2 ຊາມູເອນ 16:4 - ພຣະຄຳພີສັກສິ

⁴ ກະສັດ​ກ່າວ​ແກ່​ຊີບາ​ວ່າ, “ທຸກສິ່ງ​ທີ່​ເປັນ​ຂອງ​ເມຟີໂບເຊັດ​ກໍ​ເປັນ​ຂອງ​ເຈົ້າ.” ຊີບາ​ຕອບ​ວ່າ, “ຂ້າແດ່​ພະຣາຊາ ຂ້ານ້ອຍ​ຍິນດີ​ຮັບໃຊ້​ທ່ານ ຂໍ​ໃຫ້​ຂ້ານ້ອຍ​ເປັນ​ທີ່​ພໍໃຈ​ຂອງທ່ານ​ເລື້ອຍໆ​ເທີ້ນ.”

2 ຊາມູເອນ 16:4 Jak'a apnaqawi uñst'ayäwi

2 ຊາມູເອນ 14:22

ໂຢອາບ​ຂາບລົງ​ຕໍ່ໜ້າ​ກະສັດ​ດາວິດ​ດ້ວຍ​ຄວາມນັບຖື ທັງກ່າວ​ວ່າ, “ຂ້າແດ່​ພະຣາຊາ ຂໍ​ໃຫ້​ພຣະເຈົ້າ​ອວຍພອນ​ທ່ານ​ເຖີດ. ບັດນີ້ ຂ້ານ້ອຍ​ຮູ້​ແລ້ວ​ວ່າ​ທ່ານ​ພໍໃຈ​ໃນ​ຕົວ​ຂ້ານ້ອຍ ເພາະ​ທ່ານ​ໄດ້​ຕອບ​ຄຳ​ຮ້ອງ​ຂໍ​ຂອງ​ຂ້ານ້ອຍ.”

2 ຊາມູເອນ 14:4

ຍິງ​ຊາວ​ເມືອງ​ເຕກົວ​ກໍ​ໄດ້​ເຂົ້າ​ໄປ​ພົບ​ກະສັດ ໂດຍ​ກົ້ມ​ຂາບລົງ​ດ້ວຍ​ຄວາມນັບຖື ແລະ​ເວົ້າ​ວ່າ, “ຂ້າແດ່​ພະຣາຊາ ກະລຸນາ​ຊ່ວຍ​ຂ້ານ້ອຍ​ແດ່ທ້ອນ.”

2 ຊາມູເອນ 14:8

ກະສັດ​ຕອບ​ນາງ​ວ່າ, “ໃຫ້​ເຈົ້າ​ກັບ​ເມືອ​ສາ ເຮົາ​ຈະ​ຈັດການ​ເລື່ອງ​ນີ້​ເອງ.”

2 ຊາມູເອນ 16:3

ກະສັດ​ຖາມ​ວ່າ, “ເມຟີໂບເຊັດ ຫລານຊາຍ​ກະສັດ​ໂຊນ ນາຍ​ຂອງ​ເຈົ້າ​ຢູ່​ໃສ?” ຊີບາ​ຕອບ​ວ່າ, “ລາວ​ຢູ່​ໃນ​ນະຄອນ​ເຢຣູຊາເລັມ ເພາະ​ລາວ​ໝັ້ນໃຈ​ວ່າ ບັດນີ້​ຊາວ​ອິດສະຣາເອນ​ຈະ​ມອບ​ອານາຈັກ​ຂອງ​ກະສັດ​ໂຊນ ປູ່​ຂອງ​ລາວ​ຄືນ​ໃຫ້​ລາວ.”

2 ຊາມູເອນ 16:5

ເມື່ອ​ກະສັດ​ດາວິດ​ໄປ​ຮອດ​ເມືອງ​ບາຮູຣິມ​ພີ່ນ້ອງ​ຄົນ​ໜຶ່ງ​ຂອງ​ກະສັດ​ໂຊນ ຊີເມອີ​ລູກຊາຍ​ຂອງ​ເກຣາ ກໍ​ອອກ​ມາ​ພົບ​ກະສັດ​ດາວິດ​ພ້ອມ​ທັງ​ປ້ອຍດ່າ​ເພິ່ນ.

