2 ຊາມູເອນ 20:1 - ພຣະຄຳພີສັກສິ

¹ ຢູ່​ໃນ​ເມືອງ​ກິນການ​ຍັງ​ມີ​ຊາຍ​ບໍ່​ດີ​ຄົນ​ໜຶ່ງ​ຊື່​ວ່າ ເຊບາ; ລາວ​ເປັນ​ລູກຊາຍ​ຂອງ​ບີກຣີ ຄົນ​ໃນ​ເຜົ່າ​ເບັນຢາມິນ. ລາວ​ເປົ່າແກ​ແລະ​ຮ້ອງ​ວ່າ, “ພວກເຮົາ​ບໍ່​ມີສ່ວນ​ໃນ​ດາວິດ ບໍ່​ມີ​ສ່ວນ​ໃນ​ມໍຣະດົກ​ຂອງ​ລູກຊາຍ​ຂອງ​ເຢຊີ ຊາວ​ອິດສະຣາເອນ​ເອີຍ ຈົ່ງ​ພາກັນ​ກັບເມືອ​ບ້ານ​ເຖີດ.”

2 ຊາມູເອນ 20:1 Jak'a apnaqawi uñst'ayäwi

ປະຖົມມະການ 46:21

ລູກຊາຍ​ຂອງ​ເບັນຢາມິນ ມີ​ດັ່ງນີ້: ເບລາ, ເບເຄ, ອັດຊະເບນ, ເກຣາ, ນາອາມານ, ເອຮີ, ໂຣເຊ, ມຸບປິມ, ຮຸບປິມ ແລະ​ອາກເດ.

2 ຊາມູເອນ 15:10

ແຕ່​ລາວ​ໄດ້​ສົ່ງ​ຄົນນຳຂ່າວ​ໄປ​ບອກ​ທຸກໆເຜົ່າ​ໃນ​ຊາດ​ອິດສະຣາເອນ​ວ່າ, “ເມື່ອໃດ​ທີ່​ພວກເຈົ້າ​ໄດ້ຍິນ​ສຽງ​ແກ​ດັງ​ຂຶ້ນ ໃຫ້​ພວກເຈົ້າ​ຮ້ອງ​ຂຶ້ນ​ວ່າ, ‘ອັບຊາໂລມ​ໄດ້​ເປັນ​ກະສັດ​ທີ່​ເມືອງ​ເຮັບໂຣນ​ແລ້ວ.”’

2 ຊາມູເອນ 16:11

ແລ້ວ​ກະສັດ​ດາວິດ​ກໍ​ກ່າວ​ແກ່​ອາບີໄຊ​ກັບ​ພວກ​ຂ້າຣາຊການ​ທຸກຄົນ​ວ່າ, “ລູກຊາຍ​ຂອງເຮົາ​ເອງ​ພະຍາຍາມ​ຈະ​ຂ້າ​ເຮົາ​ຢູ່; ສະນັ້ນ ເປັນຫຍັງ​ຈຶ່ງ​ປະຫລາດ​ໃຈ​ກັບ​ຄົນ​ເບັນຢາມິນ​ຜູ້​ນີ້? ປ່ອຍ​ໃຫ້​ລາວ​ດ່າ​ເຮົາ​ຢູ່​ຢ່າງ​ນັ້ນ​ແຫຼະ ແລະ​ຢ່າ​ໄປ​ຫຍຸ້ງກ່ຽວ​ກັບ​ລາວ​ເລີຍ ເພາະ​ພຣະເຈົ້າຢາເວ​ໄດ້​ບອກ​ໃຫ້​ລາວ​ເຮັດ​ຢ່າງ​ນັ້ນ.

2 ຊາມູເອນ 16:7

ລາວ​ດ່າ​ເພິ່ນ​ແລະ​ເວົ້າ​ວ່າ, “ໜີໄປ​ໃຫ້​ພົ້ນ ໜີໄປ​ໃຫ້​ພົ້ນ ຜູ້​ຮ້າຍ​ຂ້າ​ຄົນ ອາດຊະຍາກອນ​ຜູ້​ໂຫດຫ້ຽມ

2 ຊາມູເອນ 18:17

ພວກເຂົາ​ໄດ້​ຫາມ​ເອົາ​ຊາກສົບ​ຂອງ​ອັບຊາໂລມ​ໂຍນ​ລົງ​ໃນ​ຂຸມ​ເລິກ​ທີ່​ປ່າ ແລະ​ເອົາ​ກ້ອນຫີນ​ມາ​ກອງ​ອັດ​ປາກ​ຂຸມ​ນັ້ນ​ໄວ້​ເປັນ​ກອງ​ໃຫຍ່. ສ່ວນ​ຊາວ​ອິດສະຣາເອນ​ນັ້ນ​ຕ່າງ​ກໍ​ໜີ​ເມືອ​ເຮືອນ​ຂອງ​ໃຜ​ລາວ​ຈົນ​ໝົດ.

