2 ຊາມູເອນ 16:16 - ພຣະຄຳພີສັກສິ

¹⁶ ເມື່ອ​ຮູຊາຍ​ຊາວ​ອາກກິດ​ເພື່ອນ​ທີ່​ສັດຊື່​ຂອງ​ກະສັດ​ດາວິດ​ໄດ້​ພົບ​ອັບຊາໂລມ ລາວ​ຈຶ່ງ​ຮ້ອງ​ຂຶ້ນ​ວ່າ, “ຂໍ​ໃຫ້​ກະສັດ ຈົ່ງ​ໝັ້ນຍືນ ຂໍ​ໃຫ້​ກະສັດ ຈົ່ງ​ໝັ້ນຍືນ.”

2 ຊາມູເອນ 16:16 Jak'a apnaqawi uñst'ayäwi

2 ຊາມູເອນ 15:32

ເມື່ອ​ກະສັດ​ດາວິດ​ຂຶ້ນ​ໄປ​ຮອດ​ເທິງ​ເນີນພູ​ບ່ອນ​ມີ​ທີ່​ນະມັດສະການ​ພຣະເຈົ້າ, ຮູຊາຍ​ຄົນ​ຊາວ​ເມືອງ​ອາກກິດ ແລະ​ເປັນ​ເພື່ອນ​ສະໜິດ​ຂອງ​ເພິ່ນ​ກໍ​ມາ​ພົບ. ລາວ​ຈີກ​ເສື້ອຜ້າ​ແລະ​ໂຮຍ​ຂີ້ຝຸ່ນ​ດິນ​ໃສ່​ຫົວ.

2 ຊາມູເອນ 15:34

ແຕ່​ເຈົ້າ​ຊ່ວຍ​ຂ້ອຍ​ໄດ້​ໂດຍ​ກັບຄືນ​ເມືອ​ຢູ່​ໃນ​ເມືອງ ແລະ​ບອກ​ອັບຊາໂລມ​ວ່າ, ເຈົ້າ​ຈະ​ຮັບໃຊ້​ລາວ​ຢ່າງ​ສັດຊື່​ດັ່ງ​ທີ່​ເຈົ້າ​ໄດ້​ຮັບໃຊ້​ພໍ່​ຂອງ​ລາວ. ແລະ​ໃຫ້​ເຈົ້າ​ເຮັດ​ທຸກສິ່ງ​ສຸດ​ຄວາມ​ສາມາດ ເພື່ອ​ຄັດຄ້ານ​ຄຳແນະນຳ​ຂອງ​ອາຮີໂຕເຟນ.

2 ຊາມູເອນ 15:37

ດັ່ງນັ້ນ ຮູຊາຍ​ເພື່ອນ​ສະໜິດ​ຂອງ​ກະສັດ​ດາວິດ​ຈຶ່ງ​ກັບຄືນ​ເມືອ​ໃນ​ເມືອງ ຊຶ່ງ​ພໍດີ​ເປັນ​ເວລາ​ທີ່​ອັບຊາໂລມ​ມາ​ຮອດ.

1 ກະສັດ 1:25

ເພາະ​ໃນວັນນີ້​ເອງ ລາວ​ໄດ້​ໄປ​ຖວາຍບູຊາ​ງົວເຖິກ, ແກະ ແລະ​ງົວ​ນ້ອຍ​ໂຕ​ອ້ວນພີ​ຫລາຍ​ໂຕ. ລາວ​ໄດ້​ເຊີນ​ພວກ​ລູກຊາຍ​ຂອງ​ກະສັດ​ທຸກຄົນ, ໂຢອາບ​ຜູ້​ບັນຊາການ​ກອງທັບ​ຂອງທ່ານ ແລະ​ປະໂຣຫິດ​ອາບີອາທາ; ດຽວ​ນີ້ ພວກເຂົາ​ກຳລັງ​ກິນລ້ຽງ​ຮ່ວມ​ກັບ​ລາວ​ພ້ອມ​ທັງ​ຮ້ອງໂຮ​ວ່າ, ‘ຂໍ​ໃຫ້​ກະສັດ​ອາໂດນີຢາ​ຈົ່ງ​ໝັ້ນຍືນ.’

1 ກະສັດ 1:34

ໃນ​ທີ່ນັ້ນ ໃຫ້​ປະໂຣຫິດ​ຊາດົກ​ແລະ​ຜູ້ທຳນວາຍ​ນາທານ​ຫົດສົງ​ແຕ່ງຕັ້ງ​ລາວ​ເປັນ​ກະສັດ​ແຫ່ງ​ຊາດ​ອິດສະຣາເອນ. ແລ້ວ​ໃຫ້​ເປົ່າແກ​ແລະ​ຮ້ອງໂຮ​ຂຶ້ນ​ວ່າ, ‘ຂໍ​ໃຫ້​ກະສັດ​ໂຊໂລໂມນ​ຈົ່ງ​ໝັ້ນຍືນ.’

1 ກະສັດ 4:5

ອາຊາຣີຢາ ລູກຊາຍ​ຂອງ​ນາທານ​ເປັນ​ຫົວໜ້າ​ຜູ້ປົກຄອງ​ແຂວງ​ຕ່າງໆ. ປະໂຣຫິດ​ຊາບຸດ ລູກຊາຍ​ຂອງ​ນາທານ​ເປັນ​ທີ່ປຶກສາ​ຂອງ​ກະສັດ.

