2 ຊາມູເອນ 13:23 - ພຣະຄຳພີສັກສິ

²³ ສອງ​ປີ​ຕໍ່ມາ ອັບຊາໂລມ​ໄດ້​ຈັດ​ໃຫ້​ມີ​ການ​ຕັດ​ຂົນແກະ​ຂຶ້ນ​ທີ່​ບາອານຮາໂຊ ຊຶ່ງ​ຢູ່​ໃກ້​ກັບ​ເມືອງ​ເອຟຣາອິມ; ແລ້ວ​ລາວ​ກໍໄດ້​ເຊີນ​ເອົາ​ລູກຊາຍ​ທັງໝົດ​ຂອງ​ກະສັດ​ມາ​ຮ່ວມ​ໃນ​ທີ່ນັ້ນ​ດ້ວຍ.

2 ຊາມູເອນ 13:23 Jak'a apnaqawi uñst'ayäwi

ປະຖົມມະການ 31:19

ລາບານ​ອອກ​ໄປ​ຕັດ​ຂົນແກະ ແລະ​ໃນ​ຂະນະທີ່​ເພິ່ນ​ບໍ່​ຢູ່​ນັ້ນ ນາງ​ຣາເຊັນ​ໄດ້​ເຂົ້າ​ໄປ​ລັກ​ເອົາ​ຮູບເຄົາຣົບ​ປະຈຳ​ຄອບຄົວ​ຂອງ​ພໍ່​ຕົນ​ໄປ​ນຳ.

2 ຊາມູເອນ 13:24

ອັບຊາໂລມ​ໄດ້​ໄປ​ຫາ​ກະສັດ​ດາວິດ ແລະ​ເວົ້າ​ວ່າ, “ຂ້ານ້ອຍ​ຈະ​ຈັດ​ໃຫ້​ມີ​ການ​ຕັດ​ຂົນແກະ​ຂຶ້ນ; ຂໍ​ເຊີນ​ໃຫ້​ພໍ່​ແລະ​ພວກ​ຂ້າຣາຊການ​ຂອງ​ພໍ່ ມາ​ຮ່ວມ​ໃນ​ງານ​ຄັ້ງ​ນີ້​ໄດ້​ບໍ່?”

1 ກະສັດ 1:19

ລາວ​ໄດ້​ຖວາຍບູຊາ​ງົວເຖິກ, ແກະ ແລະ​ງົວ​ນ້ອຍ​ໂຕ​ອ້ວນພີ​ຫລາຍ​ໂຕ. ລາວ​ເຊີນ​ພວກ​ລູກຊາຍ​ຂອງທ່ານ ປະໂຣຫິດ​ອາບີອາທາ ແລະ​ໂຢອາບ​ຜູ້​ບັນຊາການ​ກອງທັບ​ຂອງທ່ານ​ໄປ​ຮ່ວມ​ໃນ​ການ​ກິນລ້ຽງ, ແຕ່​ລາວ​ບໍ່ໄດ້​ເຊີນ​ໂຊໂລໂມນ​ລູກຊາຍ​ຂອງທ່ານ​ເລີຍ.

1 ກະສັດ 1:25

ເພາະ​ໃນວັນນີ້​ເອງ ລາວ​ໄດ້​ໄປ​ຖວາຍບູຊາ​ງົວເຖິກ, ແກະ ແລະ​ງົວ​ນ້ອຍ​ໂຕ​ອ້ວນພີ​ຫລາຍ​ໂຕ. ລາວ​ໄດ້​ເຊີນ​ພວກ​ລູກຊາຍ​ຂອງ​ກະສັດ​ທຸກຄົນ, ໂຢອາບ​ຜູ້​ບັນຊາການ​ກອງທັບ​ຂອງທ່ານ ແລະ​ປະໂຣຫິດ​ອາບີອາທາ; ດຽວ​ນີ້ ພວກເຂົາ​ກຳລັງ​ກິນລ້ຽງ​ຮ່ວມ​ກັບ​ລາວ​ພ້ອມ​ທັງ​ຮ້ອງໂຮ​ວ່າ, ‘ຂໍ​ໃຫ້​ກະສັດ​ອາໂດນີຢາ​ຈົ່ງ​ໝັ້ນຍືນ.’

1 ກະສັດ 1:9

ຢູ່​ມາ​ມື້​ໜຶ່ງ ອາໂດນີຢາ​ໄດ້​ຖວາຍ​ສັດ​ບູຊາ​ເຊັ່ນ: ແກະ, ງົວ ແລະ​ງົວໜຸ່ມ​ໂຕ​ອ້ວນພີ​ດີ​ທີ່​ໂງ່ນຫີນ​ງູ​ໃກ້​ກັບ​ບໍ່ນໍ້າ​ເອນໂຣເກນ. ລາວ​ໄດ້​ເຊີນ​ບັນດາ​ລູກຊາຍ​ຄົນອື່ນໆ​ຂອງ​ກະສັດ​ດາວິດ ພ້ອມ​ທັງ​ບັນດາ​ຂ້າຣາຊການ​ຂອງ​ກະສັດ​ທີ່​ມາ​ແຕ່​ອານາຈັກ​ຢູດາຍ ໄປ​ຮ່ວມ​ກິນລ້ຽງ​ໃນ​ການ​ຖວາຍບູຊາ​ນີ້.

