2 ຊາມູເອນ 16:21 - ພຣະຄຳພີສັກສິ

²¹ ອາຮີໂຕເຟນ​ຕອບ​ວ່າ, “ໃຫ້​ທ່ານ​ໄປ​ສົມສູ່​ກັບ​ພວກເມຍນ້ອຍ​ຂອງ​ພໍ່​ຂອງທ່ານ​ທີ່​ເພິ່ນ​ໄດ້​ປະ​ໄວ້​ໃຫ້​ເຝົ້າ​ຣາຊວັງ; ແລ້ວ​ທຸກໆ​ຄົນ​ໃນ​ຊາດ​ອິດສະຣາເອນ​ກໍ​ຈະ​ໄດ້​ຮູ້​ວ່າ ທ່ານ​ກັບ​ພໍ່​ຂອງທ່ານ​ເປັນ​ສັດຕູ​ກັນ ແລະ​ພວກ​ທີ່​ຕິດຕາມ​ທ່ານ​ກໍ​ຈະ​ມີ​ກຳລັງ​ໃຈ​ຫລາຍ​ຂຶ້ນ.”

2 ຊາມູເອນ 16:21 Jak'a apnaqawi uñst'ayäwi

ປະຖົມມະການ 34:30

ຢາໂຄບ​ຈຶ່ງ​ເວົ້າ​ກັບ​ຊີເມໂອນ​ແລະ​ເລວີ​ວ່າ, “ພວກເຈົ້າ​ກໍ່​ເລື່ອງ​ເດືອດຮ້ອນ​ມາ​ໃຫ້​ຂ້ອຍ​ແລ້ວ; ບັດນີ້ ຊາວ​ການາອານ, ຊາວ​ເປຣີຊີ ແລະ​ປະຊາຊົນ​ທຸກຄົນ​ໃນ​ດິນແດນ​ນີ້​ຈະ​ກຽດຊັງ​ຂ້ອຍ. ຖ້າ​ປະຊາຊົນ​ເຫຼົ່ານີ້​ພ້ອມໃຈ​ກັນ​ມາ​ໂຈມຕີ ຄອບຄົວ​ພວກເຮົາ​ກໍ​ຈະ​ຖືກ​ທຳລາຍ​ຖິ້ມ​ໝົດ ເພາະ​ຄົນ​ຂອງ​ພວກເຮົາ​ມີ​ບໍ່​ຫລາຍ.”

ປະຖົມມະການ 35:22

ເມື່ອ​ຢາໂຄບ​ໄດ້​ອາໄສ​ຢູ່​ໃນ​ດິນແດນ​ນັ້ນ ຣູເບັນ​ໄດ້​ລັກ​ນອນ​ນຳ​ນາງ​ບິນຮາ ເມຍນ້ອຍ​ຄົນ​ໜຶ່ງ​ຂອງ​ພໍ່​ຕົນ; ເມື່ອ​ຢາໂຄບ​ຮູ້​ເລື່ອງ​ນີ້ ເພິ່ນ​ກໍ​ຮ້າຍ​ຫຼາຍ. ຢາໂຄບ​ມີ​ລູກຊາຍ​ສິບສອງ​ຄົນ.

ປະຖົມມະການ 38:16

ເພິ່ນ​ຈຶ່ງ​ເຂົ້າ​ໄປ​ຫາ​ນາງ​ທີ່​ແຄມ​ທາງ ແລະ​ຖາມ​ວ່າ, “ນ້ອງສາວ​ໄປ​ນອນ​ກັບ​ອ້າຍ​ບໍ່?” (ເພິ່ນ​ບໍ່​ຮູ້​ວ່າ​ນາງ​ເປັນ​ລູກໃພ້​ຂອງ​ຕົນເອງ.) ນາງ​ຖາມ​ຄືນ​ວ່າ, “ອ້າຍ​ຈະ​ເອົາ​ຫຍັງ​ໃຫ້​ນ້ອງ?”