2 ກະສັດ 11:12

ແລ້ວ​ເຢໂຮຍອາດາ​ກໍ​ພາ​ໂຢອາດ​ອອກ​ມາ, ສວມ​ມົງກຸດ​ໃສ່​ຫົວ​ໃຫ້​ເພິ່ນ ແລະ​ມອບ​ກົດບັນຍັດ​ການປົກຄອງ ຊຶ່ງ​ເປັນ​ເອກະສານ​ສະແດງ​ເຖິງ​ຕຳແໜ່ງ​ຂອງ​ກະສັດ​ໃຫ້​ເພິ່ນ. ໂຢອາດ​ໄດ້​ຮັບ​ການ​ຫົດສົງ​ແຕ່ງຕັ້ງ​ໃຫ້​ເປັນ​ກະສັດ. ປະຊາຊົນ​ພາກັນ​ຕົບມື ແລະ​ຮ້ອງໂຮ​ຂຶ້ນ​ວ່າ, “ຂໍ​ໃຫ້​ກະສັດ​ຈົ່ງ​ໝັ້ນຍືນ.”

ດານີເອນ 2:4

ພວກເຂົາ​ໄດ້​ຕອບ​ກະສັດ​ເປັນ​ພາສາ​ອາຣາມິກ​ວ່າ, “ຂໍ​ໃຫ້​ພະຣາຊາ​ຂອງ​ພວກ​ຂ້ານ້ອຍ ຈົ່ງ​ໝັ້ນຍືນ​ຕະຫລອດໄປ​ເທີ້ນ ຂໍ​ເລົ່າ​ຄວາມຝັນ​ໃຫ້​ພວກ​ຂ້ານ້ອຍ​ຟັງ​ເບິ່ງດູ ແລະ​ພວກ​ຂ້ານ້ອຍ​ກໍ​ຈະ​ແກ້​ຄວາມຝັນ​ນັ້ນ​ໃຫ້.”

ດານີເອນ 5:10

ເມື່ອ​ຣາຊີນີ​ຜູ້​ເປັນ​ມານດາ​ໄດ້ຍິນ​ສຽງ​ຮ້ອງ​ຂອງ​ກະສັດ ແລະ​ພວກ​ເຈົ້ານາຍ, ນາງ​ຈຶ່ງ​ເຂົ້າ​ໄປ​ໃນ​ຫ້ອງ​ກິນລ້ຽງ​ໃຫຍ່ ແລະ​ເວົ້າ​ວ່າ, “ຂໍ​ໃຫ້​ພະຣາຊາ​ຈົ່ງ​ໝັ້ນຍືນ ຂໍ​ຢ່າ​ກັງວົນ​ແລະ​ໜ້າຊີດ​ໄປ​ເລີຍ.

ດານີເອນ 6:21

ດານີເອນ​ຕອບ​ວ່າ, “ຂໍ​ໃຫ້​ພະຣາຊາ​ຈົ່ງ​ໝັ້ນຍືນ​ຕະຫລອດໄປ​ເຖີດ

ດານີເອນ 6:6

ດັ່ງນັ້ນ ພວກເຂົາ​ຈຶ່ງ​ເຂົ້າ​ໄປ​ຫາ​ກະສັດ​ແລະ​ກ່າວ​ວ່າ, “ຂ້າແດ່​ພະຣາຊາ​ດາຣິອຸດ ຂໍ​ໃຫ້​ພະຣາຊາ​ຈົ່ງ​ໝັ້ນຍືນ​ຕະຫລອດໄປ​ເຖີດ

ມັດທາຍ 21:9

ປະຊາຊົນ​ທີ່​ຍ່າງ​ໄປ​ທາງ​ຫລັງ​ພຣະອົງ​ຮ້ອງ​ຂຶ້ນ​ວ່າ, “ໂຮຊັນນາ ແດ່​ບຸດ​ຂອງ​ດາວິດ ຂໍ​ພຣະເຈົ້າ​ອວຍພອນ​ທ່ານ​ຜູ້​ທີ່​ສະເດັດ​ມາ​ໃນ​ນາມ​ຂອງ​ອົງພຣະ​ຜູ້​ເປັນເຈົ້າ ຈົ່ງ​ຊົງ​ພຣະ​ຈະເລີນ ໂຮຊັນນາ​ໃນ​ທີ່​ສູງສຸດ.”

1 ຊາມູເອນ 10:24

ຊາມູເອນ​ກ່າວ​ແກ່​ປະຊາຊົນ​ວ່າ, “ຜູ້​ນີ້​ແມ່ນ​ຊາຍ​ທີ່​ພຣະເຈົ້າຢາເວ​ໄດ້​ເລືອກ​ເອົາ ບໍ່ມີ​ຜູ້ໃດ​ໃນ​ທ່າມກາງ​ພວກເຈົ້າ​ຄື​ກັບ​ລາວ.” ປະຊາຊົນ​ຈຶ່ງ​ພາກັນ​ຮ້ອງ​ຂຶ້ນ​ວ່າ, “ຂໍ​ໃຫ້​ກະສັດ​ຈົ່ງ​ໝັ້ນຍືນ!”