2 ຊາມູເອນ 14:11 - ພຣະຄຳພີສັກສິ

¹¹ ນາງ​ເວົ້າ​ວ່າ, “ຂ້າແດ່​ພະຣາຊາ ກະລຸນາ​ພາວັນນາ​ອະທິຖານ​ພຣະເຈົ້າຢາເວ ພຣະເຈົ້າ​ຂອງ​ທ່ານ ເພື່ອ​ວ່າ​ຍາດຕິພີ່ນ້ອງ​ຂອງ​ຂ້ານ້ອຍ ຜູ້​ທີ່​ຮັບຜິດຊອບ​ແກ້ແຄ້ນ​ຕໍ່​ການ​ຕາຍ​ຂອງ​ລູກຊາຍ​ຂ້ານ້ອຍ​ນັ້ນ ຈະ​ບໍ່​ເຮັດ​ຜິດ​ອັນ​ຮ້າຍແຮງ​ກວ່າ​ນັ້ນ ໂດຍ​ຂ້າ​ລູກຊາຍ​ຄົນ​ໜຶ່ງ​ອີກ​ຂອງ​ຂ້ານ້ອຍ.” ກະສັດ​ດາວິດ​ຕອບ​ວ່າ, “ເຮົາ​ສັນຍາ​ໂດຍ​ພຣະເຈົ້າຢາເວ​ອົງ​ຊົງ​ຊີວິດ​ຢູ່ ວ່າ​ລູກຊາຍ​ອີກ​ຄົນ​ໜຶ່ງ​ຂອງ​ເຈົ້າ​ຈະ​ບໍ່​ຖືກ​ທຳຮ້າຍ​ແຕ່​ຢ່າງໃດ​ໝົດ.”

2 ຊາມູເອນ 14:11 Jak'a apnaqawi uñst'ayäwi

ປະຖົມມະການ 14:22

ແຕ່​ອັບຣາມ​ຕອບ​ວ່າ, “ຂ້ານ້ອຍ​ສາບານ​ໄວ້​ຢ່າງ​ເຄັ່ງຄັດ ຢູ່​ຊ້ອງໜ້າ​ພຣະເຈົ້າຢາເວ​ພຣະເຈົ້າ​ຜູ້​ສູງສຸດ ພຣະ​ຜູ້​ສ້າງ​ສະຫວັນ​ກັບ​ແຜ່ນດິນ​ໂລກ​ແລ້ວ​ວ່າ,

ປະຖົມມະການ 31:50

ລາບານ​ເວົ້າ​ຕໍ່ໄປ​ວ່າ, “ຖ້າ​ເຈົ້າ​ຂົ່ມເຫັງ​ລູກສາວ​ຂອງຂ້ອຍ ຫລື​ແຕ່ງງານ​ກັບ​ຍິງ​ອື່ນ​ອີກ; ເຖິງ​ແມ່ນ​ຂ້ອຍ​ບໍ່​ຮູ້​ກໍຕາມ ຈົ່ງ​ຈົດຈຳ​ໄວ້​ວ່າ​ພຣະເຈົ້າ​ຄອຍ​ເຝົ້າ​ເບິ່ງ​ພວກເຮົາ​ສະເໝີ.” ລາບານ​ເວົ້າ​ຕໍ່​ຢາໂຄບ​ວ່າ,

2 ຊາມູເອນ 14:10

ກະສັດ​ຕອບ​ວ່າ, “ຖ້າ​ຜູ້ໃດ​ຜູ້ໜຶ່ງ​ຂູ່ເຂັນ​ເຈົ້າ ຈົ່ງ​ນຳ​ເອົາ​ລາວ​ມາ​ຫາ​ເຮົາ ແລ້ວ​ລາວ​ກໍ​ຈະ​ບໍ່​ລົບກວນ​ເຈົ້າ​ອີກ​ຕໍ່ໄປ.”

2 ຊາມູເອນ 14:12

ຍິງ​ນັ້ນ​ເວົ້າ​ວ່າ, “ຂ້າແດ່​ພະຣາຊາ ກະລຸນາ​ໃຫ້​ຂ້ານ້ອຍ​ເວົ້າ​ຕື່ມ​ຈັກ​ຄຳ​ໜຶ່ງ​ແດ່ທ້ອນ.” ເພິ່ນ​ຕອບ​ວ່າ, “ຈົ່ງ​ເວົ້າ​ມາ.”

