2 ຊາມູເອນ 2:7 - ພຣະຄຳພີສັກສິ

⁷ ສະນັ້ນ ຈົ່ງ​ເຂັ້ມແຂງ​ແລະ​ກ້າຫານ​ເຖີດ ໂຊນ​ກະສັດ​ຂອງ​ພວກທ່ານ​ໄດ້​ຕາຍໄປ​ແລ້ວ ແລະ​ປະຊາຊົນ​ຊາວ​ຢູດາ​ກໍໄດ້​ໃຊ້​ນໍ້າມັນ​ສັກສິດ​ຫົດສົງ​ຂ້າພະເຈົ້າ ໃຫ້​ເປັນ​ກະສັດ​ຂອງ​ພວກເຂົາ​ແລ້ວ.”

2 ຊາມູເອນ 2:7 Jak'a apnaqawi uñst'ayäwi

ປະຖົມມະການ 15:1

ຫລັງຈາກ​ນັ້ນ ອັບຣາມ​ກໍ​ໄດ້​ຍິນ​ພຣະເຈົ້າຢາເວ​ກ່າວ​ແກ່​ຕົນ​ທາງ​ນິມິດ​ວ່າ, “ອັບຣາມ​ເອີຍ ເຈົ້າ​ຢ່າ​ຢ້ານ​ແຕ່​ຢ່າງໃດ​ເລີຍ ເຮົາ​ແມ່ນ​ໂລ້​ຕ້ານທານ​ທີ່​ຄອຍ​ຮັກສາ​ເຈົ້າ ຈາກ​ເຫຼົ່າ​ໂພຍໄພ​ຮ້າຍ​ອັນຕະລາຍ​ຕ່າງໆ ເຮົາ​ຈະ​ໃຫ້​ບຳເໜັດ​ເຈົ້າ​ຢ່າງ​ຫລວງຫລາຍ.”

2 ຊາມູເອນ 10:12

ຈົ່ງ​ເຂັ້ມແຂງ​ແລະ​ກ້າຫານ ຂໍ​ໃຫ້​ພວກເຮົາ​ສູ້ຮົບ​ຢ່າງ​ເດັດດ່ຽວ​ເພື່ອ​ປະຊາຊົນ​ຂອງ​ພວກເຮົາ ແລະ​ເພື່ອ​ບັນດາ​ເມືອງ​ຕ່າງໆ​ຂອງ​ພຣະເຈົ້າ ແລະ​ຂໍ​ໃຫ້​ພຣະເຈົ້າຢາເວ​ດຳເນີນການ ຕາມ​ທີ່​ພຣະອົງ​ເຫັນ​ຊອບ​ເຖີດ.”

2 ຊາມູເອນ 2:6

ບັດນີ້ ຂໍ​ພຣະເຈົ້າຢາເວ​ໃຫ້​ຄວາມ​ເມດຕາ​ແລະ​ຄວາມ​ສັດຊື່​ຕໍ່​ພວກທ່ານ​ເຖີດ ແລະ​ຂ້າພະເຈົ້າ​ເອງ​ກໍ​ຈະ​ເຮັດ​ດີ​ຕໍ່​ພວກທ່ານ ເພາະ​ສິ່ງ​ທີ່​ພວກທ່ານ​ໄດ້​ເຮັດ​ນັ້ນ.

2 ຊາມູເອນ 2:8

ອັບເນ​ລູກຊາຍ​ຂອງ​ເນຣະ ຜູ້​ບັນຊາການ​ທະຫານ​ຂອງ​ກະສັດ​ໂຊນ ໄດ້​ປົບໜີໄປ​ກັບ​ອີຊະໂບເຊັດ​ລູກຊາຍ​ຂອງ​ກະສັດ​ໂຊນ. ພວກເຂົາ​ໄດ້​ຂ້າມ​ແມ່ນໍ້າ​ຈໍແດນ​ໄປ​ທີ່​ເມືອງ​ມະຫານາອິມ.

2 ຊາມູເອນ 5:3

ດັ່ງນັ້ນ ເມື່ອ​ຜູ້ນຳ​ທັງໝົດ​ຂອງ​ຊາດ​ອິດສະຣາເອນ​ໄດ້​ມາ​ຫາ​ກະສັດ​ດາວິດ​ທີ່​ເມືອງ​ເຮັບໂຣນ​ນັ້ນ ເພິ່ນ​ຈຶ່ງ​ເຮັດ​ພັນທະສັນຍາ​ກັບ​ພວກເຂົາ​ຢູ່​ຊ້ອງໜ້າ​ພຣະເຈົ້າຢາເວ; ແລ້ວ​ພວກ​ຜູ້ນຳ​ກໍ​ເອົາ​ນໍ້າມັນ​ສັກສິດ​ຫົດສົງ​ດາວິດ ໃຫ້​ເປັນ​ກະສັດ​ແຫ່ງ​ຊາດ​ອິດສະຣາເອນ.

2 ກະສັດ 11:12

ແລ້ວ​ເຢໂຮຍອາດາ​ກໍ​ພາ​ໂຢອາດ​ອອກ​ມາ, ສວມ​ມົງກຸດ​ໃສ່​ຫົວ​ໃຫ້​ເພິ່ນ ແລະ​ມອບ​ກົດບັນຍັດ​ການປົກຄອງ ຊຶ່ງ​ເປັນ​ເອກະສານ​ສະແດງ​ເຖິງ​ຕຳແໜ່ງ​ຂອງ​ກະສັດ​ໃຫ້​ເພິ່ນ. ໂຢອາດ​ໄດ້​ຮັບ​ການ​ຫົດສົງ​ແຕ່ງຕັ້ງ​ໃຫ້​ເປັນ​ກະສັດ. ປະຊາຊົນ​ພາກັນ​ຕົບມື ແລະ​ຮ້ອງໂຮ​ຂຶ້ນ​ວ່າ, “ຂໍ​ໃຫ້​ກະສັດ​ຈົ່ງ​ໝັ້ນຍືນ.”

