2 ຊາມູເອນ 15:10 - ພຣະຄຳພີສັກສິ

¹⁰ ແຕ່​ລາວ​ໄດ້​ສົ່ງ​ຄົນນຳຂ່າວ​ໄປ​ບອກ​ທຸກໆເຜົ່າ​ໃນ​ຊາດ​ອິດສະຣາເອນ​ວ່າ, “ເມື່ອໃດ​ທີ່​ພວກເຈົ້າ​ໄດ້ຍິນ​ສຽງ​ແກ​ດັງ​ຂຶ້ນ ໃຫ້​ພວກເຈົ້າ​ຮ້ອງ​ຂຶ້ນ​ວ່າ, ‘ອັບຊາໂລມ​ໄດ້​ເປັນ​ກະສັດ​ທີ່​ເມືອງ​ເຮັບໂຣນ​ແລ້ວ.”’

2 ຊາມູເອນ 15:10 Jak'a apnaqawi uñst'ayäwi

2 ຊາມູເອນ 13:28

ແລະ​ອັບຊາໂລມ​ໄດ້​ແນະນຳ​ຄົນ​ຮັບໃຊ້​ຂອງຕົນ​ວ່າ, “ໃຫ້​ພວກເຈົ້າ​ສັງເກດ​ເບິ່ງ​ອຳໂນນ ຖ້າ​ລາວ​ດື່ມ​ເຫຼົ້າ​ເມົາ​ຫລາຍ​ແລ້ວ ເມື່ອ​ຂ້ອຍ​ອອກ​ຄຳສັ່ງ ໃຫ້​ພາກັນ​ຂ້າ​ລາວ​ໂລດ. ພວກເຈົ້າ​ບໍ່​ຕ້ອງ​ຢ້ານ. ຂ້ອຍ​ຈະ​ເປັນ​ຜູ້​ຮັບຜິດຊອບ​ເອງ. ຈົ່ງ​ກ້າຫານ​ແລະ​ຢ່າ​ລັ່ງເລ​ໃຈ.”

2 ຊາມູເອນ 14:30

ດັ່ງນັ້ນ ອັບຊາໂລມ​ຈຶ່ງ​ບອກ​ຄົນ​ຮັບໃຊ້​ຂອງຕົນ​ວ່າ, “ເບິ່ງ​ພຸ້ນ​ແມ ທົ່ງນາ​ຂອງ​ໂຢອາບ​ກໍ​ຢູ່​ໃກ້​ທົ່ງນາ​ຂອງຂ້ອຍ​ນີ້​ເອງ ຕົ້ນ​ເຂົ້າເດືອຍ​ເກີດ​ເຕັມ​ທົ່ງນາ. ໄປ​ຈູດ​ມັນ​ຖິ້ມ​ເສຍ.” ພວກ​ຄົນ​ຮັບໃຊ້​ຈຶ່ງ​ໄປ​ຈູດ​ເຂົ້າ​ໃນ​ທົ່ງນາ​ນັ້ນ​ຖິ້ມ​ໝົດ.

2 ຊາມູເອນ 15:9

ກະສັດ​ຕອບ​ວ່າ, “ຈົ່ງ​ໄປ​ດີ​ເທີ້ນ.” ແລ້ວ​ອັບຊາໂລມ​ກໍ​ຈາກ​ໄປ​ສູ່​ເມືອງ​ເຮັບໂຣນ.

2 ຊາມູເອນ 19:10

ພວກເຮົາ​ໄດ້​ຫົດສົງ​ອັບຊາໂລມ​ໃຫ້​ເປັນ​ກະສັດ ແຕ່​ອັບຊາໂລມ​ໄດ້​ຖືກ​ຂ້າ​ຢູ່​ໃນ​ສະໜາມຮົບ​ແລ້ວ. ດັ່ງນັ້ນ ເປັນຫຍັງ​ຈຶ່ງ​ບໍ່ມີ​ຜູ້ໃດ ໄປ​ເຊີນ​ເອົາ​ກະສັດ​ດາວິດ​ກັບຄືນ​ມາ​ປົກຄອງ.”

2 ຊາມູເອນ 2:1

ຫລັງຈາກ​ນັ້ນ​ແລ້ວ ດາວິດ​ກໍ​ຖາມ​ພຣະເຈົ້າຢາເວ​ວ່າ, “ຂ້ານ້ອຍ​ຄວນ​ໄປ​ຢຶດເອົາ​ເມືອງ​ໜຶ່ງ​ໃນ​ຢູດາຍ​ຫລື​ບໍ່?” ພຣະເຈົ້າຢາເວ​ຕອບ​ເພິ່ນ​ວ່າ, “ໄປ​ຢຶດເອົາ.” ດາວິດ​ຖາມ​ວ່າ, “ເມືອງໃດ?” ພຣະອົງ​ກ່າວ​ວ່າ, “ເມືອງ​ເຮັບໂຣນ.”

2 ຊາມູເອນ 2:11

ແລະ​ກະສັດ​ດາວິດ​ໄດ້​ປົກຄອງ​ຊາວ​ຢູດາ​ຢູ່​ໃນ​ເມືອງ​ເຮັບໂຣນ​ເຈັດ​ປີ​ເຄິ່ງ.

2 ຊາມູເອນ 5:5

ເພິ່ນ​ໄດ້​ປົກຄອງ​ອານາຈັກ​ຢູດາຍ​ຢູ່​ທີ່​ເມືອງ​ເຮັບໂຣນ​ເປັນ​ເວລາ​ເຈັດ​ປີ​ກັບ​ຫົກ​ເດືອນ ແລະ​ປົກຄອງ​ອານາຈັກ​ອິດສະຣາເອນ ແລະ​ຢູດາຍ​ຢູ່​ທີ່​ນະຄອນ​ເຢຣູຊາເລັມ​ເປັນ​ເວລາ​ສາມສິບສາມ​ປີ.