ປະຖົມມະການ 6:4

ໃນ​ສະໄໝ​ນັ້ນ ແລະ​ທັງ​ສະໄໝ​ຕໍ່ມາ ມີ​ຄົນ​ຮູບຮ່າງ​ໃຫຍ່​ທີ່​ເທິງ​ແຜ່ນດິນ​ໂລກ. ຄົນ​ພວກ​ນີ້​ເກີດ​ຈາກ​ຜູ້ຍິງ​ກັບ​ລູກຊາຍ​ທັງຫລາຍ​ຂອງ​ພຣະເຈົ້າ. ພວກເຂົາ​ເປັນ​ຄົນ​ເກັ່ງກ້າ​ສາມາດ​ຫລາຍ ແລະ​ເປັນ​ຄົນ​ທີ່​ມີ​ຊື່ສຽງ​ດີ​ໃນ​ສະໄໝ​ບູຮານ.

2 ຊາມູເອນ 10:6

ຊາວ​ອຳໂມນ​ຮູ້ຕົວ​ວ່າ​ພວກຕົນ​ໄດ້​ສ້າງ​ສັດຕູ​ກັບ​ກະສັດ​ດາວິດ. ດັ່ງນັ້ນ ພວກເຂົາ​ຈຶ່ງ​ໄປ​ຈ້າງ​ເອົາ​ທະຫານ​ຊີເຣຍ ຊາວພັນ​ຄົນ ຈາກ​ເມືອງ​ເບັດເຣໂຮບ ແລະ​ເມືອງ​ໂຊບາ ສິບສອງພັນ​ຄົນ ຈາກ​ເມືອງ​ໂຕບ ແລະ​ກະສັດ​ແຫ່ງ​ມາອາກາ​ພ້ອມ​ກັບ​ທະຫານ​ໜຶ່ງພັນ​ຄົນ.

2 ຊາມູເອນ 12:11

ພຣະເຈົ້າຢາເວ​ກ່າວ​ວ່າ, ‘ເຮົາ​ຈະ​ເຮັດ​ໃຫ້​ຜູ້ໜຶ່ງ​ໃນ​ຄອບຄົວ​ຂອງ​ເຈົ້າເອງ ນຳ​ເອົາ​ຄວາມ​ເດືອດຮ້ອນ​ມາ​ສູ່​ເຈົ້າ. ເຈົ້າ​ຈະ​ໄດ້​ເຫັນ​ເຫດການ​ນີ້ ເມື່ອ​ເຮົາ​ເອົາ​ເມຍ​ທັງຫລາຍ​ຂອງ​ເຈົ້າ​ໃຫ້​ແກ່​ຊາຍ​ອື່ນ ແລະ​ຊາຍ​ຄົນ​ນັ້ນ​ກໍ​ຈະ​ສົມສູ່​ກັບ​ພວກ​ນາງ​ຢ່າງ​ເປີດເຜີຍ.

2 ຊາມູເອນ 13:5

ໂຢນາດາບ​ກ່າວ​ຕໍ່​ລາວ​ວ່າ, “ໃຫ້​ເຈົ້າ​ທຳທ່າ​ໄຂ້​ແລະ​ເຂົ້າ​ໄປ​ນອນ. ເມື່ອ​ພໍ່​ຂອງ​ເຈົ້າ​ມາ​ເບິ່ງ​ໃຫ້​ເຈົ້າ​ບອກ​ເພິ່ນ​ວ່າ, ‘ກະລຸນາ​ຂໍ​ໃຫ້​ຕາມາ​ນ້ອງສາວ​ຂອງ​ຂ້ານ້ອຍ ມາ​ປ້ອນ​ເຂົ້າ​ຂ້ານ້ອຍ​ແດ່. ຂ້ານ້ອຍ​ຢາກ​ໃຫ້​ນາງ​ມາ​ທີ່​ນີ້ ເພື່ອ​ຈັດແຈ່ງ​ອາຫານ​ໃຫ້​ຂ້ານ້ອຍ​ໄດ້​ເຫັນ ແລະ​ໃຫ້​ນາງ​ເອງ​ເປັນ​ຜູ້​ປ້ອນ​ອາຫານ​ໃຫ້​ຂ້ານ້ອຍ​ກິນ.”’

