່າ, “ເຮົາ​ພາກັນ​ໄປ​ຍ່າງ​ຫລິ້ນ​ທີ່​ທົ່ງນາ​ເທາະ.” ເມື່ອ​ສອງ​ອ້າຍ​ນ້ອງ​ໄປ​ທີ່​ທົ່ງນາ ກາອິນ​ກໍ​ໂດດ​ໃສ່​ນ້ອງຊາຍ​ຂອງຕົນ​ແລະ​ຂ້າ​ລາວ​ເສຍ.

2 ຊາມູເອນ 2:23

ແຕ່​ອາສາເຮນ​ບໍ່​ຢຸດ​ໄລ່. ດັ່ງນັ້ນ ອັບເນ​ຈຶ່ງ​ຊັດ​ຫອກ​ຄືນ​ຫລັງ ຖືກ​ທ້ອງ​ຂອງ​ອາສາເຮນ​ຈົນ​ປາຍ​ຫອກ​ຊອດ​ອອກ​ມາ​ຂ້າງ​ຫລັງ; ອາສາເຮນ​ລົ້ມ​ຟຸບ​ລົງ​ກັບ​ດິນ ແລະ​ສິ້ນໃຈ​ຕາຍ. ເມື່ອ​ພວກ​ທີ່​ຕາມ​ມາ​ຮອດ​ບ່ອນ​ທີ່​ອາສາເຮນ​ນອນ​ຕາຍ​ຢູ່​ນັ້ນ ຈຶ່ງ​ພາກັນ​ຢຸດ​ຢູ່​ທີ່​ນັ້ນ.

2 ຊາມູເອນ 20:9

ໂຢອາບ​ເວົ້າ​ກັບ​ອາມາສາ​ວ່າ, “ສະຫາຍ​ເອີຍ ສະບາຍດີ​ບໍ່?” ລາວ​ເອົາ​ມື​ເບື້ອງຂວາ​ຈັບ​ໜວດ​ຂອງ​ອາມາສາ ເໝືອນ​ກັບ​ວ່າ​ຈະ​ຈູບ​ລາວ

2 ຊາມູເອນ 3:27

ເມື່ອ​ອັບເນ​ມາ​ເຖິງ​ເມືອງ​ເຮັບໂຣນ ໂຢອາບ​ຈຶ່ງ​ພາ​ລາວ​ຫລີກ​ໄປ​ທາງ​ປະຕູ​ເມືອງ​ໂດຍ​ທຳທ່າ​ວ່າ​ຢາກ​ເວົ້າ​ກັບ​ລາວ​ເປັນ​ທາງ​ສ່ວນຕົວ. ໃນ​ທີ່ນັ້ນ ໂຢອາບ​ໄດ້​ໃຊ້​ມີດ​ແທງ​ທີ່​ທ້ອງ​ຂອງ​ລາວ. ອັບເນ​ຖືກ​ລອບ​ສັງຫານ​ເຊັ່ນນີ້ ເພາະ​ລາວ​ໄດ້​ຂ້າ​ອາສາເຮນ​ນ້ອງຊາຍ​ໂຢອາບ.

1 ຂ່າວຄາວ 12:2

ພວກເຂົາ​ແມ່ນ​ສະມາຊິກ​ໃນ​ເຜົ່າ​ເບັນຢາມິນ ເຜົ່າ​ດຽວກັນ​ກັບ​ກະສັດ​ໂຊນ ໄດ້​ມາ​ຮ່ວມ​ກັບ​ດາວິດ. ພວກເຂົາ​ສາມາດ​ໃຊ້​ແຂນ​ຊ້າຍ​ຫລື​ແຂນ​ຂວາ ຍິງ​ທະນູ​ຫລື​ແກວ່ງ​ກ້ອນຫີນ​ໄດ້.

ເຢເຣມີຢາ 41:2

ອິດຊະມາເອນ​ແລະ​ທະຫານ​ສິບ​ຄົນ​ທີ່​ມາ​ນຳ​ຕົນ ກໍ​ຊັກ​ດາບ​ອອກ ແລະ​ຂ້າ​ເກດາລີຢາ​ລູກຊາຍ​ຂອງ​ອາຮີກຳ​ຫຼານຊາຍ​ຂອງ​ຊາຟານ.

ຈົດບັນຊີ 35:20

ຖ້າ​ຜູ້ໃດ​ຫາກ​ຊັງ​ຄົນ​ໜຶ່ງ​ແລະ​ຂ້າ​ລາວ ໂດຍ​ຊຸກ​ໃຫ້​ລົ້ມ​ລົງ ຫລື​ໂດຍ​ແກວ່ງ​ສິ່ງຂອງ​ໃສ່​ຈົນ​ລາວ​ຕາຍ

ພວກ^ຜູ້ປົກຄອງ 3:15

ແລ້ວ​ຊາວ​ອິດສະຣາເອນ​ກໍ​ຮ້ອງ​ຫາ​ພຣະເຈົ້າຢາເວ​ອີກ ແລະ​ພຣະເຈົ້າຢາເວ​ໄດ້​ສົ່ງ​ຊາຍ​ຄົນ​ໜຶ່ງ​ມາ​ຊ່ວຍ​ພວກເຂົາ​ໃຫ້​ພົ້ນ. ຊາຍ​ຄົນ​ນີ້​ແມ່ນ​ເອຮຸດ ຄົນ​ແຮງ​ກໍ້າ​ຊ້າຍ​ຜູ້​ທີ່​ເປັນ​ລູກຊາຍ​ຂອງ​ເກຣາ​ຈາກ​ເຜົ່າ​ເບັນຢາມິນ. ປະຊາຊົນ​ອິດສະຣາເອນ​ໄດ້​ໃຊ້​ເອຮຸດ​ນຳ​ເອົາ​ຂອງຂວັນ ໄປ​ມອບ​ໃຫ້​ກະສັດ​ເອກໂລນ​ແຫ່ງ​ໂມອາບ.

ພວກ^ຜູ້ປົກຄອງ 3:21

ເອຮຸດ​ໃຊ້​ມື​ຊ້າຍ​ຖອດ​ເອົາ​ດາບ​ຈາກ​ທາງ​ຂວາມື​ແທງ​ທີ່​ທ້ອງ​ຂອງ​ກະສັດ.

1 ຊາມູເອນ 26:8

ອາບີໄຊ​ຈຶ່ງ​ເວົ້າ​ກັບ​ດາວິດ​ວ່າ, “ຄືນ​ມື້ນີ້ ພຣະເຈົ້າ​ໄດ້​ມອບ​ສັດຕູ​ຂອງທ່ານ​ໄວ້​ໃນ​ກຳມື​ຂອງທ່ານ​ແລ້ວ. ບັດນີ້​ຂໍ​ໃຫ້​ຂ້ານ້ອຍ​ເອົາ​ຫອກ​ຂອງ​ເພິ່ນ​ແທງ​ເພິ່ນ​ໃຫ້​ຊອດ​ຄາ​ພື້ນດິນ​ສາ ແທງ​ເທື່ອ​ດຽວ​ເທົ່ານັ້ນ​ແຫຼະ ບໍ່​ຈຳເປັນ​ແທງ​ຮອດ​ສອງ​ເທື່ອ​ດອກ.”