2 ຊາມູເອນ 14:21

ຕໍ່ມາ ກະສັດ​ຈຶ່ງ​ເວົ້າ​ກັບ​ໂຢອາບ​ວ່າ, “ເຮົາ​ຕັດສິນໃຈ​ແລ້ວ​ທີ່​ຈະ​ເຮັດ​ຕາມ​ເຈົ້າ​ຕ້ອງການ. ຈົ່ງ​ໄປ​ນຳ​ເອົາ​ຊາຍໜຸ່ມ​ອັບຊາໂລມ​ກັບຄືນ​ມາ​ສາ.”

1 ກະສັດ 1:52

ກະສັດ​ໂຊໂລໂມນ​ຕອບ​ວ່າ, “ຖ້າ​ລາວ​ສັດຊື່​ແທ້ ແມ່ນແຕ່​ຜົມ​ເສັ້ນ​ໜຶ່ງ​ຂອງ​ລາວ​ກໍ​ຈະ​ບໍ່​ຖືກ​ແຕະຕ້ອງ; ແຕ່​ຖ້າ​ລາວ​ບໍ່​ສັດຊື່​ລາວ​ຈະ​ຕ້ອງ​ຕາຍ.”

ເຢເຣມີຢາ 4:2

ການ​ທີ່​ພວກເຈົ້າ​ຈະ​ສາບານ​ໃນ​ນາມ​ຂອງ​ພຣະເຈົ້າຢາເວ​ອົງ​ຊົງ​ພຣະຊົນຢູ່​ກໍ​ເປັນ​ການ​ຖືກຕ້ອງ​ແລ້ວ ທຸກໆ​ຊົນຊາດ​ກໍ​ຈະ​ຂໍ​ເຮົາ​ອວຍພອນ​ພວກເຂົາ ແລະ​ພວກເຂົາ​ກໍ​ຈະ​ສັນລະເສີນ​ເຮົາ.”

ຈົດບັນຊີ 35:19

ພີ່ນ້ອງ​ຜູ້​ໃກ້ຊິດ​ຂອງ​ຜູ້​ຕາຍ​ຕ້ອງ​ຮັບຜິດຊອບ ລົງໂທດ​ຜູ້ຂ້າຄົນ​ນັ້ນ​ໃຫ້​ເຖິງ​ຕາຍ. ເມື່ອ​ຫາ​ຕົວ​ພົບ​ເມື່ອໃດ ໃຫ້​ຂ້າ​ຖິ້ມ​ເມື່ອນັ້ນ.

ຈົດບັນຊີ 35:21

ຫລື​ຕົບຕີ​ລາວ​ດ້ວຍ​ກຳປັ້ນ​ໃຫ້​ເຖິງ​ຕາຍ ຜູ້ນັ້ນ​ກໍ​ມີ​ໂທດ​ໃນ​ຖານ​ເປັນ​ຜູ້ຂ້າຄົນ ແລະ​ໃຫ້​ລົງໂທດ​ເຖິງ​ຕາຍ. ພີ່ນ້ອງ​ຜູ້​ໃກ້ຊິດ​ຂອງ​ຜູ້​ຕາຍ​ຕ້ອງ​ຮັບຜິດຊອບ ລົງໂທດ​ຜູ້ຂ້າຄົນ​ນັ້ນ​ໃຫ້​ເຖິງ​ຕາຍ. ເມື່ອ​ຫາ​ຕົວ​ພົບ​ເມື່ອໃດ ໃຫ້​ຂ້າ​ຖິ້ມ​ເມື່ອນັ້ນ.

ຈົດບັນຊີ 35:27

ແລະ​ຖ້າ​ຍາດຕິພີ່ນ້ອງ​ຂອງ​ຜູ້​ຕາຍ​ຫາກ​ພົບ​ເຫັນ​ລາວ​ຢູ່​ນອກ​ເມືອງ​ລີ້ໄພ ແລະ​ຂ້າ​ລາວ ການ​ແກ້ແຄ້ນ​ເຊັ່ນນີ້​ກໍ​ບໍ່​ແມ່ນ​ການ​ຄາດຕະກຳ.

ມັດທາຍ 10:30

ສຳລັບ​ພວກເຈົ້າ​ແມ່ນແຕ່​ຜົມ​ເທິງ​ຫົວ​ຂອງ​ເຈົ້າ ກໍ​ຖືກ​ນັບ​ໄວ້​ໝົດ​ທຸກ​ເສັ້ນ​ແລ້ວ.

