2 ຊາມູເອນ 13:3 - ພຣະຄຳພີສັກສິ

³ ອຳໂນນ​ມີ​ໝູ່​ຄົນ​ໜຶ່ງ​ຊື່​ວ່າ ໂຢນາດາບ. ລາວ​ເປັນ​ລູກຊາຍ​ຂອງ​ຊາມມາ ອ້າຍ​ຂອງ​ກະສັດ​ດາວິດ. ໂຢນາດາບ​ເປັນ​ຄົນ​ມີ​ສະຕິປັນຍາ​ສະຫລຽວ​ສະຫລາດ​ຫລາຍ.

2 ຊາມູເອນ 13:3 Jak'a apnaqawi uñst'ayäwi

ປະຖົມມະການ 3:1

ງູ​ເປັນ​ສັດ​ທີ່​ສະຫລາດ​ກວ່າ​ສັດ​ທັງປວງ ທີ່​ພຣະເຈົ້າຢາເວ​ພຣະເຈົ້າ​ໄດ້​ສ້າງ​ຂຶ້ນ​ມາ. ມັນ​ຖາມ​ຜູ້ຍິງ​ວ່າ, “ແມ່ນ​ແທ້​ບໍ ທີ່​ພຣະເຈົ້າ​ຫ້າມ​ເຈົ້າ ບໍ່​ໃຫ້​ກິນ​ໝາກໄມ້​ໃດໆ​ໃນ​ສວນ​ນີ້?”

ປະຖົມມະການ 38:1

ໃນ​ເວລາ​ນັ້ນ ຢູດາ​ໄດ້​ໜີ​ຈາກ​ພວກ​ອ້າຍ​ນ້ອງ​ຂອງຕົນ ແລະ​ໄປ​ອາໄສ​ຢູ່​ນຳ​ຊາຍ​ຄົນ​ໜຶ່ງ​ຊື່​ວ່າ ຮີຣາ. ຮີຣາ​ເປັນ​ຄົນ​ມາ​ຈາກ​ເມືອງ​ອາດຸນລຳ.

ປະຖົມມະການ 38:20

ຕໍ່ມາ ຢູດາ​ໄດ້​ສົ່ງ​ຮີຣາ​ເພື່ອນ​ຊາວ​ອາດຸນລຳ​ຂອງ​ຕົນ​ນຳ​ລູກ​ແບ້​ໄປ​ໃຫ້​ຍິງ​ນັ້ນ ເພື່ອ​ປ່ຽນ​ເອົາ​ຂອງ​ທີ່​ຕົນ​ໄດ້​ມັດຈຳ​ໄວ້ ແຕ່​ລາວ​ໄປ​ຫາ​ນາງ​ບໍ່​ພົບ.

2 ຊາມູເອນ 13:2

ລາວ​ຮັກ​ນາງ​ຫລາຍ​ທີ່ສຸດ​ຈົນ​ເຈັບໄຂ້​ໄດ້ປ່ວຍ ເພາະ​ເບິ່ງ​ເໝືອນ​ວ່າ​ເປັນ​ໄປ​ບໍ່ໄດ້​ສຳລັບ​ຕົນ​ທີ່​ຈະ​ໄດ້​ນາງ; ໃນ​ເມື່ອ​ເປັນ​ຍິງສາວ​ບໍຣິສຸດ ນາງ​ຈຶ່ງ​ຖືກ​ກັກຕົວ​ໄວ້​ບໍ່​ໃຫ້​ພົບ​ຜູ້ຊາຍ​ໃດໆ.