2 ຊາມູເອນ 15:16

ດັ່ງນັ້ນ ກະສັດ​ພ້ອມ​ທຸກຄົນ​ໃນ​ຄອບຄົວ ແລະ​ບັນດາ​ຂ້າຣາຊການ​ຈຶ່ງ​ພາກັນ​ໜີໄປ ເວັ້ນໄວ້ແຕ່​ເມຍນ້ອຍ​ສິບ​ຄົນ ທີ່​ເພິ່ນ​ປະ​ໄວ້​ໃຫ້​ເຝົ້າ​ຣາຊວັງ.

2 ຊາມູເອນ 16:20

ແລ້ວ​ອັບຊາໂລມ​ກໍ​ຫັນ​ໜ້າ​ມາ​ເວົ້າ​ກັບ​ອາຮີໂຕເຟນ​ວ່າ, “ບັດນີ້ ພວກເຮົາ​ກໍ​ເຂົ້າ​ມາ​ຢູ່​ທີ່​ນີ້​ແລ້ວ; ຂໍ​ທ່ານ​ຈົ່ງ​ແນະນຳ​ພວກເຮົາ​ວ່າ​ຄວນ​ຈະ​ເຮັດ​ຢ່າງ​ໃດ?”

2 ຊາມູເອນ 17:7

ຮູຊາຍ​ຈຶ່ງ​ຕອບ​ວ່າ, “ຄຳແນະນຳ​ທີ່​ອາຮີໂຕເຟນ​ໃຫ້​ທ່ານ​ຄັ້ງ​ນີ້​ບໍ່​ເປັນ​ການ​ດີ.

2 ຊາມູເອນ 2:7

ສະນັ້ນ ຈົ່ງ​ເຂັ້ມແຂງ​ແລະ​ກ້າຫານ​ເຖີດ ໂຊນ​ກະສັດ​ຂອງ​ພວກທ່ານ​ໄດ້​ຕາຍໄປ​ແລ້ວ ແລະ​ປະຊາຊົນ​ຊາວ​ຢູດາ​ກໍໄດ້​ໃຊ້​ນໍ້າມັນ​ສັກສິດ​ຫົດສົງ​ຂ້າພະເຈົ້າ ໃຫ້​ເປັນ​ກະສັດ​ຂອງ​ພວກເຂົາ​ແລ້ວ.”

2 ຊາມູເອນ 20:3

ເມື່ອ​ກະສັດ​ດາວິດ​ມາ​ເຖິງ​ວັງ​ທີ່​ນະຄອນ​ເຢຣູຊາເລັມ​ແລ້ວ ເພິ່ນ​ກໍ​ເອົາ​ເມຍນ້ອຍ​ສິບ​ຄົນ​ທີ່​ເພິ່ນ​ປະ​ໄວ້​ໃຫ້​ເຝົ້າ​ວັງ​ໄປ​ຂັງ​ໄວ້. ເພິ່ນ​ລ້ຽງດູ​ພວກເຂົາ​ຕາມ​ຄວາມ​ຕ້ອງການ, ແຕ່​ບໍ່ໄດ້​ສົມສູ່​ກັບ​ພວກເຂົາ​ອີກ​ເລີຍ. ພວກ​ເຫຼົ່ານີ້​ຖືກ​ຂັງ​ໄວ້​ຢ່າງ​ນີ້ ແລະ​ຢູ່​ເປັນ​ຍິງໝ້າຍ​ຕະຫລອດ​ຊີວິດ.

