2 ຊາມູເອນ 18:9 - ພຣະຄຳພີສັກສິ

⁹ ໃນ​ທັນໃດນັ້ນ ອັບຊາໂລມ​ໄດ້​ພົບ​ທະຫານ​ບາງຄົນ​ຂອງ​ກະສັດ​ດາວິດ. ອັບຊາໂລມ​ກຳລັງ​ຂີ່​ລໍ​ແລະ​ໃນ​ຂະນະທີ່​ລໍ​ພວມ​ແລ່ນ​ຜ່ານ​ເຂົ້າ​ໄປ​ໃນ​ຕົ້ນໂອກ ຫົວ​ຂອງ​ອັບຊາໂລມ​ເລີຍຄາ​ຢູ່​ກັບ​ງ່າ​ໄມ້. ລໍ​ຈຶ່ງ​ແລ່ນ​ໜີໄປ​ແລະ​ປ່ອຍ​ໃຫ້​ອັບຊາໂລມ​ແຂວນ​ຢູ່​ກາງ​ອາກາດ.

2 ຊາມູເອນ 18:9 Jak'a apnaqawi uñst'ayäwi

2 ຊາມູເອນ 13:29

ດັ່ງນັ້ນ ພວກ​ຄົນ​ຮັບໃຊ້​ຈຶ່ງ​ປະຕິບັດ​ຕາມ​ຄຳແນະນຳ​ຂອງ​ອັບຊາໂລມ ແລະ​ຂ້າ​ອຳໂນນ​ເສຍ. ສ່ວນ​ພວກ​ລູກຊາຍ​ຄົນອື່ນໆ​ຂອງ​ກະສັດ​ດາວິດ​ກໍ​ຂຶ້ນ​ຂີ່​ລໍ​ແລະ​ປົບໜີໄປ.

2 ຊາມູເອນ 14:26

ຜົມ​ຂອງ​ລາວ​ດົກ​ແລະ​ຕັດ​ປີລະເທື່ອ ເມື່ອ​ຍາວ​ແລະ​ດົກ​ຫລາຍ ຕາມການ​ຊັ່ງຕວງ​ເບິ່ງ​ທາງ​ຣາຊການ ຜົມ​ຂອງ​ລາວ​ໜັກ​ກວ່າ​ສອງ​ກິໂລກຼາມ.

2 ຊາມູເອນ 17:23

ເມື່ອ​ອາຮີໂຕເຟນ​ເຫັນ​ວ່າ ກະສັດ​ບໍ່ໄດ້​ເຮັດ​ຕາມ​ຄຳແນະນຳ​ຂອງຕົນ ລາວ​ກໍ​ຂີ່​ລໍ​ກັບ​ສູ່​ບ້ານ​ເມືອງ​ຂອງຕົນ; ເມື່ອ​ຈັດການ​ກັບ​ທຸລະກິດ​ໃນ​ຄອບຄົວ​ຮຽບຮ້ອຍ​ແລ້ວ ລາວ​ກໍ​ຜູກ​ຄໍ​ຕາຍ. ຊາກສົບ​ຂອງ​ລາວ​ໄດ້​ຖືກ​ຝັງ​ໄວ້​ຢູ່​ໃນ​ອຸບມຸງ​ປະຈຳ​ຄອບຄົວ.

2 ຊາມູເອນ 18:10

ທະຫານ​ຄົນ​ໜຶ່ງ​ຂອງ​ກະສັດ​ດາວິດ​ໄດ້​ມາ​ເຫັນ​ລາວ ຈຶ່ງ​ໄປ​ລາຍງານ​ຕໍ່​ໂຢອາບ​ວ່າ, “ທ່ານເອີຍ ຂ້ານ້ອຍ​ເຫັນ​ອັບຊາໂລມ​ກຳລັງ​ແຂວນ​ຄາ​ຢູ່​ກັບ​ຕົ້ນໂອກ.”