2 ຊາມູເອນ 20:2

ແລ້ວ​ຊາວ​ອິດສະຣາເອນ​ກໍ​ປະ​ກະສັດ​ດາວິດ​ແລະ​ໄປ​ກັບ​ເຊບາ. ແຕ່​ຊາວ​ຢູດາ​ຍັງ​ຈົງຮັກ​ພັກດີ​ຕໍ່​ກະສັດ​ດາວິດ ແລະ​ຕິດຕາມ​ເພິ່ນ​ໄປ, ເລີ່ມ​ແຕ່​ແມ່ນໍ້າ​ຈໍແດນ​ຈົນເຖິງ​ນະຄອນ​ເຢຣູຊາເລັມ.

2 ຊາມູເອນ 20:22

ແລ້ວ​ນາງ​ກໍ​ນຳ​ແຜນການ​ຂອງຕົນ​ໄປ​ບອກ​ຄົນ​ທັງຫລາຍ​ໃນ​ເມືອງ ແລະ​ພວກເຂົາ​ໄດ້​ຕັດ​ເອົາ​ຫົວ​ຂອງ​ເຊບາ​ໂຍນ​ຂ້າມ​ກຳແພງ​ໄປ​ໃຫ້​ໂຢອາບ. ແລ້ວ​ໂຢອາບ​ກໍໄດ້​ເປົ່າແກ​ເຕືອນ​ທະຫານ​ໃຫ້​ໜີໄປ​ຈາກ​ເມືອງ ແລະ​ກັບຄືນ​ສູ່​ບ້ານ​ເມືອງ​ຂອງຕົນ. ສ່ວນ​ໂຢອາບ​ນັ້ນ​ກໍ​ກັບຄືນ​ໄປ​ຫາ​ກະສັດ​ທີ່​ນະຄອນ​ເຢຣູຊາເລັມ.

2 ຊາມູເອນ 23:6

ແຕ່​ຄົນ​ບໍ່​ນັບຖື​ພຣະເຈົ້າ​ກໍ​ຄື​ໜາມ​ທີ່​ຖືກ​ຕັດ ບໍ່ມີ​ຜູ້ໃດ​ແຕະຕ້ອງ​ມັນ​ໂດຍ​ມືເປົ່າ​ໄດ້.

1 ກະສັດ 12:16

ເມື່ອ​ປະຊາຊົນ​ທັງໝົດ​ໄດ້​ເຫັນ​ວ່າ​ກະສັດ​ບໍ່​ຟັງຄວາມ​ຂອງ​ພວກເຂົາ; ປະຊາຊົນ​ຈຶ່ງ​ທູນ​ຕອບ​ກະສັດ​ວ່າ, “ພວກ​ຂ້ານ້ອຍ​ມີ​ສ່ວນ​ອັນ​ໃດ​ກັບ​ດາວິດ? ພວກ​ຂ້ານ້ອຍ​ທັງຫຼາຍ​ບໍ່​ມີ​ສ່ວນ​ໃນ​ມໍຣະດົກ​ຂອງ​ລູກຊາຍ​ຂອງ​ເຢຊີ ຊາວ​ອິດສະຣາເອນ​ເອີຍ ຈົ່ງ​ກັບຄືນ​ໄປ​ເຕັນ​ຂອງຕົນ​ເທີ້ນ ດາວິດ​ເອີຍ ຈົ່ງ​ດູແລ​ຣາຊວົງ​ຂອງທ່ານ​ເອງ​ສາ​ເຖີດ.” ຊາວ​ອິດສະຣາເອນ​ຈຶ່ງ​ໄດ້​ຈາກ​ໄປ​ສູ່​ເຕັນ​ຂອງ​ພວກເຂົາ.