2 ຊາມູເອນ 13:32

ແຕ່​ໂຢນາດາບ ລູກຊາຍ​ຂອງ​ຊາມມາ ແລະ​ຫລານຊາຍ​ຂອງ​ກະສັດ​ດາວິດ​ບອກ​ວ່າ, “ຂ້າແດ່​ພະຣາຊາ ພວກເຂົາ​ບໍ່ໄດ້​ຂ້າ​ລູກຊາຍ​ຂອງ​ກະສັດ​ໝົດ​ທຸກຄົນ​ດອກ ມີ​ແຕ່​ອຳໂນນ​ເທົ່ານັ້ນ​ຕາຍ. ຍ້ອນ​ວ່າ​ອັບຊາໂລມ​ຕັ້ງໃຈ​ທີ່​ຈະ​ກະທຳ​ການ​ແກ້ແຄ້ນ​ນີ້ ຕັ້ງແຕ່​ມື້​ທີ່​ອຳໂນນ​ໄດ້​ຂົ່ມຂືນ​ຕາມາ​ນ້ອງສາວ​ຂອງ​ເພິ່ນ​ພຸ້ນ.

2 ຊາມູເອນ 13:4

ລາວ​ເວົ້າ​ຕໍ່​ອຳໂນນ​ວ່າ, “ເຈົ້າ​ເປັນ​ລູກຊາຍ​ຂອງ​ກະສັດ​ແທ້ໆ, ແຕ່​ຂ້ອຍ​ເຫັນ​ເຈົ້າ​ມີ​ຄວາມທຸກ​ຢູ່​ທຸກວັນ​ທຸກຄືນ; ເຈົ້າ​ມີ​ເລື່ອງ​ຫຍັງ​ກັນ​ແທ້?” ອຳໂນນ​ຕອບ​ລາວ​ວ່າ, “ຂ້ອຍ​ຮັກ​ນາງ​ຕາມາ​ນ້ອງ​ຕ່າງ​ແມ່ ນ້ອງສາວ​ອັບຊາໂລມ.”

2 ຊາມູເອນ 14:2

ສະນັ້ນ ລາວ​ຈຶ່ງ​ສົ່ງ​ຄົນ​ໄປ​ນຳ​ເອົາ​ຍິງ​ຊາວ​ເມືອງ​ເຕກົວ​ຄົນ​ໜຶ່ງ​ມາ. ຍິງ​ຄົນ​ນີ້​ເປັນ​ຄົນ​ສະຫລາດ. ເມື່ອ​ນາງ​ມາ​ຮອດ ໂຢອາບ​ຈຶ່ງ​ບອກ​ນາງ​ວ່າ, “ໃຫ້​ເຈົ້າ​ທຳທ່າ​ໄວ້ທຸກ ແລະ​ຢ່າ​ຫວີຜົມ. ໃຫ້​ເຮັດ​ຄື​ຄົນ​ທີ່​ໄວ້ທຸກ​ມາ​ແຕ່​ດົນນານ​ແລ້ວ.

2 ຊາມູເອນ 21:21

ລາວ​ທ້າທາຍ​ຊາວ​ອິດສະຣາເອນ ແລະ​ໂຢນາທານ​ລູກຊາຍ​ຂອງ​ຊາມມາ ແລະ​ຫລານຊາຍ​ຂອງ​ກະສັດ​ດາວິດ​ໄດ້​ຂ້າ​ລາວ.

1 ຂ່າວຄາວ 2:13

ເຢຊີ​ມີ​ລູກຊາຍ​ເຈັດ​ຄົນ. ເມື່ອ​ໄລ່​ຕາມ​ລຳດັບ​ອາຍຸ​ແລ້ວ ມີ​ດັ່ງນີ້: ເອລີອາບ, ອາບີນາດາບ, ຊາມມາ,

1 ຂ່າວຄາວ 27:32

ໂຢນາທານ​ລູງ​ຂອງ​ກະສັດ​ດາວິດ​ເປັນ​ທີ່ປຶກສາ​ທີ່​ສະຫລຽວ​ສະຫລາດ ແລະ​ທັງ​ເປັນ​ນັກຮຽນ​ຮູ້​ຜູ້ໜຶ່ງ. ເພິ່ນເອງ ແລະ​ເຢຮີເອນ​ລູກຊາຍ​ຂອງ​ຮັກໂມນີ ເປັນ​ຜູ້​ກຳກັບ​ການ​ສຶກສາ​ຂອງ​ພວກ​ລູກ​ຂອງ​ກະສັດ.