ເນເຫມີຢາ 2:18

ແລ້ວ​ຂ້າພະເຈົ້າ​ກໍໄດ້​ບອກ​ພວກເຂົາ​ວ່າ ພຣະເຈົ້າ​ສະຖິດ​ຢູ່​ນຳ​ຂ້າພະເຈົ້າ ແລະ​ຊ່ວຍ​ຊູ​ຂ້າພະເຈົ້າ​ຢ່າງໃດ ແລະ​ກະສັດ​ໄດ້​ເວົ້າ​ກັບ​ຂ້າພະເຈົ້າ​ຢ່າງໃດ​ອີກ​ດ້ວຍ. ພວກເຂົາ​ຕອບ​ວ່າ, “ໃຫ້​ພວກເຮົາ​ລົງມື​ສ້າງ​ເມືອງ​ຂຶ້ນ​ໃໝ່​ສາ” ແລ້ວ​ພວກເຂົາ​ກໍ​ຕຽມພ້ອມ​ທີ່​ຈະ​ລົງມື​ເຮັດ​ວຽກ.

1 ໂກຣິນໂທ 16:13

ຈົ່ງ​ເຝົ້າ​ລະວັງ​ໃຫ້​ດີ ຈົ່ງ​ຢືນຢັດ​ຢູ່​ຢ່າງ​ໝັ້ນຄົງ​ໃນ​ຄວາມເຊື່ອ ຈົ່ງ​ກ້າຫານ ແລະ​ຈົ່ງ​ເຂັ້ມແຂງ.

ເອເຟໂຊ 6:10

ສຸດທ້າຍ​ນີ້ ຂໍ​ໃຫ້​ພວກເຈົ້າ​ຈົ່ງ​ມີ​ກຳລັງ​ເພີ່ມ​ຂຶ້ນ​ໃນ​ອົງພຣະ​ຜູ້​ເປັນເຈົ້າ ແລະ​ໃນ​ຣິດເດດ​ອັນ​ແກ່ກ້າ​ຂອງ​ພຣະອົງ.

1 ຊາມູເອນ 31:12

ຄົນ​ທີ່​ອົງອາດ​ກ້າຫານ ກໍ​ອອກ​ເດີນທາງ​ໄປ​ທີ່​ເມືອງ​ເບັດ​ຊານ​ຕະຫລອດ​ຄືນ. ພວກເຂົາ​ໄດ້​ເອົາ​ຊາກສົບ​ຂອງ​ກະສັດ​ໂຊນ​ກັບ​ຂອງ​ພວກ​ລູກຊາຍ​ຂອງ​ເພິ່ນ​ລົງ​ມາ​ຈາກ​ກຳແພງ​ເມືອງ ແລະ​ນຳ​ຊາກສົບ​ເຫຼົ່ານັ້ນ​ໄປ​ທີ່​ເມືອງ​ຢາເບັດ ແລະ​ຈູດ​ໃນ​ທີ່ນັ້ນ.

1 ຊາມູເອນ 31:7

ເມື່ອ​ພວກ​ອິດສະຣາເອນ​ທີ່​ຢູ່​ທາງ​ຮ່ອມພູ​ຢິດຊະເຣນ​ຟາກ​ໜຶ່ງ​ອີກ ແລະ​ພວກ​ທີ່​ຢູ່​ທາງທິດ​ຕາເວັນອອກ​ຂອງ​ແມ່ນໍ້າ​ຈໍແດນ​ໄດ້ຍິນ​ຂ່າວ​ວ່າ ທະຫານ​ອິດສະຣາເອນ​ໄດ້​ປົບໜີໄປ ແລະ​ກະສັດ​ໂຊນ​ກັບ​ພວກ​ລູກຊາຍ​ກໍ​ຖືກ​ຂ້າ​ແລ້ວ. ດັ່ງນັ້ນ ພວກເຂົາ​ຈຶ່ງ​ປະຖິ້ມ​ບ້ານເຮືອນ​ຂອງ​ພວກ​ຕົນ​ແລະ​ປົບໜີໄປ. ແລ້ວ​ພວກ​ຟີລິດສະຕິນ​ກໍ​ເຂົ້າ​ມາ​ຢຶດເອົາ​ເມືອງ.

1 ຊາມູເອນ 4:9

ຊາວ​ຟີລິດສະຕິນ​ເອີຍ ຈົ່ງ​ກ້າຫານ​ເຖີດ ຈົ່ງ​ຕໍ່ສູ້​ຢ່າງ​ລູກ​ຜູ້ຊາຍ; ບໍ່​ດັ່ງນັ້ນ ພວກເຮົາ​ຈະ​ຕ້ອງ​ຕົກ​ເປັນ​ທາດຮັບໃຊ້​ຂອງ​ຊາວ​ເຮັບເຣີ ດັ່ງ​ທີ່​ພວກເຂົາ​ເຄີຍ​ຕົກ​ເປັນ​ທາດຮັບໃຊ້​ຂອງ​ພວກເຮົາ​ມາ​ແລ້ວ. ສະນັ້ນ ຈົ່ງ​ຕໍ່ສູ້​ຢ່າງ​ລູກ​ຜູ້ຊາຍ​ເຖີດ.”