1 ກະສັດ 1:11

ແລ້ວ​ນາທານ​ກໍ​ໄປ​ຫາ​ຣາຊິນີ​ບັດເຊບາ​ແມ່​ຂອງ​ໂຊໂລໂມນ ແລະ​ຖາມ​ເພິ່ນ​ວ່າ, “ຣາຊິນີ​ໄດ້ຍິນ​ບໍ່​ວ່າ​ອາໂດນີຢາ ລູກຊາຍ​ຂອງ​ຍານາງ​ຮັກກິດ ໄດ້​ແຕ່ງຕັ້ງ​ຕົນເອງ​ຂຶ້ນ​ເປັນ​ກະສັດ ແລະ​ກະສັດ​ດາວິດ​ກໍ​ບໍ່​ຮູ້​ຫຍັງ​ເລີຍ​ໃນ​ເລື່ອງ​ນີ້.

1 ກະສັດ 1:34

ໃນ​ທີ່ນັ້ນ ໃຫ້​ປະໂຣຫິດ​ຊາດົກ​ແລະ​ຜູ້ທຳນວາຍ​ນາທານ​ຫົດສົງ​ແຕ່ງຕັ້ງ​ລາວ​ເປັນ​ກະສັດ​ແຫ່ງ​ຊາດ​ອິດສະຣາເອນ. ແລ້ວ​ໃຫ້​ເປົ່າແກ​ແລະ​ຮ້ອງໂຮ​ຂຶ້ນ​ວ່າ, ‘ຂໍ​ໃຫ້​ກະສັດ​ໂຊໂລໂມນ​ຈົ່ງ​ໝັ້ນຍືນ.’

2 ກະສັດ 9:13

ໃນ​ທັນໃດນັ້ນ ໝູ່​ເພື່ອນ​ນາຍ​ທະຫານ​ຂອງ​ເຢຮູ​ກໍ​ເອົາ​ເສື້ອຄຸມ​ຂອງ​ພວກຕົນ ປູ​ໃສ່​ຂັ້ນໄດ​ໃຫ້​ເຢຮູ​ຢືນ​ຢຽບ. ພວກເຂົາ​ເປົ່າ​ແກ ແລະ​ຮ້ອງ​ຂຶ້ນ​ວ່າ, “ເຢຮູ ເປັນ​ກະສັດ.”

1 ຂ່າວຄາວ 11:3

ດັ່ງນັ້ນ ຜູ້ນຳ​ທັງໝົດ​ຂອງ​ຊາດ​ອິດສະຣາເອນ​ຈຶ່ງ​ມາ​ຫາ​ກະສັດ​ດາວິດ​ທີ່​ເຮັບໂຣນ. ເພິ່ນ​ໄດ້​ເຮັດ​ສັນຍາ​ເປັນ​ພັນທະມິດ​ກັບ​ພວກເຂົາ​ທີ່​ເຮັບໂຣນ​ຕໍ່ໜ້າ​ພຣະເຈົ້າຢາເວ. ພວກເຂົາ​ໄດ້​ໃຊ້​ນໍ້າມັນ​ສັກສິດ​ຫົດສົງ​ເພິ່ນ ແລະ​ແຕ່ງຕັ້ງ​ເພິ່ນ​ໃຫ້​ເປັນ​ກະສັດ​ແຫ່ງ​ຊາດ​ອິດສະຣາເອນ ຕາມ​ຖ້ອຍຄຳ​ທີ່​ພຣະເຈົ້າຢາເວ​ໄດ້​ກ່າວ​ໄວ້​ຜ່ານ​ທາງ​ຊາມູເອນ.

1 ຂ່າວຄາວ 12:23

ເມື່ອ​ດາວິດ​ຢູ່​ທີ່​ເຮັບໂຣນ​ນັ້ນ ມີ​ທະຫານ​ທີ່​ຮັບ​ການ​ຝຶກແອບ​ແລ້ວ​ຫລາຍ​ຄົນ​ໄດ້​ເຂົ້າ​ຮ່ວມ​ໃນ​ກອງທັບ​ຂອງ​ເພິ່ນ ເພື່ອ​ຊ່ວຍ​ເພິ່ນ​ໃຫ້​ໄດ້​ຂຶ້ນ​ເປັນ​ກະສັດ​ແທນ​ໂຊນ ຕາມ​ຖ້ອຍຄຳ​ທີ່​ພຣະເຈົ້າຢາເວ​ໄດ້​ກ່າວ​ໄວ້. ຈຳນວນ​ທະຫານ​ຈາກ​ເຜົ່າ​ຕ່າງໆ ມີ​ດັ່ງນີ້:

1 ຂ່າວຄາວ 12:38

ພວກ​ທະຫານ​ທັງໝົດ​ເຫຼົ່ານີ້​ໄດ້​ໄປ​ທີ່​ເຮັບໂຣນ​ຕຽມພ້ອມ​ສູ້ຮົບ ເພື່ອ​ຕັ້ງໃຈ​ຊ່ວຍ​ດາວິດ​ໃຫ້​ຂຶ້ນ​ເປັນ​ກະສັດ​ປົກຄອງ​ຊາດ​ອິດສະຣາເອນ​ທັງໝົດ. ສ່ວນ​ປະຊາຊົນ​ອິດສະຣາເອນ​ທີ່​ເຫຼືອ​ຢູ່​ນັ້ນ ກໍ​ລ້ວນແລ້ວແຕ່​ເປັນ​ນໍ້າໜຶ່ງ​ໃຈ​ດຽວກັນ.