ເອສະເທີ 5:10

ແຕ່​ລາວ​ໄດ້​ລະງັບ​ຕົວເອງ​ໄວ້ ແລະ​ຍ່າງ​ເມືອ​ເຮືອນ. ແລ້ວ​ລາວ​ກໍ​ເຊີນ​ເອົາ​ໝູ່​ຂອງ​ລາວ​ມາ​ທີ່​ເຮືອນ ແລະ​ຂໍ​ໃຫ້​ນາງ​ເຊເຣເຊ​ເມຍ​ຂອງຕົນ ມາ​ຮ່ວມ​ນຳ​ພວກເຂົາ​ດ້ວຍ.

ເອສະເທີ 5:14

ດັ່ງນັ້ນ ເມຍ​ຂອງ​ລາວ​ພ້ອມທັງ​ໝູ່ເພື່ອນ​ຈຶ່ງ​ແນະນຳ​ວ່າ, “ເປັນຫຍັງ​ທ່ານ​ຈຶ່ງ​ບໍ່​ໃຫ້​ເຂົາ​ສ້າງ​ບ່ອນ​ແຂວນຄໍ​ຂຶ້ນ​ສູງ 22 ແມັດ? ແລະ​ໃນ​ມື້ອື່ນ​ເຊົ້າ ໃຫ້​ທ່ານ​ຂໍ​ນຳ​ກະສັດ​ແຂວນຄໍ​ມໍເດໄກ​ໃສ່​ຫັ້ນ ແລ້ວ​ຈຶ່ງ​ໄປ​ໃນ​ງານ​ກິນລ້ຽງ​ດ້ວຍ​ຄວາມ​ສະບາຍ​ໃຈ.” ຮາມານ​ຄິດ​ວ່າ​ເປັນ​ຄວາມຄິດ​ທີ່ດີ; ສະນັ້ນ ລາວ​ຈຶ່ງ​ໃຫ້​ເຂົາ​ສ້າງ​ບ່ອນ​ແຂວນຄໍ​ຂຶ້ນ.

ເອສະເທີ 6:13

ລາວ​ໄດ້​ບອກ​ສິ່ງ​ທີ່​ໄດ້​ເກີດຂຶ້ນ​ທັງໝົດ​ແກ່​ເມຍ ແລະ​ໝູ່ເພື່ອນ​ຂອງ​ລາວ. ແລ້ວ​ເມຍ​ລາວ​ພ້ອມທັງ​ໝູ່ເພື່ອນ​ຜູ້​ທີ່​ສະຫລາດ​ກໍ​ບອກ​ລາວ​ວ່າ, “ທ່ານ​ກຳລັງ​ສູນເສຍ​ອຳນາດ​ໃຫ້​ແກ່​ມໍເດໄກ. ລາວ​ເປັນ​ຄົນ​ຢິວ ທ່ານ​ຈະ​ເອົາ​ຊະນະ​ລາວ​ບໍ່ໄດ້​ດອກ. ລາວ​ຈະ​ຕ້ອງ​ເອົາ​ຊະນະ​ທ່ານ​ຢ່າງ​ແນ່ນອນ.”

ສຸພາສິດ 19:6

ທຸກຄົນ​ຊອກ​ເອົາໃຈ​ຄົນ​ສຳຄັນ ດັ່ງ​ທຸກຄົນ​ມັກ​ເປັນ​ໝູ່​ກັນ​ກັບ​ຜູ້​ທີ່​ເອົາ​ຂອງຂວັນ​ໃຫ້.

