2 ຊາມູເອນ 13:1 - ພຣະຄຳພີສັກສິ

¹ ອັບຊາໂລມ​ລູກຊາຍ​ຂອງ​ກະສັດ​ດາວິດ​ມີ​ນ້ອງສາວ​ຄົນ​ໜຶ່ງ​ທີ່​ງາມ​ຫລາຍ ແລະ​ຍັງ​ບໍ່​ທັນ​ໄດ້​ແຕ່ງງານ​ເທື່ອ​ຊື່​ວ່າ ຕາມາ. ອຳໂນນ​ລູກຊາຍ​ຄົນອື່ນ​ອີກ​ຂອງ​ກະສັດ​ດາວິດ​ຫລົງ​ຮັກ​ກັບ​ນາງ.

2 ຊາມູເອນ 13:1 Jak'a apnaqawi uñst'ayäwi

ປະຖົມມະການ 29:18

ຢາໂຄບ​ຮັກ​ນາງ​ຣາເຊັນ ດັ່ງນັ້ນ​ລາວ​ຈຶ່ງ​ເວົ້າ​ວ່າ, “ຫລານ​ຈະ​ເຮັດ​ວຽກ​ໃຫ້​ລູງ​ເຈັດ​ປີ ຖ້າ​ລູງ​ຍອມ​ໃຫ້​ຫລານ​ແຕ່ງງານ​ກັບ​ຣາເຊັນ.”

ປະຖົມມະການ 29:20

ສະນັ້ນ ຢາໂຄບ​ຈຶ່ງ​ຕ້ອງ​ເຮັດ​ວຽກ​ເຈັດ​ປີ​ເພື່ອ​ຈະ​ໄດ້​ນາງ​ຣາເຊັນ ແລະ​ເວລາ​ໄດ້​ຜ່ານ​ໄປ​ເໝືອນ​ສອງ​ສາມ​ມື້ ຍ້ອນ​ວ່າ​ລາວ​ຮັກ​ນາງ​ຣາເຊັນ.

ປະຖົມມະການ 34:3

ແຕ່​ເມື່ອ​ເຫັນ​ນາງ​ງາມ​ດືງດູດ​ໃຈ​ຫລາຍ ລາວ​ຈຶ່ງ​ຫລົງ​ຮັກ​ນາງ ແລະ​ພະຍາຍາມ​ໃຫ້​ນາງ​ຮັກ​ຕົນ​ຄືນ.

ປະຖົມມະການ 6:2

ລູກຊາຍ​ທັງຫລາຍ​ຂອງ​ພຣະເຈົ້າ ທີ່​ເຫັນ​ວ່າ​ຍິງ​ສາວ​ເຫຼົ່ານີ້​ງາມ​ຫລາຍ. ສະນັ້ນ ຈຶ່ງ​ພາກັນ​ຫາ​ເລືອກ​ເອົາ​ເປັນ​ເມຍ​ຕາມ​ໃຈ​ມັກ.

2 ຊາມູເອນ 11:2

ໃນ​ຕອນ​ຂ້ອນ​ບ່າຍ​ວັນ​ໜຶ່ງ ກະສັດ​ດາວິດ​ຕື່ນ​ຂຶ້ນ​ຈາກ​ນອນ ແລະ​ຂຶ້ນ​ໄປ​ເທິງ​ຫລັງຄາ​ພຽງ​ຂອງ​ຣາຊວັງ. ໃນຂະນະທີ່​ເພິ່ນ​ຍ່າງ​ໄປມາ​ນັ້ນ ເພິ່ນ​ເລີຍ​ຫລຽວເຫັນ​ຍິງ​ຄົນ​ໜຶ່ງ​ກຳລັງ​ອາບນໍ້າ. ນາງ​ເປັນ​ຄົນ​ງາມ​ຫລາຍ.

2 ຊາມູເອນ 13:15

ແລ້ວ​ອຳໂນນ​ກໍ​ເກີດ​ເບື່ອໜ່າຍ ແລະ​ກຽດຊັງ​ນາງ​ທີ່ສຸດ; ລາວ​ກຽດຊັງ​ນາງ​ຫລາຍກວ່າ​ຕອນ​ທີ່​ຫລົງ​ຮັກ​ນາງ​ມາ​ກ່ອນ​ນັ້ນ. ອຳໂນນ​ສັ່ງ​ນາງ​ວ່າ, “ຈົ່ງ​ອອກ​ໄປ​ຈາກ​ນີ້.”