2 ຊາມູເອນ 19:27

ລາວ​ຕົວະ​ທ່ານ​ກ່ຽວກັບ​ເລື່ອງ​ຂ້ານ້ອຍ, ແຕ່​ທ່ານ​ເປັນ​ດັ່ງ​ເທວະດາ​ຂອງ​ພຣະເຈົ້າ; ສະນັ້ນ ຈົ່ງ​ເຮັດ​ຕາມ​ທີ່​ທ່ານ​ເຫັນ​ວ່າ​ຖືກຕ້ອງ​ເທີ້ນ.

2 ຊາມູເອນ 9:6

ເມື່ອ​ເມຟີໂບເຊັດ ລູກຊາຍ​ຂອງ​ໂຢນາທານ​ຫລານຊາຍ​ຂອງ​ໂຊນ​ເຂົ້າ​ມາ ລາວ​ກໍ​ກົ້ມ​ຂາບລົງ​ສະແດງ​ຄວາມ​ເຄົາຣົບ​ກະສັດ​ດາວິດ. ດາວິດ​ກ່າວ​ວ່າ, “ເມຟີໂບເຊັດ​ເອີຍ.” ແລະ​ລາວ​ຈຶ່ງ​ຕອບ​ວ່າ, “ຂ້ານ້ອຍ​ຂ້າ​ຮັບໃຊ້​ຂອງທ່ານ.”

2 ຊາມູເອນ 9:9

ແລ້ວ​ກະສັດ​ກໍ​ເອີ້ນ​ຊີບາ ຄົນ​ຮັບໃຊ້​ຂອງ​ກະສັດ​ໂຊນ​ມາ ແລະ​ບອກ​ລາວ​ວ່າ, “ເຮົາ​ໄດ້​ມອບ​ທຸກສິ່ງ​ທີ່​ເປັນ​ຂອງ​ກະສັດ​ໂຊນ​ກັບ​ຄອບຄົວ​ຂອງ​ເພິ່ນ ຄືນ​ໃຫ້​ແກ່​ເມຟີໂບເຊັດ​ຜູ້​ທີ່​ເປັນ​ຫລານຊາຍ​ຂອງ​ນາຍ​ເຈົ້າ​ແລ້ວ.

ອົບພະຍົບ 23:8

ຢ່າ​ຮັບ​ສິນບົນ ເພາະ​ສິນບົນ​ເຮັດ​ໃຫ້​ຄົນ​ຕາບອດ​ຕໍ່​ສິ່ງ​ທີ່​ຖືກຕ້ອງ ແລະ​ບິດເບືອນ​ຄະດີ​ຂອງ​ຜູ້​ບໍ່ມີ​ຄວາມຜິດ.

ສຸພາສິດ 18:13

ຟັງ​ກ່ອນ​ຈຶ່ງ​ຕອບ ການ​ຕອບ​ກ່ອນ​ໂດຍ​ບໍ່​ຟັງ​ເປັນ​ຄວາມ​ໂງ່ງ່າວ​ແລະ​ຄວາມ​ອັບອາຍ.

ສຸພາສິດ 18:17

ຄົນ​ທຳອິດ​ທີ່​ເວົ້າ​ໃນ​ສານ​ເບິ່ງ​ຄື​ເປັນ​ຜູ້​ຖືກຕ້ອງ ຈົນກວ່າ​ຄູ່ແຂ່ງ​ໂຕ້ແຍ້ງ​ລາວ​ຄືນ.

ສຸພາສິດ 19:2

ການ​ກະຕື​ລືລົ້ນ​ທີ່​ຂາດ​ຄວາມຮູ້​ບໍ່​ເປັນ​ການດີ ການ​ຟ້າວຟັ່ງ​ນຳ​ຄົນ​ໄປ​ສູ່​ຄວາມ​ຜິດພາດ.

ພຣະບັນຍັດສອງ 19:15

“ພະຍານ​ປາກ​ດຽວ​ບໍ່​ພຽງພໍ​ຈະ​ຢືນຢັນ​ກ່າວໂທດ​ຜູ້​ເຮັດ​ຜິດ​ໄດ້; ຢ່າງໜ້ອຍ​ຕ້ອງ​ມີ​ພະຍານ​ສອງ​ຄົນ​ຂຶ້ນ​ໄປ ຈຶ່ງ​ຈະ​ພິສູດ​ໄດ້​ວ່າ​ຄົນ​ນັ້ນ​ໄດ້​ເຮັດ​ຜິດ.