ເຢເຣມີຢາ 4:22

ອົງພຣະ​ຜູ້​ເປັນເຈົ້າ​ຊົງ​ກ່າວ​ວ່າ, “ປະຊາຊົນ​ຂອງເຮົາ​ນີ້​ຊ່າງໂງ່ຈ້າ​ຫລາຍ ພວກເຂົາ​ຕ່າງ​ກໍ​ພາກັນ​ບໍ່​ຮູ້ຈັກ​ເຮົາ​ເລີຍ. ພວກເຂົາ​ເປັນ​ດັ່ງ​ເດັກນ້ອຍ​ທີ່​ໂງ່ຈ້າ​ເຕັມທີ ພວກເຂົາ​ບໍ່ມີ​ຄວາມ​ເຂົ້າໃຈ​ສິ່ງໃດໆ. ພວກເຂົາ​ເປັນ​ຜູ້​ຊຳນິ​ຊຳນານ​ເລື່ອງ​ການ​ເຮັດ​ຊົ່ວ ແຕ່​ເລື່ອງ​ການ​ເຮັດ​ດີ ພວກເຂົາ​ພັດ​ບໍ່​ຮູ້ຈັກ​ຊໍ້າ.”

1 ໂກຣິນໂທ 3:19

ດ້ວຍວ່າ, ປັນຍາ​ຂອງ​ໂລກນີ້ ກໍ​ເປັນ​ຄວາມ​ໂງ່​ຕໍ່ສາຍຕາ​ຂອງ​ພຣະເຈົ້າ ດັ່ງ​ທີ່​ມີ​ຄຳ​ຂຽນ​ໄວ້​ໃນ​ພຣະຄຳພີ​ວ່າ, “ພຣະເຈົ້າ​ຈັບ​ຄົນມີ​ປັນຍາ​ດ້ວຍ​ອຸບາຍ​ຂອງ​ເຂົາ​ເອງ.”

ຢາໂກໂບ 3:15

ປັນຍາ​ຢ່າງ​ນີ້ ບໍ່ໄດ້​ມາ​ຈາກ​ເບື້ອງ​ເທິງ ແຕ່​ເປັນ​ປັນຍາ​ຂອງ​ຝ່າຍ​ໂລກນີ້, ເປັນ​ຢ່າງ​ທຳມະດາ​ມະນຸດ​ແລະ​ເປັນ​ຢ່າງ​ມານຮ້າຍ.

ພວກ^ຜູ້ປົກຄອງ 14:20

ສ່ວນ​ເມຍ​ຂອງ​ລາວ​ນັ້ນ ກໍ​ຖືກ​ຍົກ​ໃຫ້​ແກ່​ຊາຍ​ທີ່​ເປັນ​ເຈົ້າບ່າວ​ລອງ​ໃນ​ມື້​ແຕ່ງງານ​ນັ້ນເອງ.

1 ຊາມູເອນ 16:11

ແລ້ວ ຊາມູເອນ​ກໍ​ຖາມ​ລາວ​ວ່າ, “ເຈົ້າ​ຍັງ​ມີ​ລູກຊາຍ​ຢູ່​ອີກ​ບໍ?” ເຢຊີ​ຕອບ​ວ່າ, “ຍັງ​ມີ​ອີກ​ຜູ້ໜຶ່ງ. ລາວ​ເປັນ​ລູກຫລ້າ​ແຕ່​ດຽວ​ນີ້​ລາວ​ກຳລັງ​ລ້ຽງ​ແກະ​ຢູ່.” ຊາມູເອນ​ກ່າວ​ວ່າ, “ຈົ່ງ​ໄປ​ນຳ​ເອົາ​ລາວ​ມາ​ທີ່​ນີ້ ພວກເຮົາ​ຈະ​ບໍ່​ຖວາຍ​ເຄື່ອງ​ບູຊາ​ຈົນກວ່າ​ລາວ​ມາ.”

1 ຊາມູເອນ 16:9

ເຢຊີ​ຈຶ່ງ​ພາ​ຊາມມາ​ເຂົ້າ​ມາ​ແຕ່ ຊາມູເອນ​ໄດ້​ບອກ​ວ່າ, “ບໍ່ແມ່ນ ພຣະເຈົ້າຢາເວ​ບໍ່ໄດ້​ເລືອກ​ເອົາ​ລາວ.”