2 ຊາມູເອນ 11:9 - ພຣະຄຳພີສັກສິ

⁹ ແຕ່​ແທນທີ່​ອູຣິຢາ​ຈະ​ກັບ​ເມືອ​ເຮືອນ ລາວ​ຊໍ້າພັດ​ໄປ​ນອນ​ຢູ່​ທີ່​ປະຕູ​ຂອງ​ຣາຊວັງ​ນຳ​ທະຫານ​ຍາມ​ຂອງ​ກະສັດ.

2 ຊາມູເອນ 11:9 Jak'a apnaqawi uñst'ayäwi

2 ຊາມູເອນ 11:10

ເມື່ອ​ກະສັດ​ດາວິດ​ຮູ້​ວ່າ​ອູຣິຢາ​ບໍ່ໄດ້​ກັບ​ເມືອ​ເຮືອນ, ເພິ່ນ​ຈຶ່ງ​ຖາມ​ລາວ​ວ່າ, “ເປັນຫຍັງ​ເຈົ້າ​ຈຶ່ງ​ບໍ່​ກັບ​ເມືອ​ເຮືອນ ເພາະ​ເຈົ້າ​ບໍ່ໄດ້​ເມືອ​ເຮືອນ​ຕັ້ງ​ດົນນານ​ແລ້ວ?”

2 ຊາມູເອນ 11:13

ກະສັດ​ດາວິດ​ໄດ້​ເຊີນ​ລາວ​ມາ​ຮັບປະທານ​ອາຫານ​ນຳ ແລະ​ໃຫ້​ລາວ​ດື່ມ​ເຫຼົ້າ​ຈົນ​ເມົາ, ແຕ່​ໃນ​ຄືນ​ນັ້ນ​ແທນ​ທີ່​ອູຣິຢາ​ຈະ​ກັບ​ເມືອ​ເຮືອນ ລາວ​ຊໍ້າພັດ​ໄປ​ນອນ​ຫົ່ມ​ຜ້າ ຢູ່​ໃນ​ຫ້ອງ​ຂອງ​ທະຫານ​ຍາມ​ຣາຊວັງ.

1 ກະສັດ 14:27

ດັ່ງນັ້ນ ກະສັດ​ເຣໂຫໂບອາມ​ຈຶ່ງ​ໄດ້​ເຮັດ​ໂລ້​ທອງສຳຣິດ​ໄວ້​ແທນ, ແລ້ວ​ມອບ​ໃຫ້​ພວກ​ນາຍ​ທະຫານ​ປະຈຳວັງ​ເກັບ​ຮັກສາ​ໄວ້.

1 ກະສັດ 14:28

ເທື່ອໃດ​ທີ່​ກະສັດ​ເຣໂຫໂບອາມ​ໄປ​ທີ່​ວິຫານ​ຂອງ​ພຣະເຈົ້າຢາເວ, ເທື່ອນັ້ນ​ທະຫານ​ກໍ​ຖື​ໂລ້​ໄປ​ນຳ ແລະ​ເອົາ​ມາ​ຄືນໄວ້​ໃນ​ຫ້ອງ​ທະຫານ​ຍາມ​ຄື​ເກົ່າ.

ສຸພາສິດ 21:30

ຄວາມ​ເຂົ້າໃຈ​ຄວາມ​ຫລັກແຫລມ​ແຖມ​ປັນຍາ ກໍ​ບໍ່ມີ​ຄຸນຄ່າ ຖ້າ​ພຣະເຈົ້າຢາເວ​ຕໍ່ສູ້​ເຂົາ.