2 ກະສັດ 3:4

ກະສັດ​ເມຊາ​ແຫ່ງ​ໂມອາບ​ໄດ້​ລ້ຽງ​ແກະ​ໄວ້​ຢ່າງ​ຫລວງຫລາຍ; ແລະ​ທຸກ​ປີ​ໃດ ເພິ່ນ​ໄດ້​ເສຍສ່ວຍ​ໃຫ້​ກະສັດ​ແຫ່ງ​ອິດສະຣາເອນ ລູກແກະ​ໜຶ່ງແສນ​ໂຕ ແລະ​ຂົນແກະ​ຈາກແກະ​ໜຶ່ງແສນ​ໂຕ.

2 ຂ່າວຄາວ 26:10

ເພິ່ນ​ໄດ້​ສ້າງ​ຫໍຄອຍ​ທີ່​ມີ​ປ້ອມ​ປ້ອງກັນ​ນອກເມືອງ​ເຊັ່ນກັນ ພ້ອມ​ທັງ​ໄດ້​ຂຸດ​ອ່າງ​ເກັບ​ນໍ້າ​ໄວ້​ດ້ວຍ ຍ້ອນ​ເພິ່ນ​ມີ​ຝູງງົວ​ຢ່າງ​ຫລວງຫລາຍ​ຢູ່​ຕາມ​ຈ້າຍ​ພູ​ແລະ​ຕາມ​ທົ່ງພຽງ. ຍ້ອນ​ເພິ່ນ​ມັກ​ການ​ປູກຝັງ ເພິ່ນ​ຈຶ່ງ​ສົ່ງເສີມ​ປະຊາຊົນ​ໃຫ້​ປູກ​ຕົ້ນອະງຸ່ນ​ຕາມ​ເມືອງ​ພູດອຍ​ແລະ​ໃຫ້​ເຮັດ​ສວນ​ຕາມ​ດິນ​ທີ່​ອຸດົມສົມບູນ.

ເນເຫມີຢາ 11:33

ຮາໂຊ, ຣາມາ, ກິດຕາອິມ,

1 ຊາມູເອນ 25:2

ມີ​ຊາຍ​ຄົນ​ໜຶ່ງ​ຢູ່​ໃນ​ຕະກຸນ​ກາເລັບ​ຊື່​ວ່າ ນາບານ ລາວ​ເປັນ​ຊາວ​ເມືອງ​ມາໂອນ​ແລະ​ມີ​ທີ່ດິນ​ຢູ່​ໃກ້​ກັບ​ເມືອງ​ກາເມນ. ຊາຍ​ຜູ້​ນີ້​ເປັນ​ຄົນ​ຮັ່ງມີ ແລະ​ເປັນ​ເຈົ້າ​ຂອງ​ແກະ​ສາມພັນ​ໂຕ ແລະ​ແບ້​ໜຶ່ງພັນ​ໂຕ. ນາງ​ອາບີກາຍ​ເມຍ​ຂອງ​ລາວ​ເປັນ​ຄົນງາມ ແລະ​ສະຫລຽວ​ສະຫລາດ ສ່ວນ​ນາບານ​ນັ້ນ​ເປັນ​ຄົນ​ໃຈແຂງ​ແລະ​ໂຫດຮ້າຍ. ນາບານ​ກຳລັງ​ຕັດ​ຂົນແກະ​ຂອງຕົນ​ຢູ່​ໃນ​ເມືອງ​ກາເມນ

1 ຊາມູເອນ 25:36

ນາງ​ອາບີກາຍ​ກັບຄືນ​ເມືອ​ຫາ​ນາບານ​ທີ່​ກຳລັງ​ກິນລ້ຽງ​ຢ່າງ​ໃຫຍ່ໂຕ ດັ່ງ​ກະສັດ​ຢູ່​ໃນ​ເຮືອນ​ຂອງຕົນ. ລາວ​ກຳລັງ​ມືນເມົາ​ແລະ​ມ່ວນຊື່ນ​ຢູ່. ສະນັ້ນ ນາງ​ອາບີກາຍ​ຈຶ່ງ​ບໍ່ໄດ້​ເວົ້າ​ຫຍັງ​ສູ່​ລາວ​ຟັງ​ຈົນເຖິງ​ມື້ອື່ນ​ເຊົ້າ.

1 ຊາມູເອນ 25:4

ແລະ​ດາວິດ​ຜູ້​ທີ່​ອາໄສ​ຢູ່​ໃນ​ຖິ່ນ​ແຫ້ງແລ້ງ​ກັນດານ​ກໍ​ໄດ້​ຍິນ​ວ່າ ນາບານ​ກຳລັງ​ຕັດ​ຂົນແກະ​ຂອງຕົນ​ຢູ່.

1 ຊາມູເອນ 25:7

ຂ້າພະເຈົ້າ​ຮູ້​ວ່າ​ທ່ານ​ພວມ​ຕັດ​ຂົນແກະ​ຢູ່ ແລະ​ຂ້າພະເຈົ້າ​ຢາກ​ໃຫ້​ທ່ານ​ຮູ້​ວ່າ ເມື່ອ​ພວກ​ລ້ຽງແກະ​ຂອງທ່ານ​ຢູ່​ກັບ​ພວກເຮົາ​ນັ້ນ ພວກເຮົາ​ບໍ່ໄດ້​ທຳຮ້າຍ​ພວກເຂົາ​ແຕ່​ຢ່າງ​ໃດ​ເລີຍ. ຕະຫລອດ​ເວລາ​ທີ່​ພວກເຂົາ​ຢູ່​ໃນ​ເມືອງ​ກາເມນ​ນີ້ ພວກເຂົາ​ບໍ່ໄດ້​ສູນເສຍ​ຫຍັງໝົດ.