1 ກະສັດ 21:10

ເອົາ​ນັກເລງ​ສອງ​ຄົນ​ມາ​ຢືນ​ຢູ່​ຕໍ່ໜ້າ​ຟ້ອງ​ວ່າ ລາວ​ໄດ້​ປ້ອຍດ່າ​ພຣະເຈົ້າ​ແລະ​ກະສັດ. ແລ້ວ​ເອົາ​ລາວ​ອອກ​ໄປ​ນອກ​ເມືອງ ແລະ​ແກວ່ງ​ກ້ອນຫີນ​ໃສ່​ລາວ​ໃຫ້​ຕາຍ.”

2 ຂ່າວຄາວ 10:16

ເມື່ອ​ປະຊາຊົນ​ໄດ້​ເຫັນ​ວ່າ​ກະສັດ​ບໍ່ຍອມ​ຟັງ​ພວກຕົນ ພວກເຂົາ​ກໍ​ພາກັນ​ຮ້ອງ​ຂຶ້ນ​ວ່າ, “ພວກເຮົາ​ບໍ່​ມີສ່ວນ​ໃນ​ດາວິດ ບໍ່​ມີ​ສ່ວນ​ໃນ​ມໍຣະດົກ​ຂອງ​ລູກຊາຍ​ຂອງ​ເຢຊີ ຊາວ​ອິດສະຣາເອນ​ເອີຍ ຈົ່ງ​ພາກັນ​ກັບເມືອ​ບ້ານ​ເຖີດ. ປະ​ໃຫ້​ເຣໂຫໂບອາມ​ຮັບຜິດຊອບ​ລາວ​ເອງ​ສາ.” ດັ່ງນັ້ນ ປະຊາຊົນ​ອິດສະຣາເອນ​ຈຶ່ງ​ໄດ້​ກະບົດ

2 ຂ່າວຄາວ 10:6

ກະສັດ​ເຣໂຫໂບອາມ​ໄດ້​ປຶກສາ​ກັບ​ຜູ້​ອາວຸໂສ ທີ່​ໄດ້​ຮັບໃຊ້​ເປັນ​ທີ່ປຶກສາ​ຂອງ​ໂຊໂລໂມນ​ພໍ່​ຂອງຕົນ. ເພິ່ນ​ຖາມ​ວ່າ, “ພວກທ່ານ​ຈະ​ແນະນຳ​ເຮົາ​ໃຫ້​ບອກ​ຄົນ​ເຫຼົ່ານີ້​ຢ່າງໃດ?”

ເພງ^ສັນລະເສີນ 17:13

ຂ້າແດ່​ພຣະເຈົ້າຢາເວ ຂໍ​ຊົງ​ໂຜດ​ລຸກ​ຂຶ້ນ ຂັດຂວາງ​ເຫຼົ່າ​ສັດຕູ​ຂອງ​ຂ້ານ້ອຍ​ໄວ້​ດ້ວຍ ໂຜດ​ໃຊ້​ດາບ​ຂອງ​ພຣະອົງ​ມາ​ກຳຈັດ​ສັດຕູ​ເຫຼົ່ານັ້ນ​ສາ ໂຜດ​ຊ່ວຍ​ຂ້ານ້ອຍ​ໃຫ້​ພົ້ນໄພ​ແດ່ທ້ອນ

ເພງ^ສັນລະເສີນ 34:19

ຄົນ​ຊອບທຳ​ທົນທຸກ​ຕໍ່​ຄວາມ​ລຳບາກ​ນາໆ​ຊະນິດ ແຕ່​ພຣະເຈົ້າຢາເວ​ຊ່ວຍ​ໃຫ້​ພົ້ນ​ຈາກ​ສິ່ງ​ເຫຼົ່ານີ້.

ສຸພາສິດ 25:8

ເມື່ອ​ເຈົ້າ​ເຫັນ​ເຖິງ​ບາງ​ສິ່ງ​ຢ່າ​ຟ້າວ​ແລ່ນ​ໄປ​ສານ, ຕໍ່ມາ ຖ້າ​ພະຍານ​ຄົນອື່ນ​ຢືນຢັນ​ວ່າ​ເຈົ້າ​ຜິດ ເຈົ້າ​ຈະ​ເຮັດ​ຢ່າງໃດ​ໄດ້?