2 ຊາມູເອນ 18:14

ໂຢອາບ​ເວົ້າ​ຂຶ້ນ​ວ່າ, “ຂ້ອຍ​ຈະ​ບໍ່​ເສຍ​ເວລາ​ເວົ້າ​ກັບ​ເຈົ້າ​ອີກ​ຕໍ່ໄປ.” ໂຢອາບ​ຈຶ່ງ​ໃຊ້​ຫອກ​ສາມ​ແງ່ມ​ແທງ​ທີ່​ໜ້າເອິກ​ຂອງ​ອັບຊາໂລມ ຂະນະທີ່​ລາວ​ແຂວນ​ຢູ່​ທີ່​ຕົ້ນໂອກ​ແລະ​ຍັງ​ມີ​ຊີວິດ.

2 ຊາມູເອນ 18:8

ການ​ສູ້ຮົບ​ໄດ້​ລຸກລາມ​ໄປ​ທົ່ວ​ທັງ​ປະເທດ ແລະ​ມີ​ທະຫານ​ຖືກ​ຂ້າ​ໃນ​ກາງ​ປ່າ ຫລາຍກວ່າ​ຖືກ​ຂ້າ​ຢູ່​ໃນ​ສະໜາມຮົບ.

ພຣະທຳ​ໂຢບ 31:3

ພຣະອົງ​ສົ່ງ​ຄວາມພິນາດ​ແລະ​ຄວາມ​ຈິບຫາຍ ມາ​ທຳລາຍ​ຄົນ​ທັງຫລາຍ​ທີ່​ເຮັດ​ການ​ຊົ່ວຮ້າຍ.

ສຸພາສິດ 20:20

ຄົນ​ທີ່​ດ່າ​ພໍ່​ຕີ​ແມ່​ກໍ​ຈະ​ຈົບ​ຊີວິດ​ລົງ ດັ່ງ​ຕະກຽງ​ທີ່​ມອດ​ໃນ​ຄວາມມືດ.

ສຸພາສິດ 30:17

ຜູ້​ທີ່​ເຍາະເຍີ້ຍ​ພໍ່ ຫລື​ຊັງ​ແມ່​ຂອງຕົນ​ທີ່​ເຖົ້າແກ່​ແລ້ວ ຈະ​ຖືກ​ຝູງ​ແຮ້ງ ຫລື​ຝູງ​ກາ​ເຈາະ​ແກ່ນຕາ​ແລະ​ກັດກິນ.

ເຢເຣມີຢາ 48:44

ຜູ້ໃດ​ກໍຕາມ​ທີ່​ພະຍາຍາມ​ປົບໜີ​ຈາກ​ການ​ຢ້ານກົວ​ອັນ​ໃຫຍ່​ນັ້ນ ຈະ​ຕົກລົງ​ໃນ​ຫລຸມ ແລະ​ຜູ້ໃດ​ກໍຕາມ​ທີ່​ປິນ​ຂຶ້ນ​ຈາກ​ຫລຸມ​ໄດ້​ກໍ​ຈະ​ຖືກ​ບ້ວງແຮ້ວ, ເພາະ​ອົງພຣະ​ຜູ້​ເປັນເຈົ້າ​ໄດ້​ຈັດ​ເວລາ​ໄວ້​ສຳລັບ​ໂມອາບ​ໃຫ້​ຖືກ​ທຳລາຍ. ພຣະເຈົ້າຢາເວ​ກ່າວ​ດັ່ງນີ້ແຫຼະ.

ມັດທາຍ 27:5

ຢູດາ​ໄດ້​ຖິ້ມ​ເງິນ​ໄວ້​ໃນ​ພຣະວິຫານ ແລະ​ອອກ​ໜີໄປ ແລ້ວ​ລາວ​ກໍ​ໄປ​ຜູກ​ຄໍ​ຕາຍ.