1 ກະສັດ 11:25

ລາວ​ເປັນ​ສັດຕູ​ຄົນ​ໜຶ່ງ​ຂອງ​ຊາດ​ອິດສະຣາເອນ ຕະຫລອດ​ເວລາ​ທີ່​ກະສັດ​ໂຊໂລໂມນ​ຍັງ​ມີ​ຊີວິດ​ຢູ່. ລາວ​ໄດ້​ສ້າງ​ຄວາມ​ວຸ້ນວາຍ​ເໝືອນ​ດັ່ງ​ຮາດາດ​ໄດ້​ເຮັດ; ລາວ​ໄດ້​ກຽດຊັງ​ຊາດ​ອິດສະຣາເອນ ແລະ​ປົກຄອງ​ເໜືອ​ຊີເຣຍ.

1 ກະສັດ 2:17

ລາວ​ຕອບ​ວ່າ, “ກະລຸນາ​ຂໍ​ນຳ​ກະສັດ​ໂຊໂລໂມນ ໃຫ້​ເອົາ​ນາງ​ອາບີຊາກ ຍິງສາວ​ຊາວ​ເມືອງ​ຊູເນມ​ມາ​ເປັນ​ເມຍ​ຂອງຂ້ອຍ ຂ້ອຍ​ຮູ້​ວ່າ​ເພິ່ນ​ຄົງ​ຈະ​ບໍ່​ປະຕິເສດ​ເຈົ້າ​ດອກ.”

1 ກະສັດ 2:22

ກະສັດ​ຖາມ​ຄືນ​ວ່າ, “ເປັນຫຍັງ​ແມ່​ຈຶ່ງ​ຂໍຮ້ອງ​ລູກ​ຍົກ​ນາງ​ອາບີຊາກ​ຊາວ​ຊູເນມ​ໃຫ້​ລາວ​ເທົ່ານັ້ນ? ເປັນຫຍັງ​ແມ່​ບໍ່​ຂໍ​ໃຫ້​ລູກ​ຍົກ​ບັນລັງ​ໃຫ້​ລາວ. ເພາະ​ລາວ​ເປັນ​ອ້າຍ​ຂອງ​ລູກ ແລະ​ປະໂຣຫິດ​ອາບີອາທາ​ກັບ​ໂຢອາບ​ລູກຊາຍ​ຂອງ​ນາງ​ເຊຣູອີຢາ​ກໍ​ຢູ່​ຝ່າຍ​ລາວ”

ລະບຽບ^ພວກເລວີ 18:8

ຢ່າ​ເຮັດ​ໃຫ້​ພໍ່​ຂອງຕົນ​ຕ້ອງ​ອັບອາຍຂາຍໜ້າ ໂດຍ​ສົມສູ່​ກັບ​ເມຍ​ຄົນອື່ນໆ​ຂອງ​ເພິ່ນ.

ລະບຽບ^ພວກເລວີ 20:11

ຊາຍ​ຄົນ​ໜຶ່ງ​ທີ່​ສົມສູ່​ກັບ​ເມຍນ້ອຍ​ຄົນ​ໜຶ່ງ​ຂອງ​ພໍ່​ຕົນ ກໍ​ເຮັດ​ໃຫ້​ພໍ່​ຕົນ​ໄດ້​ຮັບ​ຄວາມ​ເສື່ອມເສຍ ແລະ​ອັບອາຍຂາຍໜ້າ; ຊາຍ​ຍິງ​ທັງສອງ​ຄົນ​ນັ້ນ​ຈະ​ຕ້ອງ​ຖືກ​ໂທດ​ເຖິງ​ຕາຍ. ພວກເຂົາ​ຮັບຜິດຊອບ​ຕໍ່​ການ​ຕາຍ​ຂອງ​ພວກເຂົາ​ເອງ.