ສຸພາສິດ 26:21

ຖ່ານ​ເຮັດ​ໃຫ້​ຖ່ານໄຟ​ແດງ ຟືນ​ເຮັດ​ໃຫ້​ໄຟ​ລຸກ, ຄົນ​ທີ່​ສ້າງ​ຄວາມ​ເດືອດຮ້ອນ ເຮັດ​ໃຫ້​ເກີດ​ຜິດຖຽງກັນ.

ມາຣະໂກ 3:24

ຖ້າ​ອານາຈັກ​ໃດ​ເກີດ​ແຕກແຍກ​ກັນ​ແລ້ວ ອານາຈັກ​ນັ້ນ​ກໍ​ຈະ​ຕັ້ງໝັ້ນ​ຢູ່​ຕໍ່ໄປ​ບໍ່ໄດ້,

ລູກາ 19:14

ແຕ່​ປະຊາຊົນ​ໃນ​ບ້ານ​ເມືອງ​ຂອງ​ເພິ່ນ​ຊັງ​ເພິ່ນ ຈຶ່ງ​ໃຊ້​ຄະນະ​ຜູ້​ຕາງໜ້າ​ໄປ​ຫາ​ເພິ່ນ ເພື່ອ​ບອກ​ວ່າ, ‘ພວກເຮົາ​ບໍ່​ຕ້ອງການ​ຊາຍ​ຄົນ​ນີ້ ໃຫ້​ເປັນ​ຜູ້ປົກຄອງ​ຂອງ​ພວກເຮົາ.’

ລູກາ 19:27

ຝ່າຍ​ພວກ​ສັດຕູ​ຂອງເຮົາ ທີ່​ບໍ່​ຢາກ​ໃຫ້​ເຮົາ​ປົກຄອງ​ພວກເຂົາ​ນັ້ນ ຈົ່ງ​ພາ​ພວກເຂົາ​ມາ​ທີ່​ນີ້ ແລະ​ຂ້າ​ພວກເຂົາ​ເສຍ​ຕໍ່ໜ້າ​ເຮົາ.”’

ໂຢຮັນ 13:8

ເປໂຕ​ຕອບ​ວ່າ, “ພຣະອົງ​ຈະ​ລ້າງ​ຕີນ​ຂ້ານ້ອຍ​ບໍ່ໄດ້​ຈັກເທື່ອ.” ພຣະເຢຊູເຈົ້າ​ຕອບ​ວ່າ, “ຖ້າ​ເຮົາ​ບໍ່​ລ້າງ​ຕີນ​ເຈົ້າ ເຈົ້າ​ກໍ​ບໍ່ໄດ້​ມີ​ສ່ວນ​ໃນ​ເຮົາ.”

ພຣະບັນຍັດສອງ 13:13

ວ່າ​ມີ​ຄົນ​ຊົ່ວຮ້າຍ​ທີ່​ອອກ​ໄປ​ຈາກ​ທ່າມກາງ​ພວກເຈົ້າ ໄດ້​ຊັກຊວນ​ປະຊາຊົນ​ໃນ​ເມືອງ​ນັ້ນ​ໄປ​ໃນ​ທາງ​ຜິດ ຄື​ໃຫ້​ຂາບໄຫວ້​ບັນດາ​ພະ​ຊຶ່ງ​ພວກເຈົ້າ​ບໍ່ເຄີຍ​ຂາບໄຫວ້​ມາ​ກ່ອນ.

ພວກ^ຜູ້ປົກຄອງ 19:22

ໃນ​ຂະນະທີ່​ພວກເຂົາ​ກຳລັງ​ລົມກັນ​ຢ່າງ​ມ່ວນຊື່ນ​ຢູ່​ນັ້ນ ໄດ້​ມີ​ພວກ​ນັກເລງ​ມາ​ລ້ອມ​ເຮືອນ​ໄວ້​ແລະ​ໃຊ້​ກຳປັ້ນ​ຕີ​ປະຕູ​ເຮືອນ. ພວກເຂົາ​ຮ້ອງ​ບອກ​ຊາຍ​ແກ່​ຜູ້ນັ້ນ​ວ່າ, “ຈົ່ງ​ນຳ​ເອົາ​ຊາຍ​ທີ່​ມາ​ຄ້າງ​ຢູ່​ໃນ​ເຮືອນ​ຂອງ​ເຈົ້າ​ອອກ​ມາ ເພາະ​ພວກຂ້ອຍ​ຢາກ​ຮ່ວມເພດ​ກັບ​ລາວ.”