ມາຣະໂກ 7:10

ໂມເຊ​ໄດ້​ສັ່ງ​ໄວ້​ວ່າ, ‘ຈົ່ງ​ເຄົາຣົບ​ນັບຖື​ພໍ່​ແມ່​ຂອງຕົນ’ ແລະ ‘ຜູ້ໃດ​ກໍຕາມ​ທີ່​ປ້ອຍດ່າ ສາບແຊ່ງ​ພໍ່​ແມ່​ຂອງຕົນ​ຕ້ອງ​ຖືກ​ລົງໂທດ​ເຖິງ​ຕາຍ.’

ຄາລາເຕຍ 3:13

ພຣະຄຣິດ​ໄດ້​ຊົງ​ໄຖ່​ພວກເຮົາ ໃຫ້​ພົ້ນ​ຈາກ​ການ​ສາບແຊ່ງ​ຂອງ​ກົດບັນຍັດ ໂດຍ​ການ​ທີ່​ພຣະອົງ​ຊົງ​ຍອມ​ຖືກ​ສາບແຊ່ງ​ແທນ​ພວກເຮົາ (ເພາະ​ພຣະຄຳພີ​ຂຽນ​ໄວ້​ວ່າ, “ທຸກຄົນ​ທີ່​ຖືກ​ແຂວນ​ໄວ້​ທີ່​ຕົ້ນໄມ້ ກໍ​ຖືກ​ສາບແຊ່ງ​ແລ້ວ.”)

ພຣະບັນຍັດສອງ 21:23

ຢ່າ​ປ່ອຍ​ຊາກສົບ​ແຂວນ​ໄວ້​ຈົນ​ຮອດ​ກາງຄືນ. ໃຫ້​ຝັງ​ຊາກສົບ​ຂອງ​ຄົນ​ນີ້​ໃນ​ມື້​ນັ້ນ​ໂລດ ເພາະ​ຊາກສົບ​ຂອງ​ຄົນຕາຍ​ທີ່​ຖືກ​ແຂວນຄໍ​ກັບ​ເສົາ ນຳ​ຄວາມ​ສາບແຊ່ງ​ຂອງ​ພຣະເຈົ້າ​ມາ​ສູ່​ດິນແດນ. ຈົ່ງ​ຝັງ​ຊາກສົບ​ນັ້ນ​ສາ ເພື່ອ​ບໍ່​ເປັນ​ການ​ນຳ​ການ​ສາບແຊ່ງ​ມາ​ສູ່​ດິນແດນ ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ກຳລັງ​ຈະ​ມອບ​ໃຫ້.”

ພຣະບັນຍັດສອງ 27:16

‘ຄຳສາບແຊ່ງ​ເປັນ​ຂອງ​ຜູ້ໃດ​ຜູ້ໜຶ່ງ ທີ່​ບໍ່​ເຄົາຣົບ​ນັບຖື​ພໍ່​ແມ່​ຂອງຕົນ.’ ແລະ​ປະຊາຊົນ​ທັງໝົດ​ຈະ​ພ້ອມ​ກັນ​ຕອບ​ວ່າ, ‘ອາແມນ.’

ພຣະບັນຍັດສອງ 27:20

‘ຄຳສາບແຊ່ງ​ເປັນ​ຂອງ​ຜູ້ໃດ​ຜູ້ໜຶ່ງ ທີ່​ເຮັດ​ໃຫ້​ພໍ່​ຂອງຕົນ​ຕ້ອງ​ອັບອາຍ​ຂາຍໜ້າ ໂດຍ​ສົມສູ່​ກັບ​ເມຍ​ຄົນ​ໃດ​ຄົນ​ໜຶ່ງ​ຂອງ​ເພິ່ນ.’ ແລະ​ປະຊາຊົນ​ທັງໝົດ​ຈະ​ພ້ອມ​ກັນ​ຕອບ​ວ່າ, ‘ອາແມນ.’