2 ຊາມູເອນ 19:21 - ພຣະຄຳພີສັກສິ

²¹ ອາບີໄຊ​ລູກຊາຍ​ຂອງ​ນາງ​ເຊຣູອີຢາ​ໄດ້​ເວົ້າ​ວ່າ, “ຊີເມອີ​ຄວນ​ຖືກ​ປະຫານ​ຊີວິດ ເພາະ​ລາວ​ໄດ້​ປ້ອຍດ່າ​ຜູ້​ທີ່​ພຣະເຈົ້າຢາເວ​ໄດ້​ຫົດສົງ.”

2 ຊາມູເອນ 19:21 Jak'a apnaqawi uñst'ayäwi

2 ຊາມູເອນ 16:13

ແລ້ວ​ກະສັດ​ດາວິດ​ກັບ​ທະຫານ​ຂອງ​ເພິ່ນ​ກໍ​ອອກ​ເດີນທາງ​ຕໍ່ໄປ. ຊີເມອີ​ຍ່າງ​ຕາມ​ຈົນເຖິງ​ເນີນພູ ທັງ​ປ້ອຍດ່າ​ແລະ​ແກວ່ງ​ກ້ອນຫີນ​ກັບ​ຫວ່ານ​ຂີ້ດິນ​ໃສ່​ພວກເຂົາ.

2 ຊາມູເອນ 16:5

ເມື່ອ​ກະສັດ​ດາວິດ​ໄປ​ຮອດ​ເມືອງ​ບາຮູຣິມ​ພີ່ນ້ອງ​ຄົນ​ໜຶ່ງ​ຂອງ​ກະສັດ​ໂຊນ ຊີເມອີ​ລູກຊາຍ​ຂອງ​ເກຣາ ກໍ​ອອກ​ມາ​ພົບ​ກະສັດ​ດາວິດ​ພ້ອມ​ທັງ​ປ້ອຍດ່າ​ເພິ່ນ.

2 ຊາມູເອນ 16:9

ອາບີໄຊ​ລູກຊາຍ​ຂອງ​ນາງ​ເຊຣູອີຢາ​ເວົ້າ​ກັບ​ກະສັດ​ວ່າ, “ຂ້າແດ່​ພະຣາຊາ ເປັນຫຍັງ​ທ່ານ​ຈຶ່ງ​ປ່ອຍ​ໃຫ້​ໝາ​ໂຕ​ນີ້​ດ່າ​ທ່ານ​ຢູ່​ຢ່າງ​ນີ້? ໃຫ້​ຂ້ານ້ອຍ​ອອກ​ໄປ​ຕັດ​ຫົວ​ມັນ​ຖິ້ມ​ສາ.”

ເພງ^ສັນລະເສີນ 84:9

ຂ້າແດ່​ພຣະເຈົ້າ ຜູ້​ຊົງ​ເປັນ​ໂລ້​ຂອງ​ພວກ​ຂ້ານ້ອຍ ຂໍ​ຊົງ​ແນມ​ແລະ​ຫລຽວ​ເບິ່ງ​ຜູ້​ທີ່​ພຣະອົງ​ໄດ້​ຫົດສົງ​ເອົາ​ນັ້ນ.

ອົບພະຍົບ 22:28

ຢ່າ​ດ່າ​ວ່າ​ພຣະເຈົ້າ ແລະ​ຢ່າ​ສາບແຊ່ງ​ຜູ້ນຳ​ຊົນຊາດ​ຂອງ​ພວກເຈົ້າ.

ເພງ^ຄໍ່າຄວນ 4:20

ພວກເຂົາ​ຈັບ​ເອົາ​ຜູ້​ທີ່​ຊີ້ຂາດ​ຊີວິດ​ຂອງ​ພວກເຮົາ ຄື​ກະສັດ​ຜູ້​ທີ່​ພຣະເຈົ້າຢາເວ​ເອງ​ໄດ້​ຊົງ​ເຈີມໄວ້​ນັ້ນ ຄື​ຜູ້​ທີ່​ພວກເຮົາ​ໄດ້​ໄວ້ວາງໃຈ​ໃນ​ຕົວ​ເພິ່ນ ເພື່ອ​ປົກປ້ອງ​ພວກເຮົາ​ຈາກ​ພວກ​ຮຸກຮານ.

1 ຊາມູເອນ 24:6

ສະນັ້ນ ເພິ່ນ​ຈຶ່ງ​ເວົ້າ​ກັບ​ຄົນ​ທັງຫລາຍ​ຂອງ​ເພິ່ນ​ວ່າ, “ຂໍ​ພຣະເຈົ້າຢາເວ​ຢ່າ​ອະນຸຍາດ​ໃຫ້​ຂ້ອຍ​ທຳຮ້າຍ​ເຈົ້ານາຍ​ຂອງຂ້ອຍ ຜູ້​ທີ່​ພຣະເຈົ້າຢາເວ​ໄດ້​ເຈີມຕັ້ງ​ໄວ້; ຄື​ທີ່​ຈະ​ຢຽດມື​ຂອງຂ້ອຍ​ໄປ​ຕໍ່ສູ້​ເພິ່ນ ເພາະ​ເພິ່ນ​ເປັນ​ຜູ້​ທີ່​ພຣະເຈົ້າຢາເວ​ໄດ້​ເຈີມຕັ້ງ​ໄວ້.”

1 ຊາມູເອນ 26:9

ແຕ່​ດາວິດ​ໄດ້ກ່າວ​ຕໍ່​ອາບີໄຊ​ວ່າ, “ເຈົ້າ​ບໍ່ຄວນ​ທຳຮ້າຍ​ເພິ່ນ​ເລີຍ ເພາະ​ຜູ້ໃດ​ທີ່​ຢຽດມື​ອອກ​ຕໍ່ສູ້​ກະສັດ​ທີ່​ພຣະເຈົ້າຢາເວ​ໄດ້​ຊົງ​ຫົດສົງ​ໄວ້ ພຣະອົງ​ຈະ​ລົງ​ໂທດ​ຜູ້​ນັ້ນ​ຢ່າງ​ແນ່ນອນ.”