ພວກ^ຜູ້ປົກຄອງ 3:27

ເມື່ອ​ມາຮອດ​ເຂດ​ເນີນພູ​ເອຟຣາອິມ ລາວ​ຈຶ່ງ​ເປົ່າ​ແກ​ລະດົມພົນ​ເອົາ​ທະຫານ​ອິດສະຣາເອນ​ອອກ​ສູ້ຮົບ; ແລ້ວ​ລາວ​ກໍ​ນຳພາ​ພວກເຂົາ​ລົງຈາກ​ເນີນພູ​ໄປ.

ນາງຣຸດ 2:3

ດັ່ງນັ້ນ ນາງຣຸດ​ຈຶ່ງ​ອອກ​ໄປ​ທີ່​ທົ່ງນາ ແລະ​ຍ່າງ​ຕາມ​ຫລັງ​ຂອງ​ພວກ​ທີ່​ກ່ຽວເຂົ້າ ເພື່ອ​ເກັບ​ເອົາ​ຮວງເຂົ້າ​ທີ່​ຕົກເຮ່ຍ. ຢູ່ໃນ​ນາ​ທີ່​ນາງຣຸດ​ເກັບ​ຮວງເຂົ້າ​ຢູ່​ນັ້ນ ເປັນ​ນາ​ຂອງ​ໂບອາດ​ຜູ້​ເປັນ​ພີ່ນ້ອງ​ຂອງ​ເອລີເມເຫຼັກ.

1 ຊາມູເອນ 13:2

ກະສັດ​ໂຊນ​ໄດ້​ເລືອກ​ເອົາ​ຊາຍ​ສະກັນ​ຊາວ​ອິດສະຣາເອນ​ສາມພັນ​ຄົນ ໂດຍ​ໄດ້​ແບ່ງ​ເອົາ​ສອງພັນ​ຄົນ​ໃຫ້​ຢູ່​ກັບ​ຕົນ​ທີ່​ມິກມາດ ແລະ​ທີ່​ເຂດ​ເນີນພູ​ຂອງ​ເບັດເອນ, ແຕ່​ທະຫານ​ໜຶ່ງພັນ​ຄົນ​ນັ້ນ ເພິ່ນ​ໃຫ້​ໄປ​ກັບ​ໂຢນາທານ​ລູກຊາຍ​ຂອງຕົນ ທີ່​ເມືອງ​ກີເບອາ​ໃນ​ເຂດແດນ​ຂອງ​ເຜົ່າ​ເບັນຢາມິນ. ສ່ວນ​ທີ່​ເຫຼືອ​ນັ້ນ ເພິ່ນ​ໄດ້​ສັ່ງ​ໃຫ້​ກັບຄືນ​ເມືອ​ບ້ານ​ເຮືອນ​ຂອງ​ໃຜ​ລາວ.

1 ຊາມູເອນ 2:12

ພວກ​ລູກຊາຍ​ຂອງ​ເອລີ​ເປັນ​ຄົນ​ຂີ້ໂກງ; ພວກເຂົາ​ບໍ່​ເອົາໃຈໃສ່​ນັບຖື​ພຣະເຈົ້າຢາເວ

1 ຊາມູເອນ 30:22

ແຕ່​ພວກ​ຄົນ​ບໍ່​ດີ​ແລະ​ມັກ​ກໍ່ເລື່ອງ​ບາງຄົນ​ທີ່​ໄດ້​ໄປ​ກັບ​ດາວິດ​ນັ້ນ​ເວົ້າ​ໃຫ້​ດາວິດ​ວ່າ, “ພວກເຮົາ​ຈະ​ບໍ່​ເອົາ​ສິ່ງຂອງ​ທີ່​ກູ້​ຄືນມາ​ໄດ້​ນັ້ນ ແບ່ງປັນ​ໃຫ້​ພວກເຂົາ​ຈັກຢ່າງ ຍ້ອນ​ພວກເຂົາ​ບໍ່ໄດ້​ໄປ​ນຳ​ພວກເຮົາ. ຈົ່ງ​ໃຫ້​ພວກເຂົາ​ເອົາ​ລູກ​ເມຍ​ຄືນ ແລະ​ໜີໄປ​ເສຍ.”