2 ຊາມູເອນ 13:2

ລາວ​ຮັກ​ນາງ​ຫລາຍ​ທີ່ສຸດ​ຈົນ​ເຈັບໄຂ້​ໄດ້ປ່ວຍ ເພາະ​ເບິ່ງ​ເໝືອນ​ວ່າ​ເປັນ​ໄປ​ບໍ່ໄດ້​ສຳລັບ​ຕົນ​ທີ່​ຈະ​ໄດ້​ນາງ; ໃນ​ເມື່ອ​ເປັນ​ຍິງສາວ​ບໍຣິສຸດ ນາງ​ຈຶ່ງ​ຖືກ​ກັກຕົວ​ໄວ້​ບໍ່​ໃຫ້​ພົບ​ຜູ້ຊາຍ​ໃດໆ.

2 ຊາມູເອນ 14:27

ອັບຊາໂລມ​ມີ​ລູກຊາຍ​ສາມ​ຄົນ​ແລະ​ມີ​ລູກສາວ​ຄົນ​ໜຶ່ງ​ຊື່​ວ່າ ຕາມາ. ນາງ​ຕາມາ​ເປັນ​ຍິງ​ສາວ​ທີ່​ງາມ​ຫລາຍ.

1 ກະສັດ 11:1

ກະສັດ​ໂຊໂລໂມນ​ໄດ້​ເກີດ​ມີ​ຄວາມ​ຮັກ​ກັບ​ຍິງສາວ​ຊາວ​ຕ່າງຊາດ​ຫລາຍ​ຄົນ. ນອກຈາກ​ລູກສາວ​ຂອງ​ກະສັດ​ເອຢິບ​ແລ້ວ​ເພິ່ນ​ຍັງ​ມີ​ເມຍ​ຄົນ​ຮິດຕີ, ຄົນ​ໂມອາບ, ຄົນ​ອຳໂມນ, ຄົນ​ເອໂດມ ແລະ​ຄົນ​ຊີໂດນ.

1 ຂ່າວຄາວ 3:2

ອັບຊາໂລມ ມີ​ແມ່​ຊື່​ນາງ​ມາອາກາ ລູກສາວ​ຂອງ​ກະສັດ​ຕານໄມ​ແຫ່ງ​ເມືອງ​ເກຊູ ອາໂດນີຢາ ມີ​ແມ່​ຊື່​ນາງ​ຮັກກິດ

1 ຂ່າວຄາວ 3:9

ນອກຈາກ​ລູກ​ທັງໝົດ​ເຫຼົ່ານີ້​ແລ້ວ ເພິ່ນ​ຍັງ​ມີ​ລູກຊາຍ​ຫລາຍ​ຄົນ​ທີ່​ໄດ້​ເກີດ​ຈາກ​ບັນດາ​ເມຍນ້ອຍ. ເພິ່ນ​ໄດ້​ມີ​ລູກສາວ​ຜູ້ໜຶ່ງ​ອີກ​ຊື່​ວ່າ ຕາມາ.

ສຸພາສິດ 31:30

ສະເໜ່​ເປັນ​ສິ່ງ​ທີ່​ຫລອກລວງ ແລະ​ຄວາມງາມ​ກໍ​ສູນເສຍ​ໄປ​ໄດ້, ແຕ່​ຍິງ​ທີ່​ຢຳເກງ​ພຣະເຈົ້າຢາເວ ສົມຄວນ​ໄດ້​ຮັບ​ຄຳ​ຊົມເຊີຍ.

ສຸພາສິດ 6:25

ຢ່າ​ໃຫ້​ຄວາມງາມ​ຂອງ​ນາງ​ເປັນ​ທີ່​ຍົວະເຍົ້າ​ໃຈ​ເຈົ້າ​ໄດ້ ຢ່າ​ໃຫ້​ສາຍຕາ​ອັນ​ຫວານ​ແກມລວງ​ຂອງ​ນາງ ເປັນ​ແຮ້ວ​ດັກຈັບ​ເຈົ້າ​ໄດ້.