ເຊກາຣີຢາ 8:13

ປະຊາຊົນ​ຢູດາ​ແລະ​ອິດສະຣາເອນ​ເອີຍ ໃນ​ອະດີດ​ນັ້ນ ຊາວ​ຕ່າງດ້າວ​ໄດ້​ສາບແຊ່ງ​ກັນແລະກັນ​ວ່າ, ‘ໃຫ້​ໄພພິບັດ​ທີ່​ຕົກ​ຖືກ​ຢູດາ​ແລະ​ອິດສະຣາເອນ​ນັ້ນ ຕົກ​ຖືກ​ພວກເຈົ້າ​ເຊັ່ນກັນ’ ແຕ່​ເຮົາ​ຈະ​ຊ່ວຍ​ພວກເຈົ້າ​ໃຫ້​ພົ້ນໄພ; ແລ້ວ​ບັນດາ​ຄົນຕ່າງດ້າວ​ເຫຼົ່ານັ້ນ​ກໍ​ຈະ​ເວົ້າ​ຕໍ່​ກັນແລະກັນ​ວ່າ, ‘ຂໍ​ໃຫ້​ພຣະພອນ​ທີ່​ໄດ້​ມາ​ສູ່​ຢູດາ​ແລະ​ອິດສະຣາເອນ​ນັ້ນ ມາ​ສູ່​ພວກເຈົ້າ​ເຊັ່ນກັນ.’ ສະນັ້ນ ຈົ່ງ​ກ້າຫານ​ແລະ​ຢ່າ​ຢ້ານກົວ​ເລີຍ.”

1 ໂກຣິນໂທ 5:1

ມີ​ຂ່າວ​ເລົ່າລື​ກັນ​ທົ່ວ​ໄປ​ວ່າ ໃນ​ທ່າມກາງ​ພວກເຈົ້າ​ນັ້ນ, ມີ​ການ​ຜິດ​ຊາຍຍິງ​ອັນ​ໜັກໜ່ວງ​ຫລາຍ ແມ່ນແຕ່​ໃນ​ພວກ​ຕ່າງຊາດ ກໍ​ບໍ່ເຄີຍ​ມີ​ເລີຍ ຄື​ມີ​ຊາຍ​ຄົນ​ໜຶ່ງ​ໄດ້​ເອົາ​ແມ່ນ້າ​ຂອງຕົນ​ມາ​ເປັນ​ເມຍ

1 ຊາມູເອນ 13:4

ເມື່ອ​ຊາວ​ອິດສະຣາເອນ​ທັງໝົດ​ໄດ້ຍິນ​ຂ່າວ​ວ່າ, ກະສັດ​ໂຊນ​ໄດ້​ຂ້າ​ຜູ້​ບັນຊາການ​ທະຫານ​ຟີລິດສະຕິນ ແລະ​ຊາວ​ຟີລິດສະຕິນ​ກໍ​ກຽດຊັງ​ພວກຕົນ. ສະນັ້ນ ພວກເຂົາ​ຈຶ່ງ​ຕອບ​ສະໜອງ​ຄຳ​ຮຽກຮ້ອງ ເພື່ອ​ເຂົ້າ​ໄປ​ສົມທົບ​ກັບ​ກະສັດ​ໂຊນ​ທີ່​ເມືອງ​ກິນການ.

1 ຊາມູເອນ 27:12

ສ່ວນ​ເຈົ້າ​ອາກີເຊ​ກໍ​ໄວ້ເນື້ອ​ເຊື່ອໃຈ​ດາວິດ ເພິ່ນ​ຄິດ​ຢູ່ໃນ​ໃຈ​ວ່າ, “ຊາວ​ອິດສະຣາເອນ​ຄົນ​ຊາດ​ດຽວກັນ​ກຽດຊັງ​ດາວິດ​ຫລາຍ​ທີ່ສຸດ. ສະນັ້ນ ລາວ​ຈະ​ຕ້ອງ​ຮັບໃຊ້​ເຮົາ​ຕະຫລອດ​ຊີວິດ​ຂອງ​ລາວ.”