ກິດຈະການ 27:34

ດັ່ງນັ້ນ ເຮົາ​ຈຶ່ງ​ຂໍ​ເຊີນຊວນ​ໃຫ້​ພວກທ່ານ​ກິນ​ອາຫານ ເພາະ​ພວກທ່ານ​ຕ້ອງການ​ກິນ​ອາຫານ​ເພື່ອ​ໃຫ້​ຢູ່​ລອດ. ດ້ວຍວ່າ, ບໍ່ມີ​ຜູ້ໃດ​ຜູ້ໜຶ່ງ​ໃນ​ພວກທ່ານ ຈະ​ສູນເສຍ​ແມ່ນແຕ່​ຜົມ​ເສັ້ນ​ດຽວ​ທີ່​ຫົວ​ຂອງຕົນ.”

1 ຊາມູເອນ 14:45

ແຕ່​ປະຊາຊົນ​ເວົ້າ​ຕໍ່​ກະສັດ​ໂຊນ​ວ່າ, “ຈະ​ໃຫ້​ໂຢນາທານ ຜູ້​ທີ່​ນຳ​ໄຊຊະນະ​ອັນ​ຍິ່ງໃຫຍ່​ມາ​ສູ່​ຊາດ​ອິດສະຣາເອນ​ຖືກ​ຂ້າ​ຊັ້ນບໍ? ບໍ່ໄດ້ ພວກ​ຂ້ານ້ອຍ​ຂໍ​ສັນຍາ​ຕໍ່​ພຣະເຈົ້າຢາເວ​ອົງ​ຊົງ​ຊີວິດ​ຢູ່​ວ່າ ແມ່ນແຕ່​ຜົມ​ເສັ້ນ​ໜຶ່ງ​ທີ່​ຫົວ​ຂອງ​ເພິ່ນ​ຈະ​ບໍ່​ໃຫ້​ສູນເສຍ​ໄປ. ສິ່ງ​ທີ່​ເພິ່ນ​ໄດ້​ເຮັດ​ໃນ​ມື້ນີ້ ແມ່ນ​ການ​ຊ່ວຍເຫລືອ​ຂອງ​ພຣະເຈົ້າ.” ສະນັ້ນ ປະຊາຊົນ​ຈຶ່ງ​ຊ່ວຍ​ໂຢນາທານ​ບໍ່​ໃຫ້​ຖືກ​ຂ້າ.

1 ຊາມູເອນ 20:42

ໂຢນາທານ​ເວົ້າ​ກັບ​ດາວິດ​ວ່າ, “ຈົ່ງ​ໄປ​ດ້ວຍ​ຄວາມ​ສະຫງົບສຸກ ຕາມທີ່​ເຮົາ​ທັງສອງ​ໄດ້​ສາບານ​ໃນ​ນາມ​ຂອງ​ພຣະເຈົ້າຢາເວ​ວ່າ, ພຣະເຈົ້າຢາເວ​ຈະ​ໂຜດ​ໃຫ້​ເຈົ້າ​ກັບ​ຂ້ອຍ ແລະ​ເຊື້ອສາຍ​ຂອງ​ເຈົ້າ​ກັບ​ເຊື້ອສາຍ​ຂອງຂ້ອຍ​ເປັນ​ມິດ​ຕໍ່ກັນ​ຕະຫລອດໄປ​ຢ່າງ​ແນ່ນອນ.” ແລ້ວ​ດາວິດ​ກໍ​ຈາກ​ໄປ ແລະ​ໂຢນາທານ​ໄດ້​ກັບເມືອ​ໃນເມືອງ.

1 ຊາມູເອນ 28:10

ແລ້ວ​ກະສັດ​ໂຊນ​ກໍ​ສາບານ​ໂດຍ​ພຣະເຈົ້າຢາເວ​ຕໍ່​ຍິງນັ້ນ​ວ່າ, “ຂ້ອຍ​ຂໍ​ສັນຍາ​ໂດຍ​ພຣະເຈົ້າຢາເວ​ອົງ​ຊົງ​ຊີວິດ​ຢູ່​ວ່າ ເຈົ້າ​ຈະ​ບໍ່​ຖືກ​ລົງໂທດ​ທີ່​ເຈົ້າ​ກະທຳ​ເຊັ່ນນີ້.”